Здравствена состојба на највозрасниот тренер во Премиер лигата, Рој Хоџсон, е стабилна, откако на 76-годишниот стратег на лондонски Кристал Палас му се слоши за време на вчерашниот тренинг и итно беше пренесен во болница, пренесуваат британските медиуми.

Поради возраста, но и слабите клупски резултати на Кристал Палас оваа сезона под водство на Хоџсон, медиумите наведуваат дека клупското раководство наскоро ќе објави смена на тренерското место.

На местото на Хоџсон треба да седне 49-годишниот Австриец Оливер Гласнер, чиј последен ангажман беше во Ајнтрахт Франкфурт, а претходно во кариерата ги тренираше Риед, ЛАСК и Волфсбург. Гласнер со Ајнтрахт ја освои Лига Европа во сезоната 2022/23.

Хоџсон во својата долга тренерска кариера, која почна во 1976 година, предводеше бројни клубови, а беше и селектор на Англија и Финска.

На клупата на Кристал Палас се врати во 2023 година, откако седеше на клупата на лондонскиот клуб и во периодот од 2017 до 2021 година.

The post Влошена здравствената состојба на легендарниот Рој Хоџсон appeared first on Република.

Поранешниот англиски селектор Рој Хоџсон вчеравечер е назначен за нов тренер на премиерлигашот Вотфорд како замена за Италијанецот Клаудио Раниери, кој беше отпуштен во понеделникот поради слаби резултати.

Хоџсон ќе има задача да обезбеди опстанок со Вотфорд, кој во моментов е на претпоследното место во Премиер лигата, со 14 бодови.

– На поранешниот англиски селектор ќе му се приклучи неговиот долгогодишен соработник и човек од доверба Левингтон. Хоџсон и Левингтон веднаш започнуваат со подготовките за следниот натпревар во
Премиер лигата, на гостувањето кај Барнли на 5 февруари, соопшти Вотфорд.

The post Еден ветеран замина друг дојде: Рој Хоџсон во Ватфорд appeared first on Република.