Руска ракета го погоди пристанишниот град Одеса, јавија странските агенции.

Засега нема информации за евентуални жртви или материјална штета.

Неколку украински региони денеска се во состојба на готовност поради ракетни напади, а сирените за воздушен напад се огласија во Одеса, Полтава, Днепропетровск, Суми и Николаевската област, како и делови од Кировоградската област.

Исто така, сирените се огласија и во Запорожје и Херсон, кои се под контрола на Киев.

The post Руска ракета ја погоди Одеса, сирени низ цела Украина appeared first on Република.

Генералштабот на украинската војска соопшти дека руски крстосувачки ракети ја погодиле и уништиле воената база во близина на главниот град Киев и „делумно ја разориле“.

Околу 5 часот утрото по локално време непријателот почна напад истрелувајќи шест крстосувачки ракети „Калибр“ врз воената постројка Лиутиј во регионот на Киев - изјави за медиумите Олексиј Громов, висок функционер во врвот на украинските вооружени сили.

Громов додаде дека ракетите биле истрелани од насока на црноморскиот полуостров Крим.

Тој тврди и дека руските сили, наводно, со повеќекратни ракетни лансери од територијата на соседна Белорусија извеле напад во северниот украински регион Чернигов.

Има загуби меѓу украинската војска - додаде Громов.

Според него, проруските сепаратисти и руските трупи го продолжиле напредувањето кон градовите Северск и Бахмут на границата на одметнатата област Донбас, доминантно населена со руско и рускојазично население.

Ситуацијата таму е тешка но целосно под контрола - додаде Громов.

Во јужниот регион Херсон, каде што Киев со недели најавува контраофанзива откако го ракетира со американските системи со голем дострел и висока мобилност ХИМАРС, наводно последните две недели украинската војска успеала да врати под контрола три села. Сепак, западните медиуми наведуваат дека не можно да се потврдат информациите од независни извори.

Во меѓувреме, проруските сепаратисти од Доњецк известија дека во масивните украински гранатирања во изминатото деноноќие загинале четворица цивили, додека, пак, украинската страна наведува дека во продолжиле руските бомбардирања во неколку региони.

The post Руски ракети уништиле украинска воена база во близина на Киев appeared first on Република.

Британското министерство за одбрана објави извештај во кој се наведува дека руските сили во Украина се потпираат на ракети од времето на Студената војна кои би можеле да имаат „сериозни“ последици за цивилите, поради тоа што им се потрошило модерното оружје.

Во извештајот се наведува дека застарените ракети Kх-22 од 1960-тите се исклучително опасни бидејќи се „многу непрецизни и затоа можат да предизвикаат сериозни колатерални штети и последици“.

Русија веројатно користи тешки противбродски ракети бидејќи и снема попрецизни современи ракети - се вели во британскиот извештај.

Британското министерство не прецизира каде точно се распоредени ваквите проектили, кои имаат дострел од околу 1.000 километри.

[Тие] првенствено се дизајнирани да уништуваат носачи на авиони користејќи нуклеарна боева глава. Кога се користат во копнен напад со конвенционална боева глава, тие се многу непрецизни и затоа можат да предизвикаат значителна колатерална штета и цивилни жртви.

 

Русија веројатно прибегнува кон такви неефикасни вооружени системи бидејќи ѝ недостигаат попрецизни модерни ракети, додека украинската противвоздушна одбрана продолжува да ги одвраќа нивните тактички авиони од напади низ поголемиот дел од земјата - заклучува британското Министерство за одбрана.

Украинските власти не ја потврдија употребата на ракети од 5,5 тони, додека Русија традиционално не ги коментира западните воени извештаи.

The post Британците тврдат дека на Русија и снема модерно оружје и затоа користи ракети од Студената војна кои се сериозен ризик за цивилите appeared first on Република.

Официјалниот претставник на руската армија, генерал-мајор Игор Конашенков, соопштидека при ракетен напад врз цели во Киев се уништени тенкови Т-72 и други оклопни возила испорачани на Украина од земји-членки на Европска Унија.

Ракети со голем дострел истрелани од руската авијација уништија хангари на периферијата на Киев, во кои имаше тенкови Т-72 и други оклопни возила доставени од источноевропските земји - соопшти Конашенков.

Такво оружје на Украина и беше ветено од Полска, од Словачка и од Чешка.

Претходно, градоначалникот на Киев, Виталиј Кличко на Телеграм објави дека утрово во киевските квартови Дарницки и Днипровски се регистрирани повеќе експлозии, како и дека едно лице било повредено.

Истовремено, украинското воено воздухопловство соопшти дека руските сили истрелале неколку крстосувачки ракети во правец на Киев од руски авиони Ту-95, што се распоредени во Каспиското Море. Една од ракетите била уништена од укранската противвоздушна одбрана.

The post Конашенков: Со ракетен напад врз хангари во Киев уништени се тенкови Т-72 и други оклопни возила добиени од ЕУ appeared first on Република.

Руското министерство за одбрана соопшти дека во ракетен напад е уништено големо количество на дронови, оружје и муниција што украинската војска ги добила од САД и европските сојузници.

Во соопштението на Министерството се наведува дека нападот бил извршен со со проектили со висока прецизност „Оникс“, при што било уништено складишпте на војниот аеродром во близина на Одеса

Високопрецизни ракети „Оникс“ ги погодија логистичките центри на воениот аеродром во областа Одеса, преку кои се доставува оружје од странство - се наведува во соопштението на руското министерство за одбрана.

https://twitter.com/RALee85/status/1521421947384565760?ref_src=twsrc%5Etfw%7Ctwcamp%5Etweetembed%7Ctwterm%5E1521421947384565760%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3925163%2Fuzivo-69-dan-rata-u-ukrajini

The post Руски ракети „Оникс“ разнеле склад со оружје, муниција и дронови што Украина ги добила од САД appeared first on Република.

Руското Министерство за одбрана соопшти дека нивни ракети во текот на ноќта уништиле четири складишта за гориво во украинските градови Николаев, Харков, Запорожје и Чугуев.

Според соопштението на министерството, тие објекти Украина ги користела за снабдување на своите војници во близина на градовите Николаев и Харков и во регионот на Донбас на крајниот југоисток, пренесува „Ројтерс“.

The post Руски ракети уништиле скалдишта на гориво во Николаев, Харков, Запорожје и Чугуев appeared first on Република.

Портпаролот на Пентагон, Џон Кирби, изјави дека САД не разбраат зошто руските вооружени сили одлучиле да употребат хиперсонична ракета за време на воената акција во Украина.

Кирби за време на прес-конференцијата потврди дека во најмалку еден случај била истрелана руска хиперсонична ракета.

Интересно е што тоа го избраа во нападот врз фиксната градба. Кога ќе го погледнете опсегот на хиперсонични проектили и релативно блиската цел, тешко е да се знае кое е точното оправдување за тоа. Нејасно е кои биле нивните намери - изјави Кирби.

Портпаролот на руското Министерство за одбрана, Игор Конашенков, претходно соопшти дека руските сили користеле хиперсонични ракети „Кинжал“ во напад на големо складиште за гориво во регионот Николаев во Украина.

The post На Пентагон не му е јасно зошто руските сили употребиле хиперсонични ракети appeared first on Република.