Оперативните служби го завршија пребројувањето на парите во канцелариските кутии пронајдени во дворот на хотелот Трецини, за кој се верува дека е канцеларијата на Евгениј Пригожин, пренесува Фонтанка.

Според дописникот на Фонтанка, конечниот износ бил астрономски – 4 милијарди рубли. Од каде парите, кому му припаѓаат и за што биле наменети, засега има само шпекулации.

Претходно беше објавено дека при претрес на хотелот Трецини, за кој се верува дека е канцеларијата на Евгениј Пригожин, службите влегле во објектот во потрага по експлозив, но нашле огромна сума пари.

The post Руски специјалци упаднаа во канцеларијата на Пригожин: Пронајдени се многу пари appeared first on Република.

Турскиот министер за енергетика Фатих Донмез денеска изјави дека Турција почна да плаќа дел од руските испораки на природен гас во рубљи.

Анкара и Москва во септември се договорија гасот да се плаќа во рубљи.

Донмез најави и конкретни планови за спроведување на рускиот предлог Турција да стане база за снабдување на Европа со руски гас и до крајот на годината ќе се одржи конференција со добавувачите и купувачите.

Рускиот претседател Владимир Путин во октомври предложи Турција да стане база и алтернативна рута за снабдување на Европа со руски гас откако гасоводите Северен поток 1 и 2 во Балтичкото Море беа оштетени во експлозии.

The post Турција почна да го плаќа со рубљи рускиот гас appeared first on Република.

Рускиот претседател Владимир Путин нареди еднократна исплата од 195.000 рубли (3.100 евра) за редовните припадници на армијата со договори и за оние кои се регрутирани да се борат во Украина, соопшти Кремљ.

Москва минатата недела соопшти дека „делумната мобилизација“ на 300.000 резервисти завршила, но призна дека имало потешкотии.

Повеќе од 2.000 луѓе беа уапсени на протестите по негодувањето на јавноста поради случаите на мобилизација и покрај исклучоците од медицински причини или недостатиг од воено искуство.

Во одредбата објавена на веб-страницата на Кремљ, Путин наведува дека целта на исплатата е да се „обезбедат дополнителни мерки за социјална поддршка“ на припадниците на редовните вооружени сили под договори и за регрутите. Не се дадени повеќе детали.

Минималната месечна плата за војниците со договор е 160.000 рубли (нешто помалку од 2.600 евра), што е речиси трипати повеќе од просечната плата во Русија.

The post Путин нареди еднократна исплата од 195.000 рубљи за војниците appeared first on Република.

Рускиот енергетски гигант „Газпром“ соопшти дека со Кинеската национална нафтена корпорација потпишал договор со којшто се предвидува постепено преминување на плаќање за руски гас во јуани и во рубљи, наместо во долари.

Можноста за плаќање во рубљи и во јуани ќе биде корисна и за „Газпром“ и за Кинеската национална нафтена корпорација, смета извршниот директор на руската компанија Алексеј Милер.

Тоа ќе ги поедностави сметките, ќе биде одличен пример за други компании и ќе пружи дополнителен поттик за развој на нашите економии - додаде Милер.

Кон крајот на март, рускиот претседател Владимир Путин одлучи европските купувачи да го плаќаат гасот во рубљи. Одлуката следуваше откако Западот воведе опсежни санкции против Русија поради нејзината воена операција во Украина, исклучувајќи бројни руски банки од глобалниот систем СВИФТ.

Русија веќе некое време настојува да ја намали употребата на доларот, еврото и на други валути во банкарскиот систем и во трговијата, а процесот се забрза по воведените санкции.

Во февруари, пред војната во Украина, Русија со Кина договори значително проширување на договорот за снабдување со гас во вредност од 37,5 милијарди долари.

The post „Газпром“: Кина ќе го плаќа за рускиот гас во јуани и во рубљи appeared first on Република.

По воведувањето на западните санкции, рускиот претседател Владимир Путин потпиша указ со кој воведе нова процедура за плаќање на рускиот гас на 1 април годинава.

Земјите кои одбија да платат за гас според новиот аранжман на Москва заснован на рублјата веќе се исклучени од снабдувањето, но не се планирани нови исклучувања, изјави денеска портпаролот на Кремљ, Дмитриј Песков.

Некои земји се веќе исклучени. Не се планирани нови исклучувања. Оние земји кои добиваат гас веќе функционираат според новиот систем, опишан во релевантниот декрет на претседателот на Русија. Овој систем функционира совршено, рече тој пренесува ТАСС.

По воведувањето на западните санкции, рускиот претседател Владимир Путин потпиша указ со кој воведе нова процедура за плаќање на рускиот гас на 1 април годинава.

Од тој датум, земјите кои сакаат да купат руски гас мора да се усогласат со новата шема за плаќање, која вклучува отворање две сметки, едната за плаќања во странска валута, а другата за претворање на тие средства во рубли.

Русија ќе продолжи да испорачува гас во количини и по цени утврдени со претходни договори, соопшти ТАСС.

Поради одбивањето да го платат гасот во рубли, Гаспром досега ги откажа испораките за Бугарија, Полска и Финска, како и за данските Орстед и Шел Енерџи за снабдување со гас за Германија и данската компанија ГасТера, наведува Ројтерс.

The post Песков: Системот за плаќање гас во рубли функционира совршено appeared first on Република.

Германските енергетски компании „РВЕ“ и „Унипер“ потврдија дека за прв пат рускиот гас го платиле според правилата на Москва односно во рубљи преку посредничка банка во Русија.

Според правилото усвоено на крајот март, набавувачите на руски гас од „непријателските земји“ мораат да отворат сметка во „Гаспром банка“ и на неа да уплатат дознаки во договорената валута, пред се во долари и евра. Банката тие средства на берзата ги менува за рубљи и ги дозначува на сметка на „Гаспром“.

Москва за „непријателски“ држави ги смета сите членки на ЕУ, САД, Швајцарија и останатите кои поради инвазијата во Украина воведоа санкции против Русија, исклучувајќи ги големите руски банки од глобалниот финансиски систем.

Таквите одредби определени од Москва ги подели земјите на ЕУ. Полска, Бугарија и Финска одбија да плаќаат за рускиот гас по новите правила, а „Гаспром“ од минатиот месец им ги запре испораките. Оваа седмица руската компанија најави дека ги стопира и испораките на гас за холандската „ГасТера“ и данскиот „Оерстед“.

Германија е голем увозник на руски гас што минатата година сочинуваше повеќе од половината на увозот на тој енергенс, а значаен удел од увозот се реализираше токму преку „РВЕ“ и „Унипер“. Двете компании веќе најавија дека ќе отворат сметки во „Гаспром банка“, согласно важечките правила што ги диктира Москва, за да обезбедат континуирано снабдување на земјата со руски гас

The post Германија почна да го плаќа рускиот гас во рубљи appeared first on Република.

Сите грчки компании-увозници на руски гас одлучиле да ја прифатат шемата за плаќање кон „Гаспром“ во рубљи, со што нема да има прекин на испораките на енергенси за Грција.

Сите грчки компании-купувачи се префрлија на плаќање во рубљи. Сметките се отворени, процесот на плаќање е во тек - вели извор на „Спутник“.

Европската комисија (ЕК), претходно испрати писмо до земјите-членки на ЕУ во кое објаснува дека компаниите од ЕУ, под одредени услови, можат да плаќаат за рускиот гас во рубљи, без да ги прекршат санкциите против Русија.

The post Грција се префрлa на плаќање за рускиот гас во рубљи appeared first on Република.

Русија ќе ги сервисира своите обврски за надворешниот долг во рубљи доколку САД блокираат други опции, изјави рускиот министер за финансии Антон Силуанов на денешниот форум.

Силуанов рече дека Русија нема да се смета себеси за неплаќач бидејќи има пари да ги плати долговите, пренесе Ројтерс.

Вашингтон размислува да го блокира рускиот налог за исплата на долгот кон американските иматели на руски државни обврзници следната недела, кога истекува грејс периодот за мерење на таа обврска.

The post Русија ќе го подмирува својот долг во рубљи доколку САД блокираат други опции appeared first on Република.

Македонија не го плаќа со руски рубљи гасот што го добива од „Газпром“, истакна министерот за економија Крешник Бектеши во емисијата за надворешна политика „Светот и ние“ на БНТ, јави дописникот на МИА од Софија.

Бектеши наведе дека Македонија за гасот плаќа со евра, посочувајќи дека ниту едно плаќање од страна на властите во Скопје не е направено со руски рубљи, туку со евра, а во некои од случаите трговците плаќале со долари.

Во целост ги поддржуваме решенијата на Европската Унија и на Европската комисија, бидејќи единствената цел е започнување на преговири со ЕУ за пристапување и поради тоа одлуките поврзани со руската воена инвазија во Украина, Македонија ги прифаќа и исполнува, потенцираше Бектеши.

Министерот посочи дека Македонија нема големи трговски размени со Русија и оти трговијата меѓу Скопје и Москва е 1.5 проценти, речиси колку што е и со Украина.

Сепак војната во Украина влијае врз македонската економија, бидејќи земјата е обврзана со европските пазари. Ценовните шокови во сферата на прехранбената индустрија и енергетика се одразуваат врз македонската економија. Ќе продолжиме со дополнителни мерки за зачувување на животниот стандард на граѓаните, рече Бектеши.

Тој потсети дека Скопје покажал интерес за градењето на уште гасовод конектор меѓу Бугарија и Македонија (Петрич-Струмица). Двете држави, како што рече Бектеши, можат заедно да конкурираат за заедничко финансирање од европските фондови.

Македонија сака да ги продлабочи своите енергетски врски и со Република Бугарија и со Република Грција со цел да обезбеди обезбеди диверзификација на изворите на енергија, посочи Бектеши.

The post Бектеши: Македонија не го плаќа со рубли гасот што го добива од „Газпром“ appeared first on Република.

Европската комисија нема информации дека некоја европска компанија платила за рускиот гас во рубљи, откако Москва побара од странските купувачи да се придржуваат до механизмот за плаќање со претворање на евра или долари во рубљи, изјави денеска европскиот комесар за енергетика Кадри Симсон.

Комисијата нема информации за која било земја или приватна компанија што е подготвена да го стори тоа, рече Симсон по пристигнувањето на вонредниот состанок на министрите за енергетика на ЕУ во Брисел.

Еврокомесарот за енергетика рече и дека Комисијата нема информации за некоја земја или приватна компанија што е подготвена да го стори тоа.

https://republika.mk/vesti/svet/sijarto-i-drugi-plakjaat-vo-rublji-za-ruskiot-gas-ama-za-niv-se-molchi/

The post ЕК нема информации дека некоја земја платила руски гас во рубли appeared first on Република.

Виена засега се согласи со австриската компанија за нафта и гас ОМВ да ги плати испораките на руски гас во рубли со отворање сметка во руска банка. Ова го соопшти австрискиот канцелар Карл Нехамер.

Според новата руска шема, купувачите од земјите што Москва ги идентификува како непријателски ќе ги префрлат своите средства за купување во странска валута на Газпромбанк, која ќе им купува рубли на берзите и ќе им ги префрли на увозниците на посебни сметки во рубли, од кои ќе се врши плаќањето на испораките.

Австрискиот министер за енергетика Леонере Гевеслер изјави дека без руски гас земјата не може да ги наполни своите складишта во текот на годината.

Австрија сега е 80 отсто зависна од рускиот гас. Според Гевеслер, треба да се бараат алтернативни добавувачи.

The post Австрија ја прифати новата руска шема за плаќање на гасот во рубли appeared first on Република.

Москва призна дека има проблем со извозот на нафта поради санкциите кои се воведени од почетокот на, како што ја нарекуваат, „специјалната операција“ во Украина, и затоа најави засилена соработка со Азија.

САД воведоа ембарго на руската нафта, но ЕУ е значително повеќе зависна од руските енергенти и економистите предупредуваат дека целосно ембарго на рускиот гас ќе ја турне европската економија во рецесија. Дополнително, Русија бара „непријателските“ земји кои воведоа санкции за Москва, да мора да го плаќаат гасот во рубли.

„Росњефт“ на аукцијата понуди 6,5 милиони тони нафта кои требало да бидат испорачани од руските пристаништа во мај и во јуни, но до вчера не стигнала ниедна понуда, пренесуваат европските медиуми.

Во „Росњефт“ не одговориле на барањето да дадат коментар за оваа информација.

The post Русија не успеа да продаде нафта во рубли appeared first on Република.

Велика Британија овозможи до крајот на мај плаќање на гас наменет за Европската Унија во трансакциите со руската „Гаспромбанк“ и нејзините подружници, се наведува во документот на Министерството за финансии.

Дозволата им овозможува на физичките и правните лица да продолжат со плаќањата според договори кои почнале до 21 април и активности како што се отворање и затворање банкарски сметки за целите на таквите плаќања, се вели во документ објавен на интернет.

Во документот не е прецизирано која компанија побарала дозвола да работи со руска банка, санкционирана во Британија, но не и во ЕУ.

Рускиот претседател Владимир Путин на крајот на март наложи дека „непријателските“ земји од почетокот на април мора да плаќаат за рускиот гас преку „Гаспромбанк“, која уплатените странски валути ги продава на аукција и ги враќа приходите во рубљи на снабдувачот со гас.

„Непријателски земји“ ги вклучуваат членките на ЕУ, Велика Британија, САД, Швајцарија и други земји кои воведоа санкции кон Русија поради нејзината воена акција во Украина, блокирајќи го пристапот на руските банки до меѓународниот платен систем.

Европската комисија оцени во интерна, техничка белешка, објавена во средината на април, дека купувачите од ЕУ ќе ја изгубат контролата врз своите пари со прифаќање на механизмот и на крајот ќе ги прекршат санкциите.

Процесот би бил целосно контролиран од Русија, а европските компании би ја изгубиле контролата врз парите во моментот на плаќањето, што значи непредвидливи дополнителни трошоци, се вели во белешката на Комисијата во која „Ројтерс“ имал увид.

Портпаролот на Кремљ, Дмитриј Песков, во посебна изјава денеска порача дека одлуката на Британија да и дозволи на „Гаспромбанк“ да врши плаќања до крајот на мај не ги променила плановите на Русија за плаќање на гасот во рубљи.

Сите рокови за плаќање се наведени во претседателскиот указ од крајот на март, а купувачите мора да ги подмират обврските согласно тој указ - нагласи Песков.

The post Велика Британија одобри плаќања за рускиот гас преку „Гаспромбанк“ до крајот на мај appeared first on Република.

Портпаролот на Кремљ, Дмитриј Песков, најави дека има уште време таканаречените „непријателски“ земји да се префрлат на плаќање на рускиот гас во рубљи, но одби да открие колку земји досега се согласиле на тоа.

Како што пренесува „Ројтерс, Песков порача дека плаќањата во рубљи за испорака на гас извршени по стапувањето во сила на указот на претседателот Владимир Путин доспеваат во мај.

Кон крајот на март, рускиот претседател Путин потпиша декрет со кој се бара од странските купувачи да плаќаат за гас во руска валута или нивните испораки ќе бидат суспендирани, барање кое европските престолнини го отфрлија, а Германија го оцени како „уцена“.

The post Песков: Се уште има време непријателските земји да го платат гасот во рубљи appeared first on Република.

Ерменија почна со плаќање на рускиот гас во рубљи, изјави за РБЦ, министерот за економија Вахан Керобјан.

Колку што знам, последните неколку плаќања беа во рубљи, но, по соодветен курс, појасни министерот.

Керобјан истакна дека цената се одредува во долари, но плаќањето е во рубљи.

Премиерот на Белорусија, Роман Головченко уште на 3 април најави дека Минск во рубљи ќе ги плаќа испораките на нафта и гас од Русија.

Рускиот претседател Владимир Путин на 31 март потпиша указ за таканаречените „непријателски земји” да го плаќаат рускиот гас во рубљи.

Под „непријателски земји” спаѓаат оние, што воведоа санкции против Русија, поради инвазијата на Украина.

The post Ерменија почна да го плаќа рускиот гас во рубљи appeared first on Република.

Русија го зголеми фондот за „црни денови“ за нејзината економија погодена од санкциите за 3,4 милијарди долари приходи од нафта и гас од почетокот на војната во Украина.

И покрај тоа, се ближи до првиот случај на неплаќање долгови од 1998 година, пишува Фајненшл тајмс.

Официјална Москва објави дека ќе пренасочи дополнителни 273,4 милијарди рубљи (3,4 милијарди долари) во својот фонд за „црни денови“, од кои 271,6 милијарди рубљи доаѓаат од приходите од продажбата на гас и нафта добиени во првиот квартал од оваа година, пренесува ФТ.

Дополнителните пари ќе бидат искористени, меѓу другото, за „воведување мерки насочени кон зачувување на економската стабилност во контекст на меѓународните санкции“, велат од руската влада.

Руската економија најверојатно ќе се намали за 10 отсто оваа година, според аналитичарите на ФТ.

И покрај тоа, се додава, приходите од извозот на суровини и строгата контрола на капиталот и помогнаа на официјална Москва да ја стабилизира валутата и да спречи финансиски колапс, иако се соочува со тешки санкции од западните земји и нивните сојузници.

Сепак, глобалната рејтинг куќа „Стандард и Пурс“ (S&P) викендов го намали рејтингот на Русија на „селективен банкрот“, откако официјална Москва објави дека ќе ја плати последната транша од долгот на странските обврзници во рубљи, иако тие се деноминирани во долари.

Русија ги исполнува своите обврски за доларските обврзници од почетокот на инвазијата, спротивно на очекувањата на многу инвеститори кои очекуваа санкциите и контролата на капиталот да ја вовлечат Русија во нејзиниот прв банкрот од 1998 година.

Но, минатата недела Русија требаше да плати 84 милиони долари во купони и 552 милиони долари во обврзници кои доспеваат, за кои понуди да плати во рубљи наместо во долари, откако американските власти им забранија на американските банки да вршат такви плаќања.

Официјална Москва сега има 30-дневен грејс период за доставување пари на инвеститорите пред да биде прогласен банкрот, што ќе биде тешко остварливо.

„Во моментов, не очекуваме дека инвеститорите ќе можат да ги претворат овие плаќања во рубљи во еквивалент на долар во оригиналните износи, или дека владата ќе ги конвертира овие плаќања во рок од 30 дена“, се вели во соопштението на S&P.

The post Првиот банкрот на Русија по 1998 година пристигнува за 30 дена? appeared first on Република.

Претставникот на унгарската влада, Золтан Ковач, во интервју за „Си-Ен-Ен“ порача дека плаќањето на рускиот гас во рубљи не ги прекршува европските санкции, затоа што Будимпешта има билатерален договор со Москва.

Со тие зборови тој ја коментираше изјавата на шефицата на Европската комисија, Урсула фон дер Лајен, која порача дека исплатата во рубљи ќе биде заобиколување на санкциите воведени кон Русија.

Европската Унија во моментов не купува гас и нафта за европските земји.

 

Продолжуваме да се придржуваме до договорите склучени со Русија кои се однесуваат на нафтата и гасот. Според нив, техничко прашање е во која валута ќе се плаќа гасот.

 

Ова не значи заобиколување на каква било политика на санкции. Како што добро знаеме, унгарската економија и унгарското население зависат од рускиот гас за 85 отсто - порача Ковач.

https://republika.mk/vesti/svet/fon-der-lajen-go-predupredi-orban-plakjanjeto-ruski-gas-vo-rublji-e-krshenje-na-sankciite/

The post Унгарија: Плаќањето за рускиот гас во рубљи не е кршење на санкциите appeared first on Република.

Претседателката на Европската комисија, Урсула фон дер Лајен, изјави дека доколку Унгарија одлучи да ги плаќа руските енергенси во рубљи, тоа ќе се смета за кршење на европските санкции.

Направивме анализа на декретот на Путин и правната ситуација е многу јасна. Она што Путин го сугерира, конвертирање на еврото во рубљи, со што потоа би се плаќал гасот, би значело кршење на санкциите. Ако го направите тоа, мислам на плаќањето во рубљи, вие ги прекршувате санкциите што и ги воведовме на Русија - истакна Фон дер Лајен во интервју за „Си-Ен-Ен“.

Унгарскиот премиер Виктор Орбан неодамна изјави дека Унгарија е подготвена да го плаќа рускиот гас во рубљи, откако рускиот претседател Владимир Путин потпиша декрет со кој се бара од „непријателските“ земји да го плаќаат рускиот гас во руската национална валута.

Фон дер Лајен  изјави дека „ЕУ е во преговори со Будимпешта“.

Досега Унгарија се придржува кон санкциите и додека не видиме поинаков начин на дејствување, се е во ред. Никогаш досега не сме ја виделе ЕУ вака обединета. Мислам дека секоја земја-членка се прашува дали сака да биде првата што ќе го наруши таквото единство. Мислам дека не го сакаат тоа - додаде Фон дер Лајен.

The post Фон дер Лајен го предупреди Орбан: Плаќањето руски гас во рубљи е кршење на санкциите appeared first on Република.

Министерот за економија на Словачка, Ричард Сулик, изјави дека неговата земја ќе ги прифати условите на Русија за испорака на гас затоа што не смее да си дозволи запирање на испораката на енергенси од Руската Федерација.

Испораката на гас од Русија не може да се запре. Доколку се постави условот да се плаќа во рубљи, ќе платиме во рубли - истакна Сулик.

Како што истакна тој, Словачка набавува околу 85 отсто од вкупниот гас од Русија. Како што напоменува Сулик, потребна е диверзификација на снабдувањето со гориво, но тоа ќе трае неколку години.

Претходно, премиерот на Словачка, Едуард Хегер, изјави дека купувањето руски гас во рубљи ќе ја продлабочи финансиската и енергетската зависност на неговата земја од Русија.

Претходно оваа недела, рускиот претседател Владимир Путин потпиша указ за трговија со гас со непријателските земји во рубли.

Балтичките земји престанаа да увезуваат руски природен гас.

https://republika.mk/vesti/svet/ako-mozeme-nie-moze-i-ostatokot-od-evropa-prvata-chlenka-na-eu-shto-go-zabrani-ruskiot-gas/

The post Словачка прифаќа да плаќа во рубљи: Испораката на гас не смее да запре appeared first on Република.

Три европски земји не сакаат гасот да го плаќаат во рубли.

Станува збор за Германија, Франција и Велика Британија. Најавата на рускиот претседател Владимир Путин е дека од утре,  „непријателските земји“ ќе треба да отворат сметки во руската банка „Гаспром“ и да плаќаат во рубли за испораката на гас.

Германија, земјата која е најголем увезувач на руски гас во ЕУ, одговори дека нема да дозволат Путин да ги уценува.

И францускиот министер за економија, Бруно ле Мер, по разговорот со Хебек, порача дека и Франција и Германија се подготвуваат за намалување на увозот на руски гас.

Велика Британија исто така не сака да плаќа во руска валута.

Путин кажа дека секоја земја што ќе одбие да го користи механизмот за плаќање ќе ги прекрши нивните договори и ќе се соочи со „соодветни реперкусии“.

The post Германија, Франција и Велика Британија не сакаат рускиот гас да го плаќаат во рубли appeared first on Република.