Некогаш славниот холандски фудбалер, а денес тренер, Руд Ван Нилстерој ќе го преземе Лестер Сити, дознава британскиот весник „Телеграф“.

„Лисиците“ неодамна се разделија со Стив Купер по поразот од Челси во 12. коло во Премиер лигата.

Ван Нилстерој ја заврши својата богата играчка кариера во 2012 година, а со голем успех настапуваше за Херенвен, ПСВ, Манчестер Јунајтед, Реал Мадрид, Хамбургер и Малага.

За холандската репрезентација, 48-годишниот играч одигра 70 натпревари и постигна 35 гола.

Ван Нистелрој ја почна својата независна тренерска кариера во март 2022 година, заменувајќи го отпуштениот Роџер Шмит на клупата на ПСВ.

Претходно работеше во младинската академија на клубот од Ајндховен, а во првата сезона во сениорскиот фудбал ги освои Јохан Кројф Шилд (Суперкуп) и Купот на Холандија.

Коло пред крајот на Ередивизи поднесе оставка, наведувајќи како причина недостаток на поддршка во клубот.

Претходната сезона беше без ангажман, пред летото да дојде повикот на Ерик Тен Хаг, а тој му се придружи како асистент во Манчестер Јунајтед. Кога поранешниот тренер на Ајакс беше разрешен од должностите на „Олд Трафорд“, Ван Нистелрој беше привремено решение, само за 4 меча подоцна новиот менаџер Рубен Аморим да одлучи да не го вклучи во својот тренерски штаб.

Лестер е непоразен во последните пет натпревари во сите натпреварувања.

„Лисиците“ го заземаат 16. место на табелата во Премиер лигата, а Ван Нилстерој ќе има задача да го спречи поранешниот шампион на Англија да се врати во Чемпионшип.

Лестер во следното коло гостува кај Брентфорд. Таа средба е закажана за сабота во 16 часот.

The post Ван Нистелрој нов предводник на Лестер appeared first on Република.

 Фудбалерот од средниот ред на Манчестер јунајтед, Касемиро се обрати на поранешниот тренер на клубот Руд ван Нистелрој.

Холанѓанецот беше привремен тренер на Манчестер јунајтед четири натпревари по отпуштањето на Ерик тен Хаг.

-Благодарен засекогаш, Легенда - напиша Бразилецот на социјалните мрежи.

На 1 ноември клубот го назначи Португалецот Рубен Аморим за нов тренер

The post Легенда: Играчите на Манчестер му се заблагодаруваат на Ван Нистерлој appeared first on Република.

 - Вршителот на должноста тренер на Манчестер јунајтед, Руд ван Нистелрој проговори за својата иднина по синоќешната победа над Лестер (5:2) во осминафиналето од англискиот Лига куп.

- Тука сум да му помогнам на Манчестер јунајтед и да дадам се од себе за клубот во секакви капацитети што можам. Ќе помогнам колку што е потребно. Во иднина, подготвен сум да бидам тука во секое својство за да му помогнам на клубот да продолжи да ја гради иднината. Овој мој став никогаш нема да се промени, изјави Ван Нистелрој за „Би-би-си“.

Во понеделник (28 октомври) Јунајтед го отпушти тренерот Ерик тен Хаг. Тој го водеше Манчестер од летото 2022 година. На 29 октомври се дозна дека нов тренер ќе биде 39-годишниот Португалец од Спортинг, Рубен Аморим.

Нистелрој (48) беше дел од стручниот штаб на Тен Хаг од летото 2024 година, пред тоа работеше за ПСВ. Како играч, Холанѓанецот играше за „црвените ѓаволи“ од 2001 до 2006 година

The post Ван Нистерлој со стил си замина од Манчестер Јунајтед appeared first on Република.

Руд ван Нистелрој би можел да го напушти Манчестер јунајтед по назначувањето на нов тренер.

Според „The ​​Telegraph“, 48-годишниот фудбалски специјалист најверојатно нема да остане во клубот. Забележано е дека самиот Ван Нистелрој никогаш не се сметал себеси за можен наследник на Ерик тен Хаг, кој неодамна беше отпуштен.

Претходно се дозна дека тој ќе биде вршител на должноста тренер на Манчестер јунајтед на натпреварот од Лига купот против Лестер.

Нов тренер на англискиот клуб најверојатно ќе биде Португалецот Рубен Аморим од Спортинг. Тој би можел да почне со работа веќе на натпреварот против Челзи во недела.

The post Ван Нистерлој вечерва за прв и последен пат на клупата на Манчестер Јунајтед appeared first on Република.