Денеска (25 ноември), во индустрискиот амбиент на едукативниот културен центар „Лабораториум“ се одржува Саемот на креативни индустрии, настан кој ги обединува креативците. Организиран од здружението „Балкан синема ситис“ и Унијата на македонски организации во креативните индустрии (УМПАКИ), со поддршка од Министерството за култура и туризам и Британскиот совет, саемот обединува над 50 учесници од различни креативни сектори.

Посетителите ќе можат да видат неколку неверојатни технолошки и иновативни достигнувања. Компаниите „Интетик“ и „Камај Медиа“ ќе ја претстават својата најнова видеоигра „Необичната Приказна на Брајан Фишер: Второ поглавје“, која што излезе на почеток на месецов и е достапна на Xbox, Microsoft Store и Steam, а на саемот ќе биде достапна за играње во специјално изработен простор, инспириран од необичната куќа на Брајан од видеоиграта, во којшто посетителите ќе може да влезат и во живо да решаваат интересни загатки. Истовремено, преку виртуелно патување ќе може да се доживее низ античкиот театар во Хераклеја Линкестис.

Студиото „Висион ноктурн“ од Брисел, Белгија ќе ја претстави интерактивната инсталација „Човечка трага“, која со помош на вештачка интелигенција ги мапира движењата на телото на голем екран, а пак домашните студија „Зоотроп“ и „Флатформ филм“ ќе имаат инсталација на посебен простор за виртуелно „оживување“ на историски личности за интеракција со посетителите, која се базира на вештачка интелигенција.

На саемот ќе учествуваат и Шведската амбасада со изложба за одржлива мода (Fashion.Forever), како и средни училишта, универзитети и домашни креативци, кои ќе ги претстават своите проекти, производи и иновации.

Учествуваат и Шведската амбасада во земјава со проектот „Модата засекогаш“повеќе средни училишта меѓу кои СЕТУ „Михајло Пупин“, САБА, Нова, како и Лабораторијата за производство „ФЕИТ ФабЛаб“ при Факултетот за електротехника и информациски технологии (ФЕИТ) и Факултетот за земјоделски науки и храна кои ќе ги претстават своите иновативни машини и производи, стрип здруженијата „Парагонс комикс“ и „Макстрипови“ и стрип авторите Дамјан Михаилов и Стефан Николовски, претставници на домашни мали бизници и поединци во креативните индустрии како Столарскиот едукативен центар, Кликер ИТ центар за деца, Партизанска штампа, и многу други, како и „Лаб дизајн маркетот“ со 14 локални брендови, сите обединети со заедничка посветеност на богатата традиција на македонската изработка, и многу повеќе.

Покрај изложбите и инсталациите, ќе се одржат и едукативни работилници за стрип за основци и средношколци, како и преавања за средношколци во соработка со Универзитетот „Еуропа Прима“.

Саемот, со својот едукативен карактер, е идеална можност за младите да се инспирираат, научат и откријат нови хоризонти во креативните индустрии. Влезот е бесплатен.

The post Саем на креативни индустрии денеска во „Лабораториум“ appeared first on Република.

Денеска Република Македонија се претставува на „Винскa визија на Отворен Балкан“ во Белград. Оваа година 80 винарски визби се претставуваат на овој саем од кои што 68 се мали семејни винарии и 12 винарски визби кои што се дел од здружението „Wines of Macedonia“. Исто така на оваа манифестација за првпат имаме и изложувачи на квалитетна македонска традиционална храна, истакна министерот за земјоделство, шумарство и водостопанство, Цветан Трипуновски.

Ова е одлична можност македонските квалитетни вина да бидат промовирани овде на саемот, додаде министерот Трипуновски.

Тој посочи дека е зголемена продажбата на македонското вино надвор од границите на државата.

Република Македонија е на 22 место во светот по производство на вино, а се наоѓа на 29-то место по извоз на вино во светот, заклучи министерот.

Министерот Трипуновски додаде дека Владата има за цел да се зголеми производството на вино во државата со што ќе се зголеми и извозот на истото во светот. Девизен прилив од извоз на вино за 2023-та година изнесуваше над 57 милиони евра.

Нашите вина се продаваат во преку 40 држави во светот. А, најголем дел се пласира овде во регионот, односно на Балканот, истакна тој.

Како Влада продолжуваме посветено да работиме во делот на секторот винарство бидејќи е втора најзначајна гранка во Република Македонија по извоз и девизен прилив, нагласи министерот Трипуновски.

The post Трипуновски од Белград: Како Влада продолжуваме посветено да работиме на секторот винарство, бидејќи е втора најзначајна гранка во Македонија appeared first on Република.

Со учество на над 1.300 изложувачи од 25 земји и домаќинот Грција, денеска во Солун почнува 88-от Меѓународен саем, а оваа година почесна земја е Германија, јави дописничката на МИА од Атина.

Меѓународниот саем во Солун се одржува традиционално секоја година во септември и е домаќин на странски изложувачи, учество на земји од целиот свет, странски и домашни политичари и слично, а официјалното отворање е со говор на премиерот на Грција, кој ја соопштува владината програма за следниот период.

Оваа година на саемот учествуваат 1.300 изложувачи и 25 земји, седум повеќе од лани, а за Велика Британија, Катар, Јапонија, Еквадор, Косово и земјите од Супсахарска Африка ќе биде прво учество.

Според организаторите, учеството на Германија како почесна земја носи во Солун 135 компании, организации, институции, истражувачки центри и мрежи за соработка, германската делегација ја сочинуваат 400 лица, а главните сектори се градежништво, консултантски услуги, обновливи извори на енергија и технологија за животна средина, дигитална економија, здравствена индустрија и медицинска технологија, образование и истражување, логистика за транспорт.

Германскиот штанд, се очекува свечено да го отворат премиерот на Грција Кирјакос Мицотакис и вицеканцеларот на Германија Роберт Хабек.

Вечерва е и свеченото отворање на 88-от саем, ќе се обрати грчкиот премиер Кирјакос Мицотакис, додека за утре е закажана традиционалната прес-конференција.

Во рамките на саемот планирани се низа настани, меѓу кои највпечатливи се очекува да бидат шоута со дронови (Drone Light Shows).

Паралелно со отворањето, како и секоја година, така и сега, најголемите грчки синдикати закажаа протести.

Меѓународниот саем ќе трае до 15 септември, во текот на следната седмица прес конференции ќе одржат лидерите на опозициските партии, а следниот викенд се прес-конференција да има претседателот на СИРИЗА Стефанос Каселакис.

The post Во Солун почнува големиот Меѓународен саем, Германија е почесна земја appeared first on Република.

...„Родителите на мечето беа во длабок сон. Со затворени очи се смешкаа, нешто убаво сонуваа.  Но, малото мече сон не го „фаќаше“  наслушнувајќи го детскиот  џагор што доаѓаше  однадвор…-пишува во најновата сликовница за деца „ Мечето што не го фаќаше зимски сон“ авторката Александра Велинова.

Во неа ,љубопитниот Алексеј и мечето ги носат најмладите читатели во незаборавна зимска авантура: прават пепрутки во снегот, жонглираат со снежни топки, скијаат, се сончаат на бачило и пијат чај, дишат чист воздух, се валкаат во снегот, уживаат во глетката на снежната планина. Но, и забележуваат и учат дека снегот се претвора во лед и во вода, всушност водата ја менува агрегатната состојба.

Никогаш не помислував да пишувам книги за деца додека не се родија моите. Голема е одговорноста да се пишува за деца, тешко е кратко да се пишува и треба да се внимава на каков начин и каква порака ќе им се пренесе на младите читатели. Кога станува збор пак за сликовница треба додека пишуваш да размислуваш и визуелно како ќе изгледа, илустрирано. Во зависност за која возраст е наменета треба да се запази и процентот на застапеност на текст и илустрација на страниците. Ако нема доза на хумор тешко дека ќе им го привлече вниманието, но пред се треба да бидат и едукативни.  Всушност, Стефан и Алексеј „ги пишуваат“, јас се потпишувам. И претходните и новава се инспирирани од наши патувања и разговори со нив. И тоа обично се случува неколку години потоа, не одам со план дека ќе пишувам. „Мечето што не го фаќаше зимски сон“ како идеја се роди при првата посета на планина на Алексеј пред  три години, објаснува Александра.

„Мечето што не го фаќаше зимски сон“ е поддржана од Министерството за култура. Им се придружува на „Бидејќи сум дете“, „Стефан во магичниот град“, „Стефан на прошетка со Ками во Египет“, „Стефан во Дино парк“, „На крилјата на самовилското коњче“, „Најубавите години“, „Стапки во пустина“, „Од дното на душата“, „Како ги заработив првите пари“ ( книга со интервјуа) кои се дел од творечкиот опус на Велинова. Член е на Друштвото на писателите на Македонија. Добитничка на престижната меѓународна награда „Антево слово“ (Сицилија, Италија).

The post Александра Велинова, авторка на книгата „Мечето што не го фаќаше зимски сон“: Голема е одговорноста да се пишува за деца appeared first on Република.

Во организација на Министерството за земјоделство, шумарство и водостопанство во соработка со ресорните министерства на Србија и Албанија, денеска во Скопје се одржа презентација на најголемиот регионален саем за вино „Винска визија на Отворен Балкан“.

Минатата година, во рамките на Отворен Балкан виното беше промовирано како најзначаен производ на регионот, што беше потврдено на првиот вински саем „Винската визија на Отворен Балкан“, кој го имаше своето прво издание минатата година во Белград и предизвика огромно медиумско внимание. Во насока на јакнење на потенцијалот на овој заеднички вински саем, во периодот до неговото второ издание оваа есен, земјите членки  на Отворен Балкан организираат промоции на саемот низ регионот.

Премиерот Димитар Ковачевски истакна дека земјите од Отворен Балкан се заедно, тие секогаш биле заедно и секогаш ќе бидат заедно во овие простори, меѓутоа разликата е што како сега никогаш во минатото не соработувале заедно и таа соработка се гледа токму преку настани и преку вакви активности како што е винскиот саем „Винска визија на Отворен Балкан“ кој што прерастува во еден од трите најголеми саеми за вино во светот.

Она што е резултат на Отворен Балкан сега веќе се гледа и низ бројки. Размената и трговијата помеѓу трите држави е зголемена за 25 проценти. Размената со Србија надмина 1.1 милијарда евра што е најголемо ниво во последните 17 години. Само минатата година размената со Албанија е зголемена за 40 проценти, со Србија е зголемена за 50 проценти. Воведовме зелени ленти за транспортерите за нашите три држави да не чекаат на границите. Воведуваме системи за електронска идентификација со која што работниците ќе можат слободно да се движат помеѓу нашите три држави. И практично ги спроведуваме трите слободи на ЕУ, тука кај нас, на Балканот така како што доликува. Ќе го повторам уште еднаш она што го кажав во Италија и што го кажав и пред тоа дека нашите држави се братски држави. Нашите граѓани заслужуваат да комуницираат помеѓу себе слободно. На нашите граѓани на трите држави не им требаат граници како што не им требаат граници на земјите од ЕУ, и затоа јас секогаш ќе бидам посветен на зголемувањето на соработката, на зголемувањето на комуникацијата, трговијата, зголемувањето на инвестициите во сите три држави бидејќи тоа е тоа што нашите граѓани го заслужуваат, рече Ковачевски.

Добредојде на делегациите од Србија и Албанија им посака и министерот за земјоделство, шумарство и водостопанство Љупчо Николовски, кој нагласи дека визијата која ја имавме пред неколку години, за тоа како треба да функционира Балканот, денес е наша успешна приказна. Министерот Николовски истакна дека македонското вино е 29-то по ред по извоз во светот и најави дека на крајот на јули Владата ќе донесе нова 10-годишна стратегија за развој на винскиот сектор. Тој посочи дека до крајот на летото ќе биде донесен и новиот закон за вино.

Регионот е обединет, со отворени граници со зголемена економска соработка и уште многу бенефиции за граѓаните од сите три земји членки на Отворен Балкан. Ако тргнеме од познатата изрека дека „Во виното е вистината“, ова е нашата вистина, сплотен, убав, прекрасен Балкан. Секогаш отворен и гостопримлив. Сите се добредојдени. Заедно да го славиме животот под ова сонце. Да уживаме во врвните вина и храната со единствен балкански вкус, по која сме препознатливи во светот. Да си ја чуваме традицијата и сите богатства со кои великодушно не обдарила природата. Ние сме генерација на политичари кои носат храбри одлуки. По тоа ќе бидеме запаметени, како генерација која ги отворила границите и создала иднина за целиот регион, посочи министерот Николовски.

Заменик-министерот за земјоделство и рурален развој на Албанија, Ариан Јауплари истакна дека неговата земја е потенцијална земја во лозарството и во традиционалното производство на вино.

- Во 2022 година има производство од 30 илјади хектолитри вино со раст од 15 отсто во  однос на 2021 година. Денеска сме присутни со нашите етикети на најважните саеми во секторот. Исто така го очекуваме членството на Република Албанија во Меѓународната организација за вино и лозарство. Правната рамка која е усогласена со легислативата на ЕУ која го организира повеќе секторот исто така ја зголемува безбедноста на финалниот производ од секторот, рече Јауплари.

Министерка за земјоделство, шумарство и водостопанство на Србија, Јелена Танасковиќ ги покани заинтересираните на Саемот на виното што ќе се одржи во Белград од 16 до 19 ноември годинава.

Ние сакаме да кажеме дека тоа за нас не е обична саемска манифестација. Ова го доживеавме како нешто повеќе, нешто возвишено. Ве молам сите заедно, пред се вистинските професионалци кои се бават со вино и купците, односно сите оние кои учествуваат во производството на вино, маркетинг, пропаганда, да дојдат бидат гости во Белград и да ги победиме бројките коишто ги постигнавме минатата година а кои не беа ни малку наивни, преку 20 земји и преку 350 учесници. Ние сакаме тоа поамбициозно и поголемо да го правиме од година во година. Сакам сите да ве повикам да дојдете и да бидете присутни и да бидеме сведоци на уште еден настан кој би бил незаборавен. Морам да го цитирам мојот претседател кој сака да каже дека Отворен Балкан покажа како  Србија, Македонија и Албанија со здружени сили можат да му покажат на светот колку можеме. Мислам дека покажавме дека не само што адекватен партнер заедно којшто има што да покаже, туку дека е партнер кој се многу сериозен во она што го прави и кој ги преминува границите од година во година со сериозни чекори, рече Танасковиќ.

Елена Младеновска Еленковиќ, извршен директор на „Вина од Македонија“ ја поздрави иницијативата и изрази надеж дека и Србија и Албанија и БиХ, Косово и Црна Гора заедно ќе успееме да ги направиме тие вински патишта, да ги донесеме странските гости тука за да покажеме со што располагаме. Посочи дека виното, гастрономијата се нешто што е предност на државава и се надевам дека во поголем број ќе бидеме во Белград во ноември за да може да ги примамиме странските гости да ги посетат овие наши земји.

Горан Јаковлевски, претседател на „Тиквешки семејни винарии“ нагласи дека кога минатата година добивле покана за учество на Винска визија на Отворен Балкан, тие како здружение на мали семејни винарии без размислување ја прифативле бидејќи тоа, како што рече, е одлична можност да ги претстават нивните вина, да споделат искуства, да разменат идеи, да остварат контакти со колеги од регионот, но и да ги понудат нашите туристички можности. Посочи дека Отворен Балкан е одлична можност за наш развој, зголемување на продажбата, промовирање на нашиот квалитет

The post Во Скопје презентиран најголемиот регионален саем за вино „Винска визија на Отворен Балкан“ appeared first on Република.

Во дворот на библиотеката Браќа Миладиновци, денеска од 14 до 21 часот, во организација на Партизанска штампа, Арт Еквилибриум и Гола Планина Колектив ќе се одржува издавачкиот саем „Фијук“. Отворањето на саемот ќе биде со три мини соло изложби на авторите Алис Лаурешес, Марта Патлињанковска и Владимир Муратовски, а ќе биде затворено со Oтворена музичка сесија на „Гола Планина Колектив“.

Како што информираат организаторите, на овој „ФИЈУК саем“ ќе има работилница за печатење колаграфија од 16 до 18 часот со Алиса Лаурешес и Ана Трајковска.

Оттаму велат дека „Фијук“ саемот е настан инициран од колективот Матријаршија во Белград, со цел да собере на едно место што поголем број на мали издавачи кои се бават со уметничка продукција, со цел нивно поврзување, вмрежување и поголема видливост. Истиот се шири во овој формат и под ова име и во Хрватска, Шведска, Словенија со повремени настани кои привлекуваат значителен број на публика и е секогаш поддржан со музичка програма.

„ФИЈУК саем го задржува својот специфичен идентитет со една единствена цел, да презентира нови возбудливи изданија и да овозможи нивен понатамошен живот. Досега е одржуван три пати на БОШ Фестивал, а со неговото прво издание во Скопје, го најавуваме 15-тото издание на фестивалот кој ќе се одржи оваа година од 18 до 20 август во Гевгелија.

Фијук е место на нови идеи, реализирани во различни материјални форми, графики, плакати, постери, музика, мапи, арт книги, фотографии или монотипии. Фијук е простор за средби, размени, разговори, љубови и симпатии, каде ќе го најдете она парче среќа што долго го баравте. Почувствувајте го пулсот на локалната независна уметничка сцена, поддржете го истот со допир, насмевка, критика или најдобро купете си дело и овозможете понатамошен крвтоток на жилавата алтернативна сцена“, пишуваат во објавата на Фејсбук од ФИЈУК саем и информираат дека плакотот е дело на Јелена Белиќ.

The post ФИЈУК – Саем на независни издавачи денеска во Скопје appeared first on Република.

Интернационалната туристичка берза ИТБ Берлин од 7ми до 9ти март ги отвори вратите за илјадници туристички посетители од целиот свет! Ова е шанса и за македонскиот туристички сектор да покажете како ја движи индустријата! Агенцијата за промоција и поддршка на туризмот заедно со десет коегзибитори до 9ти март на репрезентативен изложбен простор ќе ги промовираат македонските дестинации и туристички продукти, кои не прават диверзивни и атрактивни.

Дестинациите ширум светот се обидуваат да го направат туризмот поотпорен и одржлив, со тоа што ќе дадат позитивен придонес за локалната заедница и животната средина. Во оваа насока директорот на АППТ, д-р Љупчо Јаневски и г-дин Алберт Салман, претседател на Green Destinations- сертифицирана и наградувана програма за имплементирање на практики за развој на одржлив туризам од Холандија, во рамките на ИТБ Берлин потпишаа Меморандум за соработка. Во периодот што следи ќе се спроведат акциски програми и со заедничка работата ќе се имплементираат алатки и практики за одржливост на дестинацијата, поддршка на локалното производство, како и подигање на свесноста за еко дестинации преку споделување на искуства и знаење од други зелени и еколошки региони.

Во соработка со СИППО – Швајцарска програма за поддршка на извозот, АППТ потпиша уште три Меморандуми на соработка и тоа со, германската организација “ASR”- Алијанса на независни туристички трговци Р.А. која ги застапува интересите на самовработените средни бизниси во германската туристичка економија, со главниот фокус на основање на меѓународни партнерства. Потпишан е Меморандум на соработка со германската организација “FAR”- водечка мрежа на германски тур-оператори посветени на одржливост на дестинациите. Поштишувањето на Меморандум на соработка со холандската непрофитна организација TraveLife”-програма за промоција на одржливост во туризмот предвидува обуки, акциски планови, извештаи насочени кон туристичкиот сектор.
Првиот ден на ИТБ Берлин беше повеќе од успешен, се започна со преговори за чартер линијата Букурешт - Охрид, состаноци со туроператорот ТУИ кој изразија подготвеност за поставување на трета дестинација за 2024 година од која ќе оперираат со чартери, зголемувајки го бројот на туристи. Се реализираа средби со полски туроператори за зголемување на портфолиото на програми од Македонија со вклучени нови атракции и кружни патувања за седум дена во нашата дестинација. Разговори со БиБиСи кој понудија одлични услови за соработка и визуелизација на македонските туристички потенцијали преку нивните канали на комуникација. Преговори со туроператори од Чешката Република за посета на зимските центри и Охрид во сезона 2023/2024. Македонскиот изложбен простор беше посетен од македонскиот амбасадор во Берлин, г-дин Васко Грков, Аганијата за туризам искажува благодарност за одличната логистика и соработка со амасадата.

Со својата единствена разновидност и учество на 180 земји и региони, со 5600 излагачи во повеќе од 23 хали ИТБ Берлин го покрива целиот синџир на туристички понуди, со додадена вредност. ИТБ Берлин е поделен на посебни сегменти кои ги рефлектираат најважните актуелни теми, што го олеснува пронаоѓањето на патот околу широката палета на производи и услуги на саемот. Највлијателниот и најголемиот саем за туризам во светот после три годишна пауза е со изменет концепт во траење од три дена, концентрирани на B2B средби, чии договори треба да дадат силно влијаниие туризмот во 2023 година, за да ги постигне резултатите од 2019 година.
Фокусот на ИТБ Берлин оваа година е на социјалната и еколошката одржливост. Учесниците и посетителите ќе имаат можност да слушнат инспиративни приказни кои покажуват како дестинациите ширум светот се обидуваат да го направат туризмот поотпорен и одржлив, со тоа што ќе дадат позитивен придонес за локалната заедница и животната средина. Повеќе од 50 години ИТБ Берлин во март го собира светот на меѓународниот туризам, на најголемиот саем за патувања, иновации, знаење, лидери и инспирација за поместување на туристичките граници.

The post АППТ: Македонскиот туристички сектор дел од ИТБ Берлин со фокус на одржливост на дестинациите appeared first on Република.

Под мотото „Вкуси го животот, вкуси ја традицијата“ денеска пред езерцето во скопскиот Градски парк ќе се одржи Првиот национален саем за храна и пијалаци.

На саемот ќе се обратат премиерот Димитар Ковачевски и министерот за земјоделство, шумарство и водостопанство Љупчо Николовски.

Саемот го организираат Министерството за земјоделство, шумарство и водостопанство (МЗШВ) и Слоу Фуд Македонија.

Според МЗШВ, ова е прв саем со ваков обем, на кој ќе се претстават повеќе од 200 производители од над 40 локални здруженија. Тие заеднички ќе ги презентираат македонското земјоделство и гастрономија.

На просторот во Градски парк, ќе бидат поставени над 200 штандови со производи, ќе се подготвува вкусна традиционална храна од познати готвачи, а предвидено е и детско катче, со цел на децата одблизу да им се претстават домашните земјоделски произвоиди, храна и пијалаци.

Посетителите ќе можат да уживаат и во звуците на Љубојна, Тајфата и диџеј Мац.

Саемот „Вкуси ја традицијата – Прв национален саем за храна и пијалаци“ ќе биде отворен од 11 до 16 часот. За сите посетители, влезот е бесплатен.

The post „Вкуси ја традицијата“ – Прв национален саем за храна и пијалаци appeared first on Република.

Нашата македонска кујна е позната по специфичната комбинација на вкусови составена од врвните зеленчуци и билки одгледувани под ова наше поднебје, напиша премиерот Димитар Ковачевски на неговиот фејбук профил.

https://republika.mk/vesti/ekonomija/vladata-im-go-zabrani-zborot-makedonski-na-makedonskite-izlagachi-na-saemot-vo-belgrad/

На саемот за вино, храна и туризам на Отворен Балкан во Белград ќе биде изложена највкусната и најпознатата македонска традиционална храна, објави Ковачевски на фејсбук.

The post Ковачевски: На саемот во Белград ќе биде изложена највкусната и најпознатата македонска традиционална храна appeared first on Република.

Во Белград од 1 до 4 септември 2022 година ќе се одржи првиот меѓународен саем за вино „Винска визија на Отворен Балкан“ кој се организира под покровителство на владите на Србија, Македонија и Албанија, како дел од иницијативата „Отворен Балкан“, јави дописникот на МИА од Белград.

Саемот „Винска визија на Отворен Балкан“ на едно место ќе ги собере мајсторите во производството на најдобрите вина и ќе го промовира Балканот како туристичка дестинација, неговата географија и богатство на винските сорти.

Во рамките на споменатата манифестација на Белградскиот саем се очекува да присуствуваат над 332 излагачи од 22 земји. Ќе се претстават 160 излагачи од Србија, 26 од Албанија, додека 47 излагачи ќе дојдат од Македонија. Покрај земјите-членки на Отворениот Балкан, се очекуваат изложувачи и од Хрватска, Црна Гора, Франција, Чиле, Аргентина, Италија, Босна и Херцеговина и други земји.

„Винска визија на Отворен Балкан“ свечено ќе биде отворена на 1 септември од страна на претседателот на Република Србија, Александар Вучиќ и премиерите на Македонија и Албанија, Димитар Ковачевски и Еди Рама, а за 2 септември планиран е и лидерскиот самит.

За време на Саемот посетителите ќе имаат можност да посетат различни тематски дефинирани сали и ќе можат да се едуцираат и да научат сè што сакаат да дознаат за историјата и потеклото на виното, процесот на производство, видовите на вино, конзумацијата и да ги вкусат и да купат некои од најубавите вина на Балканскиот регионот и светот.

Составен дел на „Винската визија на Отворен Балкан“ ќе бидат деловните состаноци на излагачите на вино, претставници на водечки трговски синџири и претставници на HORECA индустријата. Тоа исто така ќе биде можност за сите изложувачи дополнително да ја подобрат соработката, да ги поврзат регионалните вински и сродните индустрии, како и да ги зајакнат деловните партнерства и контакти. Дополнително, за време на Винската визија на Отворен Балкан ќе се одржи и Саем на храна на кој ќе бидат претставени сите најпознати гастрономски специјалитети од овој дел на Европа.

За време на четиридневниот настан ќе се организира меѓународно оценување на виното „Отворен Балкан-вински трофеј“. Вината ќе ги оценуваат 25 меѓународни вински судии од целиот свет, а меѓу нив ќе има дури петмина носители на титулата „Master of Wine“ која е најпрестижна титула во светот на виното.

„Отворен Балкан“ е економска и политичка иницијатива заснована на вредностите на Европската унија, во која членуваат три земји – Албанија, Македонија и Србија. Идејата на оваа иницијатива е да обезбеди поголеми и подобри можности за трговија, размена на работници, студенти и знаење, како и поттикнување на понатамошна ЕУ интеграција, притоа промовирајќи ја богатата култура и традиции на трите земји.

The post Вучиќ, Ковачевски и Рама на 1 септември го отвораат саемот „Винска визија на Отворен Балкан“ во Белград appeared first on Република.

На 21 мај (сабота), со почеток во 13 часот во Центарот за иновации и дизајн „Јавна соба“, по вторпат ќе се одржи Саемот за размена на креативни искуства и размисли насловен „Добро утро креативци“, во организација на „Скала магазин“ – прва дигитална платформа за дизајн и современа уметност, отворена за промоција на домашните млади креативци, нивно поврзување со индустријата и поддржување на културните настани и сцена.

Целта на овој Саем е на едно место да се соберат и претстават актуелните случувања во креативните индустрии, уметноста, дизајнот, културата и образованието. Програмата оваа година е со проширен формат и вклучува саемски изложбен и продажен простор на 13 учесници – дизајнери на рачни изработки (книги, накит, графики, мурали, облека, модни додатоци, светлосни елементи итн.), 7 музички перформанси, панел дискусија за NFT и галериска изложба на 13 млади и возрасни, докажани врвни македонски уметници. Тоа се вкупно 35 учесници и мноогу публика- велат организаторите.

Учесници:

Саемско претставување од 13:00 до 19:00 часот ќе имаат: Ана Јовановска; Академија за моден дизајн од "Џолев и уметностите" ; Данче Станковиќ; Елена Ристовска; Еснаф; Јулија Барбун; Мирјана Јосифоска; Сказнувалка; Книговез; ХОПС; Хеклана; 5 до 12; и Reд. Галериската групна изложба ќе биде отворена во 20:00 часот на којашто ќе се најдат сликарски дела, графики, илустрации, фотографии и скулптури од 13 автори: Ана Трајковска, Андреј Митевски, Андреј Павлов; Давор Кешќец; Дамјан Ристевски; Дејан Џолев; Душан Стефановски; Жарко Башески; Јовица Мијалковиќ; Мирослав Масин; Сергеј Андреевски; Симон Шемов и Стефан Младеновски. Панел-дискусијата ќе се одржи во 18:00 часот на тема: NFT – механизам за продажба на уметност или медиум? каде што збор ќе имаат Иван Ивановски и Андреј Димов, а за музичкиот дел од 13:00 до 01:00 по полноќ ќе бидат задолжени: Мирко Попов; Марко Вилиќ; Luka Kekic; Baltiq; Георги Трајков и Lepi Хhoni + Shema Crew.

The post Актуелните случувања во креативните индустрии, уметноста, дизајнот, културата и образованието во „Јавна соба“ appeared first on Република.

Организаторите на саемот за вино во Франција ќе ги корегираат термините „македонско вино“ и „македонско лозје“, јавува дописникот на софиски Труд од Атина, повикувајќи се на соопштение на Здружението на производители на вино од северна Грција.

Организаторите на саемот за вино „Citadelles du Vin” пристапија кон замена на термините за вина произведени во с.Македонија, откако службата за трговски и економски прашања од грчката амбасада во Париз сигнализирала за соодветните термини во рекламните материјали за саемот.

Поради фактот дека терминот „Македонија“ е заштитен географски поим на Грција за вина произведени во регионот на Македонија, дадените термини го нарушуваат acquis communautaire во однос на статутот и грчките власти (Министерството за надворешни работи и Министерството за развој на селските реони и за храна) ги презедоа неопходните чекори кон организаторите, но и кон други органи и служби во Франција, се вели во соопштението на Здружението.

Во Договорот со Грција за вакви прашања стои:

Двете страни се согласуваат да им дадат поддршка и да ги охрабрат нивните деловни заедници да воспостават искрен, структуиран и во добра волја дијалог, во чии рамки ќе бараат и ќе постигнуваат заемно прифатливи решенија за прашањата кои произлегуваат од имињата закомерцијална намена, трговските марки и заштитни знаци и за сите релевантни прашања, на билатерално и на меѓународно ниво.

Самостојното истакнување свој амблем, појасни, не е против Преспанскиот договор, но трајните законски решенија треба се дефинираат преку меѓународната експретиза.

Грчкиот премиер Кирјакос Мицотакис минатата година го промовираше проектот „Macedonia the GReat“. Министерството за надворешни работи тогаш излезе со срамежлива  реакција дека тоа ја поткопува меѓусебната доверба, додека експерите велат дека за трговските марки потребна е заемна согласност и од македонска и од грчка страна.

The post Идентитет „бетон“: На саем во Франција забрaнети термините „македонско вино“ и „македонско лозје“ appeared first on Република.