Испитувањата покажуваат дека добар дел од одговорните луѓе во државата се неписмени за работите што ги вршат, па оттука оваа состојба е сосема очекувана, вели поранешниот пратеник Сафет Бишевац во емисијата „Студио 10“ на ТВ24.

Неприродно е во стручни комисии да се пикаат политички и партиски функционери. Нивна намера е личниот интерес. Ништо повеќе. Видете ги ДУИ. Тие се тепаат кој да биде шеф на кабинет на Али Ахмети. За мене е неспоиво еден човек да биде вицепремиер во Владата и шеф на кабинет на лидер на политичка држава, вели Бишевац.

Бишевац вели дека има сила и дека мора да се спротивставиме на појави како кога министер ќе му каже на премиерот дека тој е министер на ДУИ и одговара пред Ахмети. Таков министер не смее да биде министер и тој кој ќе го сосече тоа ќе ги добие изборите.

Зошто го буткаат обвинителот Љубомир Јовески за уставен судија? Затоа што очигледно дека тој знае многу за Заев и неговите луѓе и треба да биде сместен во Уставниот суд како заштита, вели Бишевац.

Во врска со бугарските клубови, Бишевац вели дека одговорноста е кај власта затоа што власта има механизми да спречи дејствија кои се против државата.

The post Бишевац: Го буткаат Јовески за уставен судија како заштита зошто знае многу за Заев и неговите луѓе appeared first on Република.

Поранешниот пратеник, Сафет Бишевац, во емисијата „Само вистина“ изјави дека работа на најголемата опозициска партија е да ја одреди тактиката и стратегијата за да како најдобро да и се спротивстави на власта.

Звучи грубо, но во суштина бојкотот беше и е оружје на опозицијата и тоа доаѓа кога немате друг избор, за да дојдете до посакуваната промена. Легитимно е како чекор. Потребни се парламентарни избори - вели Бишевац.

Според него, блокадата на Собранието нема суштински да смени многу, затоа што последниот состав на Собранието го гледа како најобична гласачка машинерија.

Не сакам да бидам груб, но пратениците се сведени на апсолутни послушници, кои ги извршуваат желбите на извршната власт - истакна Бишевац во „Само вистина“ за најавите за најавената институционална блокада од страна на ВМРО-ДПМНЕ.

The post Бишевац: Опозицијата нема друг избор освен бојкот, пратениците се сведени на апсолутни послушници на извршната власт appeared first on Република.