Украина собори 50 од 73 руски беспилотни летала во ноќните напади, соопшти украинското воздухопловство.

Русија наводно ја таргетирала Украина со дронови „Шахед“ и други видови беспилотни летала кои биле лансирани од руските региони Орел и Брајанск.

Беспилотните летала се соборени над регионите Киев, Черкаси, Кироворад, Чернихив, Суми, Полтава и Житомир, соопшти Военото воздухопловство. Нема извештаи за жртви или материјална штета.

Од 9 часот по локално време четири руски беспилотни летала останаа во украинскиот воздушен простор, а борбените операции се во тек. Киевските власти утрото известија дека силите за воздушна одбрана собориле повеќе од десет беспилотни летала над главниот град.

– Прелиминарните извештаи укажуваат дека во главниот град не е предизвикана штета и засега немаме информации за потенцијални жртви – напиша воената управа на градот Киев на Телеграм.

Русија ги засили големите напади со беспилотни летала врз украинските градови, истрошени ги системите за воздушна одбрана на Украина и гаѓајќи ја критичната инфраструктура.

Руските производители го произведуваат дронот „Гербер“, кој е поевтин и помалку смртоносен еквивалент на иранскиот Шахед. Еве како тој изгледа.

The post Какви дронови се „Шахед“ со кои Русија ноќеска гаѓаше во Украина appeared first on Република.

 Русија го нападна Киев со беспилотни летала во текот на ноќта, што е 15-ти воздушен напад врз главниот град на Украина овој месец, соопштија денеска градските власти.

За време на нападот, кој траеше околу четири часа, беа соборени десетина беспилотни летала, објави на Телеграм шефот на воената управа Сергеј Попко.

Тој додаде дека властите не добиле извештаи за повредени и дека остатоците од соборените дронови предизвикале пожар кој подоцна бил изгаснат

The post Утрински руски напад на Киев со дронови appeared first on Република.

Русија синоќа со дронови го нападна Киев, а украинската противвоздушна одбрана пресретна и uништи речиси 20 беспилотни летала.

Тоа е осми руски напад овој месец врз Киев.

Руски беспилотни летала се движеа кон Киев од различни правци и во неколку групи, објави на Телеграм шефот на воената администрација на Киев, Сергеј Попко.

Тој додаде дека, според прелиминарните информации, нема жртви или причинета материјална штета

The post Руски дронови летаа над Киев, украинската војска ги собори appeared first on Република.

„Воен објект“ навлезе во воздушниот простор на Полска за време на руски напад врз Украина, јавува Скај њуз.

Ова се случи во текот на најголемиот руски напад врз Украина во последниве неколку недели, при што Москва цели на енергетската инфраструктура во три региони.

Полската државна новинска агенција, ПАП, извести дека 100 војници почнале потрага по предметот.

Портпаролот на оперативната команда на полската армија, Јацек Горишевски, изјави дека најверојатно станува збор за дрон и дека можеби слетал на полска територија. Тој објасни дека потрагата е во тек, исклучувајќи можност објектот да е ракета.

Објектот го бараат 100 војници на теренот и еден хеликоптер, изјави тој.

Горишевски додаде дека не може да се каже дали објектот е руски или украински, бидејќи временските услови не дозволиле визуелна идентификација.

Објектот влегол во полскиот воздушен простор во 4:43 часот по Гринич и радарите го изгубиле од вид во 5:16 часот.

Поради временските услови не беше можно јасно да се идентификува, што го спречи несувањето одлука за негово соборување“, објави оперативната команда на платформата Икс

The post Руски дрон слетал и во Полска appeared first on Република.

Руските сили за противвоздушна одбрана синоќа уништија 14 беспилотни летала истрелани од Украина врз Курск, Вороножка и Белгородската област.

Според руското Министерство за одбрана 12 дронови се соборени над Курската област и по еден над Воронежка и Белгородската област.

Руското МО не соопшти колку дронови истрела Украина во текот на ноќта

The post Борба со дронови: Руската војска собори 14 украински дронови appeared first on Република.

Руски беспилотни летала синоќа погодија објекти на енергетската инфраструктура во два региони во северна Украина, објавија британските медиуми, повикувајќи се на локалните власти.

Украинската противвоздушна одбрана собори 13 од вкупно 17 руски беспилотни летала во пет региони на истокот, северот и центарот на земјата, соопшти воздухопловството.

Еден од руските дронови Шахед погоди енергетски објект во Сумск, а друг погоди објект во регионот Чернихив, соопштија локалните власти.

На местото на настанот се испратени екипи за итна помош.

Засега нема информации за жртви.

Руските сили ги засилија ракетните и беспилотните напади врз енергетската инфраструктура на Украина од март, соборувајќи околу половина од нејзините капацитети за производство на електрична енергија, принудувајќи долготрајни прекини на електричната енергија за милиони луѓе.

The post Руски дронови погодија украиски енергетски објекти appeared first on Република.

Министерството за одбрана на Русија соопшти дека повеќе од 100 украински беспилотни летала се уништени или пресретнати ноќеска во напади на југозапад на руската територија и на полуостровот Крим.

Министерството соопшти дека армијата неутрализирала 51 дрон над Крим, 44 над регионот Краснодар, шест над регионот Белгород и еден над регионот Курск.

Во текот на ноќта, поморската противвоздушна одбрана и патролни бродови на Црноморската флота уништија шест поморски беспилотни летала во водите на Црното Море.

Руската армија редовно објавува дека одбила ноќни напади на украински беспилотни летала, но ретко се наведува толкава бројка, јавија западни медиуми.

Гувернерот на Белгородската област, која граничи со Украина, претходно денеска објави дека мајка и четиригодишно дете загинале при напад со беспилотно летало врз селото Октјабарски

The post Русите неутрализирале сто украински дронови кои летале кон Крим appeared first on Република.

Шефицата на германската дипломатија, Аналена Бербок, ја посети Украина, а дел од нејзините планови беа да ги посети постројките за прочистување на водата, изградени од Германија во областа Николаев.

Според германските изданија ЗДФ и Билд, руски дрон го следел конвојот на Бербок за време на неговиот пат.

На пат кон станицата, која се наоѓа на 50 километри од фронтот, руски извидувачки дрон се приближил до колоната возила. Обично неговото појавување е проследено со воздушен напад. Украинските членови на делегацијата имале аларм на паметните телефони, а возачите почнале да се обидуваат да побегнат од дронот. Но, тој летал зад колоната бркајќи ги. На крајот возилата успеале да побегнат и дронот одлетал“, пишува Билд.

Како резултат на случката, Бербок предвреме ја заврши посетата на Николаев.

The post Руски дрон ја преплаши Аналена Бeрбок при посетата на Украина appeared first on Република.

Руското Министерство за одбрана денеска соопшти дека армијата соборила 11 украински дронови во пограничните региони.

- Синоќа беше спречен обид на режимот во Киев да изврши терористички напади со дронови врз објекти на руска територија, се вели во соопштението.

Во последните месеци Украина ги интензивира своите напади во Русија, повеќето од нив во пограничните региони како што е регионот Белгород. На 30 декември, врз градот Белгород беше извршен најсмртоносниот напад на руска територија од почетокот на руската инвазија врз Украина пред речиси две години. Во тој напад загинаа 25 луѓе, стотици беа повредени, а неколку стотици беа евакуирани

The post Русија за еден ден собори 11 украински дронови appeared first on Република.

Украинските воздухопловни сили ноќеска ги уништија сите осум беспилотни летала „Шахид“, што Русија ги употреби за напад на неколку области во земјата, соопшти утринава Военото воздухопловство на вооружените сили на Украина.

Беспилотните летала се уништени над регионите Николаев, Дњепропетровск, Хмелницки и Ровињ, пренесоа украинските медиуми.

Русија синоќа лансираше една ракета „Искандер-М“ и три ракети од системот С-300 кон Украина, соопштија вооружените сили на Украина

The post Украина ги уништи руските дронови кои летаа вчера appeared first on Република.

Украинската војска користи електронски компоненти „спасени“ од руските камикази дронови Геран-2, за да состави свои беспилотни летала, објави онлајн магазинот „Маш“.

Порталот објави слики од домашно произведен украинско беспилотно летало, на која се гледа дека содржи навигациски модул од Геран-2 (Гераниум-2). Руските сили пресретнале големо беспилотно летало, кое има два мотори со внатрешно согорување.

Не е јасно дали дронот бил соборен или принуден да слета со помош на електронска војна.

Навигациската компонента што се користи во украинскиот дрон е идентификувана како модул „Комета“ што се користи во беспилотното летало Геран-2. Се вели дека модулот се наоѓа во делот на крилата на руската муниција и обично го преживува ударот. Од медиумот додаваат дека „Кометата“ го користи рускиот сателитски навигациски систем ГЛОНАСС за да го постави курсот на дронот.

The post Украинските сили „крадат“ компоненти „спасени“ од паднатите руски камикази дронови appeared first on Република.

Украинскиот претседател Володимир Зеленски синоќа изјави дека иранските беспилотни летала што Москва масовно ги користеше во последните денови за да ја нападне енергетската инфраструктура на Украина се симбол на „воениот и политичкиот банкрот“ на руските војници.

„Самиот факт што Русија го повикува Иран на помош е признание за воениот и политички банкрот на Кремљ“, рече Зеленски во своето секојдневно обраќање на социјалните мрежи.

Украинските власти објавија дека Киев во понеделникот бил цел на ирански беспилотни летала.

The post Зеленски: Иранските дронови се симбол на банкротот на Русија appeared first on Република.

Украинската државна служба за вонредни состојби на „Телеграм“ објави фотографии од соборени руски извидувачки беспилотни летала, а во прилог објави и текст во кој им се потсмева на Русите.

„Руско Министерство за вонредни ситуации, дали се слушаме? Дали веќе ги откривте сите пожари во шумите на Сибир, кога решивте да ги пуштите вашите дронови над регионот Донецк? Дали налет на ветер случајно го донесе вашето ѓубре на нашата територија? На ист начин треба да се почитуваат предупредувањата за невреме“, напишаа тие.

„Ве потсетуваме! За време на силни налети на ветер, не се препорачува да се движите под билборди, да стоите покрај високи дрвја (особено тополи) и далноводи или да лансирате извидувачки дронови над други земји. Почитувањето на овие едноставни правила ќе помогне да се спасат животи и имот. Вашиот придонес во оваа војна ќе оди на ѓубриштето на историјата, како и овие летала“, им порачаа Украинците на Русите.

The post Украинците со потсмев кон руските извиднички дронови: Beтрот го донесе вашето ѓубре кај нас appeared first on Република.