Руската новинарка Марина Овсјаникова, која на државната телевизија се спротистави на офанзивата врз Украина на државната телевизија, денеска е осудена во отсуство на осум и пол години затвор поради критикување на армијата.

Новинарката која побегна од Русија пред една година обвинета е за „ширење лажни информации“ за руските вооружени сили, а веќе беше осуден на парична казна во август 2022 година за слични дела.

Според руската агенција Риа Новости, таа овој пат е осудена затоа што демонстрирала со плакат против руската офанзива во Украина.

Овсијаникова стана глобално позната кога во март минатата година упадна за време на директен пренос на информативната програма Време, држејќи натпис зад водителката на кој пишуваше: „Стоп за војната. Не верувајте во пропагандата. Ве лажат“. Таа, исто така, скандираше „Стоп за војната“.

Во моментот на протестот таа беше продуцент на државната телевизија каде и протестираше. Кон средината на јули минатата година, таа одржа протест во близина на Кремљ, каде го носеше транспарентот „Путин е убиец. Неговите војници се фашисти“, по што беше ставена во домашен притвор. Таа набрзо побегна од Русија со својата ќерка. ми/

The post Руската новинарка која на државата телевизија се спротистави на офанзивата врз Украина осудена на осум и пол години затвор appeared first on Република.

Руската новинарка Марина Овсјаникова (44), која протестира против нападот на Украина во директен пренос, денеска потврди дека побегнала од домашен притвор, каде што заврши поради наводно ширење лажни вести.

Се сметам себеси за целосно невина и бидејќи нашата земја одбива да ги почитува своите закони, одбивам да ја почитувам забраната што ми беше наметната на 30 септември 2022 година и се ослободувам од неа, напиша таа на својот канал на „Телеграм“.

Нејзиниот адвокат рече дека новинарката требало да се појави на сослушувањето во 10 часот по московско време и дека моментно не се знае каде се наоѓа.

Во август Овсјаникова беше осудена на два месеца домашен притвор за протестот во јули, каде што стоеше до Кремљ со плакат на кој рускиот претседател Владимир Путин го нарекува убиец, а неговите војници фашисти.

Таа се соочува со затворска казна до десет години за ширење лажни вести за руските вооружени сили.

Нејзиниот домашен притвор требаше да трае до 9 октомври, но државниот медиум „Раша тудеј“ во саботата објави дека таа побегнала со својата ќерка (11) и не се знае каде се наоѓаат.

The post Руската новинарка која се спротивстави на инвазијата, побегна од домашен притвор appeared first on Република.

Рускиот истражен комитет отвори кривична постапка против поранешната уредничка на Канал еден (Channel One), Марина Овсјаникова, под обвинение за ширење лажни информации за руската армија, изјави нејзиниот адвокат Дмитри Захватов за руски медиуми.

Како што тој додаде, претресен е нејзиниот стан.

Во средината на март, Овсјаникова „влета“ во ТВ студио за време на програма во живо, држејќи транспарент како протест против тоа што Русија го нарекува „специјална воена операција во Украина“.

За инцидентот беше покрената предистражна постапка, но, разултатите сè уште се непознати. Московскиот окружен суд Останкински ја прогласи Овсјаникова за виновна поради организирање или одржување јавен настан без да се достави известување. Таа беше осудена на парична казна од 30.000 рубљи или 496 долари. Според податоците, Овсјаникова беше казнета поради нејзиното претходно видео повикување на неовластени протести, но, не и за телевизискиот инцидент, пишуваат руски медиуми.

The post Руската новинарка Овсјаникова обвинета за ширење лажни информации за армијата appeared first on Република.

Министерот за внатрешни работи на Косово, Џељаљ Свечља, за РСЕ потврди дека безбедносните органи ја уапсиле Русинката Дарија Асламова на северот на земјата.

Во објава на Фејсбук, Свечља истакна дека „многу земји докажале дека таа се занимавала со шпионажа за руските воени разузнавачки служби и дека дејствувала под маската на новинар“.

„Таа учествуваше и во борбите во Украина со пропаганда за руската инвазија на Украина“, додаде Свечља.

На некои фотографии што Свечља ги сподели во објава на Фејсбук, Асламова може да се види со рускиот министер за надворешни работи Сергеј Лавров и сирискиот претседател Башар ал Асад.

Свечља рече дека косовските власти биле запознаени со нејзините активности, а според него, на Асламова и бил забранет влез во многу земји.

„Во овој случај е забрането и продолжува ангажманот на релевантни актери додека не се разјаснат нејзините намери“, изјави шефот на косовската полиција.

„Нејзиниот обид да влезе во нашата земја, покрај тоа што се совпаѓа со настаните на северот на земјата, јасно ги докажува руските врски и пропаганда на која Србија веќе се приклучила и која има за цел да ја дестабилизира нашата земја“, додаде Џељаљ Свечља.

The post Косовската полиција ја уапси руската новинарка Дарија Асламова appeared first on Република.

Руската новинарка Оксана Баулина загина при бомбардирањето на Киев, објави британски „Гардијан“.

Според информациите, таа го снимала уништувањето на еден трговски центар и загинала кога почнало гранатирањето.

Баулина работела за независна веб-страница во Русија, „Insider“, која главно се фокусирала на известување за корупција во руската влада.

Минатата година властите ја прогласија фондацијата за нелегална и екстремистичка, поради што многу нејзини вработени избегаа во странство.

Во гранатирањето уште едно лице загина, а двајца се повредени, пишува Инсајдер.

Баулина е една од петте новинари за кои се знае дека биле убиени во изминатиот месец од војната.

The post Руска новинарка загина во Киев appeared first on Република.

Уредничката на рускиот Канал 1 Марина Овсијаникова соопшти дека дала отказ, но и дека одбила да ја прифати понудата за азил во Франција откако на руската државна телевизија истакна транспарент со порака „Стоп за војната!“ и „Тука ве лажат“.

Овсијаникова набргу потоа беше уапсена и казнета со 30.000 рубли (290 долари).

Во интервју за Франс 24, Овисијаникова соопшти дека ги „предала документите“ за раскинување на работниот однос во Канал 1.

Овисијаникова, која има две деца, вели дека со овој гест го променила животот на своето семејство, при што нејзиниот син покажал посебна вознемиреност.

Но, мораме да ставиме крај на оваа братоубиствена војна, за ова лудило да не се претвори во нуклеарна војна. Се надевам дека со текот на времето син ми ќе сфати зошто го направив тоа, рече таа.

Таа додаде дека и некои нејзини колеги дале отказ, но дека многумина не можеле да го сторат тоа од финансиски причини.

Среќна сум што луѓето го кажаа своето мислење, но финансиската состојба е многу тешка и тешко е луѓето да престанат да работат, рече таа.

Во одвоено интервју за германски „Шпигел“, Овсијаникова рече дека нема да ја прифати понудата за азил од францускиот претседател Емануел Макрон и дека ќе остане во Русија.

Не сакам да ја напуштам мојата земја. Јас сум патриот, и мојот син. Во никој случај не сакаме да ја напуштиме земјата, не сакаме да одиме на друго место, рече таа.

И покрај нејзиното ослободување, Овсијаникова би можела да се соочи со дополнително гонење, ризикувајќи повеќегодишна затворска казна, согласно законите донесени на 4 март со кои се ограничува слободата на говорот за војната во Украина.

The post Новинарката која на руска телевизија протестираше против војната, дала отказ и одбила азил appeared first on Република.

Руски суд денеска ја казни жената вработена на Канал 1 со 30.000 рубљи (280 долари) за „кршење на законот за протести“ кога ја прекина информативната програма на таа државна телевизија и ја осуди војната во Украина .

Марина Овсјаникова, вработена во Првиот канал, вчера подигна натпис зад водителката која читаше вести во програма во живо.

Овсијаникова потоа извикуваше слогани со кои ја осудува руската инвазија врз Украина

The post Руската новинарка што ја прекина програмата казнета со 280 долари appeared first on Република.