Вооружените сили на Украина објавија дека „Гугл мапс“ овозможил пристап до руските воени и стратешки објекти.

Претходно овие слики беа заматени, што е случај со сите воени објекти ширум светот прикажани на „Гугл мапс“.

„Гугл мапс“ отвори пристап до руските воени и стратешки објекти. Сега секој може да види разни руски лансери, боеви глави на интерконтинентални балистички ракети, командни пунктови и тајни депоа со муниција во резолуција од околу 0,5 метри по пиксел - се наведува во објавата на украинската армија.

https://twitter.com/ArmedForcesUkr/status/1516018161023389703?ref_src=twsrc%5Etfw%7Ctwcamp%5Etweetembed%7Ctwterm%5E1516018161023389703%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fsvet%2Fruske-vesti%2F620644%2Fgugl-maps-skinuo-cenzuru-s-ruskih-polozaja%2Fvest

Во соопштението се додава дека достапните слики сега вклучуваат носач на авиони, складиште за нуклеарно оружје во близина на Мурманск, подморница во близина на Камчатка и воена база во Курск, 150 километри од украинската граница.

The post Лансери, боеви глави, балистички ракети, командни пунктови: „Гугл мапс“ го отвори пристапот до руските воени објекти appeared first on Република.