Напаѓачот на Наполи, Ромелу Лукаку ги сподели своите емоции по дебитантскиот натпревар за тимот.

Наполитанците ја победија Парма со 2:1 на домашен терен во натпревар од 3. коло на италијанската Серија „А“. Лукаку израмни во 90.+2. минута, а Андре-Франк Замбо Ангиса по кратко време го постигна победничкиот гол за тимот на Антонио Конте.

-Чест е да се игра за овој клуб, за овие навивачи и за овие момци кои ме пречекаа толку топло. Работевме напорно и трудот што го вложивме на тренинзите се исплатеше. Навикнат сум да постигнувам голови дебито, но најважно е што победивме. Среќен сум, но сега треба да работиме и да продолжиме да победуваме, рече Лукаку по мечот.

Наполи го објави трансферот на Лукаку од Челси на 29 август. 31-годишниот Белгиец потпиша договор до 30 јуни 2027 година

The post Се најде клуб и за Лукаку appeared first on Република.

Напаѓачот на Челзи, Ромелу Лукаку наскоро би можел да се пресели во Наполи. Како што објави новинарот Фабрицио Романо на Твитер, страните ќе се сретнат во Лондон во рок од 24 часа.

Претходно беше објавено дека лондонскиот клуб сака да добие 35 милиони евра за 31-годишниот Белгиец, иако наполитанците понудија 25 милиони евра.

Лукаку се врати во Челзи во 2021 година.

Во сезоната 2023/24, Лукаку играше за Рома како позајмен фудбалер. На 47 натпревари во сите натпреварувања постигна 21 гол и четири асистенции

The post Лукаку уште за Наполи нема играно appeared first on Република.

Италијански Наполи упатил усна понуда до Челси за купување на напаѓачот Ромелу Лукаку, пренесе „Скај спорт Италија“.

Станува збор за понуда од 25 милиони евра плус 5 милиони бонуси.

Директорите на клубот од Неапол очекуваат одговор од англискиот клуб во следните часови, во спротивно ќе се фокусираат на трансферот на Давид Невеш од Бенфика.

Според медиумската групација „Спорт медиасет“, Астон Вила била подготвена да ја активира откупната клаузула на Лукаку од 43 милиони евра.

Сепак, поранешниот играч на Интер и Рома сака само да се пресели во Наполи за повторно да работи под тренерот Антонио Конте.

Понудата на Наполи вклучува договор за позајмица, но со опција за купување, поврзана со квалификациите за Лигата на шампионите на тимот.

The post Наполи му нуди 25 милиони евра на Челси за Лукаку appeared first on Република.

Напаѓачот на Челси, Ромелу Лукаку би можел да ја продолжи кариерата во Наполи, пренесува новинарот Фабрицио Романо. Триесет и едно годишниот Белгиец е подготвен да ја намали својата плата од 11 милиони евра на 6 милиони.

Репрезентативецот на Белгија сака повторно да работи под водство на Антонио Конте. Во моментов трансферот на Лукаку зависи од евентуална зделка која би го испратила Виктор Осимен во Пари Сен Жермен.

Лукаку се врати во Челси во 2021 година. Минатата сезона напаѓачот настапуваше за Рома како позајмен играч. За Римјаните забележа 47 настапи во сите натпреварувања, постигнувајќи 21 гол и 4 асистенции

The post Лукаку сега во Наполи? appeared first on Република.

Белгија конечно ја оствари првата победа на Европското првенство пртотив Романија.Ја имаа целосната иницијатива против добите Романци.

Она што е интересно е што Лукаку  постигна гол но беше поништен поради офсајд. Во оваа група пред третото коло сите репрезентации имаат по три бода

The post Белгија ја совлада Романија, Лукаку никако да погоди appeared first on Република.

Напаѓачот на Рома, Ромелу Лукаку се надева дека ќе остане во италијанската престолнина и по оваа сезона и смета на „волците“ да се договорат со англиски Челси, кој ги има неговите трансфер права, пишуваат италијанските медиуми.

На Лукаку му е удобно во Рим, се адаптира во клубот и добро се согласува со тренерот Даниеле Де Роси, кој неодамна потпиша нов договор и следната сезона ќе ја води Рома.

Де Роси би сакал Лукаку да биде на располагање следната година и сопствениците на клубот ќе се обидат да ја исполнат неговата желба.

Челси бара 40 милиони евра за да се раздели со Белгиецот, но според информациите се подготвени за попуст во износот или продолжување на закупот.

Без Лукаку, Рома се мачеше во нападот во поразот од Болоња со 3-1 во понеделникот. Истото се случуваше и на претходните натпревари без него. Рома има три порази во три натпревари без Лукаку во својот тим.

Лукаку моментално се опоравува од повредата и ќе го пропушти доигрувањето на натпреварот против Удинезе. Натпреварот ќе продолжи утре при резултат 1:1, откако беше прекинат минатиот викенд поради колапсот на теренот на дефанзивецот на Рома, Еван Ндик

The post Челзи го дава, Рома го сака Лукаку appeared first on Република.

Белгискиот фудбалер и член на Рома, Ромелу Лукаку очекува саудиската лига да биде една од најдобрите во светот.

- Лично, мислам дека ова ќе биде една од најдобрите лиги во светот во следните две години. Затоа што сега прават многу, внесуваат големи играчи во лигата. Екипите се подобри и играат многу квалитетен фудбал, изјави Лукаку по пријателскиот натпревар вчеравечер во Ријад со саудиски Ал Шабаб (2:1).

Изминатото лето тимовите од Саудиската професионална лига потрошија 875,4 милиони долари на трансфери.

Во првенството на Саудиска Арабија играат големи фудбалски имиња, најпозната ѕвезда е Кристијано Роналдо. 

The post Лигата Саудиска Арабија ќе биде најсилна, предвидува Лукаку appeared first on Република.

Калчолигашот Рома се договори со премиерлигашот Челзи да го донесе напаѓачот Ромелу Лукаку во своите редови како позајмен фудбалер до крајот на оваа сезона, јавија денеска британските медиуми.

Според телевизијата Скај, челниците на Рома, Рајан Фридкин и Тијаго Пинто, изминатиот викенд биле во Лондон за лично да преговараат со претставници на Челзи околу ангажман на белгискиот репрезентативен напаѓач.

Договорот е постигнат, а Рома за услугите на Лукаку ќе плати околу осум милиони фунти.

Лукаку минатата сезона ја мина како позајмен фудбалер во Интер, а новиот тренер на Челзи, Маурисио Покетино објави дека не смета на услугите на белгискиот фудбалер за оваа сезона

The post Се најде клуб и за Лукаку appeared first on Република.

Ромелу Лукаку се согласи да се пресели во Јувентус уште додека беше играч на Интер.

Според новинарот Џанлука Ди Марцио првите контакти меѓу заменик спортскиот директор на Јувентус, Џовани Мана и претставникот на Лукаку Себастиен Ледуре се случиле во март оваа година.

Тогаш играчот ја забележал информацијата за интересот на „Бјанконерите“, но побарал од клубот да почека до крајот на сезоната. Наводно Лукаку и Јувентус постигнале договор веќе на 12 јуни - два дена по поразот од Интер во финалето на Лигата на шампионите. На одлуката на Белгиецот влијаеше тоа што тој не беше вклучен во стартниот состав на овој меч. Ова го разочара фудбалерот.

Претходно се дозна дека Јувентус и Челзи разговараат за размена на Лукаку за Душан Влаховиќ. Како дел од оваа зделка и во Јувентус сакаат да добијат 35-40 милиони евра, но лондонци нудат околу 10 милиони помалку. Страните преговараат за структурата на трансакцијата, која може да вклучува различни бонуси.

Се истакнува дека италијанскиот клуб сака да го размени Влаховиќ за Ромелу не само од спортски, туку и од економски. За три години во клубот Белгиецот ќе заработи околу 30 милиони евра помалку од Србинот. Дополнително, продажбата на Душан ќе му помогне на Јуве да ја надомести загубата на приходи поврзани со суспензијата од европските натпреварувања.

The post Не тагувал многу: Лукаку се договорил со Јувентус два дена по поразот на Интер во финалето на ЛШ appeared first on Република.

Ромелу Лукаку одбил понуда од Саудиска Арабија и сака да остане во Интер, објави „Газета дело спорт“. На состанокот со застапници на Ал-Хилал во Париз не присуствувал адвокат или претставник на играчот, туку посредник. На Лукаку му бил понуден договор за 25 милиони евра по сезона, но напаѓачот одбил да се пресели во саудискиот клуб.

Интер има амбиција да се бори за Скудетото следната сезона, а претседателот на клубот, Стивен Џанг, му кажал на тренерот Симоне Инзаги дека е задоволен од неговата работа. Инзаги, како одговор побарал да се засили тимот.

Исто така, Инзаги побарал од раководството на Интер да направи се за да го задржи Лукаку. Претставници на Интер наскоро ќе се сретнат со лица од Челзи за да разговараат за иднината на Лукаку, кој сезонава играше за „нероаѕурите“ како позајмен играч.

The post Лукаку одбил богата понуда од Саудиска Арабија затоа што сака да остане во Интер appeared first on Република.

Раководството на Интер донело одлука да не го задржи Ромелу Лукаку во идната сезона. Напаѓачот тековната сезона ја минува во тимот на Милан како позајмен од Челзи, а на лето ќе се врати во англискиот клуб.

„Нероаѕурите“ сметаат дека вкупната сума од 20 милиони евра што клубот ја потроши за позајмица на Лукаку не одговара на нивото на неговата игра. Според италијанските медиуми, Интер веќе бара замена за Белгиецот.

Според достапните информации, италијанскиот клуб пројавува интерес за напаѓачите на Ливерпул и Борусија Менхенгладбах, Роберто Фирмино и Маркус Турам. Двајцата играчи ќе станат слободни агенти на крајот од сезоната.

The post Интер ќе го врати Лукаку во Челзи, Фирмино и Маркус Турам во игра да го заменат на „Џузепе Меаца“ appeared first on Република.

Извршниот директор на Интер, Џузепе Марота, најави дека италијанскиот клуб на крајот на сезоната нема да го откупи договорот на белгискиот напаѓач Ромелу Лукаку, јави денеска „Скај Италија“.

„Без оглед на неговиот ефект, Лукаку на 30 јуни ќе се врати во Челзи, како што е предвидено со договорот тој да ни биде позајмен само за една сезона“, изјави Марота.

Лукаку во 2021 година ја освои шампионската титула со Интер, по што премина во Челзи во трансфер вреден 113 милиони евра. Белгиецот имаше бледа сезона во лондонскиот клуб, по што Челзи одлучи да му го позајми на Интер.

Лукаку досега оваа сезона одигра 18 натпревари за клубот од Милано и постигна 15 голови.

The post Интер не е задоволен од Лукаку, го враќа назад во Челзи appeared first on Република.

Тотенхем верува дека напаѓачот на Интер, Ромелу Лукаку може да биде алтернатива за Хари Кејн, објави „Fichajes“. Правата врз Лукаку му припаѓаат на Челзи.

Според изворот, самиот Кејн би сакал да остане во лондонскиот клуб, но доколку реши да го напушти тимот, Спарс ќе размислат за потписот на Белгиецот.

Во сезоната 2022/23, поради здравствени проблеми, Ромелу Лукаку учествуваше на само седум натпревари на Интер во сите натпреварувања, на кои постигна два гола и една асистенција

The post Aко Кејн си замине, Лукаку доаѓа во Тотенхем appeared first on Република.

Репрезентацијата на Белгија одржа „кризен состанок“ за да ги реши конфликтите меѓу играчите.

Според „L’Equipe“, во последно време атмосферата во националниот тим не е баш најдобра, а некои играчи одбиваат да комуницираат меѓу себе. Де Брујн не разговара со Тибо Куртоа, Еден Азар не разговара со Леандро Тросард. Не многу добри односи се развија меѓу напаѓачите Ромелу Лукаку и Миша Батшуаји. Забележано е дека неодамна дошло до голема кавга помеѓу Де Брујн, Азар и Вертонген, во која Лукаку интервенирал и ја прекинал.

Селекцијата на Белгија на Светското првенство победи против Канада во 1. коло, но загуби од Мароко во 2. коло и го зазема третото место во групата Ф со 3 бода.

Репрезентацијата на Белгија на 1 декември ќе се сретне со Хрватска во одлучувачкиот натпревар за пласман во осминафиналето

The post Лоша атмосфера: Во белгиската репрезентација никој со никого не прави муабет appeared first on Република.

Интер бара од Челзи да му ја продолжи позајмицата на напаѓачот Ромелу Лукаку на уште една година

Според „Скај Италија“ тимот од Серија А се надева дека ќе го задржи 29-годишниот фудбалер, но не се подготвени да трошат дополнителни пари на него, па ќе се обидат да го убедат Челзи да го остави на позајмица до летото 2024 година.

Лукаку оваа сезона одигра пет натпревари за Интер во сите натпреварувања, постигна два гола и една асистенција.

Миланезите го позајмија Белгиецот во летото 2022 година до крајот на актуелната сезона.

The post Интер не сака да му го врати Лукаку на Челзи appeared first on Република.

Инсајдерот Џанлука Ди Марцио, верува дека Ромелу Лукаку најверојатно нема да се врати во Челзи. Напаѓачот е позајмен од Интер до крајот на сезоната, без опција за откуп.

– По се што кажа, се што направи за да покаже љубов кон Интер, мислам дека ќе биде тешко. Како може повторно да оди во Челзи, како може повторно да игра во тој дрес? Тој направи се за да се врати во Интер.

Мислам дека клубовите ќе најдат начин да се договорат. Можеби ќе се договорат за друг закуп. Враќањето ми изгледа малку веројатно.

Интер плати 8 милиони евра за заемот, а ќе плати уште 10 милиони евра за продолжување на една година. Вредноста на Лукаку ќе станува се помала и помала доколку Интер одлучи да го купи“, изјави Ди Марцио за „Sky Sport Italia“.

Лукаку летото се врати во Интер како позајмен играч од Челзи каде не се снајде според очекувањата на „сините“ од Лондон

The post Интер ќе плати уште 10 милиони евра за Лукаку appeared first on Република.

Тренерот на Челзи, Томас Тухел, застана во одбрана на напаѓачот Ромелу Лукаку по лошиот настап на натпреварот од 26. коло на Премиер лигата против Кристал Палас (1:0).

– Тој е во центарот на вниманието и ние ќе го заштитиме. Ромелу секогаш ќе биде дел од тимот. Понекогаш им се случува на напаѓачите да паднат во формата ако се борат со самодовербата и бараат простор за интеракција со добар одбранбен тим. Се разбира, тоа не е она што ние го сакаме од него и тоа што го сака самиот Ромелу, но не треба да се шегувате и да се смеете со него, изјави Тухел.

Во саботата Лукаку имаше седум допири со топката во целиот натпревар со Кристал Палас. Ова е најмалку допири на натпревар од Премиер лигата за играч кој одиграл 90 минути уште од сезоната 2003/04, кога почнаа да се собираат податоците.

Лукаку дојде во Челзи од Интер во летото 2021 година за 113 милиони евра. Тој има постигнато само еден гол во последните осум првенствени настапи за клубот од Лондон. 

The post Тухел бара да се шегуваат со Лукаку appeared first on Република.