Рускиот милијардер Олег Тинков ја осуди „безумната“ руска војна во Украина и го повика Западот да помогне да запре „масакрот“.

Деведесет проценти од Русите се ПРОТИВ таа војна, објави Тинков на Инстаграм, потенцирајќи оти „безумната војна не е во корист на НИКОГО“ бидејќи „гинат невини луѓе и војници“.

Тинков е основач на „Банка Тинкофф“ формирана во 2006 година, кој аденес има околу 20 милиони клиенти. Тој во 2020 година се повлече од функцијата извршен директор на банката. Тинков е на списокот на лица кои се под британски санкции поради руската инвазија врз Украина.

The post 90% од Русите се против војната, тврди рускиот милијардер Олег Тинков appeared first on Република.

Француските власти соопштија дека, како дел од санкциите на Европската Унија кон Русија, ја заплениле јахта поврзана со Игор Сечин, извршен директор на рускиот нафтен гигант Роснефт.

Француското Министерство за финансии соопшти дека царинските органи извршиле контрола на јахтата „Аморе Веро“ во медитеранското одморалиште Ла Сјота.

Јахтата пристигна во Ла Сјота на 3 јануари на поправка и требало да остане до 1 април.

Кога француските цариници дошле да ја прегледаат јахтата, нејзиниот екипаж се подготвувал за итно испловување, иако поправката не била завршена - се вели во соопштението.

Јахтата е запленета за да се спречи нејзино заминување.

Во соопштението се наведува дека бродот е во сопственост на компанија чиј главен акционер е Сечин, кој е извршен директор на рускиот нафтен гигант Роснефт.

The post Француските власти ја заплениле јахтата на рускиот милијардер Игор Сечин appeared first on Република.