Рускиот претседател Владимир Путин му честиташе на Доналд Трамп за неговиот избор за претседател на САД, јавија руските медиуми.

Би сакал да ја искористам оваа прилика да му честитам (Трамп) за неговиот избор на функцијата претседател на САД, рече Путин за време на говорот на состанокот на Меѓународниот клуб за дискусија „Валдај“.

Според Путин, зборовите на новоизбраниот претседател Доналд Трамп за украинската криза заслужуваат внимание.

Она што беше кажано од Трамп за желбата да се обноват односите со Русија, да се придонесе за решавање на украинската криза, ми се чини дека заслужува барем внимание, рече рускиот лидер.

Меѓународниот клуб за дискусија „Валдај“ е здружение на водечки странски и руски експерти од областа на политичките науки, економијата, историјата и меѓународните односи.

Клубот е создаден во септември 2004 година на иницијатива на агенцијата РИА Новости, Советот за надворешна и одбранбена политика, списанието „Русија во глобални работи“ и Русија профил.

Валдаи е една од водечките светски платформи за интеракција помеѓу руската и меѓународната интелектуална и политичка елита.

The post Зборовите на Трамп за украинската криза заслужуваат внимание, рече Путин честитајќи му победа appeared first on Република.

Портпаролот на Белата куќа за национална безбедност Џон Кирби изјави дека доколку САД не ја поддржат Украина во борбата против Русија, тоа ќе предизвика голема штета на американските економски и безбедносни интереси.

-Ако (рускиот претседател Владимир) Путин ја освои Украина, тој стои на прагот на НАТО. И како што реков пред некој ден, ако мислите дека цената за поддршка на Украина е висока сега, размислете колку ќе биде не само во пари, туку и во американска крв, ако треба да почнеме да постапуваме по нашите обврски од член пет, рече Кирби на брифингот со новинарите.

Членот пет од Северноатлантскиот договор бара од земјите-членки да ги сметаат вооружените напади врз која било земја-членка како напади врз целата Алијанса и да обезбедат итна воена помош.

The post Бела куќа: Ако не ја поддржиме Украина, цената ќе биде уште поголема appeared first on Република.

Русија и американската војска одржуваат контакти, но во моментов нема соодветен канал за дијалог меѓу Москва и Вашингтон, изјави денеска рускиот министер за надворешни работи Сергеј Лавров.

– Немаме канал за дијалог. Американската војска одвреме-навреме објавува дека претседателот на Здружениот генералштаб Марк Мајли го поканува началникот на Генералштабот на руските сили Валериј Герасимов. Американскиот министер за одбрана Лојд Остион неколку пати комуницираше со рускиот министер за одбрана Сергеј Шојгу и тоа е добро и корисно – рече Лавров.

Лавров посочи дека ставот на САД за продолжување на инспекциите како дел од новиот Договор за намалување на стратешкото оружје /СТАРТ/ не е многу фер.

Тој потсети дека во преамбулата на Договорот стои признавањето на нераскинливата врска меѓу стратешкото офанзивно и одбранбеното оружје, а во согласност со текстот на документот, оваа врска е од одлучувачко значење за идните дискусии за намалување на стратешкото оружје.

Шефот на руската дипломатија забележува дека ова не е само вовед во нешто неважно, туку правен факт и Американците ја прекршуваат оваа обврска.

The post Лавров откри дали е можен дијалог меѓу Москва и Вашингтон appeared first on Република.

Генералот Марк Мили, претседател на Здружениот генералштаб на САД, и началникот на Генералштабот на руската армија Валериј Герасимов денеска телефонски разговарале, јавија светските агенции повикувајќи се на изјава на американски функционер кој сакал да остане анонимен.

Изворот не дал повеќе детали. Мили и Герасимов последен пат разговараа во мај годинава.

Герасимов претходно разговараше со началникот на британскиот Генералштаб Тони Радакин, кој ги отфрли тврдењата на Москва дека Украина планира да преземе активности со кои ќе го ескалира конфликтот.

Британското Министерство за одбрана соопшти дека „лидерите на двете армии се согласиле дека е неопходно да се држат отворени каналите за комуникација меѓу Британија и Русија за да се избегне ризикот од погрешни проценки, но и да се овозможи деескалација“.

The post Телефонски разговарале првите луѓе на армиите на САД и Русија appeared first on Република.

Претседателот на Русија, Владимир Путин, денеска, по завршувањето на самитот на Шангајската организација за соработка, одговараше на актуелните прашања на новинарите.

„Со децении Западот ја негува идејата за распаѓање на Русија“, рече Путин.

„Западот нема да чека распад на Русија“, додаде рускиот претседател.

Тој рече дека Западот се обидел да создаде „антируска енклава во Украина со цел да ја собори Русија“. За да се спречи тоа, беше почната специјална воена операција, додаде тој.

„Русија засега воздржано одговара на украинските напади врз нејзината инфраструктура и терористичките напади во Киев“, изјави рускиот лидер, пренесува РТРС.

Во врска со контраофанзивата на Киев, Путин рече: „Ќе видиме како ќе заврши“.

За да се одржи средбата со украинскиот претседател Володимир Зеленски, Киев мора да се согласи на преговори.

„Ердоган предлага средба со Зеленски мислејќи дека таа може да има позитивен резултат“, рече Путин.

„Киев не сака преговори, туку сака да ги решава проблемите со воени средства – продолжи“, рече Путин.

Тој исто така додаде дека основната цел на руската агресија или, како што вели, специјалните воени операции, е ослободување на Донбас.

„Руската офанзива во Донбас не запира, но не брзаме“, рече Путин, пренесуваат медиумите.

The post Путин до Западот: Нема да дочекате распад на Русија appeared first on Република.

Американската кошаркарка Бритни Грајнер денеска пред рускиот суд во Химки е осудена на девет години затвор поради поседување и шверц на дрога.

Судот ја прогласи обвинетата за виновна за илегално поседување и трговија со значителна количина дрога, изјави судијката Ана Сотникова.

Судијката рече дека обвиненијата за поседување и трговија со дрога се докажани на судењето и оти времето поминато во притвор ќе се пресмета во казната на Грајнер.

Грајнер во притвор е од 17 февруари, кога беше приведена на руски аеродром откако властите во нејзиниот багаж пронајдоа помалку од еден грам хашиш-масло. Грајнер, исто така, е казнета и парично, во износ од еден милион рубљи, што е приближно 16.300 долари.

Претходно денеска руското обвинителство побара затворска казна од девет и пол години, додека одбраната побара ослободување.

Сопругата на Грајнер, кошаркарките од нејзиниот тим, соиграчките од ВНБА, како и спортисти од сите спортови, веднаш упатија остри реакции и побараа нејзино ослободување.

Реакција веднаш дојде и од американскиот претседател Џо Бајден, кој рече дека пресудата на рускиот суд е неприфатлива и ја повика Москва веднаш да ја ослободи.

„Денеска, американската државјанка Бритни Грајнер беше осудена на затвор, што е уште еден потсетник на она што светот веќе го знаеше: Русија погрешно ја затвора Бритни“, нагласи Бајден во изјавата.

Тој додаде дека тоа е неприфатливо и ја повика Русија веднаш да ја ослободи Грајнер, „за да може да биде со партнерката, саканите, пријателите и соиграчите“.

Американскиот државен секретар Антони Блинкен, исто така упати критики по повод пресудата и рече дека тоа „дополнително ја зголемува неправдата од нејзиниот незаконски притвор“ и ја зголемува американската загриженост за „рускиот правен систем и употребата на погрешни притвори од страна на руската влада заради унапредување на својата сопствена агенда, користејќи поединци како политички пиони“.

Правникот тим на 31-годишната кошаркарка најави дека ќе се жали на пресудата, истакнувајќи дека Судот ги игборирал сите докази што тие ги доставиле.

Многу сме разочарани од пресудата. Како правни професионалци, сметаме дека судот треба да биде праведен кон сите без разлика на националноста. Судот целосно ги игнорираше сите докази на одбраната и што е најважно признавањето на вината. Ова е во спротивност со постојната правна практика. Имајќи ја предвид количината на супстанцата (да не зборуваме за недостатоците при експертизата) и изјаснувањето, пресудата е апсолутно неразумна. Сигурно ќе поднесеме жалба, се вели во соопштението.

The post За грам хашиш девет години затвор во Русија за американската кошаркарка Бритни Грајнер appeared first on Република.

САД во вторникот на листата санкционирани Руси, под изговор за војната во Украина, ги додадоа имињата на уште 893 Руси, меѓу кои и поранешната гимнастичарка Алина Кабаева, според западните медиуми наводната партнерка на претседателот Владимир Путин што тој го негираше, и за еден од челниците на еден од најголемите светски произведувачи на челик.

Образложението на американското министерство за финансии е дека Кабаева денес е на чело на руска медиумска групација којашто опфаќа телевизиски и радиокуќи, како и печатени медиуми.

Санкциониран е и еден од најголемите светски производители на челик ММК и мнозински сопственик и претседател на Управниот одбор, Виктор Филипович Рапников, соопшти американското министерство.

Образложението на Вашингтон е дека ММК е „еден од најголемите плаќачи на данок во Русија и голем извор на приходи за руската влада“. На списокот на санкционираните се додадени и две филијали на ММК од кои едната има седиште во Русија а другата во Турција.

Американскиот Стејт департмент во вторникот соопшти дека воведува визни ограничувања за 893 руските функционери, и припадници на војската „поради нивната улога во агресијата врз Украина“.

Санкционирани се и 31 странски функционер од земји коишто Стејт департментот не ги наведува, а коишто ги признаваат двата референдума со кои доминантно руското население на црноморскиот полуостров Крим по превратот во Киев во март 2014 година одлучи да ја врати укинатата во 1990-те автономија и да се врати во составот на Русија од кој е извадена во 1954 година, но Западот тоа го смета за нелегално руско анектирање на украинска територија.

На листата се и тројца руски деловни луѓе кои Стејт департментот ги обвинува дека „му помагаат“ на Путин. Еден од нив е поранешниот член на руската влада Андреј Гурјев. Под санкции е и јахтата „AlfaNero“, регистрирана на Кајманските острови, којашто наводни Гјурев ја купил за 210 милиони долари во 2014 година.

Стејт департментот воведува и санкции против 24 руски компании од секторот на одбраната и технологиите за „дополнително да ја изолира руската одбранбена и технолошка индустрија и да ја ограничи руската воена машинерија“, изјави американскиот државен секретар Ентони Блинкен во посебно соопштение.

Вашингтон во вторникот објави и дека спречил избегнување на санкциите на што се обиделе „некои големи финансиски институции“, а меѓу нив е и финансискиот оддел во сопственост на Руската федерална агенција за управување со државни недвижнини.

The post И Алина Кабаева меѓу санционираните appeared first on Република.

Американската компанија „Аксиом” и платила на руската вселенска агенција Роскосмос во рубли за летот на нивниот астронаут Марк Ванде Хеј до Меѓународната вселенска станица (МВС), изјави генералниот директор на Роскосмос, Дмитриј Рогозин, за ТВ каналот „Русија 24″.

Според Рогозин, Роскосмос го добил средствата, но не директно од НАСА, туку од компанијата „Аксиом”, која се појавила како посредник.

Доцнеше точно еден месец, но сите средства беа уплатени во рубли, изјави Рогозин.

Според него, за време на организацијата на летот на Марк Хеј, НАСА сфатила дека е под притисок на американскиот Конгрес, па за посредник ја избрале приватната компанија „Axiom Space” и од нив го нарачала летот.

Компанијата „Аксиом”„ потоа го  купила местото на рускиот брод.

Марк Ванде Хеј пристигна во МВС на 9 април 2021 година со ракетата Сојуз МС-18, заедно со руските космонаути Олег Новицки и Петро Дубров.

Новицки порано се врати на Земјата, додека Дубров и Хеј поминаа 355 дена во МВС и се вратија на 31 март 2022 година, поставувајќи рекорд за најдолг престој во орбитата како дел од мисијата МВС.

The post Рогозин: САД со рубли го платија летот на својот астронаут до МВС appeared first on Република.

Амбасадорката на САД во ОН Линда Томас-Гринфилд синоќа изјави дека нема да дозволи Украина да стане монета за поткусурување во преговорите со Москва, а во контекст на можното продолжување на испораките за помош во Сирија преку Турција.

Нема да дозволиме ситуацијата во Украина или ситуацијата во Сирија да се употребуваат како монета за поткусурување, изјави Линда Томас-Гринфилд, а пред почетокт на преговорите на Советот за безбедност на ОН за испорака на помош за Сирија.

СБ на ОН има мандат за прекугранична испорака на помош за Сирија кој истекува на 10 јули. Русија е против продолжување на операцијата со напомена дека таа го нарушува суверенитетот на Сирија и дека таква помош треба да се доставува директно во земјата.

За да се прифати продолжување потребно е гласање на резолуција со девет гласови „за“ и отсуство на вето. Во СБ на ОН има 15 членови, од кои пет, САД, Велика Британија, Франција, Кина и Русија се постојани со право на вето.

The post САД: Украина нема да стане монета за поткусурување во преговорите со Москва за Сирија appeared first on Република.

Руското Министерство за финансии најави дека во иднина надворешниот јавен долг ќе го враќа во рубли, бидејќи американското Министерство за финансии одби да ја продолжи лиценцата за плаќање во долари.

Бидејќи нашата лиценца не е продолжена, што ни овозможува да продолжиме да ги отплаќаме нашите странски долгови во долари, во иднина ќе вршиме плаќања во рубли, кои може да се претворат во валута обезбедена од Националната агенција за порамнување депозити, се вели во соопштението.

Се истакнува дека одбивањето да се продолжи лиценцата ги крши правата на странските инвеститори и ја поткопува довербата во западната финансиска инфраструктура.

„Имаме пари и сакаме да си ги платиме обврските, а одлуката на непријателска земја вештачки да ја создаде оваа состојба нема да влијае на квалитетот на животот на нашите граѓани, изјави министерот за финансии Антон Силуанов.

Соединетите Американски Држави во средата го затворија последниот финансиски канал преку кој Русија отплаќа долгови од милијарди долари кон меѓународните инвеститори. Целта на овие санкции е Русија да се доведе во позиција да не ги плаќа достасаните обврски и долгови за прв пат по Октомвриската револуција, пренесе АП.

Во соопштението на американското Министерство за финансии се вели дека нема план за обновување на лиценцата, што ќе ѝ овозможи на Русија да продолжи да ги плаќа долговите преку американските банки.

Русија нема да може да ги отплати своите меѓународни инвеститори без дозвола да ги користи услугите на американските банки за плаќање на своите долгови.

The post САД ја принудува Русија на банкорот, Москва: Имаме пари и сакаме да платиме, долгот ќе го враќаме во рубли appeared first on Република.

Американската амбасадорка во Обединетите нации, Линда Томас-Гринфилд, во интервју за „ПБС“ изјави дека официјален Вашингтон, во моментов не очекува Русија да го загуби статусот на постојана членка на Советот за безбедност на Обединетите нации, но ќе продолжи со напорите да ја изолира Москва.

Многу сум свесна и сочувствувам со ставот на претседателот на Украина дека Советот за безбедност реагираше бавно, но ние преземаме доста агресивни акции против Русите откако сето ова почна и ќе продолжиме да го правиме тоа - порача Томас Гринфилд.

Таа изјави и дека ги разбира барањата на Украина за преиспитување на постојаното место на Русија во Советот за безбедност, но дека „во моментов не гледа дека тоа ќе се смени“.

Амбасадорката додаде дека Русија претходно се заканувала дека ќе користи нуклеарно оружје и дека лажно ги обвинила САД и Украина за планови за употреба на хемиско оружје.

Руската амбасада во САД претходно соопшти дека обвинувањата на Вашингтон дека Русија ја прекршува Конвенцијата за хемиско оружје се неосновани, а портпаролот на руското Министерство за одбрана, генерал-мајор Игор Конашенков, ја обвини украинската Служба за безбедност дека планирала да користи токсични материи против цивили со поддршка на западните земји, за подоцна да ја обвинат Русија за тоа, пренесе Тас

The post Американската амбасадорка во ОН: Русија останува постојана членка на Советот за безбедност appeared first on Република.

Претставникот на руското Министерство за надворешни работи Владимир Јермаков денеска изјави дека е замрзнат Дијалогот помеѓу Москва и Вашингтон за стратешка стабилност.
Јермаков, кој е вршител на должноста шеф на контролата за неширење на нуклеарното оружје, изјави дека тие контакти би можеле да бидат обновени кога ќе заврши руската „специјална воена операција“ во Украина.

– Распоредувањето на американски ракети со среден и краток дострел на европско тло и во азиско-пацифичкиот регион дополнително ќе ја ескалира кризната ситуација и ќе започне нова трка во вооружување, предупреди Јермаков.

The post Русија го замрзна дијалогот со Вашингтон за вооружување appeared first on Република.

САД денеска конечно ги открија и своите последни санцкии кон Русија, во врска со војната со Украина.

Овојпат санкциите се насочени кон клучна комерцијална банка и „глобална мрежа од повеќе од 40 поединци и ентитети предводени од рускиот олигарх Константин Малофеев“.

Во соопштението американското Министерство за финансии објави дека санкциите се насочени и кон „компании кои работат во руската индустрија за рударење виртуелни валути, наводно трета по големина во светот“, истакнувајќи дека тоа е првпат да таргетираат „компанија за ископување виртуелни валути“.

Покрај тоа, Стејт департментот воведува визни ограничувања за 635 руски државјани кои се „вклучени во сузбивање на несогласувањето во Русија и во странство, кои биле вклучени во активности кои го загрозуваат територијалниот интегритет на Украина и кои биле вклучени во кршење на човековите права во затворски објекти и места на неофицијален притвор во областите под контрола на Русија во регионот Донбас во Украина“, според американското Министерство за финансии.

Тројца руски функционери, исто така, ќе се соочат со визни ограничувања „за вмешаност во грубо кршење на човековите права и на 17 лица одговорни за поткопување на демократијата во Белорусија“, продолжи американското Министерство за финансии.

The post Со новите санкции на САД кон Русија опфатена и Белорусија appeared first on Република.

Рускиот министер за надворешни работи Сергеј Лавров изјави дека Москва нема да ги прекине, како што ги нарекува, воените операции до следната рунда мировни преговори со Украина.

Но, во интервју за новинскиот канал „Русија-24“, тој рече дека не гледа причина разговорите да не продолжат.

– Претседателот (Владимир Путин) постојано нагласува дека претпочитаме преговори, рече тој, пренесува од ТАСС.

Бранејќи ја руската инвазија, Лавров вели дека таа има пошироки импликации надвор од самата Украина, пренесува Би-Би-Си.  „Нашата специјална воена операција е дизајнирана да стави крај на непромисленото проширување на целта на САД за целосна доминација… на меѓународната арена“, изјави Лавров.

The post Лавров: Нашата цел е да ставиме крај на целосната доминација на САД appeared first on Република.

Илјадници руски војници се распоредени во близина на украинскиот град Харков, изјави вчера висок американски воен претставник.

Бројот на тактички единици во близина на рускиот пограничен град Белгород се зголеми од 30 на 40, изјави официјалниот претставник. Тој не го прецизираше точниот број на дополнителни војници, но рече дека тие типови единици обично се состојат од 600 до 1.000 војници.

Руската армија ги распоредува своите сили таму за да ги концентрира своите единици за окупирање на источноукраинската област Донбас, истакна воениот претставник. Харков се наоѓа во североисточниот дел на Украина, во близина на руската граница.

Тој нагласи дека постојат индикации дека Русија се надева оти ќе мобилизира повеќе од 60.000 војници.

Бидејќи конфигурацијата на Донбас ѝ е позната и на украинската и на руската армија по долгогодишниот конфликт, тој предупреди дека борбите ќе бидат интензивни.

Тоа ќе биде како борба со нож. Може да биде многу крваво и многу грдо – објасни американскиот функционер.

Портпаролот на Пентагон, Џон Кирби претходно изјави дека постојат извештаи оти десетици илјади резервисти се мобилизирани за да ги зајакнат руските единици на границата со Донбас по загубите во северниот дел на Украина.

Рускиот амбасадор во САД, Анатолиј Антонов, предупреди дека помошта во оружје што западните земји ѝ ја даваат на Украина, само го влошува судирот и потенцијално може да доведе до директен конфликт меѓу САД и Русија.

Антонов за американскиот „Њузвик“ оцени дека западните земји се директно вклучени во настаните во Украина бидејќи продолжуваат да го снабдуваат Киев со оружје и на тој начин го поттикнуваат на натамошни конфликти.

Рускиот амбасадор посочи дека таквите постапки се опасни и провокативни бидејќи, како што наведе, се насочени против Русија.

Тој нагласи дека тоа може да доведе до директна воена конфронтација меѓу САД и Руската Федерација.

Антонов го повтори ставот на Москва дека сите конвои на територијата на Украина со оружје и воена опрема пристигнати од Запад се легитимна воена цел за вооружените сили на Руската Федерација.

The post Опасност од директен судир меѓу САД и Русија: Десетици илјади руски војници во Харков чекаат наредба appeared first on Република.

Москва може да приведува американски граѓани во Русија, соопшти Стејт департментот, предупредувајќи ги Американците да не патуваат во таа земја.

Во препораката за патување се наведува и дека предупредувањето е поради „неиспровоцираната и неоправдана инвазија врз Украина од страна на руските воени сили“, како и поради можноста руските власти да ги вознемируваат американските граѓани.

Американците кои се наоѓаат моментално во Русија, повторно беа повикани да ја напуштат земјата „веднаш“.

The post САД: Москва може да апси Американци во Русија appeared first on Република.

Американскиот претседател Џо Бајден рече дека САД ќе одговорат доколку рускиот претседател Владимир Путин употреби оружје за масовно уништување, но дека одговорот ќе зависи од ситуацијата.

Бајден одговори дека не може да даде информации за разузнавачки информации, но додаде за прашањето за хемиското оружје:

„Ние би одговориле доколку тој го користи. Природата на одговорот ќе зависи од природата на употребата“.

The post Бајден: Ако Путин употреби оружје за масовно уништување, и ние ќе употребиме appeared first on Република.

САД и Русија на крајот ќе ги вратат нормалните односи, можеби не наскоро, но тоа ќе се случи, изјави денеска американскиот амбасадор во Москва, Џон Саливан.

Апсолутно не сум добар во предвидувањето на иднината, но ќе направат едно предвидување – и тоа не е предвидување, само знам: на крајот, Русите и Американците повторно ќе воспостават нормални односи. Можеби не оваа година, можеби не следната, но тоа ќе се случи. Се надевам дека тоа ќе го доживеам, изјави американскиот дипломат во интервју за „Новаја газета“.

The post Aмериканскиот амбасадор во Москва: САД и Русија на крајот повторно ќе воспостават нормални односи appeared first on Република.

Пентагон во изминатиот месец во повеќе наврати барал комуникација со руските воени лидери со цел да се избегне ненамерно прелевање на конфлктот на територијата на НАТО, но повиците од руска страна останале неодговорени, пренесува денешен Вашингтон пост.

Со ова, наведува весникот, двете најголеми нуклеарни сили немаат објаснувања за армиските движења со што се стравува дека може да се случат погрешни проценки и несреќи на бојното поле во Украина.

Од почетокот на руската инвазија на земјата, министерот за одбрана Лојд Остин и раководителот на Генералштабот на воените сили на САД, Марк Мили, се обиделе да договорат телефонски повици со рускиот министер за одбрана Сергеј Шојгу, и со генералот Валериј Герасимов, но Русите „досега одбиваат да се ангажираат“ изјави синоќа портпаролот на Пентаон Џон Кирби.

Американците стравуваат дека кога Русија изведува оперативни воени дејствија во близина на границите на членките на НАТО Полска и Романија, може да се случат погрешни проценки со што случајно би се навлегло на територијата на НАТО и да се создаде „непотребна ескалација или конфузија“, па алијансата во тој случај да возврати.

Постои голем ризик од ескалација, изјави пензионираниот генерал Џон Ставридис, кој служеше како главен командант на НАТО од 2009 до 2013 година.

Тој смета дека САД треба да избегнат сценарио кога НАТО и Русија „започнуваат војна бидејќи воените лидери не можат да одговорат телефонски и да објаснат еден на друг што се случува“ на бојното поле.

Русија неодамна употреби суперсонични проектили и друго софистицирано оружје против цели во западниот дел на Украина, а со тоа заканата од прелевање на конфликтот во поширока конфронтација меѓу Русија и НАТО станува сѐ поголема, наведува весникот.

The post Пентагон им вртел на руските воени лидери, никој не кренал appeared first on Република.

Поранешниот претседател на САД Доналд Трамп се осврна на своите стравови за потенцијалната ескалација на ситуацијата во Украина, бидејќи НАТО, поддржан од САД, ја понуди својата поддршка во услови на тековен конфликт на Русија со нејзиниот сосед.

Говорејќи во Full Send Podcast во средата, Трамп го прозва својот наследник Бајден и рече дека Американците „треба да се исплашат затоа што имаме некомпетентни луѓе кои ја водат нашата земја“.

И покрај тоа што признава дека Русија навистина е нуклеарна сила, Трамп ги потсети слушателите дека Америка исто така има слични способности што ќе ја одвратат агресијата од Москва. Сепак, тој призна дека има „шанса“ да има светска војна, со оглед на сегашните тензии.

The post Трамп: Американците треба да се плашат од нуклеарна војна со Русија зашто некомептентни луѓе ја водат нашата земја appeared first on Република.