Русија до 13 часот извршила повеќе од 30 напади врз цивилната и воената инфраструктура во Украина, се наведува во извештајот на Генералштабот на украинската армија.

Вооружените сили на агресорот извршија повеќе од 30 напади со крстосувачки ракети „калибер“, а извршија и повеќе ракетни напади. Во нападите учествуваа авијацијата и артилеријата, чија цел беше цивилната и воената инфраструктура во Украина - соопшти Генералштабот.

Во извештајот се додава дека „непријателот ја продолжува офанзивата од воздух, како и дека ја преминал украинската граница во правците Аријанск-Херсон, Чаплинка-Каховка“.

Според украинскиот Генералштаб, забележена е засилена активност на диверзантско-извидувачки групи во оперативната област Бесарабија и во Црноморската оперативна зона на Украина.

Поголем дел од Здружените украински сили се преминати на одбранбени операции.

Оперативно-тактичките групи водат одбранбени борби во сите правци во кои непријателот напредува - се вели во соопштението на Генералштабот на украинската армија во Киев.

The post Украински Генералштаб: Русија до 13 часот изведе повеќе од 30 напади appeared first on Република.