Сомнителниот коверт со прашок со непознат состав што беше откриен во Руската амбасада во Атина, по соодветната операција на Противпожарната служба на Грција, предаден е до Националната организација за јавно здравје (ЕОДИ), јави дописничката на МИА од Атина.

Во акцијата со ангажирани 15 пожарникари со специјална единица и пет возила, бил спроведен протоколот за собирање опасен материјал и ковертот, откако бил ставен во специјално пакување ѝ бил предаден на ЕОДИ за понатамошни анализи.

Грчката новинска агенција АНА-МПА повикувајќи се на извори од Противпожарната служба пишува дека кусо по 10 часот утрово вработен во амбасадата, го открил ковертот, му изгледал сомнително и не го отворил, по што биле информирани надлежните.

Претпладнево, освен сомнителниот коверт во Руската амбасада, мобилизација на грчката полиција предизвика и сомнителен куфер оставен пред хотел во центарот на Атина, по што превентивно беше затворен поширокиот дел, но полицајците пронајдоа само алишта и лични предмети.

The post Коверт со сомнителен прашок се појавил во руската амбасада во Атина appeared first on Република.

Руската амбасада во Скопје на официјалниот Твитер профил објави фотографија од средба на рускиот министер Сергеј Лавров со министрите Бујар Османи и Јан Борг.

На постот на амбасадата стои: „Сергеј Лавров со министрите за надворешни работи на Македонија и Малта – сегашен и иден претседавач на ОБСЕ.“

Од македонското МНР и од официјални извори на ОБСЕ досега нема информации за средбата и за темите на средбата.

На фотографијата се гледа Лавров кој седи спроти малтешкиот министер за надворешни работи Јан Борг и Османи кој седи меѓу двајцата.

The post Лавров во Скопје се сретна со Османи и Борг, објави руската амбасада appeared first on Република.

Руската амбасада во Скопје упати реакција до министерот за надворешни работи Бујар Османи, кој како нов претседавач на ОБСЕ го одбра Киев за своја прва дестинација на посета. Русија смета дека претседавачот не ги споменал сите жртви на гранатирањето и му нагласија на министерот да се држи до мотото „Се работи за луѓето“ со кое го започна својот мандат.

Претседавачот со ОБСЕ Бујар Османи вчера во Украина шпекулираше за „жртви на руската агресија“, прифаќајќи ја пропагандата на режимот во Киев. Но, кога пристигна во Киев, војниците на Зеленски ги гранатираа Доњецк и Макеевка (во ДНР): има мртви, ранети сѐ уште беа под урнатините.

Бујар Османи досега не ги спомна жртвите од гранатирањето од страна на украинските сили, како и сите загинати и ранети од агресијата на киевскиот режим врз Донбас од 2014 година, чиј број изнесува илјадници. „Се работи за луѓето“, велите?“, реагира руската амбасада.

Османи го осуди рускиот напад на станбена зграда во Днипро, каде што пред два дена загинаа повеќе од 40 лица и над 70 се ранети.

The post Руската амбасада со реакција до Бујар Османи: Не ги спомена сите жртви на гранатирање appeared first on Република.

На нашите македонски пријатели им го честитаме Денот на македонската револуционерна борба, се вели во честитката од Амбасадата на Русија во Македонија.

– 23 октомври стана вечен симбол на континуитет на македонската борба за самостојност и независност! Нека е честит празникот, за многу години, се вели во честитката.

Во објавата со честитката е фотографија од македонскиот апостол во револуционерната борба, Гоце Делчев.

The post Руска амбасада: На нашите македонски пријатели им го честитаме Денот на македонската револуционерна борба! appeared first on Република.

Експлозија одекнала во главниот град на Авганистан, во близина на руската амбасада, која се наоѓа на патот Дар-ул-Аман во седмиот округ на Кабул, објавија руски медиуми. Се стравува дека во инцидентот може да има и жртви.

Сè уште нема официјални информации за експлозијата.

Некои од локалните весници сугерираат дека експлозијата се случила во близина на портите на амбасадата, каде што луѓето чекале во редици за да аплицираат за виза.

Авганистан е под контрола на талибанците од септември минатата година. Сепак, терористичката група Исламска држава продолжува да врши напади врз цивили и полицајци низ целата земја.

Терористичките напади остануваат постојана закана и за жителите на Кабул. Само минатиот месец, голема експлозија потресе џамија во северниот дел на градот, при што загинаа најмалку 21, а беа повредени 33 луѓе.

The post Експлозија пред руската амбасада во Кабул: Се стравува дека има жртви меѓу луѓето кои чекале за виза appeared first on Република.

The post Десетина Украинци протестираа пред руската амбасада во Скопје appeared first on Република.

Човек со камион се забил во руската амбасада во главниот град на Ирска, Даблин, за време на протестите против руската воена акција во Украина.

Камионот ја разбил оградата на амбасадата, по што бил поздравен со извици на одобрување од собраните демонстранти.

Сакам амбасадорот и неговите колеги да заминат од нашата земја, да ја напуштат оваа слободна земја. Време е да им се спротивставиме. Јас го направив својот дел. Сега е време остатотокот на Ирска да го направи својот - изјави човекот, кој се идентификувал како работник од градот Лајтрим, на 150 километри од Даблин.

Полицајците што биле во близина го уапсиле, а тој не пружал отпор.

За жал, морам да ве уапсам поради опасно возење - му рекла една од полицајките.

https://twitter.com/INVESTMENTSHULK/status/1500867015547965441?ref_src=twsrc%5Etfw%7Ctwcamp%5Etweetembed%7Ctwterm%5E1500867015547965441%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3886659%2Fkamionom-udario-na-rusku-ambasadu-u-dablinu-dok-je-irac-provaljivao-prisutni-gradjani-aplaudirali-video

Од руската амбасада остро го осудија инцидентот.

Полицајците не направија ништо додекасе случуваше нападот. Амбасадата најостро го осудува ова кривично дело на лудост насочена против мирна дипломатска мисија. Амбасадата во овј чин гледа како јасно и недвосмислено кршење на членот 22 од Виенската конвенција за дипломатски односи од 1961 година.

 

Амбасадата е контакт со ирското министерство за надворешни работи и бара од ирските власти да преземат строги мерки за да ја осигураат безбедноста на вработените во амбасадата и членовите на нивните семејства. Инцидентот е причина за голема загриженост. Сметаме дека ниту еден разумен човек не би можел да поддржи таков лудачки и варварски чин - изјави портпаролката на руската амбасада.

The post Со камион се заби во руската амбасада во Даблин додека присутните сканадираа со одобрување appeared first on Република.

Руската амбасада во Босна и Херцеговина на својот официјален Фејсбук профил соопшти дека нема инвазија на Украина, обвинувајќи ги САД за дестабилизација на БиХ и подготвување сценарио слично на Украина и го обвини Вашингтон дека се обидува „генетски да ги уништи Русите“.

На страницата на американската амбасада во Сараево на социјалната мрежа Инстаграм е објавен патетичен „документарец“ во кој се наведува дека руски претставници „лажеле“ за немање намера да извршат „инвазија“ на Украина.

⠀
Но, како и обично, самите Американци лажат. Затоа што нема „инвазија“. Наместо тоа, постои специјална воена операција за демилитаризација и денацификација на украинскиот режим.

⠀
Демилитаризација – затоа што токму САД стојат зад испумпувањето со оружје на криминалната банда, која варварски го уништуваше цивилното население на Доњецк и Луганск, вклучително и деца.

⠀
Соединетите држави беа тие што ја наполнија Украина со биолаборатории, кои – многу веројатно – беа користени за проучување на методи за уништување на рускиот народ на генетско ниво.

⠀
Денацификација – бидејќи САД беа тие што ги поттикнаа неонацистичката тактика и стратегија на Бандера од Киев и во суштина ја спречија Украина, како страна на Договорот од Минск, да ги исполни своите обврски.

⠀
Соединетите Држави се лојални на својата лицемерна политика и во Босна и Херцеговина. Вашингтон е тој што всушност се меша во дијалогот во БиХ, ги спротивставува конститутивните народи и се спротивставува на укинувањето на анахрониот странски протекторат претставен од Канцеларијата на високиот претставник. Во исто време, тој „внимателно“ ја турка таквата Босна и Херцеговина во Европската унија за да ја користи – како Косово – како „фитил“ против неговиот геополитички противник, ЕУ. Ова е точно, иако во светлината на моменталната имагинарна солидарност меѓу Америка и Европа „за украинскиот случај“, таквата изјава може да изгледа претерано. Но, ќе дојде моментот на вистината.

⠀
САД не се „докажан пријател“, туку искусен предатор, кој без двоумење ќе ги остави своите сојузници на судбината без двоумење. Примерите во овој случај се излишни.

⠀
Дури и акронимот САД е дешифриран од некои Американци како Соединетите држави на анксиозноста. Тоа е вознемиреност, а ние би додале и лага што САД му ја носат на светот - се вели во објавата.

The post САД подготвуваат украинско сценарио за БиХ, вели Руската амбасада во Сараево appeared first on Република.

Амбасадата на Руската Федерација во Македонија упати честитка по повод одбележувањето на 150-годишнината од раѓањето на Гоце Делчев.

Денеска се навршуваат 150 години од раѓањето на Гоце Делчев, народен херој кој стана симбол на ослободителната борба во Македонија. Им ја честитаме оваа значајна годишнина на сите кои ги споделуваат неговите идеали!, стои во честитката објваена на фесбук профилот на Руската амбасада.

The post Честитка од Руската амбасада по повод 150-годишнината од раѓањето на Гоце Делчев appeared first on Република.