Граѓанин од скопската општина Карпош луто и огорчено му се обраќа на градоначалникот Стевчо Јакимовски бидејќи претпладнево било згазено дете пред училиштето „Јан Амос Коменски“, а градоначалникот ништо не презел околу безбедноста на улиците во општината.

Стевче Јакимовски, убиец на Општина Карпош, профитер за лични интереси. Денеска, на прославата по повод 60 години од постоењето на училиштето „Јан Амос Коменски“, пред школото згазија дете на „Варшавка“. Дете од 11 години, од „Коменски“, од Карпош, соученик, другар, наше дете на сите што живееме во Карпош. Ама не, ти не си човек, ти немаш обѕир за никого, ако немаш интерес и профит очигледно! Пред извесно време те сретнав и лично ти кажав колку брзо се вози, колку е опасна „Варшавска“, школо, има градинка, нема лежечки полицајци, нема пешачки на „Хаванска“ и „Виенска“, нема каде пешаци да поминат, велосипедисти.

Те молев да преземеш нешто, за нашите деца. Но, не, ти си нем на нашите барања, немаш профит тука, па ти гинат луѓе, пишува револтираната мајка на Фејсбук.

The post Родител од Општина Карпош до Стевчо Јакимовски: Пред училиштето „Коменски“ ти згазија дете, нем си на нашите барања, само профит те интересира appeared first on Република.

Без разлика дали зборуваме за адолесценти или возрасни, сите знаеме барем една личност која често е во конфликт со идеите, верувањата или наредбите на нивните родители. Оваа бунтовничка природа често се припишува на одредени особини на личноста, воспитувањето, но и на хороскопските знаци.

Според астролозите, одредени хороскопски знаци се познати по својата силна волја, независност и склоност да се бунтуваат против родителските норми и очекувања. Еве за кои знаци станува збор

Овен
Овните се познати по својата енергична, доминантна и често тврдоглава природа. Тие имаат силна желба за независност, а тоа може да резултира со конфликти со родителите кои се обидуваат да ги насочат или да ги контролираат нивните активности. Овните се природни лидери и не сакаат да бидат ограничени, што може да предизвика тензии во семејството.

Лав
Лавовите се амбициозни, самоуверени и сакаат да бидат во центарот на вниманието. Во детството и адолесценцијата, овие особини можат да предизвикаат конфликти со родителите, особено ако се чувствуваат ограничени или запоставени. Лавовите сакаат да бидат независни и сами да носат одлуки, што може да доведе до бројни расправии.

Скорпија
Скорпиите се интензивни, страсни и често многу мистериозни. Овие особини можат да бидат предизвик за родителите кои се обидуваат да го разберат и контролираат нивното однесување. Скорпиите се познати по својата силна волја и упорност, а овие особини можат да предизвикаат конфликти со авторитетни личности, вклучувајќи ги и родителите.

Водолија
Водолиите се иновативни, слободоумни и честопати не се согласуваат со вообичаените норми. Тие имаат силна желба за индивидуализам и независност, што може да предизвика конфликти со родителите кои не ја разбираат или прифаќаат нивната единствена природа. Водолиите се секогаш подготвени да го оспорат статус квото, што може да резултира со недоразбирања и несогласувања во семејството.

The post Овие хороскопски знаци најмногу им се противат на своите родители appeared first on Република.

На 13.06.2023 во 20.15 часот во Полициската станица Центар, Т.П.(50) од Скопје, наставничка во средно училиште на подрачје на Центар, пријавила дека за време на родителски состанок, З.Х.од Скопје, родител на ученичка, агресивно се однесувал и ѝ упатувал закани.

Се преземаат мерки за расчистување на случајот.

The post Родител и се заканувал на наставничка на родителска во средно училиште во Центар appeared first on Република.

Една недела по масакрот во белградското основно училиште, родителот на еден од учениците на загребското училиште и се заканил на наставничката дека Белград ќе се повтори. Интервенирала и полицијата.

Инцидентот се случил во училиште во Загреб кога родителот на еден од учениците се заканил дека ќе го повтори белградското сценарио.

Во целиот случај се вклучила и полицијата која извршила претрес во домот на ученикот каде биле пронајдени забранети предмети. Целиот инцидент е пријавен во Министерството за образование.

Пред неколку дена имавме инцидент во училиште во Загреб каде родител им се закануваше на наставниците дека ќе им се случи Белград“, изјави за РТЛ Жељко Стипиќ од синдикатот „Препород“, додавајќи дека заканата настанала затоа што ученикот бил опомен.

Безбедноста во училиштата се уште е голем проблем и треба уште многу да се направи на овој план, но проблем е фактот што директорите често одбиваат да зборуваат за тоа, велат од Синдикатот „Препород“.

Целиот инцидент е пријавен во Министерството за образование.

Министерството за наука и образование добило барање од основното училиште за отпочнување на интервенција во психолошка криза, кое било спроведено. Директорот на основното училиште бил известен за процедурите за заштита на учениците и бил упатен да го пријави вчерашниот настан согласно Протоколот. за справување со насилството меѓу децата и младите“, велат од министерството.

The post Родител на ученик во Загреб се заканувал дека ќе го повтори Белград, интервенирала полицијата appeared first on Република.

Срамен инцидент се случи на дуелот од кошаркарската М14 лига, пресметка меѓу „вечните ривали“ Работнички и МЗТ Скопје, откако родител на еден од гостинските играчи се симна на терен и се обиде физички да нападне дете од таборот на „центарци“.

На инцидентот претходеше мал конфликт меѓу кошаркарите на двата тима, но шокот настана кога неодговорниот родител ја прескокна оградата во салата „Градски Парк“ и тргна кон детето на Работнички.

Следеше и кратка физичка пресметка со едно од присутните лица на паркетот, по што настана хаос, пред состојбата конечно да се смири.

На денешниот натпревар каде што нашите најмлади кошаркари остварија убедлива победа,имаше немили сцени.Каде што родители од спротивната страна (мзт скопје) се обидоа физички да нападнат малолетно дете, кошаркар од тимот на РАБОТНИЧКИ. Пред се ова е срам за кошарката, особено кога во прашање е натпреварување на малолетни деца до 14 години. Нашиот став и мислење е дека вакви непосакувани настани не треба да поминат неказнети и се надеваме дека надлежните органи ќе превземат соодветни мерки“, објави КК Работнички, крај видеото од овој немил настан.

извор: Екипа.мк

https://youtu.be/fkMdv9CYE5c

The post Огромен срам во младинската кошарка: Родител на дете од МЗТ тргна да тепа млад кошаркар на Работнички среде натпревар appeared first on Република.