Легендарниот бразилски фудбалер Роналдињо негираше дека е поврзан со компанија вмешана во измами со криптовалути, користејќи го за рекламни цели ликот на еден од најдобрите фудбалери на сите времиња.

Бразилецот се појави во четвртокот пред парламентарната истражна комисија, која го повика како сведок, претставувајќи го како основач и партнер на компанијата „18К Роналдињо“.

Оваа компанија на своите клиенти им ветувала астрономски поврат на инвестицијата, дури до 400 отсто во период од една година, но неколку клиенти поднеле жалби поради измами, барајќи отштета во вкупен износ од над 56 милиони евра.

„Спротивно на тоа што беше речено од оваа истражна комисија, јас не сум ниту основач, ниту партнер на компанијата „18К Роналдињо“, посочи Роналдињо.

Тој наведе дека во 2016 година потпишал договор со американскиот бренд за часовници „18К Watches“, на кој ги продал правата на својот лик за рекламна кампања.

Меѓутоа, според неговото објаснување, фотографиите направени за време на рекламната кампања биле користени без негова согласност од страна на инвестициската компанија за криптовалути.

Роналдињо во 2020 година мина нешто повеќе од пет месеци во притвор во Парагвај поради фалсификување патна исправа

The post Роналдињо на суд докажува дека не е вмешан во измама со криптовалути appeared first on Република.

Двократниот освојувач на наградата за најдобар светски фудбалер Роналдињо започнува со организација на светска лига во уличен фудбал со цел да им даде шанса на талентираните млади играчи да ги покажат своите вештини и да го минат истиот пат до славата како и легендарниот бразилски фудбалер.

Глобалната улична лига Роналдињо (РГСЛ) ќе стартува на крајот на оваа година, соопштија организаторите.

На почетокот ќе се спроведе тестирање преку социјалните мрежи каде играчите во уличен фудбал од сите возрасти ќе можат да ги постираат своите вештини во обид да се вклучат во еден од тимовите кои ќе се натпреваруваат во светската лига.

Натпреварите во вештини ќе бидат организирани во големите градови ширум светот, а екипите ќе се натпреваруваат во лигата за титулата „РГСЛ шампион“, додека најдобрите играчи ќе се вклучат во личниот тим на Роналдињо.

Организаторите, засега, не се соопштија детали за локациите и точниот датум за почеток на светската лига во уличен фудбал.

The post Роналдињо започнува светска лига во уличен фудбал appeared first on Република.

Жоао де Асис Мореира, попознат како Жоао Мендес, е син на славниот Роналдињо. Бразилецот пет сезони го носеше дресот на Барселона, освои исто толку трофеи, ја зграпчи Златната топка на ФИФА.

Жоало денеска и официјално потпиша договор со Барселона, каде пристигна на почетокот на февруари од Крузеиро. Тој ќе игра во помладите категории, за селекцијата до 19 години и ќе биде стациониран во познатата Ла Масија

Многу сум среќен и благодарен за можноста! Да живее Барса - изјави младиот Жоао Мендеш по потписот.

Роналдињо јуниор има 17 години, висок е 178 сантиметри, подобро ја користи десната нога и игра како напаѓач.

The post Како татко му на времето: Синот на Роналдињо потпиша за Барселона appeared first on Република.