Шумски пожар денеска избувна во грчкиот град Оропос, северно од Атина, а на граѓаните им беше кажано да внимаваат.

Пожарот избувнал во близина на населбата Сикамино нешто пред 15 часот, а на местото се испратени 73 пожарникари и 16 возила, а од авионска помош пружиле седум авиони и четири хеликоптери.

Во изјава за Катимерини, градоначалникот на Оропос, Јоргос Јасимакис, рече дека пожарот стивнува и дека моментално нема активни фронтови, пофалувајќи ја работата на единиците на терен.

Во месноста Врисија на Родос избувнал пожар во близина на куќите, поради што на мештаните им било кажано да бидат на готовност.

На терен работат околу 28 пожарникари со осум возила, три авиони и еден хеликоптер.

The post Гори кај Атина и на Родос appeared first on Република.

Четири единки од медузата од видот Rhopilema nomadica, ендемичен во Црвеното Море, позната како номадска медуза, биле откриени на грчкиот остров Родос, јави дописничката на МИА од Атина.

Од Хидробиолошката станица од Родос информираа дека нивните вработени, четирите единки вчера и денеска, ги откриле во залив на островот, а во Медитеранот овој вид медуза првпат бил регистриран во 1970 година.

-Rhopilema nomadica, позната и како номадска медуза, има хемисферична форма, проѕирна – синкава боја, а дијаметарот може да достигне до еден метар. На долната површина на телото има осум пипала со филаментозни цисти, односно мали убодни пипала со отров, кои доколку дојдат во допир со кожата предизвикуваат силна болка, чувство на печење, чешање и иритација на пределот, соопштија од Хидробиолошката станица.

Додаваат дека појавата на зголемен број медузи е минлива, која обично трае од неколку часа до неколку дена и зависи главно од морските струи, но и дека влијание имаат и климатските промени односно зголемувањето на температурата на планетата, а со тоа и на морето, со што се создаваат поволни услови за медузите.

Како пример споменуваат дека во претходните години температурата на морето на брегот на Родос во периодот февруари-март вообичаено била 16 степени целзиусови, а годинава за истиот период температурата е речиси 19 степени.

Паралелно ги информираат граѓаните да избегнуваат контакт со медуза со голи раце дури и да е на плажа, а во случај на контакт со кожата треба да следат конкретни чекори.

Да се отстранат остатоците од медузата со помош на пластична картица, пинцета, дрво или дури и пластична лопатка од детските играчки, местото на контакт со медузата да се исплакне со морска вода или оцет, а не со обична вода, а делот да не се покрива со завој.

The post Ендемичен вид медузи од Црвеното море регистрирани на грчкиот остров Родос appeared first on Република.

Четири единки од медузата од видот Rhopilema nomadica, ендемичен во Црвеното Море, позната како номадска медуза, биле откриени на грчкиот остров Родос, јави дописничката на МИА од Атина.

Од Хидробиолошката станица од Родос информираа дека нивните вработени, четирите единки вчера и денеска, ги откриле во залив на островот, а во Медитеранот овој вид медуза првпат бил регистриран во 1970 година.

-Rhopilema nomadica, позната и како номадска медуза, има хемисферична форма, проѕирна – синкава боја, а дијаметарот може да достигне до еден метар. На долната површина на телото има осум пипала со филаментозни цисти, односно мали убодни пипала со отров, кои доколку дојдат во допир со кожата предизвикуваат силна болка, чувство на печење, чешање и иритација на пределот, соопштија од Хидробиолошката станица.

Додаваат дека појавата на зголемен број медузи е минлива, која обично трае од неколку часа до неколку дена и зависи главно од морските струи, но и дека влијание имаат и климатските промени односно зголемувањето на температурата на планетата, а со тоа и на морето, со што се создаваат поволни услови за медузите.

Како пример споменуваат дека во претходните години температурата на морето на брегот на Родос во периодот февруари-март вообичаено била 16 степени целзиусови, а годинава за истиот период температурата е речиси 19 степени.

Паралелно ги информираат граѓаните да избегнуваат контакт со медуза со голи раце дури и да е на плажа, а во случај на контакт со кожата треба да следат конкретни чекори.

Да се отстранат остатоците од медузата со помош на пластична картица, пинцета, дрво или дури и пластична лопатка од детските играчки, местото на контакт со медузата да се исплакне со морска вода или оцет, а не со обична вода, а делот да не се покрива со завој.

The post Ендемичен вид медузи од Црвеното море откриени на грчкиот остров Родос appeared first on Република.

24-годишна девојка која го славела роденденот со своите пријатели, колабирала и починала по кратко време на грчкиот остров Родос.

Девојката со својата група отишла во хотел на островот, каде би го прославила роденденот, пишуваат грчките медиуми.

24-годишната девојка во одреден момент се забавувала и бидејќи знаела клавир, почнала да свири, но потоа почувствувала непријатност и колабирала. Пријателите и хотелскиот персонал веднаш ја известиле полицијата.

The post 24-годишна девојка почина на Родос, го славела роденденот со пријателите appeared first on Република.

Грчкиот премиер Кирјакос Мицотакис во интервју за британската телевизија ИТВ најави една седмица бесплатен одмор на Родос на пролет или есен за оние туристи кои го прекинаа одморот на островот поради пожарите, јави дописничката на МИА од Атина.

За сите оние на кои им беше скратен одморот како резултат на пожарите, грчката Влада во соработка со локалните власти ќе им понуди една седмица бесплатен одмор на Родос, следната пролет или следната есен за да бидеме сигурни дека ќе се вратат на островот и ќе уживаат во неговата природна убавина, рече Мицотакис.

Истакна дека пожарите не се само проблем за Грција, туку за целиот Медитеран, а конкретно за Родос рече дека „островот е целосно вратен во нормала и не постојат активни пожари“.

Порача дека Грција е безбедна за туристите и апсолутно не постои опасност, а ги повика сите оние кои оставиле во последен момент да одлучат каде ќе го поминат одморот, да го изберат токму Родос.

Објасни дека во пожарите на островот „не беа загубени човечки животи, немаше повредени“ и морале да евакуираат 20.000 луѓе, а се осврна и на важноста на бројот 112 за итни случаи преку кој се испраќаа пораки за евакуација.

Во интервјуто за британската телевизија, грчкиот премиер говореше и за климатската криза, но и за мигрантското прашање, за кое рече дека земјата „има строг, но фер пристап“, истакнувајќи дека се фокусираат, не само на спасување на мигрантите, туку и на разбивање на мрежите на криумчарите. с

The post Мицотакис: Една седмица бесплатно на Родос за оние кои го прекинаа одморот на островот поради пожарите appeared first on Република.

Поради пожарот што изби вчера во близина на градовите Волос и Велестино во областа Магнисија во централна Грција, во текот на ноќта имаше превентивни евакуации на неколку населени места, јави дописничката на МИА од Атина.

Во пожарот, вчера животот го загубија две лица, во два одделни случаи на две различни локации.

Паралелно, во Грција се уште сѐ активни пожарите на островите Родос, Крф и Евија.

На Родос гори веќе десетти ден, меѓутоа ситуација е значително подобрена во споредба со изминатите денови, додека пак на Евија и Крф пожарите речиси и да се ставени под контрола, иако се уште горат одредени помали жаришта

Портпаролот на противпожарната служба на Грција Јанис Артопиос вчера рече дека за 24 часа во земјата имало 61 нов пожар и истакна дека вчерашниот ден беше најтежок летово.

Посочи дека во битката со огнената стихија помагаат пожарникари и средства од 11 земји.

The post На Родос гори веќе десетти ден: Превентивни евакуации во грчката област Магнисија appeared first on Република.

Поради пожарите што деветти ден се активни на Родос и предизвикаа огромна материјална штета, веќе на целиот остров е прогласена вонредна состојба, јави дописничката на МИА од Атина.

Како што објавија грчките медиуми, минатата седмица била прогласена вонредна состојба во четири општини, додека пак денеска, со одлука на Генералниот секретар за цивилна заштита било одлучено да се прогласи и во останатите шест општини на островот.

Пожарот на Родос и понатаму е активен.

The post Прогласена вонредна состојба на грчкиот остров Родос appeared first on Република.

Уште една ноќ, пожарникарите и волонтерите на грчките острови Родос и Крф се бореа со огнената стихија, со оглед на тоа што пожарите сѐ уште се вон контрола, а од рано утрово повторно интервенираат и воздушните средства, јави дописничката на МИА од Атина.

На Родос пожарот е активен веќе деветти ден, а вчера огнените јазици беа многу блиску до села во југоисточниот дел на островот.

Слична е ситуацијата и во северниот дел на островот Крф, каде што во текот на вчерашниот ден имаше неколку разгорувања на активните жаришта во близина на населени места, кои превентивно беа евакуирани.

На Евија, рано утрово состојбата со пожарот е значително подобрена.

Во гаснењето на пожарот во јужниот дел на островот, вчера кусо пред 15 часот се урна грчки Канадер, а животот го загубија двајцата пилоти на возраст од 27 и 34 години.

Поради трагичниот настан во грчката армија е прогласена тридневна жалост, а премиерот на Грција Кирјакос Мицотакис ја одложи официјалната посета на Кипар закажана за денеска.

The post Продолжува битката со огнените јазици на Крф и Родос, пожарите сѐ уште вон контрола appeared first on Република.

Грчките пожарникари веќе седум дена се борат со шумските пожари на Родос. Премиерот на Грција, Киријакос Мицотакис рече дека „земјата е во војна“ и оти тој е целосно сосредоточен на гаснење на пожарите. Тој предупреди дека претстојат уште тешки денови.

На Тикток во меѓувреме се споделуваат емотивни снимки од грчкиот остров. Повеќе стотици пожарникари се обидуваат да ги стават под контрола пожарите, но топлината и ветерот ја отежнуваат ситуацијата. Многу туристи кои биле на Родос кога избувнал пожарот споделуваат слики и видеоснимки од островот коишто се навистина потресни.

@metasara#rhodeisland#prayforrhodos#rhodesfire#greece🇬🇷#firefighter#2023♬ original sound - 🎧<𝟛

„Нашиот прекрасен остров умира“, „Погледнете колку беше убав и мирен овој остров. Сега умира“ - гласат дел од коментарите.

@vbaudlerEvacuation😖#rhodesfire#vacation#evacuation#prayforrhodes♬ watch - 🦋

Околу 20.000 луѓе мораа да ги напуштат своите домови и хотели на Родос викендов, бидејќи огнениот пекол што почна да се шири пред една недела, ги зафати и одморалиштата на брегот. Огнот изгоре големи површини и оштети и уништи голем број згради.

Грција често е погодена од пожари во летните месеци, откако климатските промени придонесоа за поекстремни топлотни бранови низ југот на Европа, а се зголемуваат и стравувањата дека туристите во иднина ќе ги заобиколат овие дестинации.

The post Страшни снимки од пожарите на Родос appeared first on Република.

Пожарите на Крф и Родос повторно се разгореа, огнената стихија се доближи до населени места и затоа, превентивно се евакуирани две села, по едно на двата острови, јави дописничката на МИА од Атина.

Преку бројот 112 за итни случаи беше испратена порака за евакуација на селото Луцес во североисточниот дел на Крф, како и до сите оние кои се наоѓаат во планинското село Вати во североисточниот дел на Родос.

Во однос на пожарот на Евија, засега, се чини дека е значително подобрена ситуацијата и нема дополнителни разгорувања на актуелните жаришта.

The post Нови превентивни евакуации на грчките острови Крф и Родос appeared first on Република.

Подобрена е ситуацијата со пожарите на грчките острови Родос, Крф и Евија, иако сè уште не се ставени под контрола, битката на пожарникарите и волонтерите со огнените јазици траеше во текот на целата ноќ, а продолжува и утрово, јави дописничката на МИА од Атина.

Во југоисточниот дел на Родос, каде што пожарот е активен веќе осми ден, противпожарните сили се сконцентрирани на селата Вати и Генади, а рано утрово ситуацијата ја олеснува и фактот што нема силен ветер.

Во јужниот дел на островот Евија, поради пожарот, во текот на ноќта преку бројот 112 за итни случаи беше испратена порака за евакуација на едно село.

Битката со пожарот продолжува и во северниот дел на островот Крф.

Министерот за цивилна заштита и климатски кризи на Грција Василис Кикиљас во изјава за државната телевизија ЕРТ вчера рече дека „веќе 12-ти ден под екстремни услови на топлотен бран и силен ветер без престан се бориме на десетици фронтови на шумските пожари“ и истакна дека противпожарната служба во овој период требала да се справи со над 500 пожари.

Дополнително соопшти дека се зголемуваат казните за подметнување пожар, но и двојно се зголемува персоналот во Дирекцијата за спречување на криминални дела- подметнување пожари.

Поради пожарите во Грција, синоќа се одржаа два мирни протести во Атина, еден пред Парламентот, а друг пред Министерството за цивилна заштита и климатски кризи.

The post Осми ден гори на Родос, битката со пожарите продолжува и на Крф и на Евија appeared first on Република.

Во врска со пожарите кои ја зафатија Грција, информираме дека заклучно со денешниот ден, тројца државјани на Република Македонија ја контактирале нашата Амбасада во Атина. Истите се наоѓаат на безбедно место, на грчкиот остров Родос, велат од МНР.

Дипломатско-конзуларните претставништва на Македонија во Грција, продолжуваат да бидат во постојана комуникација со надлежните институции на Грција.

 Уште еднаш упатуваме апел да се избегнува туристичко или било какво друго патување во загрозените подрачја.  

За повеќе информации, на располагање се СОС телефонот на МНР 075/ 273- 732 и дежурните телефони на Амбасадата во Атина +306944743071 и Генералниот конзулат во Солун + 30 6987200410.

 

The post МНР: Тројца македонски државјaни се на безбедно на Родос appeared first on Република.

Српски туристи сведочат за хоророт што го доживеале на грчкиот остров Родос каде што беснеат пожарите.

Нема повредени патници од Србија, а околу 34 од нив се евакуирани, пренесуваат српските медиуми.

Некои туристи побегнаа од пеколот на Родос во некои други делови на Грција.

Една од нив е Тијана Ј., која е една од администраторите на групата „Во живо од Грција“.

Пријатели, пристигнав во Атина. На Родос е пекол. И верувајте ми, тоа е мал збор. Тоа што се случува таму не може да се опише ниту со зборови ниту со слики, вели Тијана.

Чадот што го вдишувате и сите чувства што ги доживувате, ниту еден американски филм не може да ви го претстави, рече таа.

Додава дека се случува целосна неорганизираност на власта и толпа разочарани туристи пред се’, а потоа и обични луѓе кои се трудат да спасат парче од својата земја и она што го стекнале со децении.

The post Пекол е мал збор за тоа што се случува таму: Морничаво сведочење на Србинка од Родос appeared first on Република.

Во големата и масовна евакуација на туристички места во источниот и југоисточниот дел на грчкиот остров Родос, засега, според информациите на дописничката на МИА од Атина, меѓу туристите нема македонски државјани кои побарале помош од нашата амбасада во Атина.

Според информациите на МИА амбасадорката на Македонија во Грција е во постојан контакт и со нашето МНР и со грчките надлежни органи.

Во Министерството за надворешни работи на Грција од вчера е активирана Единицата за управување со кризи, а персонал од Министерството заминува на островот, каде што од 17 часот попладнево на аеродромот на Родос ќе се отвори Help desk за, во соработка со амбасадите, да го олесни заминувањето од островот на странските државјани кои ги загубиле нивните патните исправи.

The post Засега нема македонски државјани кои побарале помош поради големите шумски пожари на Родос appeared first on Република.

Пожарот на Родос се уште е надвор од контрола и во текот на ноќта се шири кон централниот дел на островот. Досега се евакуирани околу 30.000 луѓе, главно туристи, но и локални жители, од Киотари на југ до Аплолини во средишниот дел, чии домови беа зафатени од пожар во текот на ноќта.

Од утрово 400 пожарникари со помош на авиони и хеликоптери се обидуваат да го локализираат пожарот. Стравуваат од денешниот ден и од најавените температури од 45 °C, поради што половина Грција е во т.н. црвен аларм.

Најголем дел од туристите со чамци биле префрлени на безбедно од плажите каде се собрале во текот на ноќта. Ноќта ја поминаа во спортски сали, училишта и хотели, но и во домовите на мештаните кои помагаа од срце. Обезбедени се душеци, храна и вода, но и облека за оние туристи кои во паника пред огнената стихија која ги затекна на плажите, останаа само во костими за капење. Има многу семејства со деца, бебиња, но според информациите од местото на настанот сите мирно и разумно ја прифаќаат драматичната ситуација во која се нашле на одмор. Драматично беше во текот на ноќта кога беше наредена евакуација во туристичкиот регион Линдос и кога стотици туристи ги напуштија хотелите во мрак, со куферите во колони и се движеа кон северниот дел на Родос.

Аеродромот на Родос засега работи и локалните власти се обидуваат во соработка со туристичките агенции да направат списоци на туристи кои останале без документи, а на оние кои имаат авионски билети да им овозможат да патуваат во татковината.

Немаше повредени, најлошото сценарио беше избегнато со оглед на фактот дека за краток временски период беа спасени илјадници луѓе.

The post Пожарот на Родос се уште е надвор од контрола appeared first on Република.

Со бродови на крајбрежната служба по морски пат и со автобуси на копно, според локалните медиуми, превентивно се евакуираат жителите и туристите од приморските областите Лардос и Киотари во источниот дел на грчкиот остров Родос поради големиот пожар што веќе петти ден е вон контрола, јави дописничката на МИА од Атина.

Преку бројот 112 за итни случаи денеска беа испратени две пораки до жителите на вкупно четири села превентивно да се евакуираат, а медиумите пишуваат дека се евакуираат и два хотели.

Според телевизијата ЕРТ, успешно биле спасени и пожарникарите заглавени во планински манастир, откако обидувајќи се да ги убедат монахињите да се евакуираат и да го напуштат манастирот ги опколиле огнените јазици и останале заглавени во подрумот.

Локалните медиуми од Родос коментираат дека источниот дел од островот е поделен на пола, со оглед на тоа што се затворени патиштата.

Дополнително поради пожарот што е во близина на трафостаница, од Грчкиот оператор за електродистрибуција соопштија дека ќе има наизменични превентивни прекини на електрична енергија во траење од еден час во различни делови на островот со цел да се обезбеди непречено функционирање на електроенергетскиот систем и упатија апел до жителите на островот да ја ограничат непотребната потрошувачка на електрична енергија.

Портпаролот на противпожарната служба на Грција Јанис Артопиос информираше дека активното жариште е во три области, а интервенираат 173 пожарникари со десет пешадиски тима, 35 возила, пет хеликоптери, три авиони, а како и пешадискиот тим од 31 пожарникар со пет возила од Словачка.

The post Се евакуираат хотели на грчкиот остров Родос, пожарот и понатаму вон контрола appeared first on Република.

Петти ден по ред противпожарните сили на грчкиот остров Родос од воздух и копно се справуваат со огнените јазици, а шумскиот пожар сѐ уште не е ставен под контрола, јави дописничката на МИА од Атина.

Претпладнево преку бројот 112 за итни случаи беше испратена порака до жителите на две села превентивно да се евакуираат, додека пак синоќа беше евакуирано друго село.

Според Секретаријатот за цивилна заштита на Грција денеска постои многу висока опасност од пожари во седум региони од земјата.

Од четвртокот Грција ја зафати нов топлотен бран, втор во период од неколку дена, што се очекува да кулминира утре со температури и до 45 степени.

Директорот за истражувања во Националната опсерваторија во Атина Костас Лавувардос за грчката телевизија ЕРТ рече дека „податоците покажуваат дека топлотниот бран веројатно ќе биде во траење од 16-17 дена, нешто што досега не се случило во земјата“.

Грчките метеоролози коментираат дека станува збор за рекордно високи температури за месец јули во изминатите 36 години, по катастрофалниот топлотен бран во Грција во 1987 година со околу 1.300 загинати.

The post Вон контрола шумскиот пожар на грчкиот остров Родос appeared first on Република.

Полицијата на Родос уапсила 49-годишен поп под обвинение дека му го нарушил сексуалното достоинство на 30-годишен турист од Естонија така што му ги осветил гениталиите со „свето масло“.

Како што објави локалниот весник „Димократики“, туристот бил во посета на манастир во јужниот дел на островот, каде што го запознал свештеникот. Туристот му рекол дека купил крст, но не знаел каде го оставил. По некое време, попот го известил по телефон дека го пронашол крстот.

Кога Естонецот се вратил во манастирот следното утро, попот го поканил во собата каде што вообичаено примал посетители со цел да му даде специјален подарок. Попот потоа побарал од него да се соблече за да го освети со масло.

Туристот рекол дека попот неколку секунди му го мачкал пенисот со маслото и не се побунил зашто мислел дека тоа е нормална процедура. Подоцна сепак поднесол пријава во полиција, по што попот бил приведен. Попот во полиција се бранел дека го употребил маслото зашто туристот имал осип.

The post Уапсен поп од Родос зашто на естонски турист му го осветил пенисот со масло appeared first on Република.

Туристички брод со 82 патници се запали на грчкиот остров Родос.

Патниците се спасени и се на брегот.

Во тек е голема мобилизација на службите поради пожарот.

На лице место има и две возила на Брзата помош, а за инцидентот биле известени и Капетанијата на пристаништата и Противпожарната служба.

Првите извештаи покажуваат дека 82-та патници немаат сериозни повреди, бидејќи повеќето од нив го напуштиле бродот скокајќи во морето оти бил многу блиску до брегот, пренесува „Skai.gr“.

Како мерка на претпазливост, спасувачите кои се таму од првиот момент им пружаат прва помош на патниците.

На местото на настанот е испратен противпожарен хеликоптер.

The post Се запали туристички брод на Родос, патниците скокале во морето за да спасат „жива глава“ appeared first on Република.

Дваесет и шестгодишниот Британец Скот Седон загина откако во понеделникот го удри гром на плажа на грчкиот остров Родос.

Како што пренесуваат грчките медиуми, несреќата  се случила нешто пред 14 часот во местото Аја Агати, каде веднаш интервенирале екипи на Брза помош. Реанимацијата продолжила и во болницата, но лекарите не успеале да го спасат.

Според очевидци, кога започнало невремето, сите капачи излегле од водата и се засолниле. Го повикувале и Скот, но тој одбивал да излезе од морето.

Семејството на Скот е по потекло од Ливерпул, но живее на Родос неколку години.

The post Одбивал да излезе од вода: Гром уби момче на плажа во Грција appeared first on Република.