Шпанскиот тенисер Карлос Алкараз вечерва го победи Германецот Александар Зверев во финалето на Отвореното првенство на Франција со 3:2 (6:3, 2:6, 5:7, 6:1 и 6:2).

Мечот траеше 4 часа и 20 минути.

Шпанецот сервира три асови, направи шест двојни грешки и реализира девет брејк топки од вкупно 16 шанси.

Зверев имаше осум ас сервиси, шест двојни грешки и шест реализирани брејк топки од вкупно 23 можности.

Алкараз за прв пат во кариерата го освои Ролан Гарос. Претходно ги освои УС Опен (2022) и Вимблдон (2023). Шпанецот ги освои сите три Грен слем финалиња во кариерата на кои беше учесник.

Зверев вторпат во кариерата стигна до финале на Грен слем турнир и повторно загуби. Во 2020 година, тој загуби од Доминик Тим во финалето на УС Опен.

Вкупниот награден фонд на Грен слемот во Париз изнесуваше 53,5 милиони евра.

The post Алкараз првпат го освои Ролан Гарос по маратонски меч против Зверев appeared first on Република.

Полската тенисерка Ига Швјонтек ја победи Италијанката Јасмине Паолини во финалето на Ролан Гарос со 6:2 и 6:1.

Денешното финале траеше 1 час и 10 минути.

Првиот светски рекет имаше еден ас во текот на играта и реализираше 5 од 9 брејк топки. Паолини која е 15-та на ВТА светската ранг-листа имаше еден ас, две двојни грешки и една конвертирана брејк топка од една шанса.

Дваесет и тригодишната Швјонтек трет пат по ред го освои Отвореното првенство на Франција. Вкупно има четири трофеи на Грен слемот во Париз.

Полската тенисерка еднаш стана и шампион на УС Опен во 2022 година. Таа ги освои сите пет Грен слем финалиња.

Швјонтек освои 22 ВТА турнири во текот на нејзината кариера.

The post Швјонтек експресно до триумф над Паолини во финалето на Ролан Гарос appeared first on Република.

 Германскиот тенисер Александар Зверев го синоќа го победи Норвежанецот Каспер Руд со 3:1 (2:6, 6:2, 6:4, 6:2) во полуфиналето на Отвореното првенство на Франција 2024.

Мечот траеше 2 часа и 38 минути.

Дваесет и седумгодишниот германски тенисер првпат во кариерата стигна до финале на Грен слемот во Париз. Пред ова, три години по ред настапот на турнирот го завршуваше во полуфиналната фаза.

Во финалето на Ролан Гарос, Зверев ќе игра против 21-годишниот Шпанец Карлос Алкараз, кој претходно во пет сета го победи светскиот рекет број два Јаник Синер (2:6, 6:3, 3:6, 6:4, 6:3).

Вкупниот награден фонд на Грен слемот во Париз изнесува 53,5 милиони евра.

The post Зверев противник на Алкараз во финалето на Ролан Гарос appeared first on Република.

Организаторите на Ролан Гарос донесоа забрана за пиење алкохол на трибините, откако навивач го плукна белгискиот тенисер Дејвид Гофин во вторникот.

„Среќни сме што гледаме дека има атмосфера и емоции на трибините, но ќе бидеме бескомпромисни во однос на почитта кон играчите и во однос на почитувањето на играта“, изјави директорката на турнирот и поранешна тенисерка, Амели Моресмо.

Гофин го победи францускиот тенисер Џовани Перикар со 4:6, 6:4, 6:3, 6:7 (4), 6:3, а Белгиецот во текот на дуелот кој траеше три и пол часа беше навредуван од публиката.

Раководството на вториот грен слем турнир сезонава соопшти дека на навивачите, сепак, ќе им биде дозволено да пијат алкохол надвор од теренот и стадионот, но нема да можат да седат со пијалаци на своите места.

Директорот на турнирот најави и дека ќе бидат засилени безбедносните мерки, а судиите добија инструкции да бидат построги со публиката за време на натпреварите.

The post Ролан Гарос забрани алкохол на трибините appeared first on Република.

Најдобрата македонска тенисерка, Лина Ѓорческа го заврши настапот на Ролан Гарос.

Ѓорческа беше поразена со 2:1 во сетови уште во првото квалификациско коло од страна на домашната тенисерка Марго Рувроа. Французинката, 285-та на ВТА листата, подобро се снајде на соочувањето на „Сузан Ленглен“.

Марго го доби првиот сет со 6:2, нашата тенисерка возрвати со 7:5, за да во третиот Ѓорческа изгуби со 6:3 иако прва дојде до брејк.

The post Ѓорческа го заврши настапот на Ролан Гарос appeared first on Република.

 Првиот светски рекет Карлос Алкараз синоќа го совлада Стефанос Циципас во четвртфиналето на Ролан Гарос - 6:2, 6:1, 7:6 (5).

Дваесетгодишниот Шпанец по втор пат се пласираше во полуфиналето на еден Грен слем турнир. Првиот беше на УС Опен-2022, каде што на крајот ја освои титулата.

Алкараз во меѓусебните дуели со Циципас сега води 5:0, а генерално со тенисери од топ 10 има биланс 17:9.

Во полуфиналето на Грен слемот во Париз, противник на Алкараз ќе му биде Србинот Новак Ѓоковиќ, кого го совлада на единствената нивната досегашна средб

The post Kaкво полуфинале на Ролан Гарос: Алкараз против Ѓоковиќ appeared first on Република.

Даниил Медведев веќе по првото коло беше поразен во маратонски меч во пет сета од Тиаго Сејбот-Вајлд од Бразил, кој е на 172. место на АТП листата – 2:3 (6:7, 7:6, 2:6, 6:3 и 6:4).

Да биде работата поневеројатна, анонимниот Бразилец постигна голема победа по пресврт, што секако никој не го очекуваше. Огромното мнозинство мислеше дека Медведев веројатно има се под контрола по освојувањето на третиот сет, но Бразилецот потоа се разбуди.

Натпреварот траеше 4 часа и 15 минути, а публиката можеше да ужива во навистина феноменален тенис, пред се благодарение на борбениот Тијаго Сејбот-Вајлд , кој реши да го стави Медведев на работ.

The post Шок на Ролан Гарос: Медведев загуби во прво коло од анонимен Бразилец appeared first on Република.

Италијанецот Матео Беретини и Хрватот Марин Чилиќ ги откажаа настапите на претстојниот Ролан Гарос, откако и двајцата тенисери сè уште се во процес на рехабилитација од повредите.

Беретини, 20 рангиран на АТП листата, нема настап од турнирот на земја во Монте Карло, кога го повреди стомачниот мускул. Италијанецот претходно најави дека ќе биде подготвен за грен-слем турнирот во Париз, но мораше да го пролонгира враќањето на теренот за јуни.

Настапот на Ролан Гарос го откажа и Чилиќ, кој сè уште не е подготвен да се врати на теренот по операцијата на десното колено на почетокот на оваа година.

Хрватот лани дојде до полуфиналето на Ролан Гарос во кое загуби од Норвежанецот Каспер Руд.

Грен-слем турнирот во Париз почнува на 28 мај.

The post Беретини и Чилиќ го пропуштаат Ролан Гарос appeared first on Република.

Освојувачот на 22 грен-слем титули, од кои 14 на Ролан Гарос, Шпанецот Рафаел Надал, ги потврди медиумски наводи дека нема да настапи на претстојниот турнир во Париз и притоа најави можно збогување со тенисот во 2024 година.

Надал нема настап од крајот на јануари кога го повреди мускулот на колкот на левата нога во дуелот против Американецот Мекензи Мекдоналд во второто коло на Австралија опен.

Закрепнувањето од повредата не течеше како што очекував, не успеав да остварам многу цели и стана невозможно да играм на Ролан Гарос“, изјави Надал на прес-конференција во својата Тениска академија во Мајорка.

Надал со 14 титули е рекордер на Ролан Гарос на кој првпат нема да настапи од своето деби во 2005 година. На грен-слем турнирот во Париз, шпанскиот тенисер има ефект од 112 победи и само три порази.

Надал не прецизираше кога би можел да се врати на теренот, најавувајќи дека, најверојатно, 2024 ќе биде последна година во неговата професионална кариера.

Морам да направам пауза за извесен период. Не знам кога ќе се вратам на тренинзите. Мојата цел е сега да престанам и да си овозможам себеси да уживам во следната година која веројатно ќе биде последна во мојата професионална кариера. Тоа е идејата, но не е 100 отсто сигурно дека така и ќе биде“, изјави Надал.

The post Надал нема да игра на Ролан Гарос, најави повлекување од тенисот во 2024 година appeared first on Република.

Наградниот фонд за овогодишниот Ролан Гарос ќе изнесува вкупно 49.6 милиони евра, што е за 12.3 отсто повеќе во однос на 2022, објави денеска организаторите на грен – слем турнирот во Париз.

Организаторите истакнаа дека наградниот фонд е „значително зголемен“ со цел да се обезбеди поголема рамноправност во распределбата на заработката меѓу тенисерите.

Победниците во женска и машка конкуренција ќе инкасираат по 2.3 милиони евра.

Ролан Гарос е на програмата од 28 мај до 11 јуни.

The post Зголемен наградниот фонд на Ролан Гарос appeared first on Република.

Норвешкиот тенисер Каспер Руд, ќе му биде противник на Рафаел Надал во финалето на Ролан Гарос, откако во полуфиналето го победи Хрватот Марин Чилиќ со 3:1, по сетови (3:6, 6:4, 6:2, 6:2). Мечот траеше безмалку три часа.

Руд кој е осми на АТП ранг-листата стигна до првото Грен слем финале во својата професионална кариера. Дваесет и тригодишниот тенисер, петходно најзначајното достигнување го имаше со пласманот во 4. коло на Австралија опен во 2021 година.

Денеска во 15 часот, во Париз ќе се игра женското финале во кое ќе се соочат Ига Швјонтек од Полска и Коко Гауф од САД.

The post Норвежанецот Руд против Надал во финалето на Ролан Гарос appeared first on Република.

Германскиот тенисер Александар Зверев тешко се повреди во полуфиналето на Ролан Гарос на мечот против Шпанецот рафаел Надал.

Во финишот на вториот сет, Зверев се лизна, по што само се струполи на теренот и во солзи во инвалидска количка беше однесен од теренот.

Целиот стадион, вклучително и Надал, остана во шок, додека врисоците и офкањата на Германецот одекнаа низ стадионот.

Германецот набрзо се врати на теренот со патерици со свиткана нога, која можеби дури е и скршена.

The post Хорор повреда на Зверев во полуфиналето на Ролан Гарос против Надал (вознемирувачко видео) appeared first on Република.

Романската тенисерка Ирина Камелија Бегу е казнета за инцидентот што се случи на мечот против Екатерина Александрова на Ролан Гарос.

Бегу во моментот на фрустрација по губењето на сервисот во третиот сет (5:5) го фрли рекетот, кој незгодно се одби на трибината и удри во дете. Детето плачеше, натпреварот мораше да прекине некое време додека не се смири.

https://youtu.be/6uzcR61gM84

Бегу доби казна поради неспортско и мораше да плати 10.000 долари по натпреварот, што е најголемата казна изречена од почетокот на турнирот.

За разлика од Бегу, која ќе продолжи да игра и во следното коло, српскиот тенисер Новак Ѓоковиќ за сличен инцидент беше дисквалификуван од турнир поради ненамерното удирање на судијата со топчето во врат на УС Опен 2020 година.

The post Инцидент на Ролан Гарос, Бегу со ракетот погоди дете во публика appeared first on Република.

Во изминатите неколку дена се играа мечевите од квалификациите за Ролан Гарос. Еден дуел го привлече вниманието на француските медиуми, а „Л’Екип“ се сомнева дека се работи за „местенка“.

Бернабе Запата Мираљес го надигра Дуди Села од Израел со 6-3, 6-0. Сомнителен е вториот сет кој траеше само 16 минути.

Наводно, големи уплати биле направени во Украина, Ерменија и на Кипар. Снимки од неколку поени веќе се актуелни на социјалните мрежи и причина за дополнителен сомнеж.

Засега нема најава за официјална истрага за овој меч во Париз.

The post Сомнителен меч во Париз, забележани високи уплати во Украина, Ерменија и на Кипар appeared first on Република.

Вториот грен слем турнир во сезоната ќе започне в недела на 22 мај и ќе трае до 5 јуни во Париз, Франција.

Најдобриот светски тенисер Новак Ѓоковиќ дозна за својот ривал во првото коло на „Ролан Гарос“ каде ја брани и титулата, а тоа ќе биде Јапонецот Јошихито Нишиока.

Српскиот ас во потенцијалното полуфинале може да се сретне со Александар Зверев, а во четвртфиналето со Рафаел Надал. Во неговиот костур е и Карлос Алкараз со кој не може пред полуфиналето.

Во долниот дел од жрепката се Данил Медведев, Стефанос Циципас, Андреј Рубљов и Каспер Руд.

Новак доаѓа во Париз не само како најдобар играч во светот, туку и како актуелен шампион на вториот Грен слем сезонава, откако минатата година направи пресврт во финалето 0:2 против Стефанос Циципас, кого исто така го победи во финалето на Мастерсот во Рим.

The post Потенцијален меч во четвртфиналето на „Ролан Гарос“ помеѓу Надал и Ѓоковиќ appeared first on Република.

Новак Ѓоковиќ ќе може да се појави на голем турнир порано од она што се очекуваше, Србинот денеска доби добри вести од Франција.

Властите решија да ги олабават мерките и од 14. март се укинуваат ковид пасошите. Тоа значи дека Новак Ѓоковиќ ќе може да настапи на АТП мастерсот во Монте Карло и да ја брани титулата на Ролан Гарос.

Потоа тој ќе може да се фокусира на Вимблдон, властите во Велика Британија ќе дозволат настап и за тенисерите кои не се вакцинирани. Останува само дилемата за УС Опен, во моментов Србинот нема дозвола за влез во САД и настап на мастерс-турнирите во Индијан Велс и Мајами и нема никакви најави за промена на правилата.

The post Новак Ѓоковиќ ќе може да ја брани титулата на Ролан Гарос appeared first on Република.

Најдобриот светски тенисер Новак Ѓоковиќ ќе настапи на годинешниот Ролан Гарос иако не е вакциниран против коронавирусот, јавуваат италијанските и француските медиуми.

Можноста за настап на Ѓоковиќ кому поради вакциналниот статус му забранија учество овој месец на Австралија опен, се отвора откако Франција донесе законски измени поврзани со вакцинираните и секој кој прележал Ковид-19 во последните шест месеци има право слободно да се движи во земјата.

Српскиот тенисер поседува медицински доказ дека бил позитивен на коронавирус на 16 декември, а негативен тест добил на 22 декември 2021.

Грен слем турнирот во Париз започнува на 22 мај и доколку дотогаш законските одредби поврзани со коронавирусот останат на сила во Франција, најдобриот светски тенисер ќе биде во можност да ја брани титулата која ја освои со ланскиот триумф во финалето над Рафаел Надал

The post Се поверојатно е дека Ѓоковиќ ќе игра на Ролан Гарос appeared first on Република.

Франција ги промени протоколите за време на новиот бран на коронавирусот кој го зафати целиот свет.

Тоа ги проблематизира шансите на Новак Ѓоковиќ да се појави во Париз и да го брани трофејот кој го освои ланската сезона. Добри вести за него пристигнаа деновиве, кога надлежните органи ги ублажија рестрикциите за странските државјани.

И покрај тоа што не е вакциниран, Србинот ќе биде во можност да се појави на вториот сезонски Грен слем турнир, како што моментално стојат работите. Сепак, засега не се знае дали ќе настапи на Вимблдон и на УС Опен.

Турнирот во Франција започнува на 22 мај и трае до 6 јуни. Ѓоковиќ лани го победи Стефанос Циципас во големото финале на патот до титулата.

The post Ублажени мерките, Ѓоковиќ ќе може да игра на Ролан Гарос appeared first on Република.

Од Франција велат дека и да остане невакциниран, првиот рекет во светот може да игра на Отвореното првенство на нивната земја.

Ова прво го изјави министерката за спорт Роксана Марасинеану, а денеска нејзините зборови ги потврди и претседателот на Националната тениска асоцијација Жил Моретон.

Нашиот тим во соработка со надлежните институции работи на креирање посебни правила околу доаѓањето и појавувањето на невакцинирани играчи на нашето натпреварување“, изјави тој за домашните медиуми.

Моретон изрази жалење што Ѓоковиќ, победникот на Ролан Гарос во 2016 и 2021 година, бил спречен да се бори за десеттата титула на Австралија Опен.

„Новак е огромен шампион и можеме само да замислиме колку е разочаран што нема да може да ја одбрани титулата на Австралија опен. Сочувствуваме и со организаторите на натпреварот“, изјави Моретон.

Ролан Гарос оваа сезона ќе се игра од 16 мај до 5 јуни, а титулата треба да ја брани српскиот ас.

The post Ѓоковиќ добредојден на „Ролан Гарос“… засега appeared first on Република.