Германски борбени авиони „Еурофајтер“ пресретнаа руски авиони над Балтичкото Море, соопшти германското воено воздухопловство.

Руски разузнавачки авион Ил-20 летал без транспондер, уред кој им помага на властите да го идентификуваат и да го следат авионот, пренесува Њузвик.

Германските борбени авиони полетаа од летонскиот град Лиелварде.

The post Германски борбени авиони пресретнаа руски авион над Балтичкото Море appeared first on Република.

Украинските сили употребиле ракета Патриот испорачана од САД за да соборат руски товарен авион со 65 украински воени заробеници, објави француската државна телевизија Радио Франс, цитирајќи извор од војската на Франција.

Воено-транспортниот авион Ил-76 беше соборен над рускиот регион Белгород во средата наутро. Сите во авионот – 65 затвореници, шест членови на екипажот на летот и тројца руски војници – загинаа. Руското Министерство за одбрана тврди дека авионот бил соборен од украински противвоздушни ракети.

Затворениците биле транспортирани во градот Белгород за да бидат разменети за руски војници кои се во украинско заробеништво, соопшти Министерството, додавајќи дека украинската страна била информирана за претстојниот лет.

Изворот на Радио Франс не даде никакви дополнителни информации, но тврдењето го поткрепува претходното тврдење на висок руски пратеник дека „ракетите за воздушна одбрана Патриот или Ирис-Т“ биле користени за соборување на леталото.

Министерството за одбрана соопшти дека проектилите биле лансирани од предградието Липтси во Харков, на околу 100 километри од местото на несреќата. И американскиот Патриот и германскиот систем Ирис-Т се способни да ангажираат цели од овој дострел, а Генералштабот на вооружените сили на Украина во средата соопшти дека редовно користи такви системи за да ги таргетира руските воени летови во областа, без експлицитно да признае дека го соборила Ил-76.

Украинскиот претседател Владимир Зеленски не призна дека неговите сили се одговорни за соборувањето на авионот. Во изјавата во средата, тој повика на „меѓународна истрага“ за да се утврдат „сите тешки факти“ околу инцидентот.

Најблискиот чекор до признавање на вината дојде од воената разузнавачка агенција на Украина, ГУР. Во соопштението во средата вечерта, агенцијата тврди дека „не била информирана за потребата да се обезбеди безбедност на воздушниот простор“ над границата и дека не знаела дека ќе бидат транспортирани затворениците.

Белата куќа не ја коментираше наводната употреба на ракети Патриот во инцидентот. Портпаролот на Советот за национална безбедност Џон Кирби во средата изјави дека САД „не се во позиција да потврдат“ какви било извештаи за нападот и дека работат на „добивање поголема јасност и повеќе информации за тоа“.

Рускиот министер за надворешни работи Сергеј Лавров во среда побара итен состанок на Советот за безбедност на ОН за да разговара за инцидентот. Франција, која го има ротирачкото претседавање со Советот, го одби ова барање, наместо тоа свика состанок за четврток попладне.

The post Француски медиуми: Украина го соборила рускиот авион со американски проектили appeared first on Република.

Од февруари 2022 година, руските воздушни сили во борба изгубиле околу 90 авиони, соопшти британското Министерство за одбрана.

Сите авиони имаат очекуван работен век во часови на летање. Русија користи некои видови борбена авијација многу поинтензивно отколку во мирнодопски услови. Според прогнозата на разузнавачката служба, поради големиот товар, нивниот животен век може да истече многу побрзо од планираното.

Потребата за дополнително одржување се надополнува со недостиг на резервни делови поради зголемената побарувачка и меѓународните санкции. Влошувањето на состојбата на авионите најверојатно ќе ја намали долгорочната одржливост на тактичкото воздухопловство на Русија бидејќи војната трае значително подолго отколку што планираше Министерството за одбрана, се вели во извештајот.

Сепак, британските разузнавачки извештаи сугерираат дека Русија сепак може да го зголеми бројот на летови над окупирана Украина.

Од почетокот на војната во Украина, руската армија загубила најмалку 12 илјади единици воена опрема, покажуваат податоците на експертите на Орикс, кои ги следат загубите на двете страни. Конкретно, според аналитичарите, Русија изгубила 91 авион: осум од нив биле уништени, а останатите 83 биле онеспособени

The post Русите загубиле 100 авиони во Украина, тврдат Британците appeared first on Република.

Воздухопловните сили на САД соопштија дека руски борбен авион прелетал „опасно блиску“ до американски дрон над Сирија и го оштетил со сигнални ракети. Ова е само последен во серијата инциденти меѓу САД и Русија што се случија на Блискиот Исток, потсетува Си-Ен-Ен.

Американците тврдат дека во неделата руски авион дошол на неколку метри од американскиот дрон „MQ-9 Reaper“ кој учествувал во мисија против ИСИС над Сирија. Тие додаваат дека еден од руските авиони почнал да испушта сигнални ракети пред американскиот дрон, при што сериозно го оштетил неговиот пропелер.

Екипажот на дронот успеал да го контролира леталото и да го врати во матичната база.

Очигледното непочитување на безбедноста на летот од страна на рускиот ловец ја намалува нашата мисија да обезбедиме траен пораз на ИСИС“, изјави генерал-полковник Алекс Гринкевич, командант на Централната команда на воздухопловните сили.

The post Руски борбен авион оштетил американско беспилотно летало над Сирија, едвај успеало да се врати во базата appeared first on Република.

Руските медиуми јавуваат дека воен авион се урнал во областа Мурманск во Русија.

Руски воен авион денеска се урна во северниот дел на земјата Мурманск, објави државната новинска агенција РИА Новости, повикувајќи се на Министерството за одбрана.

Според официјални лица, суперсоничниот авион Микојан МиГ-31 се урнал во ненаселена област за време на вежбање и двајцата пилоти безбедно се катапултирале од леталото.

Инцидентот се случил во близина на градот Мончегорск кој се наоѓа на околу 130 километри јужно од регионалниот главен град Мурманск, според извештаите на очевидци.

Ниту министерството ниту локалните власти не известија за цивилни жртви или оштетување на инфраструктурата како резултат на падот.

Причината за несреќата се уште не е утврдена.

„Имаме воен аеродром во близина на градот, авионот леташе од таму. Закажани се вежби, навикнати сме на такви звуци. Но, овој пат звукот беше многу погласен, стаклото на прозорецот затрепери“, изјавил локален жител за новинскиот канал Осторожно, Новости на Телеграм.

Снимките од очевидци објавени на социјалните мрежи покажуваат дека авионот е зафатен од пламен додека паѓа кон земјата и пропаѓа во блиското езеро.

Несреќата го означува најмалку четвртиот ваков инцидент на руска територија од почетокот на инвазијата на Украина пред една година.

https://twitter.com/nexta_tv/status/1651240495039893508?ref_src=twsrc%5Etfw%7Ctwcamp%5Etweetembed%7Ctwterm%5E1651240495039893508%7Ctwgr%5E3cdeba79f55ecc63322c489e804636374d9d26c8%7Ctwcon%5Es1_&ref_url=https%3A%2F%2Fdenesen.mk%2Fruski-mediumi-se-urna-voen-avion-vo-rusija-padna-vo-ezero-video%2F

The post Се урна воен авион во Русија, падна во езеро appeared first on Република.

Мистериозeн авион полетал од Москва кон Европа во вторникот наутро, покажуваат податоците на „Флајт радар“, шведскиот сајт кој прикажува податоци во реално време за летовите низ светот.

Дестинацијата на транспортниот авион „Иљушин Ил-76“ во сопственост на руската компанија „Волга-Днепр ерлајнс“ била означена како „непозната“. Авионот наместо да оди по заобиколен пат поради затворениот воздушен простор на ЕУ, ја поминал цела Полска и Словачка и по три часа лет слетал во унгарската воена база Папа.

Ова не е прв ваков лет. На почетокот на април унгарскиот министер за надворешни работи Петер Сијарто објави дека руски авион, кој носел нуклеарно гориво слетал во базатa Папа.

Руското нуклеарно гориво испорачано во Унгарија е потребно за функционирање на нуклеарната централа Пакс, која произведува речиси половина од електричната енергија во Унгарија.

Сите три земји низ чиј воздушен простор минал рускиот авион дале дозвола бидејќи, како што истакна унгарскиот министер, „нуклеарната енергија е изземена од сите санкции на ЕУ“.

The post Мистериозен лет од Москва до воена база во Европа appeared first on Република.

Советникот на украинското Министерство за внатрешни работи, Антон Герашенко, објави видео за кое тврди дека покажува соборен руски борбен авион.

Видеото е објавено и на Твитер, но се уште не е потврдена автентичноста на снимката.

Откако извесно време не беше соборен ниту еден руски авион, украински сили соборија руски ловец Су-35 кај Изум - објави Герашенко.

The post Украинците тврдат дека собориле руски борбен авион, објавија и видео од паднатото летало appeared first on Република.