Веќе трет ден по ред, комплексот „Борис Трајковски“ е центарот на сите случувања во Скопје, затоа што во тек е Саемот на мебел 2024 година. Богатата понуда од изложувачите, големиот избор на различни брендови, како и одличните саемски попусти предизвикаа голема заинтересираност кај голем број посетители.

Саемот е во тек и ќе се одржува до недела, со работно време од 10:00 до 20:00 часот, а во недела од 10:00 до 17:00 часот. Влезницата чини 150 денари или 250 денари блок влезница за двајца, односно 100 денари за секој нареден член на семејството.

Организаторите на Саемот на мебел посочија дека досега има голема посетеност, но за денеска и за претстојниот викенд очекуваат двојно повеќе посетители и најавуваат поголем метеж пред билетарниците на „Борис Трајковски“.

The post Богата понуда од изложувачи и голем интерес од посетители на Саемот за мебел appeared first on Република.

Под мотото „Освежи го својот дом“ денеска во комплексот „Борис Трајковски“ во Скопје е отворен Саемот на мебел 2024, кој ќе понуди саемски попусти од 40-тина изложувачи со над 70 претставени домашни и меѓународни брендови.

Сања Кондарко оперативен директор на проектот, изјави дека петте саемски денови заклучно со недела се исполнети со одлична саемска понуда. Посетителите имаат можност да добијат и бесплатен, професионален совет, од архитектонското студио Archx кое ќе биде дел од Саемот. Нивните архитекти на посетителите ќе им дадат соодветни решенија за опремување и дизајн на домот, ќе споделат совети за комбинирање на различни бои и материјали, насоки за максимално да го искористат нивниот простор со мебел со идеални димензии.

Ги покануваме сите посетители кои сакаат да го обноват или да го освежат својот дом да дојдат и да ги искористат петте саемски денови, со посебни цени на експонатите, попусти, изненадувања и награди. На саемот имаме околу 40-тина изложувачи со повеќе од 70 претставени брендови - домашни производители и странски познати брендови во дрвната индустрија, додатоци за мебел, се што се однесува за домот во однос на ладење, греење, и мебел за дома, и се што се однесува за домот. Секоја индивидуална фирма има можност да понуди проекти за домот вели Кондарко.

Таа оцени дека интересот на компаниите за учество е на ниво на минатогодишниот саем. Бројот на изложувачи е истиот, но, вели, зголемена е квадратурата на која се претставени компаниите, односно присутни се со повеќе експонати.

Комерцијална банка АД Скопје повторно е партнер на Саемот на мебел и има свој штанд, со специјалната понудата на кредитни производи и картички како поддршка на посетителите за лесно и едноставно да го обезбедат посакуваното парче мебел.

Саемот ќе се одржува од денеска до недела со работно време од 10:00 до 20:00 часот, а во недела од 10:00 до 17:00 часот. Влезницата ќе чини 150 денари или 250 денари блок влезница за двајца, односно 100 денари за секој нареден член на семејството.

The post Над 70 домашни и меѓународни брендови на годинашниот Саем на мебел 2024 appeared first on Република.

Од утре, 20 март започнува Саем на мебел и ќе трае до 24 март. Саемот ќе се одржува во комплексот „Борис Трајковски“ со работно време од 10:00 до 20:00 часот во среда, четврток, петок и сабота, а во недела од 10:00 до 17:00 часот.

Организаторот најавува големи саемски попусти и неверојатни понуди од многу изложувачи со над 70 претставени домашни и меѓународни брендови.

Влезницата ќе чини 150 денари или 250 денари блок влезница за двајца и секој ќе може да си го обезбеди својот влез на билетарата во „Борис Трајковски“. Посетителите ќе имаат можност на едно место да најдат сѐ што им е потребно за да го освежат домот, од едноставен и минималистички мебел до префинети и впечатливи парчиња мебел.

Исто така, секој ќе може да ја искористи ексклузивната можност да добие бесплатен, професионален совет, затоа што архитектонското студио Archx ќе биде дел од Саемот и нивните архитекти на посетителите ќе им дадат соодветни решенија за опремување и дизајн на домот, ќе споделат совети за комбинирање на различни бои и материјали, насоки за максимално да го искористат нивниот простор со мебел со идеални димензии.

Комерцијална банка АД Скопје повторно ќе биде партнер на Саемот на мебел и ќе има свој штанд, на кој ќе ја претстави специјалната понудата на кредитни производи и картички и ќе им ја понуди потребната поддршка на посетителите на Саемот за лесно и едноставно да го обезбедат посакуваното парче мебел.

The post Утре почнува Саемот за мебел во Скопје appeared first on Република.