Поранешниот бразилски фудбалски репрезентативец Робињо е уапсен во Бразил, каде ќе треба да одлежи деветгодишна затворска казна за силување.

Како што јави денеска Би-би-си, Робињо бил уапсен во неговиот дом во Сантос.

Високиот суд во Бразил оваа недела пресуди дека 40-годишниот поранешен играч на Реал Мадрид, Манчестер Сити и Милан мора да отслужи затворска казна откако во Италија беше осуден на девет години за учество во сексуален напад во 2013 година додека настапуваше за клубот од Милано.

Врховниот суд во четвртокот го одби барањето за укинување на притворот.

Италијанската Влада инсистираше Робињо да ја отслужи казната во Бразил, бидејќи не успеа да издејствува негова екстрадиција.

The post Се сеќавате на Робињо? Ќе оди во затвор за силување appeared first on Република.

Некогашната бразилска фудбалска ѕвезда Робињо и дефинитивно доби деветгодишна затворска казна од италијанските власти откако му беа одбиени сите жалби.

Казната, која беше донесена во октомври, денеска е потврдена од судот во Милано, а истата ќе мора да ја одлежи поради силување на 23-годишна девојка во Милано во 2013 година кога го носеше дресот на Мила.

Тој, заедно со уште неколку пријатели ја обжалија оваа одлука, но, по неколку месеци разгледување на овој процес, судот одлучи само да ја потврди својата одлука.

Сепак, постои еден голем проблем а тоа е дека Бразил има пракса да не ги испорачува своите државјани во странство кога ќе се досуди затворска казна за нив. Тоа им е добро познато на Италијанците и тие веќе започнаа преговори со властите во Бразил за Робињо и неговите пријатели казната да ја одржат во некој од тамошните затвори.

Доколку, пак, овој фудбалер ги напушти границите на Бразил, тој ведаш ќе биде уапсен и депортиран во Италија за да ја издржува казната.

The post Девет години затвор за Робињо за силување appeared first on Република.