Британската влада го санкционираше рускиот милијардер Роман Абрамович и тоа го принуди газдата на Челси да го стави клубот на продажба, но иако до денеска се чинеше дека се оди по планиран тек, сега пристигна информација за можно комплицирање од страна на клучниот фактор.

Според изворите на угледниот „Тајмс“, Абрамович решил да ги усложни и отежни условите за продажба на Челси, што може да ги направи работите навистина лоши и неповолни за фановите на овој клуб.

Русинот сега бара од новиот газда да му го исплати долгот од 1,6 милијарда фунти кој првично реши да го отпише од продажбата, а таквиот пресврт во случајот може да донесе неповолен тек на настаните и покрај тоа што има многу понуди за купување на клубот.

Челси доби специјална дозвола од британската влада за нормално функционирање до 31-ви мај, датум кој воедно е посочен како последен за комплетирање на целата зделка која вреди неколку милијарди фунти.

Новите околности поставени од страна на газда Роман не одат во прилог на Челси, бидејќи новинарите од Англија велат дека е доведена во прашање и егзистенцијата на клубот доколку продажбата не се реализира до крајот на овој месец.

The post Абрамович ја комплицира продажбата на Челси appeared first on Република.

Владата на Велика Британија направи уште една промена на лиценцата за работа на Челзи, пренесува „РИА Новости“ повикувајќи се на „Sky News“.

Според изворот, промената би можела да ја доведе матичната компанија да инвестира до 30 милиони фунти во Челзи за да го одржи клубот да работи во услови на проблеми со готовина и ликвидност.

Основач на лондонскиот клуб е „Fordstam Ltd“, кој е во сопственост на рускиот бизнисмен Роман Абрамович.

За потсетување, на 10 март, Велика Британија воведе санкции против Абрамович. Премиер лигата го отстрани Русинот од раководството на Челзи. Бизнисменот реши да го продаде клубот и го предаде управувањето на повереници на добротворна фондација.

The post Владата на Велика Британија сепак му дозволи на Абрамович да инвестира до 30 милиони фунти во Челзи appeared first on Република.

Европската унија воведе санкции за сопственикот на англискиот фудбалски клуб Челзи, рускиот олигарх Роман Абрамович, како дел од новиот пакет казнени мерки против Русија.

ЕУ го додаде 55-годишниот Абрамович на ажурираната листа на поединци чии средства се замрзнати и забранети за патување поради нивната улога во руската инвазија на Украина.

Унијата објави дека Абрамович „има привилегиран пристап“ до рускиот претседател Владимир Путин и дека „одржува многу добри односи“ со него.

„Оваа врска со рускиот лидер му помогна да го задржи своето големо богатство“, соопшти ЕУ.

Владата на британскиот премиер Борис Џонсон минатата недела веќе воведе санкции за Абрамович во таа земја

The post ЕУ воведе санкции за газдата за Челзи Роман Абрамович appeared first on Република.

Роман Абрамович,досегашниот  сопственик на Челзи, е еден од седумте руски олигарси санкционирани од британската влада. Нивниот имот е замрзнат, како и сите трансакции, објави Би-би-си.

На Абрамович претходно му беше забранет влез во Велика Британија, бидејќи е еден од клучните соработници на рускиот претседател Владимир Путин, кој нареди инвазија на Украина.

The post Велика Британија го замрзна имотот на Абрамович appeared first on Република.

Владата на Велика Британија го санкционираше рускиот олигарх Роман Абрамович, замрзнувајќи го неговиот имот, вклучително и на англискиот фудбалски клуб Челзи.

Во денешното соопштение, владата нагласи дека на Абрамович му се „замрзнати средствата, забрана за трансакции со поединци и бизниси во Велика Британија, забрана за патување“. Абрамович и сојузникот на Путин, Игор Сечин, се меѓу седумте олигарси и политичари кои ќе бидат додадени на листата на санкции на Лондон.

Се проценува дека санкциите се во вредност од близу 20 милијарди долари (15 милијарди фунти). На списокот со санкции се додаваат уште седум олигарси и политичари:

Роман Абрамович, сопственик на Челзи и има удел во челичниот гигант Евраз и Норилск Никел

Олег Дерипаска, кој има удели во En+ Group

Игор Сечин, извршен директор на Роснефт

Андреј Костин, претседател на VTB банка

Алексеј Милер, извршен директор на енергетската компанија Гаспром

Николај Токарев, претседател на руската државна компанија за гасоводи Трансњефт

Дмитриј Лебедев, претседател на одборот на директори на Банката Русија.

The post Газдата на Челзи, Роман Абрамович, меѓу седумте руски олигарси е додаден на списокот со санкции на Велика Британија appeared first on Република.