Високиот претставник на Европската унија за надворешна политика и безбедност, Жозеп Борел ја повика Белорусија да не прифаќа руско нуклеарно оружје на своја територија и порача дека во спротивно може да се соочи со нови санкции.

-Белоруското складирање на руското нуклеарно оружје би претставувало неодговорна ескалација и закана за европската безбедност. Белорусија сè уште може да го спречи, тоа е нивен избор, а Европската унија е подготвена да одговори со воведување нови санкции, напиша Борел на својот Твитер профил.

Префрлувањето на тактичко нуклеарно оружје во Белорусија во саботата го најави рускиот претседател Владимир Путин, кој изјави дека тоа не ги нарушува обврските од договорот СТАРТ, бидејќи САД веќе го направиле тоа со пренесување на своето нуклеарно оружје во други земји.

Според него, изградбата на складиште за тактичко нуклеарно оружје во Белорусија се очекува да биде завршена на 1 јули.

Москва веќе го префрли во Минск системот „Искандер“, кој може да користи нуклеарно оружје, потсетува ТАСС.

The post Борел ѝ се закани на Белорусија: Одбијте го руското нуклеарно оружје или ќе следуваат нови санкции appeared first on Република.

Русија постигна договор со соседна Белорусија за распоредување на тактичко нуклеарно оружје на нејзина територија, изјави рускиот претседател Владимир Путин за руските медиуми.

Ваквиот потег нема да ги прекрши обврските од договорот СТАРТ за неширење нуклеарно оружје, рече Путин и додаде дека САД стационирале нуклеарно оружје на територијата на европските сојузници, пренесе ТАСС.

Путин порача дека Русија ќе одговори на употребата на муниција со осиромашен ураниум.

Русија има многу такви оружја, но тие досега не се користеа“, рече Путин, додавајќи дека оние што користат таква муниција ќе ја користат против сопствениот народ.

Како што рече претседателот на Русија, земјата нема да дозволи претерана милитаризација на економијата. Тој исто така рече дека со ограничувањето на употребата на долари, САД ја сечат гранката на која седат.

The post Русија распоредува нуклеарно оружје во Белорусија за да одговори на употребата на осиромашен ураниум appeared first on Република.

Колективниот Запад ја сноси вината за конфликтот во Украина, изјави белорускиот министер за надворешни работи Владимир Макеј, говорејќи на седницата на Генералното собрание на ОН.

„Учеството на НАТО во нелегитимните војни против Југославија, Ирак, Либија, Сирија, како и обидите на Алијансата да влезе во историски источнословенските и соседните земји, ја предодреди судбината на првиот „Версај“. Затоа, вината за континуираното крвопролевање во Украина мора да ја сноси целосно колективниот Запад“, нагласи Макеј.

„Западот го направи овој конфликт неизбежен не само со својата политика на проширување на НАТО, туку и со одбивањето да ги разгледа предлозите на своите противници“, вели шефот на белоруската дипломатија. Министерот истакнал дека Белорусија зборува многу и секаде за конфликтот во Украина.

„Не можеме да постапиме поинаку. Конфликтот се случува на нашиот праг и многу сме тажни што гледаме како братскиот украински народ стана жртва на геополитичките игри на колективниот Запад“, објаснил тој.

Во исто време, нагласил дека на Западот не му е потребна Украина ниту како членка на НАТО, ниту како членка на Европската Унија – новите „покровители“ едноставно ја искористија во големата игра против Русија, оценил тој.

„Украина денес плаќа крваво затоа што нејзините политичари дозволија да бидат измамени и заборавени на историското братство на трите источнословенски народи: Белорусите, Русите и Украинците“, рекол Макеј.

Министерот потсетил дека Минск од 2014 година ги направил и продолжува да ги прави сите можни напори за воспоставување мир во Украина.

„Убедени сме дека прашањата за прекин на огнот и сеопфатното стратешко мирно решавање на ситуацијата околу Украина во широк контекст на регионалната и глобалната безбедност може да се постигнат само на преговарачка маса. Нема алтернатива за преговорите. Во спротивно, сите ќе добијат нов трет „Версај““, кажал министерот.

Во исто време, тој изјавил дека „како сосед и засегната страна, Белорусија треба да биде составен дел и на преговарачкиот процес и на конечните безбедносни гаранции“.

The post На Западот не му е потребна Украина ниту во НАТО ниту во ЕУ, ја искористија во големата игра против Русија appeared first on Република.

Претседателот на Белорусија Александар Лукашенко изјави дека руската специјална операција во Украина многу ја подучила Белорусија.

За време на средбата на тема државната одбранбена наредба, тој истакна дека белоруските власти претходно „на поинаков начин ја гледале својата армија, а пред се вооружувањето на армијата“.

„И повторно, сосема искрено, воената операција на Руската Федерација во Украина нѐ научи многу“, рече Лукашенко.

Тој исто така, рече дека му наложил на шефот на белоруското Министерство за одбрана, Виктор Хрењин, да извлече лекции за опремата и понатамошниот развој на војниците.

„Постојано го прашував: Погледнете околу себе, набљудувајте, извлечете заклучоци. Лекции, лекции и повеќе лекции“, рече Лукашенко.

Претходно белорускиот претседател го обвини Западот дека го поттикнува руско-украинскиот конфликт.

Лукашенко предупреди и дека не треба да се дозволи конфликтот во Украина да се издигне на повисоко ниво. Според него, „неопходно е да се запре и да се постигне договор“.

The post Лукашенко: Белорусија многу научи од руската специјална операција во Украина appeared first on Република.

САД денеска конечно ги открија и своите последни санцкии кон Русија, во врска со војната со Украина.

Овојпат санкциите се насочени кон клучна комерцијална банка и „глобална мрежа од повеќе од 40 поединци и ентитети предводени од рускиот олигарх Константин Малофеев“.

Во соопштението американското Министерство за финансии објави дека санкциите се насочени и кон „компании кои работат во руската индустрија за рударење виртуелни валути, наводно трета по големина во светот“, истакнувајќи дека тоа е првпат да таргетираат „компанија за ископување виртуелни валути“.

Покрај тоа, Стејт департментот воведува визни ограничувања за 635 руски државјани кои се „вклучени во сузбивање на несогласувањето во Русија и во странство, кои биле вклучени во активности кои го загрозуваат територијалниот интегритет на Украина и кои биле вклучени во кршење на човековите права во затворски објекти и места на неофицијален притвор во областите под контрола на Русија во регионот Донбас во Украина“, според американското Министерство за финансии.

Тројца руски функционери, исто така, ќе се соочат со визни ограничувања „за вмешаност во грубо кршење на човековите права и на 17 лица одговорни за поткопување на демократијата во Белорусија“, продолжи американското Министерство за финансии.

The post Со новите санкции на САД кон Русија опфатена и Белорусија appeared first on Република.

Белоруската Влада одобри список на непријателски земји, а на Националниот правен интернет портал денеска е објавена и резолуцијата на Советот на министри за тоа, јави Интерфакс.

Покрај земјите-членки на Европската унија, на листата се уште 12 земји – САД, Велика Британија, Австралија, Канада, Норвешка, Нов Зеланд, Албанија, Исланд, Македонија, Лихтенштајн, Црна Гора и Швајцарија.

Одлуката стапува во сила на денот на официјалното објавување.

Претседателот на Белорусија, Александар Лукашенко, потпиша декрет со цел, како што се наведува, „да ги заштити националните економски субјекти од задолжување со средства од нивните сметки на барање на резиденти на странски земји кои вршат непријателски дејствија против белоруски правни или физички лица“.

Белорусија не учествува во војната на Русија во Украина, но ја поддржува и е под низа санкции од западните земји

The post По Русија, Македонија е непријателска земја и за Белорусија appeared first on Република.

Рускиот претседател Владимир Путин денеска испрати честитка до белорускиот колега Александар Лукашенко по повод Денот на единството на народите на Белорусија и Русија, во кое ја потенцира важноста од координација на напорите на меѓународната сцена и зајакнување на одбранбените потенцијали на Москва и на Минск.

Во писмото Путин истакнува дека Русија и Белорусија се соочуваат со невиден надворешен притисок и посочи дека најдобар одговор на, како што наведе, „непријателските дејствија“ треба да биде зајакнување на интеграцијата.

Сигурен сум дека најдобар одговор на непријателските дејствија на голем број земји треба да биде сеопфатното зајакнување на руско-белоруските врски, зајакнувањето на заемно корисните интегративни процеси и билатералната соработка во сите области, истакна Путин.

The post Путин: Притисоците на Западот ја зајакнуваат интеграцијата на Москва и Минск appeared first on Република.