Македонската поетеса Ива Дамјановски беше претставена на поетскиот фестивал Poetry International, кој се одржа од 6 до 9 јуни во Ротердам, Холандија.

Фестивалот кој е еден од најреномираните европски поетски фестивали, член на платформата Версополис, оваа година го имаше своето 54. издание со исклучително богата и разновидна програма. Ива Дамјановски настапи во главната програма, на поетското читање што се одржа во мултимедијалниот центар Зудплејн, каде што секој автор пред неговиот настап беше преставен со специјално создадено мултимедијално видео. Според традицијата, Фестивалот секоја година кани различен режисер што во зависност од темата на фестивалот, осмислува сценски амбиент во кој се одвиваат настапите на поетите. Оваа година, тоа беше режисерот Пук ван Дијк во соработка со Себастијан Сминк.

Ива Дамјановски исто така беше дел од интерактивната и мошне интересно осмислена „просторна“ поетска дебата, каде што поетите учесници ги изразуваа своите ставови и преку просторно позиционирање на сцената.
Главното претставување на Дамјановска се случи на 8 јуни во мултимедијалниот центар Лантаренвенстер, каде што имаше прилика во траење од половина час да прочита избор од нејзината поезија, а потоа да ги претстави нејзините поетички ставови во разговор со модератор. Нејзиниот настап наиде на исклучително добар прием кај публиката која ја исполни салата до последното место.

Инспирирани од поезијата на Ива Дамјановски, студентите од академијата Вилијам де Кенинг, дизајнираа специјален плакат во склоп на серијата плакати инспирани од поезијата на учесниците во главната програма на Фестивалот. Учеството на Ива Дамјановски беше овозможено од платформата Версополис, која почнувајќи од 2014 година ја зголемува мобилноста и афирмацијата на младите поети во подем.

Поетскиот фестивал „Струшки вечери на поезијата“ се дел од Версополис и директорот Тодорче Тасевски оствари повеќе средби со директорите на фестивали и поетски колективи. На средбите беа разменети искуства поврзани со организацијата на фестивали и беа договорени идни потенцијални соработки. Тодорче Тасевски, на директорката на Poetry International, Диана Чин-А-Фат ѝ врачи примероци од Монографиите на македонските добитници на „Златен венец“, Матеја Матевски и Влада Урошевиќ. Овие монографии, во кои значителен дел од поезијата е преведен на англиски јазик ќе бидат уште една можност за увид во творештвото на нашите двајца истакнати поети, но и можност за холандските издавачи да пројават интерес за изданија на холандски јазик.

The post На поетски фестивал во Ротердам претставена поетесата Ива Дамјановски и монографии на македонските добитници на „Златен венец“, Матеја Матевски и Влада Урошевиќ appeared first on Република.

Граничните службеници на пристаништето во Ротердам заплениле повеќе од осум тони кокаин скриени во контејнер со банани, соопшти денеска холандското обвинителство.

Британските медиуми наведуваат дека ова е најголемата пратка кокаин досега откриена на ова пристаниште.

Портпаролот на обвинителството изјави дека дрогата патувала од Еквадор, преку Панамскиот канал, до Ротердам. Пратката била откриена од полициски кучиња на 13 јули. Запленувањето на кокаинот, чија вредност се проценува на повеќе од 600 милиони долари, била чувана во тајност за да не се меша во истрагата.

Истрагата е во тек, а досега во Холандија не е приведено ниту едно осомничено лице.

The post Во Ротердам запленети повеќе од осум тони кокаин скриени во контејнер со банани appeared first on Република.

Три лица се повредени кога напаѓач отворил оган на „Карипскиот летен карневал“ во центарот на Ротердам, соопшти холандската полиција.

По инцидентот, кој се случил недалеку од една од главните сообраќајници во градот, уапсени се три лица. Полицијата не го соопшти мотивот за нападот.

Карневалот беше прекинат веднаш по пукањето.

The post Пукање на карневал во Ротердам, тројца повредени appeared first on Република.

Ова се тешки времиња за нашиот континент, како и за нашиот глобален систем на демократски вредности. Сепак, тешките времиња обично го покажуваат најдоброто кај луѓето, и се надевам дека носителите на политички одлуки ќе разберат дека тешките избори сега, ќе го постават нашиот пат на вистинската траекторија“, истакна лидерот на ВМРО-ДПМНЕ, Христијан Мицкоски на Конгресот на ЕПП во изјава за телевизијата „Алфа“.

The post Мицкоски: Има обиди од една земја членка на Европската Унија да ни го ускрати правото на македонски јазик и да се меша во македонскиот идентитет appeared first on Република.

Христијан Мицкоски, лидерот на најголемата опозициска партија во Македонија кој ја предводи ВМРО ДПМНЕ на Конгресот на ЕПП апелираше до европските лидери да помогнат кон европската перспектива на Западниот Балкан, Македонија, што поскоро да ги почне преговорите.

Неговото обраќање ви го пренесуваме во целост.

Почитувани делегати,

Почитувани членови на претседателството,

На почетокот дозволете ми прво да им се заблагодарам на нашите љубезни домаќини - ЦДА, како и на целиот организациски тим од ЕПП што организираше толку успешен Конгрес. Задоволство е да се биде во Ротердам денес.

Ова се тешки времиња за нашиот континент, како и за нашиот глобален систем на демократски вредности. Сепак, тешките времиња обично го покажуваат најдоброто кај луѓето, и се надевам дека носителите на политички одлуки ќе разберат дека тешките избори сега, ќе го постават нашиот пат на вистинската траекторија.

Ова го зборувам особено во контекст на она со што се соочуваме во Украина и како тоа влијае на Западниот Балкан. Македонците во моментов се соочуваат не со физичка агресија, туку со политичка агресија. Во овој момент има обиди на земја членка на Европската унија да го негира правото на македонски јазик, и да се меша во македонскиот идентитет. Овој тип на однесување е сè освен европски. За жал, нашиот процес на интеграција во ЕУ е со фокус на минатото, наместо на иднината. Ова не е Европа во која јас верувам.

Ние постојано сме посветени на европскиот пат. Многупати во минатото нашата влада не даваше резултати за клучните прашања, особено ако се има предвид владеењето на правото и борбата против корупцијата. Сепак, пред се, нашите граѓани заслужуваат отворање на пристапните преговори. Јас лично ве уверувам дека штом ќе почнат преговорите, новата влада предводена од ВМРО-ДПМНЕ ќе стави посебен фокус на изградбата на одржливи демократски институции кои одговараат на највисоките европски стандарди.

Денеска, стоејќи пред вас, апелирам до присутните лидери да го искористат своето влијание за да помогнат да се даде стабилност и кредибилитет на европската перспектива на Западниот Балкан. Тоа не може да се постигне без Македонија да ги отвори пристапните преговори што е можно поскоро.

Во 21 век, управувањето со држава, подразбира носење тешки одлуки.

Но, само преку вакви одлуки сега, можеме да ја донесеме иднина каква што очекуваат и заслужуваат македонските граѓани.

https://youtu.be/hBWxTeGbWF4

The post Мицкоски од Конгресот на ЕПП: Апелирам до европските лидери да помогнат кон европската перспектива на Западниот Балкан, Македонија, што поскоро да ги почне преговорите appeared first on Република.

Потпретседателот на ВМРО-ДПМНЕ, Тимчо Муцунски кој е дел од делегацијата предводена од претседателот Христијан Мицкоски на 27 Конгрес на ЕПП во Ротердам, за вестите на Алфа телевизија истакна дека делегацијата своето присуство ќе го искористи за да се афирмира потребата од што побрзо отворање на преговорите на ЕУ со Македонија како и ставовите за борба против корупција, владеење на право и други прашаа кои треба да бидат во фокусот на евроинтеграцискиот пат на Македонија.

- Следниве три дена се случува изборен конгрес на Европската Народна Партија. По оставката на Доналд Туск кој ја презема улогата на лидер на опозицијата во Полска, постои потреба од избор на нов претседател и ново раководство на Европската Народна партија.  Очекуваме избор на единствениот кандидат кој има поддршка од сестринските партии, а тоа е Манфред Вебер, а исто так избор на ново раководство, генерален секретар, да се дискутира за значајни прашања од глобалната и европската безбедност, посебно на фокусот на ситуацијата во Украина. Но да се запостави и Западниот Балкан каде што ние како претставници на ВМРО-ДПМНЕ и делегати со право на глас планираме да ги наметнеме нашите ставови поврзани со европската интеграција на Македонија и потребата од што побрз почеток на пристапните преговори, потенцираше Муцунски.

Тој нагласи дека делегацијата предводена од претседателот Мицкоски исто така ќе има голем број на билатерални средби и тие билатерални средби ќе се случуваат со голем број претседатели на сестрински партии од кои што дел се и премиери на своите држави што значи дека и тие се луѓето кои што ги носат крајните одлуки во рамките на ЕУ.

- И тука ние ќе ги афирмираме потребите од забрзано чекорење на Македонија кон евроинтеграцискиот пат. И мислам дека тоа ќе биде и една од носечките пораки на претседателот Мицкоски, а тоа е двојните стандарди кои што некогаш ги има ЕУ кон Република Македонија, потребата од европски процес на пристапни преговори базирани на европски вредности наместо ултиматуми кои што не содејствуваат  со вредностите на ЕУ, изјави Муцунски.

Муцунски посочи дека на тие средби ќе се афирмираат ставовите поврзани со борбата против корупцијата, владеењето на правото, прашањата кои што треба да бидат во вистински фокус за европеизација на Република Македонија.

Потпретседателот на ВМРО-ДПМНЕ, Тимчо Муцунски кој е дел од делегацијата предводена од претседателот Христијан Мицкоски на 27 Конгрес на ЕПП во Ротердам, за вестите на Алфа телевизија истакна дека делегацијата своето присуство ќе го искористи за да се афирмира потребата од што побрзо отворање на преговорите на ЕУ со Македонија како и ставовите за борба против корупција, владеење на право и други прашаа кои треба да бидат во фокусот на евроинтеграцискиот пат на Македонија.

- Следниве три дена се случува изборен конгрес на Европската Народна Партија. По оставката на Доналд Туск кој ја презема улогата на лидер на опозицијата во Полска, постои потреба од избор на нов претседател и ново раководство на Европската Народна партија.  Очекуваме избор на единствениот кандидат кој има поддршка од сестринските партии, а тоа е Манфред Вебер, а исто так избор на ново раководство, генерален секретар, да се дискутира за значајни прашања од глобалната и европската безбедност, посебно на фокусот на ситуацијата во Украина. Но да се запостави и Западниот Балкан каде што ние како претставници на ВМРО-ДПМНЕ и делегати со право на глас планираме да ги наметнеме нашите ставови поврзани со европската интеграција на Македонија и потребата од што побрз почеток на пристапните преговори, потенцираше Муцунски.

Тој нагласи дека делегацијата предводена од претседателот Мицкоски исто така ќе има голем број на билатерални средби и тие билатерални средби ќе се случуваат со голем број претседатели на сестрински партии од кои што дел се и премиери на своите држави што значи дека и тие се луѓето кои што ги носат крајните одлуки во рамките на ЕУ.

- И тука ние ќе ги афирмираме потребите од забрзано чекорење на Македонија кон евроинтеграцискиот пат. И мислам дека тоа ќе биде и една од носечките пораки на претседателот Мицкоски, а тоа е двојните стандарди кои што некогаш ги има ЕУ кон Република Македонија, потребата од европски процес на пристапни преговори базирани на европски вредности наместо ултиматуми кои што не содејствуваат  со вредностите на ЕУ, изјави Муцунски.

Муцунски посочи дека на тие средби ќе се афирмираат ставовите поврзани со борбата против корупцијата, владеењето на правото, прашањата кои што треба да бидат во вистински фокус за европеизација на Република Македонија.

https://www.youtube.com/watch?v=6tGmzySxOyA&t=28s

The post Муцунски: Конгресот на ЕПП ќе го искористиме да ја афирмираме потребата од што побрз почеток на преговори на Македонија со ЕУ базирани на европски вредности, а не на ултиматуми appeared first on Република.

Делегација на ВМРО-ДПМНЕ предводена од претседателот Христијан Мицкоски ќе присуствува на тридневна посета во Ротердам, Холандија по повод учество на 27 Конгрес на Европската народна партија.

Посетата вклучува присуство на делегатите на конгресот на Европската народна партија, од кое дел се сите центар десни партии во Европа. Конгресот утре започнува со политичкото собрание кое е своевиден вовед во Конгресот, на кое се разгледуваат клучните конгресни документи и резолуции. Исто така, на конгресот ќе се дискутира за досегашната работа на претседателот и генералниот секретар на ЕПП, како и формално ќе бидат потврдени новите кандидатури за претседател, потпретседатели и благајници на ЕНП.

Главниот настан започнува во вторник, каде на пленарната сесија свое обраќање ќе има претседателот на ВМРО-ДПМНЕ проф. д-р Христијан Мицкоски, каде главна тема ќе бидат актуелните состојби во Македонија, корупцијата во редовите на Владата, злоупотребите на власта, економското опустошување, како и барањето за предвремени избори. Вечерта ќе се одржи проширен самит на шефови на држави и влади, како и лидери на опозициски партии.

Во овие клучни, многу предизвикувачки времиња за Европа и светот, на конгресот на Европската народна партија особен фокус ќе се стави на предизвиците со кои се соочува Европа, инвазијата на Украина, економската и енергетската криза, но и односот кон Западен Балкан и проширувањето. Се очекува да се донесе Резолуција која ќе повика на итно отпочнување на преговорите со Македонија и Албанија. Главната дебата за политиките на Европските народни партии е на тема „Обединети во солидарноста: одбрана на западната демократија“.

На маргините на конгресот ќе бидат остварени и повеќе билатерални средби запознавајќи ги соговорниците со актуелните економско политички состојби во Македонија.

Членови на делегацијата на ВМРО-ДПМНЕ предводена од претседателот Христијан Мицкоски се потпретседателите Александар Николоски и Тимчо Муцунски, меѓународниот секретар Стефан Андоновски, членот на извршниот комитет и портпарол Марија Митева и членот на извршниот комитет Владимир Ѓорчев.

The post Мицкоски и делегација на ВМРО-ДПМНЕ на конгресот на Европската народна партија во Ротердам appeared first on Република.