Вчера во 17.30 часот во Полициското одделение Теарце, Е.А.(18) од с.Теарце пријавил дека околу 13.00 часот пред дворот од семејната куќа, неговиот татко М.А. и неговиот брат А.А.
биле физички нападнати од неговите чичковци И.А. и Г.А. и братучедот А.А., на што тие им возвратиле, а тој со нивен сосед успеал да ги раздвои.

Се преземаат мерки за расчистување на случајот, велат од СВР Тетово.

The post Се истепаа роднини во Теарце, сосед успеал да ги раздвои appeared first on Република.

Сопружници биле нападнати завчера во Аеродром од страна на друга брачна двојка, кои им се роднини, а поради нерасчистени имотно-правни односи.

Според информациите во полицијата, честворицата се на возраст од 45 до 51 година.

По целосно документирање на случајот ќе следува соодветен поднесок, велат од МВР.

The post Сопружници нападнати од роднини во Аеродром поради имотно прашање appeared first on Република.

Велат дека не можете да одлучите за тоа какво ќе биде вашето семејство, но можете да одлучите како ќе се однесувате и реагирате во одредени ситуации. Ова се најчестите особини кои се карактеристични за токсичните луѓе:

1. Тие дејствуваат без да се грижат за вашите емоционални потреби или чувства. Нивните постапки лесно можат да ви предизвикаат чувство на непријатност.

2. Ве осудуваат за вашите животни избори и користат груби зборови за да ве критикуваат.

3. Ве нарекуваат со погрдни имиња или се подбиваат со вас што е еднакво на вербална злоупотреба.

4. Тие не ве почитуваат и честопати знаат да ја преминат границата правејќи ве да се чувствувате бесни.

5. Тие никогаш не прават компромис.

6. Се однесуваат како да се овластени да ви дадат совет и секогаш се во право само затоа што се постари.

7. Поставуваат нефер барања од вас и очекуваат да имате сервилен однос кон нив затоа што сте помлади.

8. Честопати може да ги слушнете како лошо зборуваат за другите и како ги пцујат.

9. Не преземаат никаква одговорност за своите грешки и наместо тоа, избираат да ја префрлат вината на другите.

10. Никогаш не се извинуваат и честопати ги повредуваат вашите чувства.

11. Изразуваат гнев поради вашето однесување, но вие не можете да го изразите чувството на незадоволство кон нив.

12. Ве уценуваат и манипулираат со вас за да ги исполните нивните барања.

The post Знаци што откриваат дека сте опкружени со отровни роднини appeared first on Република.

Вистинските виновници не се зад решетки. Ова е главната грижа на роднините кои ги загубија своите најблиски во модуларната болница во Тетово, вечерта на 8 септември. Оние кои ги загубија своите најблиски во оваа трагедија, велат дека не се чувствуваат исполнети додека вистинските виновниците не ја добијат заслужената казна.

https://republika.mk/vesti/makedonija/585-dokumenti-napishani-na-5-455-stranitsi-gi-pokazhuvaat-sabotiranite-istragi-i-prikrivanata-na-propustite/

Повеќе од 10 пати споменав дека за оваа трагедија има голем синџир на обвинети. Синоќа сведочеа оние новинари кои ја објавија веста. На тој начин ние изгоревме по втор пат. Во оваа држава секогаш се случуваат работи што не треба, ние како членови на семејството апелираме до институциите и судиите посериозно да го сфатат овој случај, да видат кој навистина треба да биде обвинет, а не како што заврши овде со 1 година и шест месеци условна казна. Од друга страна изгореа 14 лица. Како членови на семејството бараме од државата, од партиите во Владата за кои гласавме 25 години, посериозно да ја сфатат оваа работа и да не се повторуваат овие трагедии во Македонија, вели Мумин Исмаили за ТВ21.

Според Исмаили, во овој случај треба да бидат обвинети и луѓето кои ја изградиле и финансирале модуларната болница.

Неколку пати кажав дека обвинетите не се вистинските луѓе кои треба да бидат осудени за овој случај. Флорин Бесими, Артан Етеми и Бобан. Не велам дека тие немаат воопшто одговорност, бидејќи работеле во таа институција, но каде е министерот, поранешниот министер за здравство Венко Филипче. Градежна фирма Брако?, вели Мумин Исмаили.

Повеќе на ТВ21

The post „Каде е Филипче, каде е Брако, изгоревме по втор пат“, велат разочараните роднини на жртвите од модуларната болница appeared first on Република.

Прво да се види кои од кандидатите што ја поминале обуката и го положиле завршниот испит на Академијата за судии и обвинители „Павел Шатев“ и каде ќе бидат распределени во судовите и во обвинителствата, да почнат да работат, па потоа да ги коментираме нивните професионални можности, интегритетот и слично, вели претседателот на Основниот кривичен суд Скопје Иван Џолев откога беа обелоденети имињата и семејните врски на дел од последната генерација што предизвика жестоки јавни критики.

Прво да видиме кои од нив ќе бидат избрани за судии и обвинители и на кои позиции, да видиме како ќе работат и потоа, евентуално, може да коментираме. Тие кандидати, сепак, поминале низ одредени филтри и сакам да верувам дека се квалитетни – изјави Џолев.

Меѓу кандидатите се најдоа роднини на судии, обвинители, поранешни претседатели на Судскиот совет и на Советот на јавни обвинители но и на луѓе на високи функции од законодавната и од извршната власт, што според бројни коментари, може да се толкува како резултат на форсирање на кадри на роднински, партиски и секаков друг основ, а во иднина може да резултира со разни роднински и партиски влијанија, конфликт на интереси и слично. Во самите судови, каде веќе се чувствува голем недостиг на судии, се кон овие коментари пристапуваат со големи резерви.

https://republika.mk/vesti/makedonija/sudovite-i-obvinitelstvata-polni-so-sinovi-i-kerki-na-funktsioneri/

The post Џолев за децата и снаите на политичарите што стануваат судии: Сакам да верувам дека кандидатите се квалитетни appeared first on Република.

Николај Димитров, адвокат на дел од семејствата на загинатите и повредените патници од автобуската несреќа на „Беса транс“ на автопатот Струма во Бугарија во ноември минатата година, изјави за МИА дека барањата за отштета на неговите клиенти е над 750.000 евра.

Тој рече дека тоа е во согласност со лимитот на осигурителна одговорност и судската практика во Бугарија, додавајќи дека целата процедура е во многу напредна фаза.

Според него, тужбите ќе бидат поднесени во рок од неколку дена и ќе се бара заедничко разгледување на бугарската Агенција за патна инфраструктура и на претставникот на македонска осигурителна компанија „Граве“, кои во Бугарија се претставени од Националното биро на бугарските осигурителни компании за автомобили.

Вештото лице на увидот на местото на несреќата ја оценуваше состојбата на патната инфраструктура, површината на коловозот, знаците, ознаките и сите други елементи кои можат да дадат одговор на прашањето како точно се случила несреќата.

Адвокатот за МИА прогнозира дека експертизата ќе биде готова за неколку месеци.

Поради фактот дека несреќата се случила на територија на членка на ЕУ, законски наследници на загинатите македонски граѓани можат да ги искористат лимитите за осигурување во земји-членки на ЕУ, каде тие се до 12 пати поголеми.

Лимитот за цивилна одговорност во Македонија достигнува до 600.000 евра, а во Бугарија како членка на ЕУ достигнува и до 5,2 милиони евра и затоа според адвокатот кога се поднесуваат барањата ќе биде направено,да се искористат бугарските услови, кои се дел од европските и да бидат обештетени сите настрадани.

Ако се докаже вината на Агенцијата за патна инфраструктура на Бугарија, таму нема лимит на одговорност.

Димитров исто така рече дека багажот на загинатите македонски граѓани за време на катастрофата е веќе вратен, но се утврдени некои предмети што недостигаат кај еден од неговите клиенти. Тој кажал дека жена му која загинала заедно со нивното дете за време на несреќата имала накит, кој потоа недостигал.

The post Димитров: Барањата за отштета во автобуската несреќа на „Беса транс“ се над 750.000 евра appeared first on Република.