Професор од Харвард, Роланд Фрајер, се соочил со бурни реакции и последици по неговото истражување кое не открило докази за расна пристрасност во полициските престрелки во САД. Според професорот Фрајер, ситуацијата драстично ескалирала, што го поттикнало да побара полициска заштита за неговата безбедност.

За време на разговор со Бари Вајс од „The Free Press“, професорот по економија на Харвард, разговарал за последиците од студијата од 2016 година што ја објави за расната пристрасност во полициската служба во Хјустон.

Студијата покажува дека полицијата има повеќе од двојно поголема веројатност да малтретира, тепа или употребува некој друг вид на нефатална сила против Афроамериканците и Хиспаноамериканците отколку против луѓето од другите раси. Сепак, податоците исто така утврдиле дека полицајците имале 23,8 отсто помали шанси да пукаат во Афроамериканци и 8,5 отсто помали шанси да пукаат во Хиспаноамериканци отколку да пукаат во белци.

Кога Фрајер објавил дека податоците покажале дека „нема расни разлики во пукањето на полицајците“, тој вели дека „се отворил пеколот“ и неговиот живот бил сериозно нарушен.

Фрајер ја добил првата од многуте поплаки и закани само четири минути по објавувањето.

Полни сте со сра*е“, пишувало во пораката.

Фрајер вели дека луѓето брзо „го изгубиле умот“, а некои од неговите колеги одбиле да веруваат во резултатите неколку месеци барајќи од него да не ги објавува податоците.

Имав колеги кои ме одведоа на страна и ми рекоа: „Не го објавувај ова. Ќе си ја уништиш кариерата“, открива Фрајер.

Светски познатиот економист знаел од коментарите на факултетот дека веројатно ќе наиде на бурни реакции. Фрајер признава дека очекувал оти резултатите од студијата ќе бидат различни и дека ќе ги потврдат сомневањата за расна пристрасност кон малцинствата. Кога резултатите не откриле расна пристрасност, Фрајер ангажирал осум нови асистенти и повторно ја променил студијата. Сепак, податоците се вратиле на исто.

По објавувањето на извештајот, Фрајер живеел под полициска заштита повеќе од еден месец. Во тоа време имал ќерка стара седум дена.

Одев во продавница да земам пелени, а со мене беше вооружениот чувар. Беше лудо. Беше навистина, навистина лудо“, вели тој.

Фрајер на 30-годишна возраст стана најмладиот афроамерикански професор на Харвард.

The post Професор од Харвард истражил дека нема расна пристрасност при полициските пукања во САД па се соочил со масовни закани appeared first on Република.

Поранешниот американски претседател, Доналд Трамп, (77) победи на партиските избори во државата Јужна Каролина, откако освои 61 отсто од гласовите, а неговата противкандидатка Ники Хејли 39 отсто, со што се доближи до републиканската номинација за претседателските избори во ноември.

Никогаш не сум ја видел Републиканската партија толку обединета како што е сега. Само посакувам да направиме избори во партијата побрзо, порача Трамп.

Ривалката на Трамп, Хејли (52), која беше гувернерка на Јужна Каролина, му честиташе на Трамп и изјави дека планира да ја продолжи трката, иако загуби во три други сојузни држави – Невада, Њу Хемпшир и Ајова.

Нејзиниот предизборен тим соопшти дека планираат да потрошат повеќе од еден милион долари за реклами во 15 држави кои гласаат на 5 март, познат и како „супер вторник“, јави „Вашингтон пост“. Нејзиниот тим планира денеска и утре да го посети Мичиген, по што ќе следат посети на најмалку шест други држави кои гласаат на 5 март.

Мојата желба за номинација е поттикната од фактот што имате мнозинство Американци кои велат дека не ги сакаат ниту Трамп ниту Џозеф Бајден за претседател. Сè додека имате мнозинство Американци кои велат „ве молиме дајте ни шанса“, јас ќе продолжам да се борам, изјави Хејли.

Сепак, изборниот штаб на Трамп ги отфрли континуираните напори на Хејли да остане во трката за номинација, велејќи дека „нејзината заблуда го поматува нејзиното расудување и оти таа не живее во реалниот свет“.

The post Ја „прегази“ Хејли во гласањето во нејзината држава: Трамп се поблизу до официјална кандидатура за претседател appeared first on Република.

Поранешниот американски претседател, Доналд Трамп, изјави дека поради четирите кривични обвиненија поднесени против него, тој има поголема поддршка меѓу Афроамериканците „бидејќи го гледаат како жртва на дискриминација“ и го споредуваат она што му се случува со историското наследство на предрасудите за Афроамериканците во правниот систем на САД.

Не сум обвинет за ништо, за нешто што е ништо. И многу луѓе рекоа дека затоа ме сакаат Афроамериканците, затоа што биле тешко повредени и дискриминирани и всушност ме виделе како дискриминиран. Тоа е прилично неверојатно, но можеби, можеби има нешто во тоа“, изјавиТрамп на собир на афроамериканските конзервативци во Јужна Каролина.

Трамп ја фокусира својата трета кампања за Белата куќа на критиките кон Бајден и на тоа што, како што вели,  „длабоката држава“ прави се против него.

Изборниот штаб на Трамп предвидува дека тој ќе помине подобро со афроамериканските гласачи во ноември отколку пред четири години, наведувајќи ја неговата предност за прашања како што се економијата и рекордниот број луѓе кои ја преминуваат американската граница со Мексико, кои често завршуваат во градови со големо афроамериканско население.

The post Трамп: Поради неоснованите обвиненијата против мене имам поголема поддршка од Афроамериканците appeared first on Република.

Активисти за човекови права бараат САД да бидат отстранети од Комитетот за човекови права на ОН по мачната егзекуција на затвореникот Кенет Јуџин Смит во Алабама.

Претставници од САД, Русија, Австрија и Франција испратиле апел до генералниот секретар на светската организација, Антонио Гутереш.

Како што изјавил Иван Мелников, потпретседател на рускиот огранок на Меѓународниот комитет за одбрана на човековите права, егзекуцијата била извршена со кршење на бројни меѓународни акти.

Тие користеа недокажан метод - азотна хипоксија, појаснува Мелников.

Извршувањето на смртната казна, првпат изведена со методот на азотна хипоксија, предизвика агонија на казнетиот кој делуваше дека е свесен додека „бесно се бореше на за живот“, а почина дури 10 до 15 минути по почетокот на егзекуцијата.

Активистите за човекови права велат дека егзекуцијата потесетува на употребата на медицински експерименти за убивање луѓе со отровен гас од страна на нацистите во концентрационите логори за време на Втората светска војна.

The post Активисти за човекови права побараа САД да бидат отстранети од Комитетот за човекови права на ОН appeared first on Република.

Јапонски корпорации во 2023 година купиле 222 компании во САД за 36 милијарди долари. Според советодавниот центар „Рекоф“ (Recof), тоа е за 30% повеќе отколку во 2022 година.

Главната сензација во оваа насока е објавата на јапонскиот металуршки гигант „Нипон Стил“ во декември 2023 година за неговата одлука да ја купи корпорацијата за челик „УС Стил“ (US Steel) за 14,1 милијарди долари. Јапонската корпорација е исто така подготвена да ги плати и долговите на американската компанија во износ од околу 742 милиони долари.

Поранешниот претседател Доналд Трамп најави дека ќе го раскине овој договор доколку се врати на функцијата шеф на државата.

The post Јапонците лани купиле 222 американски компании appeared first on Република.

Повеќе од 170.000 жители на Тексас потпишале петиција за отцепување  на сојузната држава од од САД. Движењето за отцепување од земјата веќе беше наречено „Текзит“ по аналогија со Брегзит.

Како што пишува „Њузвук“ повеќе од 139.000 од потписниците на петицијата се републиканци, додека останатите се демократи.

Потписите биле доставени до гувернерот Абот на 13 февруари, како дел од законодавните напори за усвојување на иницијативата за прелиминарното гласање на Републиканците.

Истиот ден гувернерот на Тексас најави поширока воена операција на јужната граница.

The post Повеќе од 170.000 Тексашани потпишале петиција за отцепување од САД appeared first on Република.

Американските власти ставија на црната листа 14 руски нафтени танкери за да наметнат ограничување од Западот на цената на суровата нафта што ја продава Москва.

Санкциите воведени од Министерството за финансии на САД се насочени кон руската национална компанија „Совкомфлот“. Таа компанија доби рок од 45 дена за истовар на нафта и друг товар од 14 бродови.

Мерката доаѓа во пресрет на втората годишнина од руската инвазија на Украина.

The post САД ставија 14 руски танкери на црната листа appeared first on Република.

Директорот на ФБИ, Кристофер Вреј, на конференцијата за безбедност во Минхен, изјави дека обидите на кинеските хакери да ја нападнат критичната американска инфраструктура користејќи малициозен софтвер неодамна „достигнале невидени размери“, што Вашингтон го смета за закана за националната безбедност. Како што пишува „Волстрит џурнал“, Вреј ја наведува групата „Volt Typhoon“ како пример за своите тврдења.

На почетокот на февруари, американската агенција за кибер-безбедност и инфраструктура, ФБИ и Националната агенција за безбедност, известија дека хакери спонзорирани од Кина ги нападнале мрежите на бројни организации низ САД, вклучително и комуникациски, енергетски, транспортни и водоводни претпријатија, а напаѓачите би можеле да ја нарушат нивната операција. Според американските власти, хакерите одржувале пристап до компјутерските мрежи на некои објекти најмалку пет години.

Според Вреј, хакерите поддржани од Пекинг превентивно инјектираат малициозен софтвер во цели кои можат да бидат лансирани во секое време, нарушувајќи ја критичната инфраструктура на САД.

Ова е само врвот на ледениот брег, ова е еден од многуте слични обиди на Кина“, изјави Вреј.

Шефот на ФБИ не прецизираше кои објекти се оштетени, само истакна дека агенцијата „врши многу работа“. Вреј, исто така, ги предупреди властите во Европа и Азија за ризикот од сајбер напади од Кина.

The post ФБИ предупореди на „невиден размер“ на кинески сајбер напади врз американската инфраструктура appeared first on Република.

Високиот суд во Лондон го заврши првиот ден од сослушувањето во врска со жалбата на основачот на Викиликс Џулијан Асанж против одлуката за негова екстрадиција во САД.

Пред судот прво се обратија адвокатите на Асанж, кои рекоа дека се работи за политички мотивиран случај, додавајќи дека на нивниот клиент му биле прекршени човековите права, пренесува Би-би-си.

Тие истакнаа дека имаат докази за заговор на американската Централна разузнавачка агенција (ЦИА) за убиство на Асанж за време на претседателскиот мандат на Доналд Трамп.

Адвокатот Ед Фицџералд КЦ рече дека не може да им се верува на американските гаранции за правичен третман, додавајќи дека неговиот клиент може да биде осуден на „грубо неправеден и непропорционален начин доколку биде екстрадиран“.

За време на сослушувањето, пред судот во Лондон се одржа протест на новинарите и поддржувачите на Асанж.

Продолжението на судењето е закажано за утре, кога пред судот ќе се обратат американските адвокати.

САД бараат екстрадиција на Асанж за објавување тајни воени досиеја во 2010 и 2011 година, а Врховниот суд на Велика Британија одлучи дека Асанж треба да биде екстрадиран, отфрлајќи ги тврдењата дека поради лошо ментално здравје може да изврши самоубиство во американски затвор.

Порталот на Асанж „Викиликс“ стана познат во 2010 година кога објави видео од напад на американската армија со хеликоптери „Апачи“ во Багдад во 2007 година, при што загинаа десетици луѓе, меѓу кои и двајца новинари на Ројтерс.

После тоа, беа објавени илјадници тајни доверливи документи и дипломатски извештаи во кои САД ги критикуваат светските лидери, од рускиот претседател Владимир Путин до членовите на саудиското кралско семејство.

Во САД, Асанж е обвинет за шпионажа по 17 точки, а доколку биде прогласен за виновен, може да добие и до 175 години затвор.

The post Адвокатите на Асанж тврдат дека случајот е политички мотивиран и имаат докази за заговор на ЦИА appeared first on Република.

Кандидатката за претседателска номинација на Републиканската партија, Ники Хејли, изјави дека нема да се откаже од трката за номинација, додавајќи дека не е загрижена за нејзината политичка судбина.

Не одам никаде. Не се плашам гласно да зборувам тешки вистини. Не чувствувам потреба да бакнувам нечија рака. Не се плашам од одмаздата на Трамп. Не барам ништо од него. Не сум загрижена за сопствената политичка иднина, изјави Хејли на митинг во Гринвил, Јужна Каролина.

Таа ја отфрли идејата да се кандидира за потпретседател или да се кандидира во следниот изборен циклус. Анкетите на јавното мислење покажуваат дека поранешниот американски претседател Доналд Трамп има поддршка од 77,7 отсто од републиканците, додека Хејли ја поддржуваат 16,6 отсто од гласачите на Републиканската партија.

Трамп досега има убедливи победи на внатрепартиските избори во Ајова, Њу Хемпшир, Невада и Девствените Острови, а во моментов има освоено 63 делегати, додека Хејли само 17 делегати.

Следните избори ќе се одржат на 24 февруари во Јужна Каролина, родната држава на Ники Хејли каде таа беше гувернер од 2011 до 2017 година.

The post Чека Трамп да биде дисквалификуван: Ники Хејли не се откажува од трката за претседателска номинација appeared first on Република.

Американец кој мислел дека освоил „џекпот“ од 340 милиони долари, ја тужи лотаријата „Пауербол“ во САД, која по грешка ги објавила неговите броеви.

Џон Чикс од главниот град Вашингтон тврди дека бил „зачуден“ кога видел дека победничките броеви за јануари 2023 година се совпаѓаат со оние од неговиот лоз. Но, кога го однел ливчето до Канцеларијата за лотарија и игри, неговото побарување било одбиено.

Вработениот одговорен за исплати ми рече дека мојот лоз е неважечки и дека можам само да го фрлам во канта, изјави Чикс за Би-би-си.

Забуната настанала поради „техничка грешка“, според надлежните. Имено, дента кога лозот е купен во тек биле тестови на интернет-страницата на „Пауербол“, па таму „случајно“ била објавена низата „тест-броеви“ коишто се совпаѓале со оние на Чикс.

Меѓутоа, „несреќниот добитник“ го задржал лозот и најмил адвокат. Сега тој ја тужи лотаријата и бара отштета од 340 милиони долари – токму онолку колку што верувал дека добил по лажното известување.

The post Американец тужи лотарија – по грешка ги објавиле неговите броеви за добивка од 340 милиони долари appeared first on Република.

На средба со американскиот државен секретар, Ентони Блинкен во Минхен, кинескиот министер за надворешни работи, Ванг Ји побарал од американските власти да ги укинат едностраните санкции против Кина.

Ванг Ји побара САД да ги укинат нелегалните еднострани санкции за кинеските претпријатија и поединци и да не ги нарушуваат легитимните права и развојните интереси на Кина“, соопшти кинеското Министерство за надворешни работи.

Во соопштението се појаснува дека Ванг Ји им укажал на САД на потребата од градење односи засновани на принципите на меѓусебно почитување, мирен соживот и „соработка во која сите добиваат“.

Кинескиот дипломат нагласил дека Пекинг и Вашингтон мора „активно да го бараат вистинскиот пат што ќе им овозможи на двете големи сили да се сложуваат меѓу себе“.

The post За градење односи засновани на меѓусебно почитување: Кина бара од САД да ги укине едностраните санкции appeared first on Република.

Префрлањето на Авдивка под контрола на руските сили е цената за непостапувањето на Конгресот, изјави денеска портпаролката на Советот за национална безбедност на Белата куќа, Адриен Вотсон и го повика Претставничкиот дом веднаш да го одобри барањето за дополнителни финансирања за Киев.

Ова е цената на неактивноста на Конгресот. Украинците продолжуваат храбро да се борат, но нивните залихи на оружје се намалуваат. Од витално значење е Претставничкиот дом брзо да го одобри барањето за дополнително финансирање за Украина, за да можеме да им обезбедиме артилериска муниција и друга критична опрема што им е потребна за заштита на нивната земја, рече Вотсон.

Украинските војници се повлекоа од разурнатиот источен град Авдивка.

Американскиот претседател, Џо Бајден, претходно оваа недела предупреди дека Авдивка може да падне во рацете на руските сили поради недостиг на муниција по неколкумесечното републиканско противење на новиот пакет американска воена помош за Киев.

Претходно, за време на говорот на Минхенската безбедносна конференција, украинскиот претседател Володимир Зеленски рече дека повлекувањето на украинските вооружени сили од Авдивка е резултат на недоволната помош од Западот и недостигот на муниција.

The post Белата куќа го обвини американскиот Конгрес за руското заземање на Авдивка appeared first on Република.

Соединетите Американски Држави и’ префрлија на Естонија речиси 500.000 долари од запленетите руски средства за да и’ помогнат на Украина, соопшти денеска американското Министерство за правда.

Ова е прв ваков трансфер на средства од Соединетите Американски Држави на странски сојузник со цел директна помош за Украина. Конфискуваните средства се префрлаат во Естонија бидејќи сегашните околности не дозволуваат тие да бидат директно префрлени во Украина, се вели во соопштението.

Се додава дека Естонија ќе ги искористи овие средства за проект поврзан со поправка на електродистрибутивните и преносните системи на Украина кои, како што се наведува, биле нападнати од руски војници.

The post САД префрлија 500.000 долари од запленетите руски средства за помош на Украина appeared first on Република.

Џорџ Сорос купува голем удел во втората по големина радио компанија во САД, „Аудаси“, која поседува повеќе од 220 станици низ целата земја, пишува „Дејли мејл“.

Фондацијата на милијардерот Сорос купила долг од 400 милиони долари од „Аудаси“, која е број 2 во САД за емитување на „iHeartMedia“ со станици вклучувајќи ги њујоршките „WFAN“ и „1010 VINS“, како и „KROCK“ од Лос Анџелес, покажуваат документите за стечај на „Аудачи“.

Републикански извор, за публикацијата изјавил дека верува оти Сорос можеби купува акции за да влијае на јавното мислење во САД во месеците пред претседателските избори годинава.

Тоа би било страшно“, им рекол изворот на новинарите.

Извори за „Д Пост“ изјавиле дека уделот на Сорос е еднаков на околу 40% од главниот долг на компанијата, што може да обезбеди ефективна контрола на медиумскиот гигант откако ќе излезе од банкрот.

The post Сорос сака да ја преземе контролата врз втората по големина мрежа на радио станици во САД за време на изборите во 2024 година appeared first on Република.

Вредноста на договорите за купување оружје преку американската влада во фискалната 2023 година изнесува рекордни 80,9 милијарди долари.

Тоа е највисоката годишна вредност некогаш забележана. Исто така, ова е зголемување од 55,9% во однос на 2022 година.

Во продолжение дел од склучените договори:

▪️ 48 лансери „Патриот“, стотици проектили, 12 ЛТАМДС радари за Полска - 15 милијарди долари;

▪️ 96 ударни хеликоптери „Апачи“ за Полска - 12 милијарди долари;

▪️ 486 Хајмарс МЛРС за Полска - 10 милијарди долари;

▪️ 60 транспортни хеликоптери „Чинук“ за Германија - 8,5 милијарди долари;

▪️ 20 транспортни авиони Ц-130 „Херкулес“  за Австралија - 6,35 милијарди долари;

▪️ 16 противподморнички патролни авиони П-8А „Посејдон“ за Канада - 5,9 милијарди долари;

▪️ 25 ловци Ф-35 за Јужна Кореја - 5 милијарди долари;

▪️ Систем за контрола на воздушната одбрана ИБЦС за Полска - 4 милијарди долари;

▪️ 116 тенкови М1А1 „Абрамс“ за Полска со муниција - 3,75 милијарди долари;

▪️ 183 оклопни транспортери „Страјкер“ за Бугарија - 1,5 милијарди долари;

▪️ 18 транспортни хеликоптери „Чинук“ за Јужна Кореја - 1,15 милијарди долари.

The post САД добиле рекордни нарачки за продажба на американско оружје appeared first on Република.

Претседателот на Комитетот за разузнавачки прашања на Конгресот на САД, Мајк Тарнер денеска соопшти дека има информации за сериозна закана за националната безбедност на САД.
Тарнер денеска испрати е-пошта до членовите на Конгресот, велејќи дека неговиот комитет има итни и доверливи информации за „дестабилизирачки странски воени капацитети“.

Републиканскиот конгресмен не даде повеќе детали за наводната закана.

Американскиот советник за национална безбедност Џејк Саливан им изјави на новинарите во Белата куќа дека в четврток ќе се сретне со Тарнер и со уште неколку конгресмени задолжени за разузнавање, но тој не даде никакви детали за наводите на Тарнер.

The post Американски конгресмен тврди дека има сериозни закани за националната безбедност на САД appeared first on Република.

САД се многу загрижени поради одлуката на косовската влада да не дозволи користење на динарот, вели американскиот помошник државен секретар Џејмс О’Брајан во интервју за aлбанскиот сервис на „Гласот на Америка“, коментирајќи ја новата регулатива на Централната банка на Косово, со која еврото станува единствената валута за плаќање во Косово.

Вели дека и покрај предупредувањата на Вашингтон, косовската Влада не отстапила од одлуката и почнала да ја спроведува.

Со тоа. О‘Брајан вели дека косовската влада го доведува во прашање партнерството со САД.

„Јас не упатувам нејасни закани во јавноста. Би рекол дека ако не не третираат како партнер, нема да ја третираме ниту владата на Косово како партнер“.

вели помошник државниот секретар на САД.

О‘Брајан вели дека веднаш гбиле детектирани сите проблеми кои настанале после објавувањето на одлуката за повлекување на динарот, но посочува дека Владата на Косово продолжила со спроведувањето,.

„Ова не е форма на ефективно владеење. Ние сме многу загрижени, бидејќи тоа ја покажува неспособноста на владата да им служи на граѓаните, но и на партнерството. Да се ​​биде дел од Европа денес значи решавање на прашањата преку дијалог со ефективно планирање и предупредување. Оваа одлука е објавена набрзина, без предупредување и без обид да се искористат постоечките механизми за да се најдат одговори за сите проблеми кои би можеле да се појават“, вели О‘Брајан.

Според новата регулатива на Централната банка на Косово, еврото станува единствената валута за плаќање во Косово. Откако Меѓународната заедница повика оваа одлука да биде одложена за транзициски период. Но, Центрачната банка на Косово даде само тримесечен период за едукација и информирање на граѓаните.

О‘Брајан смета дека оваа одлука треба да се повлече, а потоа да се бара решение на проблемот како што, според него, тоа го прават современите европски држави.

„Луѓето треба да знаат како ќе си ги платат сметките. Кога го прочитав соопштението на Централната банка, не пишува дека ќе се дозволи користење на динарот. Вели дека ќе биде понудена алтернатива. Тоа мораше да се направи пред да се спроведе одлуката во соработка со засегнатите заедници и соседите засегнати од одлуката, како и со Европската Унија и со нас. Значи, веднаш треба да го прекинат ова и потоа да работат на решавање на конкретниот проблем што сакаат да го решат, исто како што тоа го прават современите европски држави“,

вели О‘Брајан.

На оваа тема О‘Брајан разговарал и со косовскиот премиер Албин Курти во периодот на објавување на одлуката, а имале и кратко разговори потоа.

„Тој ја разбра загриженоста. Вети дека ќе работи на ова. Но, јасно одлучи да ја одобри одлуката. Ако не не третира како партнер, се поставува прашањето дали оваа влада можеме да ја сметаме за партнер“,

рече О‘Брајан.

На прашањето дали смета дека зад инцидентот во Бањска стои Белград, тој рече дека тогаш јасно било ставено до знаење дека КФОР ги штити сите луѓе на Косово, вклучително и оние во северниот дел, но нагласува дека потоа Србија го сменила шефот на разузнавачката служба, но и ги повлекла војниците од границата

„Ги повикавме двете влади да бидат транспарентни и отворени со КФОР. Сакам да нагласам дека Србија го смени шефот на разузнавачката служба, кој беше вклучен во тоа. Тие ги уапсија и се согласија да ги гонат лицата директно одговорни за инцидентот во Бањска, а српските војници се повлекоа од областа во близина на границата. Сите овие чекори се преземени после инцидентот во Бањска, односно беа преземени чекори за де факто имплементирање со царината и регистарските таблички“,

рече тој.

О‘Брајан вели дека тоа биле важни чекори кои дошле како резултат на одговорот и посветеноста на дијалогот.

„Сакаме посветеност, да работиме на практични решенија за овие проблеми, а не да преземаме еднострани мерки за личен интерес кои ги загрижуваат и вашите граѓани и вашите партнери“, изјави О‘Брајан.

The post О’Брајан остар кон Курти: Јас не упатувам нејасни закани во јавноста, ако не не третираат како партнер, нема да ја третираме ниту владата на Косово како партнер appeared first on Република.

Кризата на границата во Тексас доведе до пораст на популарноста на идејата за независност на оваа погранична американска држава, пишува „Њузвик“.

Според истражувањето што го презентира изданието, 44 отсто од испитаниците сакаат Тексас да се отцепи од САД, 35 отсто не се сигурни, а 16 отсто нема да ја поддржат државната независност.

Од агенцијата „Redfield & Wilton Strategies“ анкетирале 814 граѓани со право на глас во Тексас за различни политички прашања.

На прашањето: „Дали сегашната мигрантска криза прави повеќе или помалку шанси да ја поддржите независноста на Тексас?“ - 23% одговориле „многу поверојатно“, а други 21% одговориле „поверојатно“.

Опозицискиот политиколог, професорот Мет Квортруп, вели дека резултатите од анкетата покажуваат високо ниво на Тексашки национализам, нешто што централната власт треба да го сфати сериозно.

The post Речиси половина од жителите на Тексас поддржуваат отцепување од САД appeared first on Република.

Шефот на Пентагон, Лојд Остин, повторно e хоспитализиран

Според првичните информации соопштени од американското министерство за одбрана, лекарите откриле сериозни проблеми со мочниот меур на секретарот за одбрана.

The post Шефот на Пентагон повторно е хоспитализиран поради сериозни здравствени проблеми appeared first on Република.