Фудбалерот на Манчестер Сити, Родри, освоил 41 глас повеќе од второпласираниот играч на Реал Мадрид, Винисиус, при доделувањето на Златната топка, објави денеска италијанскиот новинар Фабрицио Романо.

Гала церемонијата на доделување на Златната топка на најдобриот играч во претходната сезона се одржа на 28 октомври во Париз, а точниот број на освоени гласови поединечно не беше веднаш достапен.

Минатата сезона Родри со Манчестер Сити ги освои Премиер лигата, ФА Купот, Суперкупот на Европа и Светското клупско првенство, а со шпанската репрезентација и Европското првенство во Германија, каде беше прогласен за најдобар играч на турнирот.

Винисиус Јуниор минатата сезона со Реал Мадрид ја освои Лигата на шампионите, Ла Лига и шпанскиот Суперкуп.
Реал Мадрид, кој ја бојкотираше церемонијата, беше избран за најуспешен клуб во минатата сезона, а неговиот тренер Карло Анчелоти за најдобар тренер.

The post Родри ја освои Златната топка со 41 глас повеќе од Винисиус appeared first on Република.

Продолжуваат скандалите поврзани со доделувањето на „Златната топка“. Овој пат во центарот на вниманието е најдобриот светски фудбалер, а неговиот гест ги разочара фудбалските фанови.

По освојувањето на наградата, имаше приватна забава во режија на Родриго, а потоа за време на прославата се случи нешто недолично.

Според шпанските извештаи, Родри во еден момент ја испеал „Винисиус чао, чао“ на мелодијата на познатата песна „Бела Чао“, која секако била упатена до Бразилецот, кој му бил директен ривал за наградата за најдобар.

Eве како тоа изгледаше

The post Родри запеа: Винисиус чао, чао appeared first on Република.

Играчот од средниот ред на Шпанија и Манчестер Сити, Родри, ја доби „Златната топка“ за 2024 година. Се доделува на најдобриот фудбалер за периодот 01.08.2023 - 31.07.2024 година во кој е вклучено и Европското првенство. Најблиску до Родриго Ернандез беше триото на Реал Мадрид, Винисиус Жуниор, Џуд Белингам и Даниел Карвахал.

Во кампањата 2023/24, Родри стана европски шампион со Шпанија и ја освои титулата во Англија со Манчестер Сити.

Ова издание на наградите стана едно од најдискутираните откако првично се очекуваше Винисиус Жуниор да ја подигне наградата, но потоа работите се променија.

„Златната топка“ за 2024 година ја доделуваат заеднички УЕФА, „Франс Фудбал“ и „Л'Екип“. Победникот кај мажите беше решен по гласањето на новинарите од првите 100 земји на ранг-листата на ФИФА. Секоја земја има по еден претставник. Од листата од 30 номинирани, жирито ги рангира првите 10 по опаѓачки редослед. На десетте избрани играчи им се доделуваат 15, 12, 10, 8, 7, 5, 4, 3, 2 и 1 поен соодветно. „Златната топка“ се доделува на играчот со најмногу поени.

The post Родри е новиот носител на „Златната топка“ appeared first on Република.