Напаѓачот од Тексас, Салвадор Рамос, кој уби 19 деца и двајца возрасни објавил три текста на Фејсбук пред нападот. Според гувернерот на Тексас, Грег Абот,
во првиот текст, објавен 30 минути пред да отиде во училиштето, рекол дека ќе пука во својата баба. Во вториот напишал:

„Ја убив баба ми“.

Во третиот текст, кој го објавил само 15 минути пред нападот, го најавил својот крвав поход кон училиштето.

Според гувернерот Абот неговата баба иако е во критична состојба, го преживеала нападот од внукот.

Полицијата соопшти дека мртов е и 18-годишниот напаѓач Салвадор Рамос. Повеќе од 10 деца се повредени, а една жена и едно девојче се во критична состојба. Станува збор за училиште во кое посетуваат ученици до четврто одделение. Ги има околу петстотини и повеќето од нив се со шпанско потекло и лоша економска состојба.

The post Ја убив баба ми, сега одам кон училиште – убиецот од Тексас го најавил масакрот на Фејсбук appeared first on Република.

За време на вчерашното пукање во основното училиште во Тексас, животот го загубија 19 ученици и двајца професори, а уште неколку повредени се во критична состојба. Полицијата го уби напаѓачот при влегувањето во училиштето, кој беше идентификуван како осумнаесетгодишниот средношколец Салвадор Рамос, кој работел во локална сендвичарница.

Она што засега е познато е дека Рамос за својот 18-ти роденден легално купил автоматска пушка, но и муниција.

Тој ја купил пушката на 17 мај од локален продавач кој има федерална дозвола за трговија со оружје, во градот Јувалде, каде што се случи вчерашниот масакр.

Дента откако ја добил пушката купил и 375 куршуми, а на 20 мај купил уште една пушка, исто така легално.

Во тие недели, од набавката на пушки и муниција, до пукањето што се случи синоќа, Рамос на социјалните мрежи објавувал фотографии од тоа оружје и им ги испратил на своите пријатели.

Масакрот на Рамос започнал со пукање кон својата баба по кратка распрација, по што жената е се уште во критична состојба.

После тоа, тој се качил во автомобилот, отишол во основното училиште, влегол во една од училниците и пукал во сите што биле таму, убивајќи 19 ученици и двајца професори. Се уште не се знае колку лица се повредени.

Во нападот загинаа наставничките Ева Мирелес и Ирма Гарсија, додека ги штителе децата од испуканите куршуми.

Рамос бил убиен од агент на граничната патрола кој влетал во училиштето со тим за тактичка поддршка и го убил додека бил забарикадиран внатре.

The post Тинејџерот кој уби 19 ученици легално купил две пушки и куршуми пред неколку дена appeared first on Република.