Хеликоптер Ми-2 се урна вчера во централниот руски регион Киров, при што загинаа сите четири патници, соопштија претставници на руското Министерството за вонредни ситуации.

Хеликоптерот, управуван од еден пилот, во кој имало лекар и двајца болничари, се урнал во шума во близина на селото Белеенки, на околу 700 километри источно од Москва, се наведува во соопштението на Министерството.

Спасувачите прво пронашле три тела на местото на несреќата, но подоцна го лоцирале и четвртото, соопшти Министерството.

Властите се уште не ги соопштиле причините за несреќата.

„Ми-2“ е мал хеликоптер со советски дизајн кој се користи за различни намени.

The post Се урна руски хеликоптер при што загинаа тројца медицински работници и пилотот appeared first on Република.

Најмалку две лица загинаа кога утринава се урна руски хеликоптер Ми-8 со работници во областа Магадан, соопштија од итните служби.

„Хеликоптерот Ми-8 превезуваше 20 работници од еден од рудниците во регионот Магадан. Се урна. Две лица загинаа, а судбината на другите не е позната“, соопшти службата за итни случаи.

Главните причини за несреќата се технички дефект и грешка на пилотот при тешки временски услови.

Според прелиминарните податоци, при изнесувањето на работниците во областа на несреќата имало тешки временски услови, па опремата не издржала, а се размислува и за човечкиот фактор, прецизираат од Итната помош.

The post Се урна руски хеликоптер „МИ-8“ со работници во рудник, двајца загинаа appeared first on Република.

Хеликоптер Ми-8 на руското Министерство за вонредни ситуации се урна во езеро во северна Карелија со тројца членови на екипажот, соопшти денеска Министерството, додавајќи дека во тек е подводна потрага.

Хеликоптерот беше на тренинг лет, соопшти Министерството на апликацијата за пораки Телеграм.

Хеликоптерот беше управуван од искусен екипаж со илјадници часови лет, се додава.

Министерството соопшти дека во потрагата биле вклучени нуркачи и подводно возило на далечински управувач. Тие не објавија никакви информации за статусот на членовите на екипажот.

Регионот Карелија е поделен на два дела: финскиот регион Карелија и руската Република Карелија во северозападниот дел на Русија, меѓу Белото и Балтичкото море, каде што се урна хеликоптерот.

The post Руски хеликоптер се урна во езеро, се трага по екипажот appeared first on Република.

Рускитe хеликоптери Ка-52 се во состојба да ја запрат контраофанзивата на Вооружените сили на Украина, пишува германскиот весник „Дер Шпигел“.

Колку подолго трае војната, толку подобро руската армија се прилагодува на тактиката на вооружените сили на Украина и ги напаѓа. Сега над украинската пешадија лебди моќен непријател - рускиот хеликоптер Ка-52, познат како Алигатор. Тоа е еден од најдобрите борбени хеликоптери во светот“, се наведува во написот на германскиот весник.

Според авторот на текстот, руското оружје се покажало одлично за време на контраофанзивата на војската на Украина.

Како што се наведува во текстот, украинските трупи не можат слободно да се движат поради многубројните утврдени руски позиции, па лесно стануваат мета на руските хеликоптери.

The post „Шпигел“: Руските хеликоптери можат да ја запрат украинската контраофанзива appeared first on Република.

На социјалните мрежи се појави видео од соборувањето на рускиот хеликоптер Ка-52 Алигатор. Наводно, тоа се случило во регионот на Херсон, но не се наведува точно, кога се случила оваа битка.

Украинскиот војник користел рачен ракетен систем МАНПАДС за гаѓање цели во воздух, иако има информации дека бил користен и системот „Игла“.

На видеото се гледа како, откако гледа дека рускиот хеликоптер е соборен, украинскиот војник почнува да вика и да скока од радост.

Според украински извори, во последните 24 часа, во овој дел на Украина биле соборени два руски хеликоптери.

Руската страна не излезе со коментар за овие тврдења, ниту пак има официјална потврда од независен извор.

The post Украински војник во Херсон со рачен фрлач собори руски хеликоптер Ка-52 Алигатор appeared first on Република.

На социјалните мрежи кружи видео од соборување на рускиот воен хеликоптер во Донбас.

Британски „Сан“ пишува дека хеликоптерот бил погоден од проектил истрелан од припадници на украинските противвоздушни сили, по што, пред да биде соборен се претворил во огнена топка.

https://www.youtube.com/watch?v=K23LyuBj158&feature=emb_title

Генералштабот на вооружените сили на Украина во неделата соопшти дека од почетокот на руската воена операција на 24 февруари, украинските сили собориле 175 хеликоптери на руската армија, како и 210 борбени авиони.

The post Драматична снимка од соборување на руски хеликоптер во Донбас: Украинците тврдат дека досега уништиле 175 appeared first on Република.

Украински извори соопштија дека руски воен хеликоптер Ка-52 бил соборен прексиноќа над Харков.

На социјалните мрежи се објавени и фотографиите на кои, наводно, се гледаат остатоците од леталото.

https://twitter.com/donikroman/status/1514888307402059779?ref_src=twsrc%5Etfw%7Ctwcamp%5Etweetembed%7Ctwterm%5E1514888307402059779%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fsvet%2Fruske-vesti%2F619288%2Fukrajina-rat-51-dan%2Fvest

Истовремено, од украинскиот Генералштаб наведуваат дека Русија од почетокот на воената операција изгубила 756 тенкови, 1.976 оклопни борбени возила и 366 артилериски системи. Во соопштението се додава дека армијата на Украина уништила 64 руски системи за противвоздушна одбрана, 163 авиони, 144 хеликоптери и 135 беспилотни летала.

https://twitter.com/DefenceU/status/1514891998804824064?ref_src=twsrc%5Etfw%7Ctwcamp%5Etweetembed%7Ctwterm%5E1514891998804824064%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fsvet%2Fruske-vesti%2F619288%2Fukrajina-rat-51-dan%2Fvest

The post Украина: Руските жртви во војната надминаа 20.000 војници appeared first on Република.