Рускиот претседател Владимир Путин изјави дека нападот врз украинската енергетска инфраструктура низ целата земја е одговор на претходните украински напади со американски ракети АТАКМС врз Курската област. Руските напади во текот на ноќта оставија стотици илјади Украинци без струја, соопштија регионалните власти денеска, откако Киев предупреди за „масовен“ руски напад врз украинската енергетска инфраструктура.

Путин потврди дека Русија лансирала речиси 200 дронови и ракети од различни типови кон Украина.

Русија ги одбира целите во Украина, кои можат да вклучуваат центри за донесување одлуки во Киев, како одговор на украинските напади со западно оружје со долг дострел врз руска територија, изјави тој.

Путин додаде дека руското производство на напредни ракетни системи го надминува производството на НАТО десеткратно, со планови за понатамошно зголемување.

Русија досега не целела владини згради во главниот град на Украина, но Путин нагласи дека рускиот хиперсоничен проектил „Орешник“, кој првпат беше лансиран кон градот Дњепар минатата недела, не може да биде пресретнат.

Русија тврди дека Украина за првпат истрелала американски балистички ракети ATACMS на 19 ноември врз западна Русија, по што два дена подоцна одговорила со лансирање на „Орешник“ кон Дњепар.

The post „Oва ви е за нападите со оружјето од Запад“, му порача Путин на Зеленски appeared first on Република.

Шефот на руската дипломатиоја Сергеј Лавров денеска изјави оти претседателот на Украина, Володимир Зеленски е исплашен од одговорот на Москва и ги обвинува своите покровители.

Што се однесува до нашиот одговор (употребата на хиперсонична ракета), колку што разбрав, Зеленски се исплаши и директно почна да ги обвинува своите патрони што го оставиле невооружен пред таквиот потег на Руската Федерација. Ова е веројатно корисен резултат. Бидејќи да се биде поблиску до реалноста, да се почувствува на своја кожа, веќе е нешто корисно, посочи Лавров на прес-конференција по заедничката средба на претставници на министерствата за надворешни работи на Русија и Белорусија.

Тој наведе дека Западот и одобри на Украина да користи оружје со долг дострел против Русија.

Рускиот претседател ова го спомна повеќе пати. Без нивното директно учество (на Западот), немаше да полета ниту една ракета“. 

The post Лавров: Зеленски се исплаши од одговорот на Русија appeared first on Република.

Киев денеска соопшти дека новиот тип хиперсонична балистичка ракета лансирана вчера од Русија во украинскиот град Дњепар летала околу 15 минути и има развиено максимална брзина над 11 степен според маховиот број (што е еднакво на 3.773 метри во секунда), јавија светските агенции, цитирајќи ја Главната управа за разузнавање на Украина.

„Времето на летот на оваа руска ракета од моментот на лансирање од рускиот регион Астрахан до градот Дњепар беше 15 минути“, се вели во соопштението на Главната управа за разузнавање на Украина.

„Ракетата беше опремена со шест боеви глави, од кои секоја имаше дополнителна муниција. Во последната фаза од летот беше развиена брзина над 11 маха“, се вели и во пораката на главната украинска разузнавачка служба.

Главната управа за разузнавање на Украина наведува дека оружјето насочено кон градот Дњепар „најверојатно е дел од рускиот ракетен комплекс „Кедер“.

Првично Киев претпоставуваше дека Русија лансирала интерконтинентална балистичка ракета, но претставниците на САД и НАТО ја потврдија дефиницијата дадена од Путин - балистичка ракета со среден дострел, потсетуваат светските агенции.

Украинското Министерство за надворешни работи вчера ја повика меѓународната заедница веднаш да реагира на лансирањето на руската ракета. Поради нападот НАТО на 26 ноември свика итен состанок со Украина во нејзиното седиште во белгискиот главен град Брисел.

The post Украина објави дека руската ракета истрелана кон градот Дњепар развила брзина поголема од 3.773 метри во секунда appeared first on Република.

Русија употребила „експериментална“ балистичка ракета со среден дострел во нападот на Украина, а не интерконтинентална балистичка ракета (ИЦБМ), јавија повеќе западни агенциии, повикувајќи се на неименуван официјален американски претставник.

Русија можеби се обидува да ја искористи оваа способност за да ја заплаши Украина и нејзините поддржувачи... но ова нема да биде пресвртница во конфликтот, рече американскиот претставник, пренесува Франс24.

Украина ја обвини Русија за лансирање на нуклеарно способна ИЦБМ како дел од нападот на централниот град Дњепар.

Американскиот претставник објасни дека употребената ракета била „експериментална балистичка ракета со среден дострел“ и дека Русија „веројатно поседува само неколку вакви експериментални ракети“.

Украина издржа безброј напади од Русија, вклучувајќи и ракети со значително поголеми боеви глави од ова оружје, додаде претставникот.

САД во последните неколку денови ја информирале Украина и сојузниците за можната употреба на ова оружје од страна на Русија. Претставникот, исто така, потсети дека претседателот Џо Бајден претходно оваа година објави планови за испорака на стотици ракети „Патриот“ и „АМРААМ“ за зајакнување на украинската воздушна одбрана.

САД ќе продолжат да ја зголемуваат безбедносната помош за Украина за да ги зајакнат нејзините капацитети, вклучително и воздушната одбрана, и да ја стават Украина во најдобра можна позиција на бојното поле, рече американскиот претставник.

Напнатоста меѓу Москва и западните сојузници на Киев расте откако украинските сили во вторникот нападнаа руска територија со западно оружје со долг дострел, откако добија зелено светло од Вашингтон.

Украинскиот претседател Володимир Зеленски рече дека ракетниот напад врз Дњепар ги има „сите карактеристики“ на напад со ИЦБМ и го обвини Кремљ дека „ја користи Украина како полигон за тестирање“.

Локалните власти во Дњепар соопштија дека во нападот бил погоден инфраструктурен објект, а две цивилни лица се повредени.

The post Русија користела „експериментална“, а не интерконтинентална ракета во нападот во Украина, тврдат Американците appeared first on Република.

Русија изврши ракетен напад со нов проектил со среден дострел врз украинска воена локација како одговор на украинските напади во изминатите денови со западно оружје со голем дострел. Тоа го изјави претседателот Владимир Путин во вонредното телевизиско обраќање до нацијата.

Путин додаде дека по нападот врз Русија со западни ракети, конфликтот во Украина доби глобален карактер.

Путин изјави дека неговата земја тестирала нова ракета со среден дострел во денешниот напад против Украина и предупреди дека Москва може да ја искористи против земјите кои му дозволиле на Киев да истрела нивни проектили на руска територија.

Неговото кодно име е Орешник, нагласи тој.

Путин во телевизиско обраќање до нацијата рече дека денешниот руски напад врз Украина е одговор на украинските напади на почетокот на оваа недела на руска територија со британски и американски ракети.

Рускиот лидер најави дека Русија ќе издаде однапред предупредувања пред нападите врз други земји за да се овозможи безбедно евакуација на граѓаните. Тој предупреди дека американските ПВО системи нема да бидат способни да пресретнуваат руски ракети.

The post Почна Третата светска војна, објави вечерва Путин appeared first on Република.

Европската комисија одобри исплата на 4,1 милијарди евра за Украина во рамките на механизмот на Европската унија за Украина, објави Укринформ, повикувајќи се на објава на украинскиот премиер Денис Шмихал на „Телеграм“.

„Европската комисија одобри исплата на 4,1 милијарди евра на Украина во рамките на Украинскиот механизам. ЕК даде позитивна оценка за реформите и истакна дека владата ги исполнила потребните индикатори за да ја добие оваа транша. Очекуваме брзо одобрување на одлуката од страна на Советот на Европската Унија. Со тоа, вкупната поддршка во рамките на Механизмот за Украина оваа година ќе достигне 16,1 милијарда евра“, напиша Шмихал.

Тој изрази благодарност за непоколебливата поддршка на ЕУ за Киев. Нагласи дека и покрај тековната војна со Русија, Украина останува посветена на реформите и трансформацијата, насочени кон зајакнување на нејзината европска интеграција и напредок кон полноправно членство во Европската унија.

The post Европската комисија одобри исплата на 4,1 милијарди евра за Украина appeared first on Република.

Како што со денови се споменуваше, расте можноста доаѓањето на Доналд Трамп за претседател на САД да ги забрза мировните преговори кога тој ќе ја преземе Белата куќа.

Украинските власти долго време нагласуваат дека земјата нема да ѝ отстапи никаква територија на Русија во ниту еден договор. Сепак, новиот извештај сугерира дека овој фактор можеби не е најважниот во пристапот на Киев кон можните преговори.

Во последно време, украинските сили губат територија на истокот на земјата, што ја ослабува нивната позиција во можните преговори.

Трамп претходно изјави дека ќе стави крај на војната на првиот ден од неговото претседателствување.

„За Украина ништо не е поважно од гаранција“

Украинските власти изјавија за Њујорк Тајмс дека гаранциите дека Владимир Путин нема да започне натамошна агресија ќе им биде поважно од какви било спорови за територија.

Роман Костенко, претседател на комисијата за одбрана и разузнавање на украинскиот парламент, рече:

„Преговорите треба да се засноваат на гаранции. Ништо не е поважно за Украина“.

Висок украински функционер, кој разговараше со новинарите под услов да остане анонимен, рече:

„Територијалното прашање е исклучително важно, но сепак е второ по важност. Првото прашање се безбедносните гаранции“.

Од руска страна, Константин Затулин, политичар од партијата на Путин, оваа недела рече дека Русија може да прифати прекин на огнот долж линијата на фронтот до пролет, доколку Украинците бидат истиснати од Курск.

„Сè ќе се заснова на факти“, рече тој. „Сè што имаме ние е наше, сè што има Украина е украинско.

Но, тврдокорните во Москва, вклучително и Константин Малофејев, конзервативен бизнисмен со врски со Кремљ, сугерираат дека веројатно нема да се постигне договор до пролет.

„Ќе биде тешко да се постигне договор токму затоа што и нашата најблага позиција вклучува дополнителни територијални отстапки од Украина“, рече Малофејев.

The post Украина е подготвена да отстапи територија, имаат само едно барање! appeared first on Република.

Украина синоќа беше нападната со 145 руски дронови, што е рекорд, соопшти украинскиот претседател Володимир Зеленски на Х.

Украинските воздухопловни сили денеска соопштија дека 62 од тие 145 дронови биле уништени во 13 региони во земјата.

Украинското воздухопловство истакна дека бројот на дронови во синоќешниот напад го надминал претходниот „рекорд“ од 135 дронови на 18 октомври. Тие прецизираа дека 67 дронови исчезнале од радарите, а други влегле во воздушниот простор на соседите на Украина, Белорусија и Молдавија, јави ДПА.

Најпогоден е црноморскиот град Одеса, каде се оштетени домови, продавници, автомобили и гаражи, соопштија украинските власти. Пријавени се и повредени, без да се наведат детали.

Руското Министерство за одбрана претходно денеска соопшти дека рано утрово одбило 70 напади со украински дронови, од кои 34 биле пресретнати во московскиот регион. Една жена се здобила со изгореници откако остатоци од соборен дрон паднале врз нејзината куќа По неколку часа прекин, главните аеродроми во Москва повторно работат.

The post Украина синоќа беше нападната со рекордни 145 руски дронови, соопшти Зеленски appeared first on Република.

Новата американска администрација на Доналд Трамп ќе прекине да дава помош за Украина во нејзината борба против руската инвазија, изјави денеска унгарскиот премиер Виктор Орбан пред состанокот на Европскиот совет во Будимпешта.

Орбан е домаќин на самитот на ЕУ еден ден по состанокот на Европската политичка заедница, на кој присуствуваа лидери на ЕУ и највисоки претставници од 47 европски земји.

На денешниот состанок на Европскиот совет војната во Украина ќе биде една од главните теми.

Повеќето од највисоките функционери на 27-те земји на ЕУ веруваат дека снабдувањето на Украина со оружје и пари е клучно за безбедноста на континентот.

The post Новата влада на Доналд Трамп ќе ја прекине помошта за Украина, предвидува Орбан appeared first on Република.

Украинскиот претседател Володимир Зеленски изјави дека на Украина и треба доволно количество оружје, а не поддршка во преговорите со Русија.

Ви благодарам на сите што ја поддржувате Украина и нашиот народ, не се браниме од руски зборови, туку од руски напади. Затоа ни треба доволен број оружје, а не поддршка во преговорите. Гушкањето со Путин нема да помогне. Некои од вас го прегрнуваат 20 години, а ситуацијата само се влошува, рече Зеленски во своето обраќање на самитот на Европската политичка заедница во Будимпешта, пренесува Укринформ.

The post Зеленски: Ни треба оружје, а не поддршка во преговорите со Русија appeared first on Република.

Американскиот секретар за одбрана Лојд Остин во средата изјави дека има докази кои укажуваат на присуството на севернокорејски трупи во Русија, јави Ројтерс.

– Што точно прават тие таму останува да видиме – нагласи Остин пред новинарите на состанокот на министрите за одбрана на земјите од Г7 во Италија.

Тој рече дека ќе се воздржи од давање дополнителни детали додека не заврши истрагата.

Според Националната разузнавачка служба на Јужна Кореја, до крајот на годината се очекува да бидат распоредени околу 10.000 севернокорејски војници во Русија. Сеул тврди дека 3.000 севернокорејски војници веќе пристигнале на фронтот.

Од друга страна, главната украинска разузнавачка служба на чело со Кирил Буданов, ГУР, тврди дека севернокорејските трупи денеска ќе пристигнат во областа Курск.

Пјонгјанг, сепак, постојано ги негира тврдењата дека нејзините војници се присутни во Русија, отфрлајќи ги како „стереотипни гласини“, додека сателитски снимки објавени од Јужна Кореја, наводно, укажуваат на движење на севернокорејски војници во Русија.

Според некои наводи, севернкорејските војници ќе ѝ помагаат на Русија да ги потисне Украинците во регионот Курск. Русија веќе врати дел од териториите во Курск во контранапад.

Украинските медиуми објавија извештај според кој американските тенкови „М1А1 Абрамс“ и пешадиските борбени возила „Бредли“ влегле на територијата на Русија и учествуваат во битки со руските сили во областа Курск. Киев Пост објави дека за време на викендот украинската 47-ма бригада нападна во североисточните делови на регионот.

Се смета дека вооружените сили на Украина сè уште контролираат околу 800 квадратни километри руска територија, а најтешките борби во последните недели се водат долж главните патишта што водат до рускиот пограничен град Суја.

Неодамна, Лојд Остин во Киев изјави дека доколку Путин победи во војната, цела Европа ќе се сруши под неговата чизма.

🔵War in Russia. American technology works. Ukrainian crew of Bradley infantry fighting vehicle coupled with Abrams tank, fires at Russian troops hiding in residential buildings in the village of Novoivanovka in Kursk region. pic.twitter.com/QIq9w1PwZf

— Jarek (@JarekKuczko) October 23, 2024

The post Вашингтон има докази: Севернокорејските трупи се во Русија appeared first on Република.

Населението на Украина се намалило за 10 милиони луѓе или околу една четвртина од почетокот на руската инвазија, соопшти ОН.

Намалувањето се должи на бегалскиот бран, падот на наталитетот и загинатите во војната, изјави Флоранс Бауер, регионална директорка за Источна Европа на Фондот за население на ОН.

Таа истакна дека уште пред инвазијата Украина се соочуваше со демографски предизвици, а војната ја влоши состојбата.

Во 1991 година, Украина имаше над 50 милиони жители, додека пред инвазијата во 2022 година бројот изнесуваше околу 40 милиони.

The post Населението на Украина намалено за 10 милиони од почетокот на војната appeared first on Република.

Единиците за противвоздушна одбрана одбија нов руски воздушен напад врз Киев, информираше градоначалникот на украинската престолнина Виталиј Кличко.

Одбранбените сили на Киев неутрализирале десетина нападни беспилотни летала на руски напаѓачи, објави воената управа на градот на Телеграм, пренесува Укринформ.

„Уште еден воздушен напад врз Киев. Руската армија повторно употреби беспилотни летала. Бараж муниција навлегуваше во Киев во неколку бранови“, се наведува во соопштението.

The post Нападнат е Киев, Кличко итно се огласи appeared first on Република.

Руските сили погодија база во која се сместени украински војници и странски платеници во делот на регионот Запорожје кој е под контрола на Украина, изјави Сергеј Лебедев, координатор на локална проруска мрежа.

Лебедев изјави дека, според прелиминарните податоци, повеќе од 60 луѓе се ранети, а околу 20 се убиени.

– Во Запорожје беше погодена база на украинските вооружени сили со странски платеници. Поддржувачите на Бандера и странските платеници се населиле на територијата на одгледувачницата. Тие беа подготвувани и распоредени од воени единици за изведување офанзивни операции во правец на Запорожје – рече Лебедев.

Тој додаде дека во бизнисот имало и мало складиште за муниција и дека првичната детонација ја предизвикала нејзината експлозија.

Најмалку десет лица се ранети во рускиот напад врз градот Запорожје
Најмалку десет лица се повредени вечерва кога руските сили го погодија центарот на градот Запорожје на истокот на Украина, кој е под контрола на Киев, објави регионалниот гувернер Иван Федоров.

Тој на својот канал Телеграм изјави дека руските сили извршиле два напади врз тој град, пренесува Интерфакс Украина.

Како што се наведува, во нападот биле користени противтенковски ракети.

The post Русите ја погодиле базата на странските платеници во Запорожје appeared first on Република.

Војната во Украина не може да се добие со „планот за победа“ предложен од украинскиот претседател Володимир Зеленски, изјави денеска унгарскиот премиер Виктор Орбан.

Со ова можеме само да загубиме, а Унгарија нема да биде дел од тоа, изјави Орбан за јавниот сервис Кошут радио.

Орбан истакна дека ЕУ е поделена на две групи по прашањето за војната: „Тука сме ние и останатите“.

Унгарија на почетокот на војната рече дека нема да учествува во воените напори, додека другите земји на ЕУ се во неа. ЕУ се однесува како воинствена страна, рече Орбан, додавајќи дека Унгарија на почетокот јасно ставила до знаење дека тоа е погрешна стратегија.

Тој нагласи дека оваа војна не може да се добие и дека преговорите се неопходни. „Сега другите 26 земји од ЕУ зачудено слушаат дека претседателот Зеленски има 'план за победа'. Зошто, што имаше до сега? Тоа што досега го имаа како план испадна дека е план за пораз, а сега тие се обидуваат да го заменат со план за победа“, рече Орбан и повтори дека Унгарија нема да учествува во тоа.

The post Орбан: Со „планот за победа“ на Зеленски може само да загубиме appeared first on Република.

Германија има одговорност да се погрижи војната меѓу Русија и Украина да не се претвори во војна меѓу Русија и НАТО, изјави германскиот канцелар Олаф Шолц, повторувајќи го своето „наин“ („не“) за испраќање оружје со долг дострел во Киев, пренесе ДПА.

Не сметам дека е тоа исправна испорака - и така ќе остане, рече Шолц вчера по самитот на Европската унија во Брисел.

Тој ги отфрли клучните точки од „планот за победа“ на украинскиот претседател Володимир Зеленски поради стравувањата од идна ескалација.

Зеленски на средбата го претстави својот „план за победа“ и уште еднаш го повика Шолц да му испрати крстосувачки ракети Таурус.

Украинскиот лидер верува дека арсеналот за одвраќање ракети би можел да ја принуди Русија да започне мировни преговори.

Шолц, исто така, останува на својот став против брзата покана за Украина да се приклучи на НАТО, како што е наведено во планот на Зеленски. САД, исто така, се противат на брзиот влез на Украина во НАТО.

Канцеларот се осврна на резолуциите од последниот самит на НАТО во Вашингтон, кои на Украина и понудија општо уверување дека повеќе не може да биде запрена на нејзиниот пат кон Алијансата, но рече дека сите сојузници мора да бидат едногласни дека условите на НАТО да обезбедат покана се исполнети. Тие вклучуваат реформи во економијата и безбедносниот сектор и зајакнување на демократијата.

The post Шолц: Германија мора да се погрижи војната во Украина да не се прошири на војна со НАТО appeared first on Република.

Унгарскиот премиер Виктор Орбан денеска изјави дека Европската унија треба да ја промени својата „воена стратегија“ во „мировна стратегија“ и повика на прекин на огнот и мировни преговори.

Во пресрет на работниот појадок, пред пратеничката група „Патриоти за Европа“ во Европскиот парламент, Орбан рече дека очекува Самитот на ЕУ да биде „тежок“ и дека го очекуваат неколку „битки“, пренесе МТИ.

Според него, првата „битка“ ќе се води за војната во Украина, а Орбан истакна дека украинскиот претседател Володимир Зеленски ја закажал презентацијата на својот „План за победа“ на самитот.

Сè уште не го знаеме тоа официјално, но слушнавме што рече тој вчера во украинскиот Парламент. Тоа е повеќе од страшно, рече тој.

Орбан истакна дека тој е „понекогаш единствениот“ кој повикува на промена на воената стратегија, бидејќи ЕУ „моментално ја губи војната“.

Тој ја критикуваше стратегијата на ЕУ, велејќи дека европскиот блок „влезе во војната со лошо испланирана и лошо спроведена стратегија заснована на погрешни пресметки“.

Очигледно ја губиме војната на фронтовите. Затоа ни е потребна промена... Не мислам на повеќе војна или поопасно оружје, туку треба да ја замениме стратегијата на војна со стратегија на мир, а тоа значи прекин на огнот и мировни преговори, рече Орбан.

Тој оцени дека вчерашните изјави на Зеленски во Собранието отишле во погрешна насока и затоа ги повика германскиот канцелар Олаф Шолц и францускиот претседател Емануел Макрон да започнат преговори со Русите „за да се најде излез од оваа ситуација“.

Орбан, исто така, рече дека постои и „битка околу миграцијата“, додавајќи дека многумина сакаат да ги променат регулативите за миграција. Тој го нарече „неприфатливо“ тоа што Унгарија е „критикувана за заштита на границите на ЕУ“.

Според него, сè поголем број земји-членки укажуваат на миграциска криза и затоа, како што рече, е потребна промена.

The post Орбан за планот на Зеленски: Тоа е повеќе од страшно appeared first on Република.

Украинскиот претседател Володимир Зеленски го претстави многу дискутираниот план за победа на Украина, иако некои делови останаа доверливи.

Предлогот се состои од пет точки: покана за членство во НАТО, одбранбен аспект, одвраќање од руска агресија, економски раст и соработка и повоена безбедносна архитектура.

Планот вклучува три тајни додатоци кои се споделени со меѓународни партнери. Дејвид Арахамија, парламентарниот лидер на владејачката партија, рече дека доверливите делови ќе им бидат претставени на лидерите на фракциите, пишува Киев Индипендент .

„Ако се поддржи планот, можеме да ја завршиме војната најдоцна следната година“, рече Зеленски во парламентот во присуство на врховниот командант Александар Сирски, шефот на военото разузнавање Кирил Буданов и западни дипломати.

„Ние разбираме дека членството во НАТО е прашање на иднината, а не на сегашноста“, рече Зеленски, но додаде дека поканата понудена веднаш ќе ја покаже грешката на рускиот претседател Владимир Путин „неговите геополитички пресметки“.

„Ние сме демократска нација која докажа дека може да го заштити нашиот заеднички начин на живот“, рече Зеленски.

The post Зеленски го претстави украинскиот план за победа: „Ако ова се поддржи, војната ќе заврши следната година“ appeared first on Република.

Најмалку четири лица загинаа, а 10 се повредени во синоќешните руски напади врз регионот Одеса.

Непријателот со балистички проектили ја гаѓаше Одеската област. Четири лица загинаа, меѓу кои и една тинејџерка, објави регионалниот гувернер Олег Кипер на Телеграм.

Тој додаде дека во луѓето се заробени под урнатините на уништената двокатна станбена зграда.

Руската армија ги интензивира нападите врз јужна Украина, при што се оштетени цивилни бродови во пристаништата во регионот на Одеса.

The post Најмалку четворица загинати при руски напад врз регионот Одеса appeared first on Република.

Турскиот министер за надворешни работи Хакан Фидан предупреди дека ризикот од ширење на руско-украинската војна е поголем од кога и да е и дека не може да се исклучи употребата на нуклеарно оружје и оружје за масовно уништување во конфликтот, пренесува Анадолија.

Фидан ова го изјави на самитот Украина-Југоисточна Европа во Дубровник, Хрватска.

Фидан ја повтори поддршката на Анкара за територијалниот интегритет, суверенитет и независност на Украина и посочи дека Турција од самиот почеток вложува дипломатски напори за завршување на војната, нагласувајќи ја улогата на Анкара во одржувањето на преговорите меѓу завојуваните страни, таа е посредник во размената на затворениците и во функционирањето на Црноморската иницијатива за жито.

Тој посочи дека конфликтот во Украина ја влошил глобалната поларизација.

Во однос на учеството на Русија во преговорите, Фидан истакна дека одржливо решение може да се постигне само со вклучување на сите страни, вклучително и Русија во преговорите.

Шефот на турската дипломатија рече дека осигурувањето безбедност на храната, слободна пловидба, заштитата на нуклеарните капацитети и заштитата на критичната инфраструктура може да помогне во ублажувањето на уништувањето.

Самитот, кој првпат се одржа во грчката престолнина Атина во август 2023 година, а потоа во Тирана, Албанија, во февруари 2024 година, ги собра лидерите на Украина и земјите од Југоисточна Европа во Дубровник.

За време на посетата на Дубровник, Фидан се сретна и со својот хрватски колега Гордан Грлиќ-Радман.

The post Фидан: Не може да се исклучи употреба и на нуклеарно оружје во руско – украинската војна appeared first on Република.