Фестивалот на јапонска култура ги повикува сите кои ја сакаат природата и културата да им се придружат утре во МКЦ. На 1 јуни во Младинскиот културен центар ќе се одржи фестивалот за јапонска култура Сакура фестивал – како македонски заедничка прослава на културата инспирирана од Јапонија и по повод 30 годишнината на македонско-јапонските дипломатски односи.

Фестивалот почнува во 11 часот со свечено отварање на кое пригиден говор ќе одржат
амбасадорот на Јапонија Оцука Казуја и директорката на Директорат за билатерални
односи со воневропски држави/МНР. На отоворањето, амбасадорот ќе одржи и мал
концерт на класична гитара.

Од организацијата Јапанетмк велат: „Листата е долга и исполнета со звучни имиња. Имаме три концерти од млади музичари, еден пијано концерт, лајв сет со амбиентална музика, балет инсириран од јапонски буто танц, три панел дискусии (за јапонска култура и природа, архитектура и филм), претставување на 5 јапонски боречки вештини, две работилници, презентации и церемонија на чај, цртање во живо, две групни изложби, 4 натпревари во гејминг, 4 модни дизајнери, два ресторани со јапонска храна и над 15 излагачи на базар за изработки, аниме квиз, косплеј презентација, и мануелно принтање во живо“.

Овој фестивал е создаден со вклучување на заедницата и голем број млади луѓе, заедничко помагање и соработка на поединци, кои ја сакаат јапонската култура и имаат заедничка цел да ја унапредат нашата.

Слоганот на ова издание на фестивалот „Расцути ја иднината“ – поврзано и со самото име на фестивалот Сакура (црешов цвет) -повикува кон градење на поодржлива иднина за сите, за која треба да почнеме да работиме уште веднаш. Мотото потекнува од јапонскиотцизраз „мотаиниа“ кој значи: „немој да го трошиш она што е вредно“.

Од организацијата ги повикуваат сите кои ја сакаат оваа древна, но модерна култура, ја ценат општествената одговорност, се борат за повозвишена општа култура и сакаат иднина во склад со природата да го посетат утрешниот фестивал и да ја прослават убавината заедно.

The post Сакура – фестивал на јапонската култура во МКЦ appeared first on Република.

Во Младинскиот културен центар (МКЦ) во Скопје на 1 јуни ќе се одржи третото издание на фестивалот за јапонска култура што го носи новото име „Сакура фестивал“, објави „Јапан@мк“ - единствената организација која се занимава со промовирање на јапонска култура во земјава.

Слоганот на фестивалот за оваа година е „Расцути ја иднината“ фрлајќи светло на нашата лична одговорност и ангажираност за тоа каква иднина ќе доживееме како како заедница.

Од „Јапан@мк“ најавуваат тема која ќе се занимава со природата и одржливоста, односно како да научиме од таа далечна источна култура да ја почитуваме и да живееме во склад со природата градејќи си подобра иднина, а како што велат, ќе може да се проба и јапонска храна и да се набават сувенири.

Најавуваат богата програма опфаќајќи уметнички изложби, настапи и перформанси, панел дискусии, мода, презентации, боречки вештини, гејминг и многу забава.

The post Сакура – фестивал на јапонската култура appeared first on Република.