Министерот за здравство Арбен Таравари се надева на позитивен исход од вториот повик за компресорскиот систем за операционите сали на Клинички центар „Мајка Тереза“ во Скопје за да се постваи целата инсталација.

Каоко што рече Таравари вечерва во гостување на ТВ Канал 5, хируршките сали функционираат, но не со полн капацитет.

На правата објава не се јави ниту една фирма. Од Служба за општи и заеднички работи презеде Министерството за здравство да направи втора објава, се надевам дека во втората објава ќе се пријави некоја компанија што поскоро да ја инсталираме целата инсталација, рече министерот Таравари.

Тој изрази надеж за нов тендер за реновирање и нови сали, при што, како што дополни, ќе направат план пациентите да се третираат во другите болници и ќе инсистираат другите болници од периферијата, што имаат услови, да не ги праќаат пациентите во Скопје.

Во однос на времето на чекање на пациенти за операција, тој посочи дека државава има најкраток период на чекање.

Осврнувајќи се на состојбата и со Ковид и третманот на пациентите, министерот информираше дека имајќи предвид дека сега сите случаи на овој вирус се полесни, ставот на Комисијата за заразни болести, како што рече, е пациентите кои боледуваат од некоја болест и се заразени со ковид, да се третираат во институциите на примарната болест, само да се викне инфектолог да се даде дополнителна терапија.

Прашан за назначувањето на нови директори, конкретно за директорот на Здравствен дом кој е со диплома за туризам, министерот рече дека не секогаш докторите можат да водат некоја институција подобро.

Јас секогаш сум инсистирал дека јавните здравствени установи е најдобро да ги раководат доктори, меѓутоа не секогаш докторите можат да раководат подобро. Здравствените институции може да ги води економист, доктор, стоматолог, фармацевт, рече министерот.

Во врска со најавите за преселба на Центарот за зависници од наркотици во центарот на Скопје, министерот информираше дека разговарале со професионалци и увиделе дека најдобро е пациентите да бидат распределени.

Најдобро е овие луѓе да бидат распределени. Целта е да ја земаат терапијата од две-три места. Уште немаме назначено места каде ќе ја земаат терапијата. Доколку можеме во филијалите на Здравствен дом да организираме места каде што тие би се распределиле во групи и не би биле стигматизирани од општеството, рече Таравари.

The post Таравари: Хирургија функционира, но не се полн капацитет appeared first on Република.

Министерот за здравство, Илир Демири, информираше дека досега никој не поднел оставка за крахот што се случи во здравствениот систем по проблемот со компресорските станици поради кој хируршките сали на Клиничкиот центар „Мајка Тереза“ во Скопје не работат повеќе од една недела.

Во одговор на новинарски прашања по денешната прес-конференција, Демири изјави дека компресорските станици се во сопственост на Службата за општи и заеднички работи на Владата и дека за нив не е одговорна Клиниката.

Од директори на хирургија досега немам ниедна оставка која е доставена кај мене. Со разидувањето на Клинички центар 2006 година е настаната една збрка која може многу лесно да се изгуби одговорноста. Сопственост на компресорската станица не е на Универзитетски клиники за хирургија и КАРИЛ, туку е на Службата за општи и заеднички работи при Владата, која, за жал, не е јавна здравствена институција, туку е државна институција под ингеренции на Влада на Република Македонија, рече тој.

Поради овие збиднувања и немање на континуитет, како што дополни, побарани се алтернативни решенија и е спроведена поправка на станиците, а одговорноста за одржување ја лоцира кај менаџерите на државните институции.

Менаџерите на државни институции независно дали се медицински или не, тие носат секако и одговорност за одржување, сервисирање редовно и да има континуитет во здравствениот систем. Токму тоа што Македонија како највисока установа за секакви хируршки интервенции го има само во Клинички центар „Мајка Тереза“ затоа и бев принуден да го известам и Обвинителството и да се бара причината која е, оти малку е необјасниво од каде доаѓа мирисот кога квалитетот на воздухот, на кислородот и на компримираниот воздух не е компромитиран, само има лоша миризба, дополни тој.

Според него, тоа е огромна мрежа која што треба да се испита дел по дел и најави дека ќе ја информира Владата за да го разреши проблемот.

Претходно, на прес-конференцијата, министерот изјави дека хируршките сали кои не работат веќе девет дена се стари околу 30 години и нема да работат сѐ додека не стигнат испитувањата од Германија, дали компресорските станици можат да работат и покрај лошата миризба што се шири откако ја санирале хаваријата што настанала во системот.

Месец дена од денеска имаше хаварија во компресорската станица кога се расипа еден од компресорите и доведе до оштетување, влегување на уље во тие цевки, по што тој компресор е прекратен од функција. Беа три компресори. Клиниката почна да функционира со два компресори, ги издувавме комплетно цевките, поминаа технички преглед од две независни институции кои не се поврзани со клинички центар. На сметка на квалитетно испорачување на компримиран воздух ја прекративме од функција хипербаричната комора која е како дел на пластична хирургија, рече тој.

Дополни дека пред околу девет дена повторно се случил истиот проблем.

Без да има никаква хаварија во системот, едноставно се појавува лоша миризба некоја во дистрибутивната мрежа на кислород и на компримиран воздух, поради што веднаш реагиравме. Повторно ги повикавме независните фирми, спроведуваа испитувања, по што во РСМ нема лиценцирана лабораторија која може да даде дозвола или уверение кое ќе послужи во јавноста за квалитетот на испорачаните гасови. Побаравме странска компанија и денеска се испратени мостри во Република Германија, да се испитаат, рече Демири.

Министерот информираше дека од двете компании кои имаат независни лаборатории кои служат за нивни потреби, не е увиден никаков недостаток во квалитетот на гасови, освен што има зголемена влага и препорачале во два наврати да се менуваат филтрите од компресорските станици.

- Има некоја одбојност, не знам како да го наречам. Ако немаме документ валиден на кој може да се засноваме за да ги користиме салите, тогаш се одлучивме за алтернативно решение. Сите селективни случаи кои се предвидени во клинички центар да се откажуваат и да се оперираат само итни случаи, а дистрибуцијата на пациенти за неврохируршки потреби да биде во Градската општа болница, додека, за другите интервенции во болницата „8-ми септември“.

Прашан Дали хирурзите од Клинички ќе одат да оперираат таму и колку чекаат сега за операција тој одговори потврдно.

Таму има инфраструктура, има и неврохируршки микроскоп оти Дамјановски до пред некоја година оперираше таму, има специјализант по неврохирургија кој исто служи во таа болница, а неврохирурзите и сите хирурзи лекари каде што ќе имаат потреба државните институции, таму ќе одат, рече тој.

Тој додаде дека се набавени шест компресори кои се надворешни и може да послужат за итни неодложни интервенции кои се од покомплициран карактер и да послужат за пациенти кои се на Универзитетскара Клиника за анестезија, реанимација и интензивно лекување (КАРИЛ), каде добиваат квалитетен воздух, зошто, како што рече, ако се приклучат во надворешни компресори, таа миризба не е присутна, ако се приклучат на централниот довод од кислород, миризбата постои и токму затоа, како што рече, го алармирал и Јавното обвинителство да го истражи случајот.

Од ОЈО Скопје претходно за МИА информираа дека Министерството за здравство пратило известување до Обвинителството за затворените хируршки сали во Клиничкиот центар „Мајка Тереза“, кое е примено и распоредено кај јавен обвинител. Ќе се преземат дејствија за да се провери дали во настанот воопшто има елементи на кривично дело.

The post Хируршките сали вo Клинички центар остануваат затворени, се чека одговор од германска лабораторија од каде доаѓа смрдеата appeared first on Република.

Од утре се отвораат операционите сали во прилепската болница и продолжуваат со оперативната програма. Одлуката ја донесе Комисијата за интрахоспитални инфекции при болницата.

Оттаму информираат дека добиле негативни наоди од 150-те земени примероци од салите и персоналот, но со корекција на одредени состојби.

Врз основа на добиените негативни наоди од Институтот за јавно здравје на Република Македонија, Комисијата за спречување на интрахоспитални инфекции донесе одлука од утре, 28 февруари 2023 година болничките одделенија во Општата болница со проширена дејност од Прилеп да продолжат со оперативните програми притоа почитувајќи ги принципите за асепса, дезинфекција и стерилизација, стои во одлуката на Комисијата.

Салите беа затворени пред 10-тина дена по случајот со прилепската пациентка, на која по зафат во гинеколошкото одделение ѝ се искомплицира состојбата и почина на скопските клиники. Инспекторатот направи вонреден надѕор и ја задолжи болницата да врши месечен бактериолошки мониторинг и будно да се следи состојбата со интрахоспитални инфекции.

Државниот санитарен и здравствен инспекторат со решение ја задолжи прилепската болница да врши месечен, наместо квартален бактериолошки мониторинг во одделите со висок ризик. Да назначи овластен лекар за координација на работата на комисијата, следење на состојбата со интрахоспитални инфекции, контрола на спроведување на мерките од Програмата за Интрахоспитални инфекции и следење на резистенција на одредени причинители на заразни болести, информираше деновиве Државниот санитарен и здравствен инспекторат.

Прилепското обвинителство има отворено предмет за лекувањето на тројца пациенти, а сѐ уште се чека на резултатите од обдукцијата на прилепската пациентка. ем/цр

The post 150-те примероци од салите и персоналот се негативни, во болницата во Прилеп може да се вршат операции appeared first on Република.

Министерот за здравство Беким Сали денеска во изјава за медиумите кажа дека на јавниот повик што го објави Министерството за здравствени лица кои би се упатиле кон погодените места во Турција од земјотресот до синоќа се пријавиле 150 доброволци.

Министерот рече дека до 12 часот денеска ќе го имаат прелиминарниот список на доброволци што ќе го понудат во Центарот за управување со кризи, а потоа преку НАТО комуникација со турските власти ќе ги информираат за човечките и материјалните ресурси кои ги имаме на располагање.

Исто така, како што посочи тој, двете комбиња специјализирани за интензивна нега што ги добиваме како донација за Клиниката за педијатрија, комплетирани со два тима од доктор, шофер и медицинска сестра се подготвени да заминат до погодените места, но како што вели Сали, мора прво да се испочитуваат сите протоколи за комуникација, односно да го добиеме одговорот од Турција за тоа што конкретно им е потребно.

Сали информира и дека има список на лекови кои го обезбедиле преку компании и донатори кои исто така ги ставаат на располагање.

The post Сали: Два тима веднаш се подготвени да се упатат кон погодените места од земјотресот, мора прво да се испочитуваат сите протоколи за комуникација appeared first on Република.

Се додека секојдневно добиваме бројки од 80 до 90 новоинфицирани случаи постојните ковид мерки треба да останат, иако 99 отсто од нив се укинати. Состојбата е стабилна, линеарна, секој ден исти бројки добиваме така што засега е мирно и немаме некој аларм што се најавува за во иднина. Ова денеска го истакна министерот за здравство Беким Сали, кој рече дека моментално го планираат третманот на постковид пациентите.

Како одговорни и политичари и управители на институции, а и како граѓани, посочи министерот, мора да внимаваме на местата каде се движиме, доколку имаме симптоми навреме да се пријавиме, доколку сме позитивни при некој тест да се изолираме така што да не помагаме во ширење на инфекцијата.

Со моментот на опуштање на мерките во врска со КОВИД -19 најавив дека постковид периодот е период што е многу значаен за сите граѓани, односно за здравствениот систем. Најавив дека Комисијата ќе продолжи со работа, можеби не со истото темпо, меѓутоа со работа што ќе означува едно планирање како да се справиме со постковидот, дали ќе биде тоа еден објект во кој ќе се третираат сите постковид компликации кај пациенти или пак ќе бидат повеќе клиники ангажирани околу тие пациенти, како ќе ги третираме нив… Една од целите ни е симулација на можна појава на петти бран ковид инфекции. Работиме на тоа. Моментално сме на планирање на третманот на постковид пациентите. Ова што го правиме сега е една од точките која е многу битна. Раната дијагностика на компликациите е половина третман за терапија, рече Сали, одговарајќи на новинарски прашања по промовирањето нов линеарен ацелератор на Клиниката за радиотерапија и онкологија.

Додаде дека се уште не одлучиле дали една клиника или повеќе оддели во одредени клиники ќе бидат одговорни за третман на постковид пациенти.

The post Сали: Се додека секојдневно добиваме бројки од 80 до 90 новоинфицирани случаи постојните ковид мерки треба да останат appeared first on Република.

The post Настеска: Беким Сали е 12. министер за здравство што ветува „нова“ болница во Кичево, а имал 7 години кога почнала изградбата appeared first on Република.

Чекаме да биде закажан состанок на Генералниот кризен штаб, и ако тој се одржи, на утрешната седница на Владата очекуваме да бидат изгласани препораките на Комисијата за заразни болести, меѓу кои е и таа за ослободување од носењето маски на учениците од основните училишта, истакна денеска министерот за здравство Беким Сали.

Претходната епидемиолошка недела, појасни министерот, не е показател во каква епидемиолошка состојба сме, а врз основа на тие податоци одлучуваме за идната недела.

Имаше точки кои ние ги донесовме како Комисија, но не избрзавме со гласање или преминување како одлука на Влада, затоа што состојбата во идната недела наложуваше дека можеби би можеле да се вратиме на претходната состојба. За да не излеземе несериозни, а одлуката на Влада е правосилна и треба да се имплементира во секојдневното функционирање на сите институции некогаш не избрзуваме со тоа што чекаме и следната недела како ќе постапиме, а потоа две одлуки ги поминуваме на Кризниот штаб, рече Сали, одговарајќи на новинарски прашања по означување на почетокот на караванот за вакцинација против КОВИД-19 во Шуто Оризари.

Тој посочи дека посакува да се ослободиме од маските, меѓутоа, како што додаде, реалната состојба не го вели тоа.

Секој ден има од  250 до 300 новоинфицирани што значи се уште не сме на нивото што го посакуваме. Новоинфицираните ни се показател дека се уште вирусот кружи низ населението. Според податоците ние сме во зелена зона, но не сме се уште за симнување на маските, додаде Сали.

The post Сали: На седница на Влада очекуваме да бидат изгласани препораките на Комисијата за заразни болести appeared first on Република.

Министерот за здравство Беким Сали вели дека се уште не сме подготвени за целосно укинување на мерките против ковид-19.

Рече дека ја следат состојбата и според тоа што го добиваат како резултат од нивните анализи сметаат дека уште не e време за целосно укинување на мерките или пак нивно намалување.

Ние како Министерство за здравство и Институтот за јавно здравје, нормално и преку Комисијата за заразни болести постојано следиме што се случува со државите кои што ги прекинаа мерките. Таму имате нагло враќање, односно зголемување на бројот на новоинфицирани и според новата методологија која што се практикува во сите држави, а тоа е мерење на ризикот врз здравствениот систем, не за поединците, вели Сали.

Според него, важен индикатор дека се уште е рано да се укинат мерките, вели е бројот на пациенти кои се хоспитализираат. Министерот истакна и дека дел од ковид центрите во државата се затворени и дека нема потреба од дополнителни кревети.

Министерот за здравство е оптимист дека се уште има простор да се зголеми опфатот на вакцинација.

The post Сали: Се уште не сме подготвени за укинување на ковид-мерките appeared first on Република.

Вакцинацијата кај нас ќе ја опишам фигуративнo: Сакаме да се најадеме, но само со една лажица на еден час. Затоа никогаш нема да се најадеме масовно, рече министерот за здравство, Беким Сали во гостувањето на емисијата „360“, говорејќи за нискиот степен на вакцинација во нашата земја.

Според него, имунизацијата се прави за кратко време и кога ќе постигнеме одреден степен сметаме дека нашето население е имунизирано и може слободно да функционира.

Од средбата со амбасадори од разни земји кај нас дојдов до информации дека во Италија се имунизирани 91% од населението, во Велика Британија 86%, Данска и Јапонија се над 80%. Нашите граѓани гледам дека споделуваат се укинуваат мерките во Данска, а кај нас се уште ги има. Па ние имаме само 41% вакцинирани, ниту половина од нив. Со која логика да ги укинеме, прашува Сали.

The post Имаме вакцинирано 41% од населението, нема логика за укинување на мерките appeared first on Република.

За да се согласите да го водите здравствениот сектор во време на пандемии, мора да имате капацитет да одговорите на овој предизвик. Ја добив довербата од премиерот Димитар Ковачевски и од претседателот на партијата Алтернатива, Африм Гаши, вака министерот Беким Сали во гостувањето на Алсат телевизија одговори на прашањето дали министерската функција може да биде награда за изгубените избори.

Тоа не е награда, тоа е доверба што ми ја дадоа партијата Алтернатива и премиерот Ковачевски. Сите знаеме дека сме во период на голема битка, пандемска војна која трае веќе две години и да го земеш здравствениот сектор значи дека си ентузијаст и имаш капацитет да се соочиш со таков предизвик, рече Сали.

The post Сали: За да се согласите да го водите здравствениот сектор во време на пандемии, мора да имате капацитет да одговорите на овој предизвик appeared first on Република.

Министерот за здравство, Беким Сали доцна попладнево информираше дека во земјава пристигнал првиот дел од најавените 250 илјади вакцини Фајзер, кои се директна донација од италијанската влада.

Оваа донација е преку механизмот Ковакс и во соработка со УНИЦЕФ. Вакцините се сигурни и безбедни. Транспортот е со ладен ланец до петте точки, каде што ќе бидат сместени и ќе ни бидат потребни. Ова е прв дел од донацијата, рече Сали.

Тој упати благодарност до медиумите што го поддржуваат министерството и властите за имунизација на населението.

Единствен начин за заштита од пандемијата е вакцинацијата. Вториот дел од пратката вакцини ќе пристигне во среда, појасни Сали.

The post Пристигна првата пратка од најавените 250.000 Фајзер вакцини од Италија appeared first on Република.

Канал 5 се обиде да добие став од тројцата доктори во однос на поканата на министерот Сали.

Пановски забележува на начинот на кој е поканет, односно преку социјалните мрежи.

Се знае каков е начинот за тоа, прво се разговара, па се објавува. На Фејсбук тој може што сака да пишува, вели Пановски за Канал 5.

Сличен став има и доктор Марковски. Нагласува дека е несериозно да се покануваат експерти преку Фејсбук. Тој додава дека Комисијата е советодавно тело на министерот, без суштинско влијание на било какви мерки.

Јас во 2020 година предложив Комисија за Ковид-19 како владино тело чии одлуки ќе бидат задолжителни, вели Марковски за Канал 5.

Доктор Даниловски неодамна соопшти дека нема намера да биде дел од Комисијата и да ја жртвува својат автономија, појаснувајќи дека Комисијата нема ингеренции да носи извршни одлуки, туку само заклучоци, кои му ги предлага на министерот.

За Сител телевизија, пак,  Д-р Пановски рекол дека нема да ја прифати оваа покана, Д-р Даниловски изјавил дека не сака да ја жртвува својата автономија. Не прифаќа да биде ниту дел од комисијата ниту советник на министерот бидејќи не функциониртаат автономно а нејзините одлуки не се извршни, а Д-р Марковски рекол дека Комисијата е советодавна на министерот без суштинско влијание на било какви мерки.

The post Пановски: Се знае како се поканува, прво треба да се разговара, па потоа се објавува appeared first on Република.

Министерот за здравство Беким Сали на својот фејсбук профил објави дека денеска се сретнал со Росана Дуџак, постојан координатор на ОН во земјава, со која разговарал на неколку теми меѓу кои се одржлив и модерен здравствен систем, унапредување на превентивните здравствени услуги, поддршка за лицата со попреченост, буџетирање на здравствениот сектор.

На средбата меѓу другото, дискутиравме и за активности за справување со родовото насилство, како и разни услуги за здравствена и социјална поддршка за ранливите групи како дел од обезбедувањето интегрирани услуги, промовирање на здравата исхрана во училиштата, напиша Сали.

Тој потенцира дека упатил голема благодарност за целокупната поддршка во справувањето со Ковид-19, како главна точка на агендата на агенциите на ОН во последните две години, во рамки на која е обезбедена значајна помош и координација за справување со последиците од пандемијата.

The post Сали и Дуџак разговараа за модерен здравствен систем appeared first on Република.