Директорот на Клиниката за хируршки болести „Св. Наум Охридски“, поранешна Градска болница, Љубен Арсенков,на прес-конференција за промоција на новата опрема побара поддршка за доградба на градската болница. Од проектот кој тој го презентираше, се предвидува објект кој би бил на паркингот пред болницата и кој ќе биде поврзан со топол ходник со болницата „Св. Наум Охридски“.

Во тој нов објект би се сместиле пет операциони сали, кои би биле кренати на столбови за да се задржи паркингот но и ходникот би служел како натстрешница, која и сега недостига на влезот во болницата.

Се работи за доградба во делот на паркингот, која со топол премин би била поврзана со самата установа. Топлиот премин би служел како натстрешница, која во моментот недостига, и за да ги запазиме еколошките моменти, на крајот би завршиле горе на покривот со еден „руф-топ бар“, рече Арсенков.

Она што задучува е како воошто би имало над објектот таков бар ако се знае дека под него треба да има тим од хирурзи кои би оперирале и на кои им треба максимална концетрација за извршување на сложени хируршки зафати. А, тука не станува збор за една сала туку за пет каде што човечки животи се во прашање.

Во оваа болницата годишно поминуваат 120.000 пациенти за амбулантски прегледи, дијагностика и операции. Само во изминатава година имале тренд на пораст на оперативните зафати и ја надминале бројката од 4.500 операции, а за оваа година очекуваат дека бројката на операции ќе биде 5.000.

The post Новиот проект за Градската болница предвидува над операционите сали да има „руф-топ бар“ appeared first on Република.