Бугарскиот претседател Румен Радев истакна дека тонот на дијалог воспоставен со претседателката на Македонија, Гордана Сиљановска, треба да го усвои и македонската влада. Радев изјави дека двете претседателски институции покажале дека е можна конструктивна и отворена комуникација и дека имаат клучна улога во негувањето на добрососедските односи.

Тој посочи дека прашањето оди подалеку од навременото вклучување на Бугарите во Уставот на Македонија. Радев ја истакна потребата владата и парламентот во Македонија да дејствуваат брзо за спроведување на одредбите наведени во преговарачката рамка и договорот за добрососедство. Тој предупреди дека одложувањата може да изгубат драгоцено време за напредокот на земјата во членството во ЕУ. Тој понатаму изјави дека ако раководството на Македонија искрено сака интеграција во ЕУ, мора да ги исполни условите утврдени во овие договори.

Во моментов претседателот Радев ја предводи бугарската делегација на 29. сесија на Светската конференција за климатски промени во Баку, Азербејџан.

The post Радев повика да не одложуваме со Бугарите во Уставот appeared first on Република.

 Претседателката Гордана Сиљановска Давкова оствари средба со бугарскиот претседател Румен Радев на маргините на Конференцијата за климатски промени – COP 29 во Баку, Азербејџан. Во разговорот кој, како што информираат од Кабинетот на претседателката, траел еден час и се одвивал во конструктивна атмосфера, било разговарано за потребата од унапредување на македонско-бугарските односи, за надминување на отворените прашања меѓу двете држави, како и за можностите за продлабочување и динамизирање на билатералната соработка во повеќе области од взаемен интерес.

Двајцата соговорници ги изложиле своите позиции во поглед на можните решенија за предизвиците на македонските евроинтеграции.

Претседателката ја подвлече важноста од продолжување на билатералниот политички дијалог на сите нивоа и притоа посочи дека треба да се почитуваат позициите и интересите на обете страни и дека решавањето на билатералните спорови треба да е во рамките на основните вредности и принципи на Европската Унија.

Сиљановска Давкова, како што посочуваат од Кабинетот, нагласила дека односите треба да се развиваат врз основа на заемно почитување, поддршка и активна соработка што ќе придонесе за јакнење на довербата и пријателството меѓу двата народа.

Бугарскиот претседател Радев, се вели во соопштението, укажал на потребата од брзо решавање на отворените прашања, како и на потребата од воспоставување на добри односи во сите области од заемен интерес за полесно меѓусебно разбирање.

Двајцата соговорници во разговорот, се наведува во соопштението од Кабинетот на претседателката, се согласиле за организирање на официјални посети на кои ќе се конкретизираат заложбите за подобра севкупна соработка меѓу двете држави.

The post Средба Сиљановска Давкова – Радев во Баку: Билатералните спорови да се решаваат во рамки на принципите и вредностите на ЕУ appeared first on Република.

Претседателот на Владата Христијан Мицкоски денеска изјави дека нема договорено средба со бугарскиот претседател Румен Радев на маргините на Самитот на Европската политичка заедница во Будимпешта, што се одржува утре.

-Не, но подготвен сум да разговарам со секого, секаде врз основа на вистински договор што ќе не однесе до целта, е на да го направиме само првиот чекор, рече Мицкоски .

https://republika.mk/vesti/balkan/orban-gi-sobira-liderite-na-evropskata-politichka-zaednitsa/

The post Засега нема договорено средба меѓу Мицкоски и Радев во Будимпешта appeared first on Република.

Најважно е денеска да се гласа, изјави бугарскиот претседател Румен Радев по гласањето во гимназијата „Џ.А. Мекгахан“ во Софија.

Сите сакаме да заврши овој исцрпувачки маратон на континуирани избори, но да имаме одржлив и остварлив парламент, да имаме не само редовна, туку ефикасна редовна влада која може да носи храбри одлуки и да ја води земјата кон реализација на националните важни цели, важно е овие две институции – парламентот и владата – да имаат соодветен легитимитет. А сите знаеме дека овој легитимитет произлегува од масовното, солидно учество на граѓаните на изборите. Така што мојот апел до Бугарите денеска е да гласаат. Има уште пет часа, не е малку време, апелирам секој да најде неколку минути и да излезе и да гласа - додаде Радев.

Граѓаните на Бугарија денеска избираат 240 пратеници во 51. Народно собрание. Ова се шести предвремени парламентарни избори по редовните на 4 април 2021 година. Последните предвремени избори се одржаа на 9 јуни годинава.

Изборниот ден почна во 7 часот, а завршува во 20 часот, и може да се продолжи до 21 часот ако пред избирачкото место има гласачи кои не гласале. Гласањето во странство започнува во 7 часот и завршува во 20 часот, односно 21 часот по локално време.

На изборите за Национално собрание учествуваат 19 партии, девет коалиции и еден независен кандидат.

The post Радев: Најважно е денеска да се гласа appeared first on Република.

Бугарскиот претседател Румен Радев смета дека нема потреба од посредништво во разговорите меѓу Скопје и Софија, за продоложувањето на преговорите на земјава, јави БТА.

На прашањето да даде коментар на изјавата на премиерот Христијан Мицкоски дека е подготвен да води преговори со бугарскиот претседател, Радев рече дека отсекогаш бил отворен за дијалог, но, според него, треба да се прави разлика меѓу дијалог и преговори.

- Преговорите меѓу Бугарија и Македонија завршија во јули 2022 година, кога двете земји го потпишаа билатералниот протокол за договорот за добрососедство. Ако зборуваме за дијалог, тој треба да се води меѓу Македонија и Европската комисија и тоа врз основа на прифатената Преговорачка рамка за Македонија, која со консензус, едногласно е усвоена од сите земји членки на ЕУ и е прифатена од Владата на Македонија, рече Радев во изјава за бугарски медиуми.

Според него, работите се и повеќе од јасни и дека Македонија треба да ги исполни барањата поставени од Европската Унија, а Бугарија, како што рече, може да помага во тој процес.

-И ќе повторам по којзнае кој пат, ние сме подготвени и ние треба да помогнеме. Тоа е нашата одговорност, и тоа да помагаме Македонија побрзо и поефективно да ги исполни условите запишани во двостраниот протокол и во Преговарачката рамка, така што би можеле посигурно да чекорат по европскиот пат, изјави бугарскиот поретседател.

The post Радев: Нема потреба од посредништво меѓу Скопје и Софија, Македонија треба да води разговор со Брисел appeared first on Република.

Како што пренесува бугарската информативна агенција „Фокус“, Радев порачал дека со претседателот на Република Македонија имале многу искрен и конструктивен разговор во пријателска атмосфера.

Очекувам оваа искажана желба за отвореност да ја преземе Владата на РСМ, но нека биде јасно дека ова не беше ниту државна, ниту работна посета. Се надевам дека во блиска иднина претседателот на Република Македонија ќе оствари државна посета, која со сите официјални средби согласно протоколот ќе придонесе и за натамошен развој на нашите односи. Ако го следиме протоколот, на ред е јас да одам таму, изјавил претседателот Радев.

Средбата, дополнил Радев, беше многу конструктивна и во пријателски дух. – Ова е навистина добар почеток за целосно да и помогнеме на Република Македонија, навел Радев.

Димитар Стојанов, советник на претседателот Радев и поранешен министер, пак за БНТ изјавил дека „посетата на претседателот на Република Македонија била по повод културен настан и не била ниту државна ниту работна.

Поради тоа македонското знаме не беше ставено во салата бидејќи за вакви посети не е потребно строго почитување на државниот протокол, изјавил Стојанов.

DNES.BG. пренесува дека Стојанов посочил оти средбата меѓу Радев и Сиљановска – Давкова била исклучително конструктивна и со добар тон. Договорени се идни државни посети на РСМ и Бугарија, што според Стојанов, е чекор напред во дијалогот меѓу двете земји.

Тој рекол дека не би сакал да зборува за провокација во случајов, во ситуација кога се бара чекор напред во развојот на односи. – Не е коректно да се мешаме со знамиња во оваа ситуација. Ако државник од соседната земја доаѓа да пие кафе во Бугарија, дали треба да ставиме знамиња. Непотребно влошување на ситуацијата, рекол Стојанов.

Заради фотографирањето пред бугарското знаме на Радев и Сиљановска Давкова на средбата во Софија, на бугарскиот амбасадор во земјава Желјаско Радуков, денеска ќе му биде врачена протестна нота, според извори од МНР, од директорот на Директоратот одговорен за регионот, а не од министерот за надворешни работи и надворешна трговија Тимчо Муцунски.

За овој настан, според извори од МНР, не било реагирано директно на средбата во Софија, бидејќи, велат, постојат протоколи за да се реагира за овој тип на ситуација. Велат дека пред самата средба на шефовите на државите бил јасно утврден протоколот и прашањето на коешто МНР ќе побара одговор е зошто бугарската страна отстапила од претходно утврдениот протокол. Изворите додаваат дека македонското знаме било истакнато на работниот ручек кој претходел на средбата меѓу претседателка Сиљановска Давкова и бугарскиот претседател Радев во Софија.

Извори од МНР велат дека сепак е конструктивно што е остварена средба меѓу претседателите на Македонија и на Бугарија. Дополнуваат и дека на работниот ручек не било отворено прашањето за предлогот на државава за уставни измени со одложено дејство. Велат дека за тоа ќе се разговара откако во Бугарија ќе се избере политичка влада.

Претходно, денеска и премиерот Христијан Мицкоски рече дека ќе му биде врачена протестна нота на бугарскиот амбасадор во земјава, повторувајќи дека како држава сме секогаш подготвени на добрососедските односи да возвратиме со добрина, но кога ќе видиме дека се поминати црвените линии ,тогаш ќе мораме да интервенираме.

Во минатото кога се понижуваше и распродаваше македонското достоинство, тогаш се молчеше, се виткаше кичмата и се согласуваа со тие што не понижуваа и газеа. Сега се решаваат работите на овој начин, дипломатски, се испраќаат протесни ноти и нема повеќе да имаме меѓународна политика ниту дипломатска со свиткана кичма. Тогаш кога ќе се помине рубиконот, кога ќе се помине црвената линија, тогаш треба и да се реагира. Затоа што вие ако не реагирате, тој исклучок потоа ќе стане пракса, рече Мицкоски, одговарајќи на новинарски прашања пред средбата со претставници на АХК Македонија, дел од мрежата на германските комори во странство и Македонско-Германското стопанско здружение.

Мицкоски посочи, македонската делегација за непоставувањето на државното знаме не реагирала веднаш во знак на почит на двајцата пилоти, кои истиот ден го загубија животот во авионска несреќа.

Од Кабинетот на претседателката Сиљановска – Давкова во саботата најавија дека ќе побараат објаснување за фотографијата пред бугарското знаме направена во Кабинетот на претседателот на Бугарија иако, како што нагласија оттаму, ваков потег и чин не бил предвиден, ниту договорен.

Она што фрли сенка на настанот е отстапувањето од договорениот протокол за средбата, според кој, не требаше да има фотографии во рамките на затворениот простор. Но, за жал, пред почетокот на тет-а-тет средбата, претседателот Радев ја покани претседателката да направат заедничка фотографија пред бугарското знаме, иако ваков потег и чин не беше предвиден, ниту договорен. Сакаме да веруваме дека се работи за протоколарен превид, а не за намерна постапка и отстапка од договореното и веќе утре ќе побараме објаснување од бугарска страна, наведоа од Кабинетот на претседателката Сиљановска Давкова.

Средбата на Радев и Сиљановска Давкова беше дел од активостите на македонската претседателка при посетата на Софија по повод присуство на настапот на македонската опера во Софија со „Набуко“, како чекор од културната дипломатија. Во македонската делегација беа и министрите за надворешни работи и трговија Тимчо Муцунски и за култура Зоран Љутков.

The post Посетата не беше ниту државна, ниту работна, вели Радев за средбата со македонската претседателка Сиљановска Давкова appeared first on Република.

Бугарскиот претседател Румен Радев во прв коментар по средбата со македонската претседателка Гордана Сиљановска Давкова која предизвика реакции поради изоставувањето на македонското знаме на нивната заедичка фотографија во петокот во Софија, нагласува дека нејзината посета не била ниту официјална, ниту работна.

Како што пренесува бугарската информативна агенција „Фокус“, Радев порачал дека со претседателот на Република Македонија имале многу искрен и конструктивен разговор во пријателска атмосфера.

https://republika.mk/vesti/makedonija/na-ruchekot-megu-radev-i-siljanovska-imalo-makedonsko-zname-ke-se-bara-odgovor-zoshto-ne-i-za-slikaneto/

- Очекувам оваа искажана желба за отвореност да ја преземе Владата на РСМ, но нека биде јасно дека ова не беше ниту државна, ниту работна посета. Се надевам дека во блиска иднина претседателот на Република Македонија ќе оствари државна посета, која со сите официјални средби согласно протоколот ќе придонесе и за натамошен развој на нашите односи. Ако го следиме протоколот, на ред е јас да одам таму, изјавил претседателот Радев.

The post Радев за неистакнувањето на македонското знаме: Посетата на Силјановска не беше ниту официјална, ниту работна appeared first on Република.

Министерството за надворешни работи и надворешна трговија (МНРиНТ) денеска ќе го повика бугарскиот амбасадор во државава Желјаско Радуков за фотографирањето пред бугарското знаме на претседателите Румен Радев и Гордана Сиљановска на средбата завчера во Софија.

Во врска со најавата на претседателката Сиљановска Давкова информираме дека во текот на утрешниот ден во Министерството за надворешни работи  и надворешна трговија на разговор ќе биде повикан Амбасадорот на Република Бугарија, потврдија вчера од МНРиНТ.

За денеска во 11 часот е закажан и брифинг за медиуми на шефот на дипломатијата Тимчо Муцунски за досегашните и идните активности, како и за актуелни прашања од доменот на работата на МНРиНТ.

Од Кабинетот на претседателката Сиљановска - Давкова во саботата најавија дека ќе побараат објаснување за фотографијата пред бугарското знаме направена во Кабинетот на претседателот на Бугарија иако, како што нагласуваат оттаму, ваков потег и чин не бил предвиден, ниту договорен.

Она што фрли сенка на настанот е отстапувањето од договорениот протокол за средбата, според кој, не требаше да има фотографии во рамките на затворениот простор. Но, за жал, пред почетокот на тет-а-тет средбата, претседателот Радев ја покани претседателката да направат заедничка фотографија пред бугарското знаме, иако ваков потег и чин не беше предвиден, ниту договорен. Сакаме да веруваме дека се работи за протоколарен превид, а не за намерна постапка и отстапка од договореното и веќе утре ќе побараме објаснување од бугарска страна, наведоа од Кабинетот на претседателката Сиљановска Давкова.

Опозициската СДСМ и вчера реагираше за  посетата на Софија, обвинувајќи дека претседателката Гордана Сиљановска-Давкова и ВМРО-ДПМНЕ ја загрозиле македонската самобитност и македонски идентитет.

Според СДСМ, „претседателката и владејачката партија иницирале дипломатски скандал со кој допуштиле Бугарија да ја понижи и да избрише под со државата и македонските граѓани“.

Првпат еден македонски државник се сретнал со друг државник без никакви државни обележја и ова е скандал без преседан. Ова е навреда и омаловажување на државата и нејзините граѓани, рече на прес-конференција портпаролката на СДСМ Богданка Кузеска.

ВМРО-ДПМНЕ, пак, во реакција на прес-конференцијата на СДСМ наведе дека „не се потребни лекции од партија која кога беше на власт ја воведе државата во безброј дипломатски кризи и меѓународни понижувања.“

Додека СДС беше на власт, видовме како се преговараше зад затворени врати, како се менуваше името на државата без вистинска консултација со народот, и како се промовираа политики што ги понижуваа нашите национални интереси. Тие продадоа сè што можеше да се продаде и сега, од опозиција, лицемерно критикуваат и напаѓаат. За разлика од СДС, ВМРО-ДПМНЕ стои цврсто зад националните интереси на Македонија и продолжува да ја води државата кон патот на достоинството и гордоста, велат од ВМРО-ДПМНЕ.

Средбата на Радев и Сиљановска Давкова беше дел од активостите на македонската претседателка при посетата на Софија по повод присуство на настапот на македонската опера во Софија со  „Набуко“, како чекор од културната дипломатија.  Во македонската делегација беа и министрите за надворешни работи и трговија Тимчо Муцунски и за култура Зоран Љутков.

Новоименуваниот амбасадор на Бугарија Желјаско Радуков и ги предаде акредитивните писма на претседателката Сиљановска Давкова на 10 септемеври, заменувајќи го досегашниот амбасадор  Ангел Ангелов.

The post Бугарскиот амбасадор Желјаско Радуков на разговор во МНР поради знамето appeared first on Република.

Министерството за надворешни работи и надврешна трговија утре ќе го повика бугарскиот амбасадор во државава Желјаско Радуков за фотографирањето пред бугарското знаме на претседателите Румен Радев и Гордана Сиљановска на средбата завчера во Софија.

Во врска со најавата на претседателката Сиљановска Давкова информираме дека во текот на утрешниот ден во Министерството за надворешни работи и надворешна трговија на разговор ќе биде повикан Амбасадорот на Република Бугарија, изјавија за МИА од МНР.

Од Кабинетот на претседателката Сиљановска - Давкова вчера најавија дека ќе побараат објаснување за фотографијата пред бугарското знаме направена во Кабинетот на претседателот на Бугарија иако, како што нагласуваат оттаму, ваков потег и чин не беше предвиден, ниту договорен.

Она што фрли сенка на настанот е отстапувањето од договорениот протокол за средбата, според кој, не требаше да има фотографии во рамките на затворениот простор. Но, за жал, пред почетокот на тет-а-тет средбата, претседателот Радев ја покани претседателката да направат заедничка фотографија пред бугарското знаме, иако ваков потег и чин не беше предвиден, ниту договорен. Сакаме да веруваме дека се работи за протоколарен превид, а не за намерна постапка и отстапка од договореното и веќе утре ќе побараме објаснување од бугарска страна, наведоа од Кабинетот на претседателката Сиљановска Давкова.

Воодушевена од настапот на Бугарската опера во Скопје со вагнеровата „Валкира“, македонската претседателка Гордана Сиљановска - Давкова, убедена во моќта на културната дипломатија, како што објаснија од нејзиниот Кабинет, вети дека ќе присуствува на настапот на Македонската опера во Софија со вердиевиот „Набуко“.

За таа цел, на 13 септември ја посети Република Бугарија, придружувана од министерот за надворешни работи и трговија Тимчо Муцунски и министерот за култура Зоран Љутков. По тој повод, беше договорена тет-а-тет средба со претседателот на Република Бугарија, г-динот Румен Радев, ручек на македонските и бугарските претставници, како и заедничко присуство на операта „Набуко“, во изведба на Македонската опера и балет. За жал, трагичниот настан, односно авионската несреќа ги спречи претседателот и неговата сопруга да ѝ се придружат на претставата. Обајцата се извинија за спреченоста. Средбата и заедничкиот ручек поминаа во извонредно пријателска атмосфера, од пречекот до крајот, посочуваат од нејзиниот Кабинет.

Фотографијата на која Сиљановска Давкова и Радев се ракуваат пред бугарското знаме во неговиот Кабинет предизвика реакции во земјата.

The post МНР утре ќе го повика бугарскиот амбасадор за фотографијата на Радев и Сиљановска Давкова appeared first on Република.

Кабинетот на претседателката Гордана Сиљановска - Давкова ќе побара објаснување за фотографијата пред бугарското знаме направена во Кабинетот на претседателот на Бугарија Румен Радев иако, како што нагласуваат оттаму, ваков потег и чин не беше предвиден, ниту договорен.

- Она што фрли сенка на настанот е отстапувањето од договорениот протокол за средбата, според кој, не требаше да има фотографии во рамките на затворениот простор. Но, за жал, пред почетокот на тет-а-тет средбата, претседателот Радев ја покани претседателката да направат заедничка фотографија пред бугарското знаме, иако ваков потег и чин не беше предвиден, ниту договорен. Сакаме да веруваме дека се работи за протоколарен превид, а не за намерна постапка и отстапка од договореното и веќе утре ќе побараме објаснување од бугарска страна, велат од Кабинетот на претседателката Сиљановска Давкова.

Воодушевена од настапот на Бугарската опера во Скопје со вагнеровата ‘Валкира’, македонската претседателка Гордана Сиљановска - Давкова, убедена во моќта на културната дипломатија, објаснуваат од нејзиниот Кабинет, вети дека ќе присуствува на настапот на Македонската опера во Софија со вердиевиот „Набуко“.

The post Кабинетот на Силјановска ќе бара објаснување зошто со Радев се поздравила само пред бугарското знаме appeared first on Република.

Со добра волја, меѓусебна почит и разбирање може да се најде решение за отворените прашања меѓу Скопје и Софија, оцени претседателката Гордана Сиљановска Давкова по вчерашната среба со нејзиниот бугарски колега Румен Радев. Шефот на бугарската држава, пак, очекува искажаната желба за дијалог и разбирање од Сиљановска Давкова да стане конзистентна политика на Владата во Скопје и тврди дека Бугарија отсекогаш била отворена за дијалог со Македонија.

Убедена сум дека разговорот што помина во една дебатна пријатна атмосфера ќе вроди со плод. Не можам да кажам дека утре ќе се случи тоа, но важно е да почнете. Уште еднаш се покажа дека кога ќе седнете и разговарате водени од добра волја bona fide, а не од mala fide ќе направите еден голем исчекор кон пронаоѓање заеднички важни решнија. Јас не сум случајно овде, дојдов за да разговарам, и се разбира дека сега го очекувам претседателот Радев да дојде во Скопје. Мислам дека ако се слушаме, ако се почитуваме, ако имаме волја да се разбереме, тогаш решението е на дофат, изјави претседателката Сиљановска Давкова.

Прашана околу што се согласиле со Радев, таа посочи дека се обединиле околу европската интеграција, копенхашките критериуми, регионалниот пристап на решавање на проблемите.

Се обединивме околу фактот дека научените бугарски лекции на европскиот пат ќе ги добиеме, нема да треба да ги повторуваме грешките и оти ќе трагаме по компромис и заедничко решение без никој да се чувствува навреден или повреден и без никој да мисли дека бил заборавен. Искрено секој од нас го кажа своето видување, со респект се сослушавме, но факт е дека ние ги претставуваме националните интереси на едната и на другата држава, а факт е и дека дијалогот е клучното решение, рече Сиљановска Давкова.

За прашањето околу внесување на Бугарите во Уставот конкретно не станало збор на средбата со Радев, а во врска со нејзиниот став за промената на Уставот, Сиљановска Давкова рече дека одлуките за овие прашања ги носат пратениците во Парламентот и не зависат од ставови на подинци.

Вклучувањето на Бугарите во Уставот не зависи од мене. Јас да сум апсолутен монарх можам да го сменам Уставот, но пратениците ги претставуваат граѓаните, гласаат по сопствено убедување. Не можам да ја суспендирам парламентарната демократија, но се разбира дека разговаравме за сите прашања, велам разговаравме, бидејќи ние не може да донесме решение, ниту да го наметнеме на останатите и на нацијата. Но, разговаравме и тоа е здраво, изјави претседателката.

Радев по средбата не даде изјава, туку се огласи преку соопштение од неговиот кабинет во кое се нагласува дека „Бугарија очекува искажаната желба за дијалог и разбирање од страна на претседателката Гордана Сиљановска да стане конзистентна политика на Владата на Република Македонија“. Радев истакнал дека дијалогот на највисоко ниво меѓу двете земји треба да биде активен и да ја стимулира работата на владите, бизнисите, како и билатералната размена во областа на образованието, науката и културата.

Бугарија отсекогаш била отворена за дијалог со РСМ и очекува таа не само да помогне во билатералното културно зближување и економската соработка, туку и преку неа да се постигне решение за отворените прашања во односите меѓу двете земји. За нив мора да се одлучува врз основа на Договорот за пријателство, добрососедство и соработка, протоколите потпишани кон него и Заклучоците на Европскиот совет од летото 2022 година, усвоени едногласно од сите земји-членки на ЕУ и со согласност на РСМ. Ова е начин да се отвори преговарачкиот процес за целосна европска интеграција на РСМ во интерес на младите во земјата, а тоа ќе биде позитивен знак за целиот регион, се наведува во соопштението од кабинетот на бугарскиот претседател Румен Радев.

Тој повикува и на многу поактивни заеднички напори од страна на Софија и Скопје за изградба на транспортниот коридор 8, кој, како што подвлекува, е од клучно значење за поврзаноста и безбедноста во Југоисточна Европа и ќе создаде квалитативно нови услови за бизнис, туризам и поттикнување на инвестиции во регионален план.

Во изјава за медиумите дадена вчера пред средбата со македонската претседателка, Радев изрази надеж дека конечно ќе се решат отворените прашања меѓу двете земји, но повтори дека Македонија треба да ги исполни сите свои обврски и кон Бугарија и кон Европската Унија,

Според него, Владата на Македонија сè уште ја нема напуштено изборната реторика.

Владата на Република Cеверна Македонија сè уште не ја напуштила изборната реторика. Потребно е да се вратиме во реалноста. Нашите односи ќе зависат од склучените договори, потенцира Радев.

И техничкиот премиер Димитар Главчев вчера повика да се почитуваат преземените обврски и кажа дека Бугарија нема да ги репреговара условите од Договорот.

Нема за што да се преговара. Ние го имаме ставот на Бугарија. Тие велат дека нема да преговараат со техничка влада, но јас би рекол дека од наша страна нема волја за преговори, бидејќи нема за што да преговараме. Има заедничка европска позиција. Да преговараат со Европската Унија. На последниот Европски совет изјавив дека Република Cеверна Македонија не се придржува кон преземените обврски, поради што истото го посочи и премиерот на Грција, дека Република Cеверна Македонија не го почитува Преспанскиот договор, така што нашата позиција ја изнесовме на највисоко можно ниво, рече Главчев.

Во пресрет на посетата на Сиљановска Давкова на Софија, премиерот Христијан Мицкоски, пак, изјави дека државава сака да гради добрососедски односи и дека тука нема никаква дилема.

Нашата цел е да градиме добрососедски односи и така и ќе продолжиме. Имаме наши позиции по однос на нашите интереси. Ние ќе се бориме за нашите интереси како држава и не треба ништо да биде чудно, изјави Мицкоски.

Сепак, кажа дека сега е период кога апсолутно ништо не може да се случи во преговорите со Бугарија се додека таму не се избере политичка влада.

Сега е период кога апсолутно ништо не може да се случи во тој процес, бидејќи како што знаете имаме период кога во Бугарија ќе се случуваат нови седми по ред, во последните три години предвремени Парламентарни избори. Да почекаме да се случи таму политичка Влада, за да видиме дали постои желба за дијалог. Ние сме подготвени да разговараме, сакаме да разговараме и тоа го пренесуваме на нашите соговорници, кои доаѓаат од Брисел. Инаку што се однесува до нашите предлози, тие во јавноста се познати, коментирани многу пати до сега, изјави Мицкоски.

Посетата на претседателката Гордана Сиљановска-Давкова на Софија и средбата со Радев ја поздрави американската амбасадорка во Скопје Анџела Агелер.

Одлично што претседателката оди во Бугарија на покана на претседателот Радев. Овие врски во регионот се многу важни, бидејќи сте соседи. Колку се посилни односите меѓу соседите, толку побезбедна, попросперитетна и стабилна може да биде секоја земја, изјави Агелер.

Претседателката Сиљановска Давкова престојуваше во Софија по повод гостувањето на Македонската опера и балет и изведбата на операта „Набуко“ од Џузепе Верди.

Ова беше прва средба на претседателката Сиљановска Давкова со Радев откако во Рим на чествувањето на светите браќа Кирил и Методиј не дојде до средба.

The post Сиљановска Давкова и Радев согласни дека е потребен дијалог и оти има војла да се најде решение appeared first on Република.

Бугарија очекува искажаната желба за дијалог и разбирање од страна на претседателката Гордана Сиљановска Давкова да стане конзистентна политика на Владата на Република Cеверна Македонија. Ова, како што соопшти кабинетот на бугарскиот претседател Румен Радев, е ставот што тој ѝ го пренел на македонската претседателка на на денешната средба во Софија.

На средбата, Радев истакнал дека дијалогот на највисоко ниво меѓу двете земји треба да биде активен и да ја стимулира работата на владите, бизнисите, како и билатералната размена во областа на образованието, науката и културата.

Бугарија отсекогаш била отворена за дијалог со РСМ и очекува таа не само да помогне во билатералното културно зближување и економската соработка, туку и преку неа да се постигне решение за отворените прашања во нашите односи. За нив мора да се одлучува врз основа на Договорот за пријателство, добрососедство и соработка, протоколите потпишани кон него и Заклучоците на Европскиот совет од летото 2022 година, усвоени едногласно од сите земји-членки на ЕУ и со согласност на РСМ, нагласи Румен Радев, се наведува во соопштението од кабинетот на бугарскиот претседател Румен Радев издадено по средбата со македонската претседателка Гордан Сиљановска Давкова.

Бугарскиот претседател додал дека ова е начин да се отвори преговарачкиот процес за целосна европска интеграција на Македонија „во интерес на младите во земјата, а тоа ќе биде позитивен знак за целиот регион“.

Радев повикал и на многу поактивни заеднички напори од страна на Бугарија и на Македонија за изградба на транспортниот Коридор 8, кој е, како што нагласил, од клучно значење за поврзаноста и безбедноста во Југоисточна Европа и ќе создаде квалитативно нови услови за бизнис, туризам и поттикнување на инвестиции во регионален план.

The post Радев: Софија очекува искажаната желба за дијалог и разбирање од претседателката Сиљановска Давкова да стане конзистентна политика на Владата во Скопје appeared first on Република.

Убедена сум дека денешниот разговор во една дебатна пријатна атмосфера ќе вроди со плод. Не можам да кажам дека утре ќе се случи тоа, но важно е да почнете, изјави претседателката Гордна Сиљановска Давкова по средбата во Софија со нејзиниот бугарски колега Румен Радев.

Се покажа дека речта, зборот, е најважна во библијата. Уште еднаш се покажа дека кога ќе седнете и разговарате водени од добра волја bona fide, а не од mala fide ќе направите еден голем исчекор кон пронаоѓање заеднички важни решнија. Јас не сум случајно овде, дојдов за да разговарам, и се разбира дека сега го очекувам претседателот Радев да дојде во Скопје. Мислам дека, и сигурна сум дека како што честопати велам мислата може да биде побрза од светлината ако се слушаме, ако се почитуваме, ако имаме волја да се разбереме, тогаш решението е на дофат, истакна Сиљановска Давкова.

Прашана околу што во што се согласиле со Радев, таа посочи дека се обединиле околу европската интеграција, копенхашките критериуми, регионалниот пристап на решавање на проблемите, околу фактот дека научените бугарски лекции ќе ги добиеме, нема да треба да ги повторуваме грешките и оти ќе трагаме по компромис и заедничко решение без никој да се чувствува навреден или повреден и без никој да мисли дека бил заборавен.

Околу посетата на Радев на Скопје рече дека „датумот не е утврден, но одредиле околу што би можело да биде доаѓањето“.

Искрено секој од нас го кажа своето видување со респект се сослушавме, но, факт е дека ние ги претставуваме националните интереси на едната и на другата држава, но и факт е дека дијалогот е клучното решение, рече Сиљановска Давкова.

Додаде дека денеска не разговарале за прашањето на внесување на бугарите во Уставот, ниту за други конкретни прашања.

Во врска со нејзиниот став за промената на Уставот, Сиљановска Давкова рече дека одлуките за овие прашања ги носат пратениците во Парламентоt и не зависат од ставови на подинци.

Јас да сум апсолутен монарх можам да го сменам Уставот, но пратениците ги претставуваат граѓаните, гласаат по сопствено убедување. Не можам да ја суспендирам парламентарната демократија, но се разбира дека разговаравме за сите прашања, велам разговаравме, бидејќи ние не може да донесме решение, ниту да го наметнеме на нацијата и останатите. Но, разговаравме и тоа е здраво, изјави претседателката Гордана Сиљановска Давкова по средбата во Софија со шефот на бугарската држава Румен Радев.

[caption id="attachment_816124" align="aligncenter" width="730"] Фото: БГНЕС[/caption]

Таа изрази желење за денешната несреќа и загинувањето на двајца бугарски пилоти и искажа разбирање што поради тоа Радев вечерва не може да се придружи на изведбата на операта „Набуко“ на Македонската опера и балет во Софија.

Радев по средбата не даде изјава. Претходно, денеска и тој изрази надеж кажа дека конечно ќе се решат отворените прашања меѓу двете земји.

https://republika.mk/vesti/balkan/bugarija-e-pred-izbori-a-radev-ja-obvinuva-makedonija-za-predizborna-retorika/

Ова е прва посета на Сиљановска Давкова откако ја презеде функцијата во мај годинава. Таа вечерва во Софија ќе присуствува на операта „Набуко“ од Џузепе Верди на Македонската опера и балет.

Во македонската делегација во Софија се и министерот за надворешни работи и надворешна трговија Тимчо Муцунски и министерот за култура и туризам Зоран Љутков.

The post Сиљановска Давкова по средбата со Радев: Ако се слушаме и почитуваме, ако имаме волја да се разбереме, тогаш решението е на дофат appeared first on Република.

Започна средбата зад затворени врати на претседателот на Република Бугарија Румен Радев со претседателката на земјава Гордана Сиљановска Давкова, објави Бугарското национално радио.

Ова е прва средба на претседателката Гордана Сиљановска Давкова со претседателот на Бугарија, Румен Радев откако во Рим на чествувањето на светите браќа Кирил и Методиј не дојде до средба.

Според БНР, по разговорот на двајцата претседатели не се очекуваат изјави.

Пред денешната средба со Сиљановска Давкова, бугарскиот претседател Радев изјави дека очекува конечно да се решат отворените прашања.

Бугарија отсекогаш била отворена за дијалог со Република Cеверна Македонија и очекувам овој дијалог да придонесе кон нашето културно зближување, но и да ја поттикне економската соработка. Очекуваме Cеверна Македонија да ги исполни сите свои обврски и кон нас и кон Европската Унија, изјави Радев.

Според Радев, нашата Влада сè уште ја нема напуштено изборната реторика.

Владата на Република Cеверна Македонија сè уште не ја напуштила изборната реторика. Потребно е да се вратиме во реалноста, Нашите односи ќе зависат од склучените договори, потенцираше Радев.

Ова е прва посета на Сиљановска Давкова откако ја презеде функцијата во мај годинава. Таа вечерва во Софија ќе присуствува на операта „Набуко“ од Џузепе Верди на Македонската опера и балет.

Во македонската делегација во Софија денеска се и министерот за надворешни работи и надворешна трговија Тимчо Муцунски и министерот за култура и туризам Зоран Љутков.

The post Радев ја пречека Силјановска Давкова appeared first on Република.

„Очекувам искажаната желба за дијалог од страна на претседателката на Република Македонија, Гордана Силјановска, да стане конзистентна политика“, вака им порачал бугарскиот претседател Румен Радев на бугарските медиуми во пресрет на денешната средба со неговата македонска колешка.

Како што се додава, Радев очекува „Македонија да ги исполни сите обврски што ги презеде на билатерална основа и кон Европската Унија, за да можеме целосно да ги градиме нашите односи“.

 

 

Сепак, шефот на бугарската држава истакнал дека Македонската влада „се уште не ја напуштила предизборната реторика“.

„Нека се смират страстите и нека се вратат на реализмот, кој е многу јасен – нашите односи ќе продолжат да се градат врз основа на склучените договори и заклучоци на Советот на Европската Унија“, рекол Радев.

Тој посочил дека музиката и културата се сфери што ги зближуваат луѓето, а Бугарија отсекогаш била отворена за дијалог со Македонија.

„Бугарија очекува овој дијалог не само да помогне во нашето културно зближување, да даде поттик на економската соработка и туризмот, туку и конечно да ги реши отворените проблеми меѓу нас“, посочил Радев.

Тој прокоментирал и дека посветеноста на македонските власти кон Коридорот 8 „ќе биде јасен показател за реалните европски амбиции на Република Македонија за поголема поврзаност и безбедност во регионот“.

The post Бугарија е пред избори, а Радев ја обвинува Македонија за предизборна реторика appeared first on Република.

Во крајно тенденциозен текст на БГНЕС, бугарскиот медиум ја критикува посетата на македонската претседателка Гордана Силјановска-Давкова на Софија за да присустува на операта „Набуко“ на Македонската опера опера и балет.

На Бугарите им пречи што македонската претседателка е културна и оди на еден вид културна дипломатија.За источните соседи тоа е неразбирливо.

Според БГНЕС, Македонија, поточно нејзината претседателка сака да испадне фина и културна пред очите на ЕУ. Колку ниско.

Дури и велат дека ова не била официјална посета и оти не била поканета од страна на нејзниот бугарски колега Румен Радев. Никој не вели дека ова е официјална посета. Зарем е забрането претседателката да оди во Софија и да гледа опера?

Ќе дојде време и за официјална посета кога во Софија ќе има европски претседатели и влади, а не како сегашните кои се заглавени во минатото.

Во секој случај ова е победа на гости на македонската претседателка и лекција како треба да се однесува еден шеф на држава.

https://republika.mk/vesti/kultura/natsionalnata-opera-i-balet-gostuva-vo-sofija-so-operata-nabuko/

The post На Бугарите им пречи што македонската претседателка е културна кон нив appeared first on Република.

В петок, 13 септември 2024 г.  во Софија ќе се одржи средба на претседателите на Бугарија и Македонија, Румен Радев и Гордана Сиљановска-Давкова. Ова ќе биде прва средба на претставници на двете држави на толку високо ниво по изборот на нов шеф на државата и на нова влада кај нас.

Претседателката Гордана Сиљановска-Давкова, всушност, го користи гостувањето на ансамблот на Националната опера и балет (НОБ) во Софија за да се сретне со бугарскиот колега откако такво нешто не се случи во Рим за време на чествувањето по повод 24 Мај. Сиљановска и Радев тогаш во исто време беа во италијанската престолнина, но до средба не дојде.

Патувањето на Сиљановска-Давкова заедно со НОБ во Софија доаѓа откако македонската претседателка во мај во Скопје присуствуваше на изведбата на „Валкира“ од софиската опера и балет. Изведбата, во режија на Пламен Карталов, беше дел од 52. издание на „Мајски оперски вечери“, а присуството на Сиљановска-Давкова во салата предизвика голем публицитет во бугарската јавност.

Според најавите, на средбата не се очекува отворање на суштински теми, туку разговорите треба да бидат во функција на релаксирање на атмосферата во односите меѓу двете земји.

The post В петок, 13 септември, средба на Сиљановска и Радев во Софија appeared first on Република.

Претседателот на Бугарија Румен Радев повторно го номинираше Димитар Главчев за кандидат за привремен премиер, соопшти прес-службата на шефот на бугарската држава.

Во 12 часот, претседателот го прими кандидатот за привремен премиер во претседателската институција. Радев му наложи на Димитар Главчев пред сè да предложи „внимателно разгледани промени во составот на владата“.

Инсистирам вашата влада да го стави како основен приоритет спречувањето на купувањето на гласови... Ова е неопходен услов за успехот на овој мандат. Се надевам дека бев сосема јасен, истакна бугарскиот претседател.

Румен Радев му даде рок на Димитар Главчев до понеделник да му го претстави составот на новата привремена влада.

Ако бидеме успешни, изборите ќе се одржат на 27 октомври, додаде Радев.

Димитар Главчев не прецизираше дали ќе го смени министерот за внатрешни работи Калин Стојанов, како што бараат сите политички сили, освен Делјан Пеевски. Тој само изјави дека ќе ги исполни „очекувањата на јавноста“ за да се намали политичката напнатост.

Вчера, Димитар Главчев разреши петмина заменик-министри од актуелната влада, без да посочи мотиви за тоа.

The post Радев му даде рок до понеделник на Главчев за составување нова привремена влада на Бугарија appeared first on Република.

Бугарскиот претседател Румен Радев ја именуваше заменик-претседателката на Ревизорската комора Горица Гранчарова-Кожарева за кандидат за вршител на должноста премиер, соопштија од прес-службата на претседателот, јави БТА.

Шефот на државата претпладнево ќе ја прими кандидатката за привремен премиер, за да ја задолжи да формира привремена влада.

Актуелниот премиер Димитар Главчев претходно денеска ја повлече искажаната подготвеност да ја прифати функцијата по вторпат за да се намали политичката тензија, објави Министерскиот совет на својата веб-страница.

И други лица покрај Главчев изразија подготвеност да ја преземат функцијата привремен премиер, најави синоќа шефот на државата Румен Радев на консултациите со политичките формации застапени во Собранието за состав на привремен кабинет.

Според чл. 99 од Уставот на Бугарија, откако не е постигнат договор за влада, претседателот по консултации со пратеничките групи и на предлог на кандидатот за привремен премиер, именува привремена влада и закажува нови избори во рок од два месеца.

The post Радев ја именува Горица Гранчарова-Кожарева за кандидат за в.д. премиер appeared first on Република.

Претседателот на Бугарија, Румен Радев денеска напладне ќе го врачи мандатот за состав на владата на парламентарната група на „Има таков народ“ од која ќе побара да предложат кандидат за премиер, соопштија од прес-службата на шефот на државата.

Уставот не предвидува рок до кога партијата треба да одговори.

Тоа е затоа што истекува рокот од седум дена од неуспехот во вториот обид за состав на влада кога мандатот беше примен и вратен веднаш од пратеничката група на „Продолжуваме со промените-Демократска Бугарија“.

Доколку пропадне и овој обид за кабинет, следуваат политички консултации и именување или повторно назначување службен кабинет. Заедно со уредбата за нов технички кабинет доаѓа и тој за предвремени избори, јавија бугарските медиуми.

The post Радев напладне ќе го врачи третиот мандат за состав на владата на парламентарната група „Има таков народ“ appeared first on Република.