Воздухопловните сили на Украина денеска соопштија дека украинските системи за противвоздушна одбрана во текот на ноќта ги уништиле сите десет беспилотни летала лансирани од Русија против Украина, пренесоа британските медиуми.

Беспилотните летала се уништени над регионите Запорожје и Дњепропетровск во Украина, соопшти украинското воздухопловство на апликацијата за комуникација Телеграм.

The post Украина се пофали дека уништила десет руски дронови appeared first on Република.

Вооружените сили на Украина соооштија дека украинската противвоздушна одбрана соборила 12 од 15 дронови, лансирани од Русија.

Дроновите биле соборени над Дњепропетровск, Доњецк и Полтавска област.

Сепак, како што соопшти шефот на воената управа на регионот Дњепропетровск, Серхиј Лисакруско, беспилотно летало погодило фабрика во околината на градот Кривој Рог.

Нападот предизвикал пожар, но сè уште нема информации за евентуални жртви.

The post Украина се пофали дека соборила 12 од 15 лансирани руски дронови appeared first on Република.

Во текот на ноќта, Русија извршиla напади со беспилотни летала врз Киев и јужна Украина, при што е ранет еден цивил, а оштетени се згради и гасовод во речното и морското пристаниште Николаев, објави утрово украинската армија.

Украинските воздухопловни сили соопштија дека нивните системи за противвоздушна одбрана уништиле 40 од 45-те беспилотни летала „Шахед“, лансирани од Русија во текот на ноќта.

Воздушната тревога во главниот град траеше речиси два часа, напиша на Телеграм Серхи Попко, шефот на воената администрација во Киев.

Тој додаде дека сите дронови над Киев биле соборени при приближувањето. Според првичните информации, нема жртви или разурнувања во главниот град или во неговата околина.

Јужната воена команда на Украина објави дека нејзините системи за противвоздушна одбрана биле ангажирани повеќе од пет часа и уништиле 26 беспилотни летала „Шахед“, лансирани од Русија над неколку јужни региони, главно над регионот Николаев во близина на Црното Море.

Приоритет за непријателот повторно беше крајбрежниот појас на инфраструктура и агроиндустриски капацитети, соопшти војската.

Остатоците што паднале од соборен дрон и ударниот бран оштетиле станбени згради и гасовод во Николаев, информира воената команда, дополнувајќи дека четири беспилотни летала се соборени над црноморското пристаниште Одеса.

The post Русија нападнала со 45 дронови кон Киев и југот на Украина appeared first on Република.

 Украинските сили изминатата ноќ собориле 27 беспилотни летала истрелани од руските сили на југот на Украина, јавија утринава украинските воени власти на Телеграм.

Русија лансираше 36 беспилотни летала од источниот дел на полуостровот Крим, што го анектираше во 2014 година, се додава во извештајот на украинските сили.

Руската војска, која на 24 февруари 2022 година ја почна својата инвазија врз Украина,  речиси секоја вечер напаѓа различни украински региони, користејќи беспилотни летала и проектили

The post Војна „втора лига“: Украинците тврдат дека уништиле 27 руски дронови appeared first on Република.

Украинските воздухопловни сили објавија дека голема група руски дронови влегле во областа на устието на реката Дунав и се упатиле кон речното пристаниште Измаил во близина на границата со Романија.

Групи на социјалните мрежи објавија дека слушнале истрели од противвоздушна одбрана во областа во близина на двете пристаништа на Дунав – Измаил и Рени.

Гувернерот на јужната област Одеса, Олех Кипер, побарал од жителите на областа Измаил да се евакуираат околу 1:30 часот по локално време, а еден час подоцна ја прекинал тревогата за воздушен напад.

Украинските пристаништа на Дунав сочинувааат околу една четвртина од извозот на жито пред Русија да се повлече од договорот за безбеден премин на украинскиот извоз на жито преку Црното Море.

Оттогаш тие станаа главна излезна рута, при што житото се испраќа до романското црноморско пристаниште Констанца за понатамошна испорака.

Рускиот напад на пристаништето Измаил ги зголеми глобалните цени на храната на почетокот на август.

The post Руски дронови нападнале пристаниште на Дунав клучно за извозот на украинското жито appeared first on Република.