Филипинскиот претседател во заминување Родриго Дутерте остро го критикуваше рускиот претседател Владимир Путин за убиство на невини цивили во Украина. Дутерте рече дека тој и Путин биле означени како убијци и додаде: „Јас убивам криминалци, а не деца и старци".

Ова е првпат Дутерте, кој претходно отворено го нарекуваше Путин „идол“ и пријател, да го критикува рускиот претседател поради инвазијата на Украина. Дутерте притоа тврдеше дека војната, која трае веќе три месеци, доведе до нагло зголемување на цената на нафтата, што има негативно влијание врз многу земји, вклучително и Филипините.

Иако Дутерте во синоќешниот говор рече дека не го осудува рускиот претседател, тој рече дека не се согласува со терминот „специјална воена операција“ (како што Кремљ ја нарекува инвазијата на Украина), велејќи дека се работи за „тотална војна против една суверена земја“.

„Многумина велат дека јас и Путин сме убијци. Одамна ви кажав на вас, Филипинците дека навистина убивам. Но, јас убивам криминалци, а не деца и старци“, рече Дутерте на средбата со клучни владини претставници, што беше емитувана на телевизија, па додаде: „Ние сме два различни света“.

The post Дуерте за „идолот“ Путин: Јас убивам криминалци, а не деца appeared first on Република.

Филипинскиот претседател Родриго Дутерте се закани дека невакцинираните луѓе ќе бидат приведени доколку не ја послушаат наредбата да останат дома, откако во државата е потврден најголем број новозаразени во измминатите три месеци.

Во телевизиското обраќање до нацијата, Дутерте рече дека ќе побара од водачите на заедницата да бараат невакцинирани луѓе и да се погрижат да не ги напуштаат своите домови.

Ако ја напушти куќата и се движи низ заедницата, дозволено е да биде запрен. Ако се спротиставува, капетанот сега е овластен да апси непослушни лица, рече Дутерте.

Дневните инфекции со коронавирус на Филипините се највисоки од 26 септември со 17.220 нови случаи вчера, соопшти Министерството за здравство, вклучително и оние предизвикани од сојот омикрон. Новите случаи се трипати повеќе од вторникот, и вкупниот број на инфекции е над 2,88 милиони и има повеќе од 51.700 смртни случаи, втор најголем број заразени и починати со Ковид-19 во Југоисточна Азија по Индонезија.

Јас сум одговорен за безбедноста и благосостојбата на секој Филипинец, наглчаси Дутерте.

The post Претседателот на Филипините се закани, ќе ги апси невакцинираните ако не останат дома appeared first on Република.