Познатиот фудбалер од Бразил, Роналдо, сака да стане прв човек на оваа јужноамериканска земја. Планира да се повлече од фудбалскиот клубски бизнис и да се посвети на други предизвици. Крузеиро веќе го продаде, Реал Ваљадолид наскоро.

Поранешната ѕвезда на Реал и Барселона дефинитивно цели кон претседателската функција во ФС Бразил, што се гледа од неговите постапки, односно бизнисот во Европа.

Претседателските избори ќе се одржат следната година, а Роналдо планира да ја поддржи својата кандидатура со звучно име за нов тренер.

Роналдо наводно планира да го донесе Пеп Гвардиола кој е во последната сезона од договорот со Манчестер Сити за селектор на Бразил.

Бразил моментално го води Доривал Жуниор. Последен пат Бразилците беа светски шампиони во 2002 година, а посебен проблем за нив беше неуспехот на домашното Светско првенство во 2014 година

The post Вистинскиот Роналдо сака да го донесе Гвардиола за селектор на Бразил appeared first on Република.

Еден од најдобрите бразилски фудбалери на сите времиња, Роналдо Луис Назарио де Лима (45), тргна со велосипед од Ваљадолид до Сантијаго де Кампостела, на делница долга 500 километри позната како Патот на Свети Јаков за да го исполни ветувањето кое го даде во случај неговиот клуб да се врати во Ла Лига.

Роналдо, кој во 2018 година стана мнозински сопственик на Ваљадолид, вети дека доколку неговиот тим се врати во прволигашката конкуренција ќе ги мине Патот на Светски Јаков во пет етапи со велосипед заедно со својата сопруга.

Ваљадолид се врати во Ла Лига по една второлигашка сезона.

– Ветив дека ако се вратиме во Ла Лига ќе го направам Камино де Сантијаго. Ќе го направам тоа со велосипед, бидејќи не можам да трчам. Знам дека ќе биде прекрасно. Знам дека физички ќе биде тешко, но ќе биде незаборавно искуство, објави вчера Роналдо на социјалните мрежи пред поаѓањето од пред стадионот „Хозе Зомила“ во Ваљадолид.

The post „Дебелиот“ Роналдо ќе вози 500 километри во велосипед бидејќи неговиот клуб се врати во првата лига во Шпанија appeared first on Република.