Менаџерот на Манчестер сити, Пеп Гвардиола, зборуваше за пензионирањето на Рафаел Надал.

Гвардиола истакна дека има вистинска стравопочит кон големата тројка на тенисот: Роџер Федерер, Рафаел Надал и Новак Ѓоковиќ.

„Мислам дека Надал реши да се пензионира бидејќи виде дека повеќе не може да се натпреварува на највисокото ниво на кое беше две децении“, изјави Гвардиола за „Скај Спортс“.

„Им се восхитувам. Се восхитувам на константноста што ја покажуваше големата тројка во секоја сезона што ја играа. Никогаш не се откажаа, се враќаа од тешки ситуации“.

„За мене сите тројца се генијалци. Секогаш се трудев да учам од нивниот говор на телото, од тоа како се однесуваат во одредени моменти кога им е тешко, колку се психички силни и секако од нивниот талент и вештина“, заклучи Пеп.

The post Гвардиола: Новак, Рафа и Роџер за мене се генијалци appeared first on Република.

Последните моменти од легендарната спортска кариера на Роџер Федерер ќе бидат прикажани во документарен филм. Проекцијата на британскиот режисер Асиф Кападија ќе ја пренесува стриминг платформата „Амазон“. Ги опфаќа последните 12 дена од кариерата на Швајцарецот, кој има освоено 20 гренд слем титули.

Федерер се збогуваше со јавноста во 2022 година, кога учествуваше на егзибицискиот турнир „Лејвер куп“. Таму играше двојки заедно со својот голем ривал и пријател Рафаел Надал.

Овој филм ќе ги прикаже најинтимните моменти од кариерата на Федерер додека тој се збогува со фановите кои му го обликуваа животот во последните 20 години.

Филмот користи снимки од личната архива на Швајцарецот, која исто така го прикажува неговиот живот далеку од рефлекторите.

„Оригиналната идеја беше да снимам нешто што подоцна би можел да им го покажам на моите деца, моето семејство и моите пријатели. Во текот на мојата кариера бегав од камерите, но овој пат се согласив затоа што сакав тоа нешто да биде снимено за мене. Сепак, се покажа дека камерата сними толку моќни моменти што успеа да се претвори во длабоко емотивно патување, рече Федерер.

Режисерот Кападија е еден од најголемите мајстори на документарниот филм. Има оскар за неговата проекција „Ејми“, посветена на пејачката Ејми Вајнхаус. Снимаше и филмови за животите на фудбалски легенди како Диего Марадона и Кристијано Роналдо.

Филмот на Федерер сè уште нема официјално име или датум на прикажување. Сепак, има интервјуа со Рафаел Надал, Новак Ѓоковиќ и Енди Мареј, кои зборуваат за нивниот однос со Швајцарецот, како и за неговото влијание врз тенисот.

The post Последните моменти од кариерата на Федерер ќе бидат прикажани во документарен филм appeared first on Република.

Новак Ѓоковиќ го коментираше збогувањето со Роџер Федерер. Вчера Швајцарецот го одигра последниот натпревар во кариерата.

– Мислам дека сите ќе се согласат дека тоа беше еден од најубавите моменти што сме ги доживеале. Сите знаевме дека тоа ќе биде емотивно збогување со Роџер. И на крајот сите подлегнавме на овие емоции. Чувствата беа измешани. Тажно е што еден од најголемите спортисти во историјата заминува. Но, од друга страна, беше одлично да се види дека е среќен. Тоа беше еден од најубавите моменти што сум ги доживеал. Мене лично најмногу ме трогна моментот кога неговите деца излегоа на теренот и ги видов како плачат. Тоа беше прекрасен момент. И беше прекрасно да се видат родителите на Роџер, Мирка, децата и сите кои одиграа толку важна улога во неговата кариера, изјави Ѓоковиќ.

На Лејвер купот Ѓоковиќ победи на два меча во еден ден и придонесе за победата на Европа против Светот со 8:4.

The post Ѓоковиќ: Најмногу ме трогна кога неговите деца излегоа на теренот и ги видов како плачат appeared first on Република.

Роџер Федерер пензионерските денови ќе ги помине во Раперсвил-Иона на брегот на езерото Цирих, каде во моментов се гради неговата нова вила.

Швајцарецот поседува имот од 1,6 хектари на брегот на ова прекрасно езеро, за што издвоил неверојатни 45 милиони евра, а на него планира да изгради огромен комплекс згради со големо тениско игралиште.

Интересно е што минатата година проектот беше прекинат бидејќи локалното население на Раперсвил Џона силно протестираше, како и бројни еколошки организации кои тврдат дека на прекрасното езеро му се заканува загадување.

Тој денескана егзибицискиот Лејвер куп во Лондон ќе стави точка на професионалната кариера и својот последен натперавр ќе го одигра во двојки со големиот ривал Рафаел Надал.

Федерер и Надал ќе настапат во Тимот на Европа против Тимот на Светот, чија двојка ја сочинуваат американските тенисери Џек Сок и Френсис Тијафо, а дуелот започнува во 21:30 часот.

–Не сакав целиот турнир да биде посветен на мене, ниту, пак, премногу да се појавувам. Затоа го прашав тренерот Бјорн Борг дали може да настапам само во двојки во петок вечер. Да го одиграм поседниот натпревар заедно со Рафа за мене апсолутно е остварување на сонот, изјави Федерер.

Легендарниот швајцарски тенисер во кариерата освои 103 трофеи, од кои 20 грен – слем титули.

The post Еве во каков рај ќе ја минува пензијата Федерер appeared first on Република.

Богатството на Роже Федерер кој најави пензија  се проценува на околу 415 милиони евра, во догледно време би можело да порасне на повеќе од 600 милиони, а тоа ќе зависи од тоа кои соработки ќе ги прифати 41-годишниот тенисер.

„Форбс“ неодамна пресмета дека Федерер во текот на својата кариера заработил приближно една милијарда евра од спонзори - ова е сумата пред даноците и процентот на управување - и дека според таа ставка тој се уште е најплатен спортист во светот, пред Леброн. Џејмс.

Федерер долго време е активен како амбасадор на швајцарскиот туризам, а се фрли и во развојот и дизајнот на патиките „On“. Тука е и брендот „RF“, чија популарност, според експертите, сигурно нема да се намали до дополнително известување.

На листата на спонзори на Федерер моментално се 12 мултинационални компании: Sunrise, Credit Suisse, Rolex, Barilla, Lindt, Mercedes, Moët & Chandon, Wilson, NetJets, Rimowa, Jura и Uniqlo.

The post Спонзорите не се откажуваат: Федерeр и во пензија ќе заработува милиони годишно appeared first on Република.

Освојувачот на 20 гренслем титули, Роџер Федерер, објави крај на професионалната кариера. 41-годишниот волшебник со рекет в рака изјави дека Левер купот следната недела ќе му биде последна тениска активност во играќката кариера.

Покрај 20. „големи“ трофеи, големиот Швајцарец има вкупно 103 пехари во професионалниот тенис, од кои 27 се од највисоката категорија на АТП – „Мастерс“.

„До целото мое тениско семејство и пошироко,

Од сите подароци што ми ги даде тенисот низ годините, најголеми, без сомнение, беа луѓето што ги запознав на патот: пријателите, ривалите и најмногу од сè, навивачите.

Сакам да споделам некои новости со сите вас.

Како што многумина од вас знаат, изминатите три години се соочив со многу предизвици во форма на повреди и операции. Работев напорно за да се вратам во добра форма, но ги знам и ограничувањата на моето тело.

Пораката на моето тело е многу јасна. Имам 41 година. Имам одиграно повеќе од 1500 мечеви за 24 години. Тенисот беше подарежлив кон мене отколку што некогаш сонував, па сега морам да сфатам дека е време да ја завршам мојата професионална кариера.

Левер купот во Лондон следниот викенд ќе биде мојот последен АТП турнир. Нормално, ќе продолжам да играм тенис во иднина, но тоа нема да биде на ниво на гренслем или на машките турнири“, објави Федерер.

The post Великанот Роџер Федерер објави крај на кариерата appeared first on Република.