Симон Трпчески со оркестарот на Филхармонијата за прв пат настапил на 15 години, реализирал уште неколку заеднички концерти низ годините, а вечерва ќе настапи на роденденскиот концерт насловен „80 години - Љубов“, на кој ќе го изведе „ Концертот за пијано и оркестар во а- мол“ од Едвард Григ.

Мило ми е што сум еве дел од нив. Секогаш кога се свири дома е посебно чувство. А, кога се има повод за особено еден ваков, сериозен и многу голем и убав јубилеј, секако дека чувствата работат со поголем интензитет. И мислам дека тоа се чувства кај сите колеги од оркестарот и им посакувам сѐ најдобро, вели Трпчески во изјава за Телма телевизија .

Покрај делото на Григ, ќе биде изведена праизведбата на „ Куклици“ од Ана Пандевска, со што продолжува традицијата на нашиот најголем симфониски оркестар за афирмација на домашното творештво, а во завршиницата ќе биде изведена Симфонијата бр 1- „Титан “ , од Густав Малер.

Меѓу гостите на концертот, ќе бидат и директорите на Филхармонијата од Софија и на Симфонискиот оркестар од Солун, пред првиот заеднички настап со нашата Филхармонија, на 17. февруари идната година во салата НДК.

Пред концертот, во фоајето ќе може да се види изложбата на фотографии, од развојот и најважните мигови во опстојот на Македонската филхармонија. А, ќе натапи и хорот „ Мирче Ацев“, со три композиции од основоположниците на овој оркестар, Тодор Скаловски и Трајко Прокопиев.

Македонската филхармонија е формирана на 24 ноември 1944 година во домот на композиторот Тодор Скаловски. Првично се викала Државен симфониски оркестар. За 80 години постоење , одржала над 2500 концерти, со учество на над 3500 уметници.

The post Симон Трпчески пред вечерашниот роденденски концерт на Македонската филхармонија: Секогаш кога се свири дома е посебно чувство appeared first on Република.

Поранешниот премиер и поранешен лидер на СДСМ, Зоран Заев, вчера го прослави јубилејниот 50 роденден. На прославата беа присутни неговото семејство и пријателите, кои на социјалните мрежи споделуваа како поминува вечерта.

За славеникот беа подготвени специјални торти - мотор, кацига, ракавици за возење, па дури и неговата регистрација. За забавата, меѓу останатите се погрижи и некогашниот финалист од „Ѕвездите на Гранд“, Дарко Филиповиќ.

https://republika.mk/tvitovi/rodendenska-chestitka-od-bozhinovski-do-zaev-da-imash-vreme-se-da-si-odlezhish/

The post Торти, мотор и кацига за славеникот, забава од „Ѕвездите на Гранд“ – Заев ја славеше 50ката appeared first on Република.

Среќен роденден Зоране, да си здрав и жив уште 100 години, да имаш време сѐ да одлежиш.

The post Роденденска честитка од Божиновски до Заев: Да имаш време сè да си одлежиш! appeared first on Република.

Претседателот на Русија, Владимир Путин, денеска го слави својот 72 роденден, а тоа ќе биде 21-ви пат да го дочека својот личен празник на една од важните функции во Руската Федерација.

Како и претходните години, Путин роденденот ќе го прослави на работа, бидејќи првиот дел од денот беше предвиден за приватни работни состаноци, а попладне средба со лидерите на земјите од ЗНД во Москва.

Портпаролот на Кремљ, Дмитриј Песков изјави дека рускиот претседател „не може да си дозволи ниту еден ден целосен одмор“. Ниту во текот на денот, претседателот нема одредено време за пауза, а понекогаш добива извештаи во текот на ноќта.

Песков рече дека Путин е „буквално на должност 24 часа на ден“.

Путин никогаш јавно не зборува за својот роденден и се обидува да избегне да привлекува непотребно внимание на тоа.

Роденден ми е, а не државен празник. Ми се чини дека би било нескромно да се нагласи важноста на тој настан – нагласи Путин, говорејќи во една прилика за неговиот роденден.

ТАС пишува дека рускиот претседател претпочита да го слави роденденот со пријателите и роднините и дека се труди да одвои барем една вечер за семејството и покрај бројните обврски. Сепак, средбата со лидерите на земјите од ЗНД на 7 октомври веќе стана „добра традиција“.

The post Не може да си дозволи ниту еден ден целосен одмор: Путин денеска полни 72 години appeared first on Република.

Слобода Миќаловиќ на Инстаграм објави видео од претставата „Алиса во земјата на стравовите“ со која синоќа во Охрид се затвори 64. „Охридско лето“.

Актерката го прослави својот роденден на сцената, бидејќи претставата почна подоцна поради временските неприлики и траеше по полноќ, а колегите ја пречекаа зад завесата и ѝ приредија изненадување.

Синоќа се случи магија. Никогаш не замислував дека роденденот ќе го прославам на сцена. Точно на полноќ. Им благодарам на моите драги колеги за љубовта. Вакво нешто никогаш не може да се заборави, напиша Слобода.

 

View this post on Instagram

 

A post shared by Sloboda Micalovic (@sloboda_micalovic_boba)

The post Слобода Миќаловиќ го прослави роденденот на сцена во Охрид: Се случи магија, ова никогаш нема да го заборавам! appeared first on Република.

Виножитниот спектар на латино ритмови вчеравечер беше прикажан на Долни Сарај, на концертот што по повод 64. роденден на фестивалот „Охридско лето“ го одржаа членовите на салса оркестарот „Меркадонегро“.

Музичкото  патување низ земјите на Јужна Америка, со презентација на музика и песна од државите и краиштата од каде доаѓаат уметниците го следеше и претседателката на државава, Гордана Силјановска-Давкова . Таа заедно со публиката играше  и  се восхитуваше  на уметниците кои со својата надареност ја доловија уникатната посебност на салсата.

Директорката на НУ „Охридско лето“, Наташа Поповиќ,  вели дека и 64. роденден на фестивалот како и впрочем целото фестивалско издание досега ги оправда очекувањата на публиката, но и на стручната јавност.

-Годинешново издание изминува во знакот на истакнати домашни и светски уметници, исполнети гледалишта, задоволна публика и бројни пофалби, како од стручната јавност, така и од уметниците кои се дел од програмата. Посебно сум горда на поддршката која ја добиваме од Амбасадите во Република Македонија. Огромно е задоволството, по 64-ти пат,  да посакаме  да ни е вечен фестивалот „Охридско лето“. Нашата одговорност е голема и предизвикувачка – да го сочуваме она што го втемелија бројни генерации пред нас, но и да ја збогатуваме културната понуда која изминативе 64 години го издигна Охрид не само како духовна, туку и како културна престолнина, вели Поповиќ.

Роденденскиот концерт на фестивалот „Охридско лето“ секоја година  на 4 август е посебно изненадување и по традиција  нуди доживувања малку поинакви од вообичаените фестивалски содржини.  Токму на овој ден во далечната 1961 година, оперската примадона Ана Липша-Тофовиќ  го одржа првиот концерт на фестивалот со што и започна магијата наречена „Охридско лето“.

The post Музичко патување низ земјите на Јужна Америка appeared first on Република.

На денешен ден пред 11 години се роди првото дете на Кејт Мидлтон и принцот Вилијам, принцот Џорџ. По тој повод, на официјалниот инстаграм-профил на принцот и принцезата од Велс е објавена негова најнова фотографија.

Му посакуваме среќен 11-ти роденден на принцот Џорџ“, е наведено во описот на фотографијата која ја снимила неговата мајка Кејт Мидлтон.

На фотографијата Џорџ седи во костум, гледа во камерата и се насмевнува.

Под фотографијата се нижат голем број коментари, во кои обожавателите на кралското семејство му го честитаат роденденот на принцот Џорџ.

 

View this post on Instagram

 

A post shared by The Prince and Princess of Wales (@princeandprincessofwales)

The post Кејт Мидлтон ја објави роденденската фотографија на принцот Џорџ кој го слави 11-от роденден appeared first on Република.

Четири деца се повредени за време на роденденска забава во Грција кога одлетал тобоган на надувување, а полицијата ги привела родителите кои ја организирале забавата.

Во забавен парк во Коропа е организирана детска роденденска забава, но сопственикот ги немал потребните дозволи да постави тобоган. Според грчките медиуми, повредените деца имаат само осум години, а три се пренесени во болница. За среќа сите поминале со полесни повреди.

Полицијата ги приведе управителите на забавниот парк, како и родителите кои ја организираа роденденската забава.

Против две лица е поднесена кривична пријава, бидејќи ја попречувале полицијата кога се обидела да го затвори просторот.

The post Роденденска забава се претвори во пекол: 4 деца повредени во Грција- излетал тобоганот на надувување appeared first on Република.

Вечерва со почеток во 20:00 часот во Народниот Театар во Штип ќе биде изведена претставата „Роденден“ од Харолд Пинтер, а во режија на Васил Христов.

Харолд Пинтер, е великан на современиот театарски израз. Драматург, сценарист, актер, режисер, пацифист и непоколеблив борец за човекови права, тој остави неизбришлива трага во светот на театарот и литературата. Неговите книжевни придонеси направија револуција во театарскиот израз и продолжуваат да инспирираат генерации драмски автори. Неговиот богат творечки опус на Пинтер му ја донесе Нобеловата награда за литература во 2005 година.

Драмските дела на Пинтер се препознатливи по нивниот енигматичен дијалог, истражување на влијанието на силите на моќта врз индивидуата и отворена критика на општествените и политичките структури. Неговиот единствен стил на пишување во литературата е познат како „пинтеровски дијалог“. Дијалозите на Пинтер, исполнети со репетитивност и тишини, ја засилуваат атмосферата на несигурност која вибрира кај колективот. Тој ја опишува тишината, двосмисленоста и моќта на некажаното. Преку својот минималистички пристап, тој ја открива длабочината на човечките емоции и сложеноста на меѓучовечките односи.

Неговата прва целовечерна драма „Роденден“ (1957), и ден денес сè уште стои како доказ за неговата непоколеблива посветеност кон истражувањето и откривањето на скриените аспекти и двосмисленоста на човековата природа.

Претставата „Роденден“ е метафорично истражување на потрагата по личниот идентитет и губењето на автономијата на единката. Таа е приказна за поединецот кој е заробен во мрежата на угнетувачки надворешни сили. „Роденден“ е пример за Пинтеровата способност да ја разоткрие комплексноста на човековата природа и ерозијата на личноста. Драмата ги истакнува опасностите од конформизмот и дехуманизирачките последици од системскиот притисок врз личноста.

Во ова дело, Пинтеровиот уникатен стил на дијалог ја прикажува моќта на јазичната манипулација, и процесот на вербална лоботомија. Манипулацијата со зборови станува оружје, бидејќи јазикот се користи за контрола и доминација. На тој начин, Пинтер ги крши рамките на театарскиот традиционализам и ја прикажува кревкоста на човечката комуникација.

Хуманизмот, пацифизмот и правдољубието на Пинтер се очигледни во неговиот децениски незапирлив политички активизам и непоколеблива посветеност на разоткривањето на општествените неправди. Наследството на Харолд Пинтер како литературен титан и храбар активист останува трајна инспирација, потсетувајќи нè на моќта на уметноста да поттикне и предизвика подлабоки општествени промени.

Играат:
Милорад Ангелов – Стенли
Ефтим Трајчов Ѓаурски – Голдберг
Валентина Ѓоргиевска – Мег
Владимир Тулиев – Пит
Стефанија Митовска – Лулу
Даријан Петров – Меккен

Режија, адаптација и сценографија: Васил Христов
Драматург: Габриела Коцева – Тулиев
Костимограф: Проф. д-р Марија Ќертакова
Раководител на сцена / Тон мајстор: Ѓорги Чапов
Светло мајстор: Методи Саздов
Суфлер: Лидија Рогожарoва
Дизајн на плакат: Денко Матевски
Фотографија на плакат: Димитар Влахов
Фотографии: Александар Ефремов
Голема благодарност до Технолошко – техничкиот факултет при УГД – Штип
Гардеробер: Верица Давчева
Декоратери: Петре Иванов, Александар Талевски, Даниел Крстевски.

The post Претставата „Роденден“ вечерва во Народниот Театар во Штип appeared first on Република.

Новоизбраната претседателка на државата, Гордана Силјановска Давкова денеска го прославува својот 71 роденден.

Државната изборна комисија утрово ја објави конечноста на резултатите од претседателските избори, констатирајќи ја Силјановска Давкова за Претседател на Република Македонија избрана со мнозинство гласови од избирачите кои гласале, односно 561.000 гласови.

Честитка по повод роденденот на првата жена претседател на Македонија пристигна од поранешниот албански претседател Илир Мета. Тој и честиташе на Силјановска Давкова преку социјалните мрежи на македонски и англиски јазик.

1/2 Имам особена чест да и упатам искрени честитки до новоизбраната Претседателка на Македонија, Гордана Силјановска-Давкова, по повод нејзиниот роденден. 💐 @gogamkd pic.twitter.com/QyvqNHxYiE

— Ilir Meta (@ilirmetazyrtar) May 11, 2024

Имам посебно задоволство денеска да и ги пренесам моите најсрдечни честитки по повод нејзиниот роденден, новоизбраната претседателка на Македонија, Гордана Силјановска-Давкова. Долг живот, полно здравје и многу успеси во исполнувањето на должноста и високите државни обврски во поглед на европската иднина на Македонија и незапирливото зајакнување на одличните меѓусоседски односи меѓу нашите две земји и народи, упатува во честитката поранешниот албански претседател Илир Мета.

Силјановска-Давкова е родена на 11 мај 1953 во Охрид. Основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала.

Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment – between Norms and Reality“ во 1994.

Била избрана за асистент по предметот политички систем на Правниот факултет во Скопје (1989), за доцент по уставно право и политички систем (1994), а потоа и за редовен професор во 2004. Била член на Уставната комисија на Собранието на РМ (1990-1992) и министер во Владата на РМ (1992-1994).

Експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија.

Автор е на стотина научни трудови за уставното право и политичкиот систем.

The post Силјановска Давкова денеска слави роденден, честитка пристигна и од Мета appeared first on Република.

Британскиот принц Вилијам и неговата сопруга Кетрин Мидлтон споделија фотографија во четвртокот од нивната ќерка Шарлот за да го одбележат деветтиот роденден на принцезата.

На фотографијата направена изминатите денови од нејзината мајка, принцезата од Велс, Шарлот среќно се смешка во градината на нивниот дом во Виндзор.

Среќен 9-ти роденден принцезо Шарлот!“, стои во пораката на X профилот на парот. „Ви благодариме за сите љубезни пораки денеска“, се додава.

Стана традиција Кенсингтонскиот дворец да објавува фотографии направени од Кејт, посветена аматерска фотографка, за одбележување родендени и други семејни прилики.

Сепак, фотографијата објавена оваа година на Денот на мајката во март, беше повлечена од голем број новински агенции, вклучително и британски Reuters, бидејќи беше доуредена, за што Кејт подоцна се извини.

Тоа се случи непосредно пред принцезата да открие дека е подложена на превентивна хемотерапија, откако тестовите направени по големата абдоминална операција на која беше подвргната во јануари открија дека има рак.

Престолонаследникот Вилијам ги продолжи службените должности минатиот месец, но Кејт ќе се врати во центарот на вниманието на јавноста само кога нејзиниот медицински тим ќе каже дека е доволно добро.

Кралот Чарлс се врати на јавните ангажмани оваа недела за прв пат откако му беше дијагностициран рак во февруари.

The post Вилијам и Кејт објавија фотографија од Шарлот по повод нејзиниот деветти роденден appeared first on Република.

The post Семејството му дојде на Талат во Влада за да му прослават роденден appeared first on Република.

Во сабота, 20 април во ноќниот клуб „Станица 26“, 17 години од своето постоење ќе прослави познатиот даб/реге/кросовер бенд - „Conquering Lion“. Роденденската забава всушност ќе биде концертен настап на момците од Тетово, а публиката ќе ја почестат со нивните најдобри музички парчиња создадени во изминатите 17 години.

Влезниците се веќе пуштени во продажба, а истите ќе може да ги најдете на следниве локации: Во Скопје во Three Kitchen & Bar и Garson Bar, додека во Тетово тие ќе може да се набават во Grand Tobacco. Нивната цена ќе изнесува 400 денари во претпродажба и 500 денари на влез.

Инаку Conquering Lion е даб/реге/кросовер бенд од Тетово (Македонија) кој своето творештво го започнува на 7-ми април 2007 година. Во октомври 2009 година бендот го издава својот прв албум едноставно насловен како I за PMG Recordings на кој што може да се слушнат 10 песни меѓу кои и соработката со јамајканскиот артист Jah Clarity на песната Jah Love.

До сега, покрај настапите низ Македонија, бендот има настапувано во Германија, Словенија, Хрватска, Босна и Херцеговина, Србија, Бугарија, Грција, Романија, Словачка, Чешка, Холандија, Полска и Косово.

Вториот по ред албум насловен како Know Your Wisdom излезе на 26-ти август 2011 по што следеше 30 дневна балканска турнеја. Две години подоцна на 22-ри Ноември 2013 година бендот го издаде третиот студиски албум Revelation за издавачката куќа Password Productions од Македонија, по кој следеше успешна пролетна Европска турнеја.

Како едни од поважните настапи на Conquering Lion може да се издвојат настапите со Manu Chao, Gentleman, Ras Zacharri, Donald Minott, Raphael, Hornsman Coyote...Исто така бендот има настапувано на поголеми фестивали како, Riding Higher во Германија, In Music Festival во Хрватска, Таксират Фестивал во Македонија, Spirit of Burgas и Hills of Rock во Бугарија,...

Conquering Lion го издаваат својот 4-ти по ред студиски албум насловен како Land Of Confusion кој беше издаден на 24-ти Фебруари 2017 година за издавачката куќа Locksmith Records од New Jersey, USA. Land Of Confusion беше на листата за преноминации за најдобар реге албум за 2017 година на Греми наградите и за албум на годината на најголемиот реге портал во Европа Reggaeville.

Сите три синглови од новиот албум Wake Up, Go и Natty Lion беа премиерно промовирани на најголемиот реге портал во Европа Reggaeville.
Првиот сингл од албумот Shine беше премиерно промовиран истотака на порталот Reggaeville на 23-ти март 2018 година.

Вториот сингл Badman World заедно со италијанскиот реге артист Рафаел беше премиерно промовиран на порталот Reggaeville на 27-ми август 2018 година. Бендот го издава својот 5-ти под ред студиски албум Revolution Time на 30.03.2020 година за издавачката куќа Rehegoo Music од Лондон, В.Британија. Бендот го издаде синглот Long Time во соработка со македонската пејачка Дани Димитровска на 8-ми декември 2021 година.

Во моментов бендот работи на својот 6-ти по ред студиски албум кој сеуште е во подготовки, а првиот сингл Warning во соработка со српскиот реге пејач Hornsman Coyote беше премиерно промовиран на 10-ми декември 2023.

The post „Conquering Lion“ прославуваат 17 години со голема роденденска забава appeared first on Република.

Македонскиот народен театар (МНТ) својот 79-ти роденден ќе го одбележи со хуманитарна програма. Средствата од продадените билети од претставите „Сите сме птици“ во режија на Слободан Унковски и „Силјан Штркот шанца“ од Дејан Дуковски, во режија на Срѓан Јаниќијевиќ, што ќе се одиграат денеска, ќе бидат наменети за лекување на Леонид Индов.

Како што информираат од МНТ, во фоајето на Театарот ќе биде претставена и документарната изложба „Миг кој трае“, на која низ оригинални фотографии и предмети ќе бидат претставени дел од претставите изиграни од 1945 година до денес.

МНТ е формиран на 31 јануари 1945 година на Президиумот на АСНОМ, со што Театарот официјално започнува со работа. За директор е поставен Димитар Ќостаров, а Илија Милчин е секретар драматург.

Првата претстава „Платон Кречет“ од Александар Корнејчук, во режија на Димитар Ќостаров, премиерно е прикажана на 3 април 1945 година.

The post Документарна изложба „Миг кој трае“ и хуманитрна програма за 79-от роденден на МНТ appeared first on Република.

На 3 април Македонскиот народен театар (МНТ) го слави 79. роденден, а од националниот театар соопштија дека одбележувањето ќе има хуманитарна цел.

На репертоарот на МНТ на 3 април во 12 часот ќе се игра „Силјан Штркот Шанца“ на Дејан Дуковски, а во режија Срѓан Јанаќијевиќ. Во вечерниот термин во 20 часот е „Сите сме птици“ на Важди Муавад, во режија на Слободан Унковски.

Средствата од продадените билети ќе бидат наменети за лекување на 18-годишниот Леонид Индов, кој моментално е во Вина, Австрија.

Истиот ден во фоајето на театарот ќе биде претставена документарна изложба „Миг кој трае“, на која низ оригинални фотографии и предмети ќе бидат претставени дел од досега изиграните претстави од 1945 година до денес. Изложбата е отворена за публиката.

The post „Силјан Штркот Шанца“ и „Сите сме птици“ за 79. роденден на МНТ, парите од билетите за лекување на Леонид Индов appeared first on Република.

На 3 април Македонскиот народен театар (МНТ) го слави 79. роденден, а од националниот театар соопштија дека одбележувањето ќе има хуманитарна цел.

На репертоарот на МНТ на 3 април во 12 часот ќе се игра „Силјан Штркот Шанца“ на Дејан Дуковски, а во режија Срѓан Јанаќијевиќ. Во вечерниот термин во 20 часот е „Сите сме птици“ на  Важди Муавад, во режија на Слободан Унковски.

Средствата од продадените билети ќе бидат наменети за лекување на 18-годишниот Леонид Индов, кој моментално е во Вина, Австрија.

The post „Силјан Штркот Шанца“ и „Сите сме птици“ за 79. роденден на МНТ, парите од билетите за лекување на Леонид Индов appeared first on Република.

Деветта по ред „Поетска епизода“ во „Буква“ во знак на 4. роденден на организацијата Култура Бета. Со претставување на романот „Ронлива“ и разговор со авторката Милена Сиљаноска, 9. Поетска епизода и свирка на Кенопсија, „Култура Бета“ одбележа 4 години од своето основање и активна работа на нејзините платформи.

На почетокот, публиката се запозна со романот „Ронлива“ на младата авторка Милена Сиљаноска. Во продолжение, повеќе автори ја искористија познатата Хамлетова реплика „Нешто е гнило во државата Данска“, говорејќи за внатрешните превирања и недостатоци во тогашното данско општество.

The post „Култура Бета“ го прослави својот 4. роденден appeared first on Република.

Друштвото на писателите на Македонија (ДПМ) за 1 јуни закажа редовно изборно собрание кога се очекува членството да избере нов претседател и претседателство на писателската асоцијација која денеска одбележа 77 години постоење.

Кризата во која се наоѓа ДПМ се должи на внатрешни поделби – антагонизам меѓу повозрасни и помлади членови, дури и поделби меѓу членови од Скопје и од внатрешноста, а дека нападите по социјалните мрежи во изминатиот период често се од луѓе кои и не се членови на ДПМ и чија намера е да му наштетат. Како што рече, има и „странични удари, има и странски мешетарења и притисоци, но и домашни – партиската подвоеност има влијание врз ова друштво, рече актуелниот претседател, Христо Петрески.

Реагираше и поради негрижа на државата да му помогне финансиски и третманот што го добива како обично здружение. Тој порача дека ДПМ треба да биде гласот на македонските писатели и заедно да се изборат за многу нешта кои, како што истакна, во минатото му припаѓале на македонскиот писател, „а сега тој самиот треба да си ја реши судбината“.

Срамно е тоа што се случува во оваа организација, која е еснафска, па и синдикална.  Покрај мене има многумина истомисленици и нема да дозволиме ДПМ ниту да исчезне, ниту да пропадне ниту да се разнебити… Да сме поорганизирани и посложни и да не се критикуваме по медиуми, треба да се избориме за авторските хонорари кои се никакви, за третманот во медиумите, треба македонските писатели да гостуваат во странство, да излезат од локални рамки, истакна Петрески.

The post Писателската асоцијација одбележа 77 години постоење: Нема да дозволиме ДПМ ниту да исчезне, ниту да пропадне ниту да се разнебити appeared first on Република.

Со екскузивно изложување на уметничкото дело „Доблест во нужност“ на познатиот италијански уметник Џанфранко Барукело Музејот на современа уметност (МСУ) денеска на пладне со многу гости го прослави значајниот јубилеј - 60 години постоење.

По катастрофалниот скопски земјотрес во 1963 година, уметниците од целиот свет, во знак на солидарност започнуваат да подаруваат свои уметнички творби од кои се создава уникатната колекција на Музејот. Делото на Барукело, кое е едно од најрепрезентативните донации на МСУ, е конзервирано од стручниот тим на Музејот и од денеска е претставено пред јавноста, овозможувајќи нови согледби и толкувања, кажа денеска на прославата.

Значајниот јубилеј на МСУ им го честиташе и министерката за култура Бисера Костадиновска Стојчевска.

[caption id="attachment_742595" align="alignnone" width="960"] фото: Министерство за култура[/caption]

Денес, имавме ексклузивна можност по 35 години, да го погледнеме уметничкото дело „Доблест во нужност“ на познатиот италијански уметник Џанфранко Барукело. Оваа уникатна колекција на творби е подарок од уметници од целиот свет, знак на солидарност за постземјотресно Скопје. МСУ е своевидна победа на уметноста во втората половина од 20 век, но и синоним за слободна уметничка мисла. Посакувам уште многу години успешна работа, а на ентузијастите и професионалците од овој Музеј би им порачала да продолжат да водат со чисти и прогресивни идеи, рече Костадиновска Стојчевска.

[caption id="attachment_742596" align="alignnone" width="960"] фото: Министерство за култура[/caption]

Беше претставен и најновиот број на списанието за современа уметност, култура и теорија „Големото стакло“ бр.35/36 (2023), насочено кон актуелните дебати во критичката музеологија и во кое се вклучени значајни оригинални прилози, кои се однесуваат на релациите помеѓу критичките музеи, претставувањето на културните различности, практиките на деколонизација, како и музеолошки концепти кои ги адресираат и вончовечките простори.

[caption id="attachment_742598" align="alignnone" width="2048"] фото: Министерство за култура[/caption]

Низ тековните поставки гостите ги водеше кустос-водичот Бојана Јанева, а матинето беше збогатено со симболичен коктел придружен со диџеј-сет на Игор Спироски, во неформална атмосфера.

[caption id="attachment_742600" align="alignnone" width="2048"] фото: Министерство за култура[/caption]

The post МСУ со ексклузивно изложување на делото на Џанфранко Барукело „Доблест во нужност“ го прослави јубилејот – 60 години постоење appeared first on Република.

Во земјава денеска се одбележуваат 152 години од раѓањето на револуционерот Гоце Делчев, визионерот, кој пред повеќе од еден век го разбра светот како поле за културен натпревар на народите.

Во чест на раѓањето на великанот на македонското револуционерно дело и државност Гоце Делчев, повеќе делегации ќе положат цвеќе во црквата „Св. Спас“ во Скопје.

Како што е најавено, цвеќе ќе положат претседателот на државата Стево Пендаровски и собраниска делегација предводена од потпретседателот на Парламентот Горан Мисовски, а во чиј состав се и пратеничките Марија Георгиевска и Велика Стојкова-Серафимовска.

Цвеќе на вечното почивалиште на Гоце Делчев ќе положи и владина делегација предводена од првиот заменик на претседателот на Владата задолжен за европски прашања Бојан Маричиќ, министерката за култура Бисера Костадиновска - Стојчевска и заменик-министерот за транспорт Беким Реџепи.

Владина делегација составена од министерот за земјоделство, шумарство и водостопанство Љупчо Николовски, министерка за животна средина и просторно планирање Каја Шукова и Роберт Алаѓозовски, Национален координатор за интеркултурализам, едно општество, развој на културата и меѓуресорска соработка ќе положат цвеќе на споменикот на Гоце Делчев во Градскиот парк во Скопје.

На годинашното одбележување не е најавено доаѓање на официјална делегација од Бугарија, како што беше минатата година.

Гоце Делчев е роден на 4 февруари 1872 година во Кукуш, во семејството на Султана и Никола. Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата.

Како член на ТМОРО, беше наречен апостол на револуцијата. Како голем хуманист, учител и борец, организирајќи ја борбата за слобода на македонскиот народ, тој ја обиколил целата држава. Противниците на македонското револуционерно дело во Гоце Делчев гледале најголем непријател и се обидувале на секој начин да го ликвидираат.

Учествувал на Солунскиот конгрес на ВМРО (1896), а до 1901 година бил задграничен претставник на ВМРО во Софија. На 4 мај во 1903 бил убиен од турска војска во селото Баница, на пат кон Сер.

Саркофагот со посмртните останки на Гоце Делчев од 1946 година се наоѓа во дворот на црквата „Св. Спас“ во Скопје.

The post Сто педесет и две години од раѓањето на Гоце Делчев appeared first on Република.