Селекторот на Саудиска Арабија, Роберто Манчини се извини што предвреме си замина за време на пенал рулетот на синоќешниот натпревар со Јужна Кореја.

Арабијците загубија на пенали во осминафиналето на Купот на Азија.

По ударот на Сами Ал-Наџи во третата серија, италијанскиот стручњак побара интервенција на ВАР, затоа што сметаше дека голманот на Корејците ја напуштил гол линијата предвреме. Бидејќи не го доби тоа што го бараше, Манчини отиде во соблекувалната и не ги гледаше последните удари на тимовите.

-Се извинувам што заминав порано, мислев дека се е готово. Не сакав да непочитувам никого. Сакам да им се заблагодарам на сите мои играчи за она што го направија. Многу напредуваат. Како тим значително се подобривме. Работевме заедно цел месец и тоа е важно, рече Манчини.

Во четвртфиналето, Јужна Кореја ќе игра со Австралија

The post Mанчини се извини што не можел да ги гледа пеналите appeared first on Република.

Италијанскоит стратег, Роберто Манчини, официјално е нов селектор на фудбалската репрезентација на Саудиска Арабија, објавија од фудбалската федерација на оваа земја (САФФ).

Манчини пред две недели поднесе оставка на клупата на актуелниот европски првак Италија, а со Саудиска Арабија потпиша договор на четири години.

https://twitter.com/SaudiNT/status/1695871660467830872?ref_src=twsrc%5Etfw%7Ctwcamp%5Etweetembed%7Ctwterm%5E1695871660467830872%7Ctwgr%5Ed070c2647b0b2a71c3b5745f27b1b017299436d3%7Ctwcon%5Es1_&ref_url=https%3A%2F%2Fas.com%2Ffutbol%2Finternacional%2Farabia-saudi-ficha-tambien-a-mancini-n%2F

Неговото деби на клупата на Саудиска Арабија ќе биде на 8 септември на пријателскиот натпревар против Костарика.

Испишав историја во Европа, сега е време да направам историја со Саудиска Арабија“, изјави Манчини.

Италијанските медиуми објавија дека Манчини годишно ќе заработува 25 милиони евра како саудиски селектор.

https://twitter.com/SaudiNT/status/1695888294188351535?ref_src=twsrc%5Etfw%7Ctwcamp%5Etweetembed%7Ctwterm%5E1695888294188351535%7Ctwgr%5Ebd74b72ee96e81c1a90f092b473bda73006619eb%7Ctwcon%5Es1_&ref_url=https%3A%2F%2Fwww.marca.com%2Ffutbol%2Fmercado-fichajes%2F2023%2F08%2F28%2F64ec3af3d76609002886120b-directo.html

The post Манчини промовиран за нов селектор на Саудиска Арабија appeared first on Република.

Италија ќе гостува на 9 септември во Скопје во рамки на евроквалификациите со нов селектор, откако предводникот на актуелниот европски првак Роберто Манчини поднесе оставка, објави попладнево италијанската фудбалска Федерација (ФИГЦ).

Со ова се заокружува една значајна страница во историјата на Азурите, која почна во мај 2018 и заврши со финалето на годинешното издание на Лигата на нации. Во тој период, дојде освојувањето на ЕУРО2022, триумф остварен од група во која сите индивидуи научија како да станат тим“, соопшти ФИГЦ.

Во соопштението се прецизира дека новиот селектор, под чие водство Италија ќе ги продолжи квалификациите за ЕУРО2024, ќе биде објавен „во следните денови“.

Италија под водство на Манчини ја освои европската титула во 2020 година, но не успеа да обезбеди пласман на ланскиот Мундијал во Катар, откако во полуфиналето од баражот загуби од македонската репрезентација со 0-1 во Палермо.

Двете репрезентации ќе се сретнат на 9 септември на Националната арена „Тодор Проески“ во Скопје во рамки на квалификациската група Ц во која три денови подоцна Италија ќе ја пречека Украина во Милано.

The post Манчини поднесе оставка на селекторската функција appeared first on Република.

Селекторот на Италија, Роберто Манчини се пожали на недостиг од италијански играчи во врвните клубови во Серија А.

- Ние, во италијанската репрезентација, сме уште полоши од Англичаните. Не знам зошто има толку малку напаѓачи, ние сме крајно ограничени во овој аспект. Три наши екипи стигнаа до четвртфиналето на Лигата на шампионите, но овие три екипи имаат само 7-8 вкупно Италијанци. Таква е реалноста.
Порано игравме фудбал по улица по 3-4 часа, а потоа одевме на тренинг. Сега нема такво нешто. И не случајно се појавуваат нови имиња во земји како Уругвај, Аргентина и Бразил, каде што се уште се игра многу на улиците, изјави селекторот на Италија.

Италија утре ќе ги одмери силите со Англија во првото коло од квалификациите за Евро 2024 година

The post Манчини се пожали: Имаме три тима во ЛШ а само осум италијански играчи appeared first on Република.

Селекторот на фудбалската репрезентација на Италија, Роберто Манчини, изјави дека се уште  натаму е разочаран поради тоа што Азурите нема да настапат на Светското првенство, што в недела почнува во Катар.

Италија е актуелен европски првак, а на патот до Мундијалот 2022 беше запрена од македонската репрезентација со шокантен пораз во март годинава во Палермо.

Ова ќе биде тежок месец за нас. Само што почна. Чувствуваме горчина во овој момент, но натпреварите мораат да се играат. Се чувствувам лошо уште од март. Тоа е фудбалот. После голема среќа, доаѓа големо разочарување и ние тука ништо не можеме да смениме. СП без Италија е поинакво, рече Манчини.

The post Манчини се уште не може да го прежали поразот од Македонија: Заслуживме да сме дел од Мундијалот во Катар appeared first on Република.

Селекторот на Италија, Роберто Манчини зборуваше за неговите очекувања за сезоната 2022/23 во италијанскиот шампионат.

Фудбалскиот стручњак верува дека Милан, Интер и Јувентус ќе конкурираат за трофејот во Серија А.

Милан имаше тивко лето, но има простор да расте. Леао може да стане уште подобар. Истото важи и за Тонали. Кога сме кај Интер, Лукаку прави голема разлика во Италија. Алесандро Бастони може да стане одличен дефанзивец, но треба да работи за тоа - вели Манчини за „Ла Газета дело спорт“.

Серија А сезоната 2022/23 почнува на 13 август.

The post Селекторот на Италија ги соопшти своите фаворити за освојување на Серија А appeared first on Република.

Селекторот на италијанската фудбалска репрезентација Роберто Манчини го призна поразот од Аргентина (0:3) синоќа на „Вембли“ во Лондон.

– Во првото полувреме направивме две грешки и примивме два гола, но играта беше избалансирана. Во тој момент тие успеаја да остварат посед на топката и имаа добар проток. Беа подобри од нас. Требаше да се обидеме да постигнеме гол и да се вратиме во игра, но во вториот дел направивме премалку за да го свртиме текот на мечот.  Имавме некои шанси кои моравме да ги искористиме, изјави Манчини за „RAI Sport“.

Овој дуел е наречен „Finalissima“ и во него учествуваа актуелните победници на Европското првенстÐ �о и Купот на Америка.

Аргентина до победата над Италија дојде со головите на Лаутаро Мартинез, Анхел Ди Марија и Пауло Дибала

The post На Италија не и оди: По Македонија загубија и од Аргентина appeared first on Република.

Селекторот на италијанската фудбалска репрезентација Роберто Манчини го кажа своето мислење во пресрет на денешниот натпревар со Аргентина.

На натпреварот на Вембли ќе се сретнат победникот на Евро 2020 и победникот на Купот на Америка 2021 година.

– Италија против Аргентина е класика на светскиот фудбал. Благодарение на нашиот натпревар ќе бидат спомнати многу легендарни играчи. Ќе биде одличен, многу интересен натпревар. Штета што останавме без Киеза, Имобиле, Берарди и Верати. Сепак, секој од оние што ќе ги заменат ќе има одличен натпревар. Репрезентацијата на Аргентина е многу силна, исто и ние, изјави Манчини.

Натпреварот во Лондон е закажан за вечер со почеток во 20 часот и 45 минути

The post Манчини: Италија против Аргентина е класика на светскиот фудбал appeared first on Република.

Италијанските медиуми пишуваат дека Роберто Манчини ќе остане селектор на италијанската фудбалска репрезентација, иако останаа без пласман на Мундијалот во Катар по поразот од Македонија во Палермо со 0-1.

Манчини кажа дека ќе разговара со раководството на Фудбалскиот сојуз на Италија во следните денови, а притоа објасни дека фудбалот понекогаш знае да биде немилосрден.

„Фудбалот понекогаш знае да биде немилосрдна метафора за животот. Минатото лето бевме на врвот на Европа, а пред некој ден се разбудивме од кошмар. Поминавме многу работи, од радост до разочарувања и тешко може да се прифати тоа. Ќе разговараме во следните денови за мојата иднина како селектор“, кажа Манчини.

The post Манчини: Фудбалот понекогаш е немилосрден, пред некој ден се разбудивме од кошмар appeared first on Република.

Маријана Пуоло, мајката на италијанскиот селектор Роберто Манчини, гостуваше во емисија на „Раи Радио1“ и притоа даде коментар за неуспехот на европскиот првак во баражот за пласман на Мундијалот во Катар.

Мајката на Манчини кажа дека тоа било најголемо разочарување во кариерата на сн ѝ, кој и понатаму очекува да сотане селектор.

„Најголемо разочарување? Да, дефинитивно затоа што во неговата кариера секогаш имаше успеси. Мечот беше под наша контрола, но нападот не беше најдобар. Што би направила јас? Би го повикала Балотели. Има неверојатна физичка сила и никој не може да го запре пред голот. Понекогаш прави глупости, но јас би го повикала во селекцијата“, вели мајката на Манчини.

Маријана смета дека Балотели ќе искористел дел од шансите кои ги имаа „аѕурите“ пред нашиот гол и ќе избореле место во финалето од баражот.

The post Мајката на Манчини со селекторски совет: Нападот против Македонија не беше најдобар. Што би направила јас… appeared first on Република.

Италијанскиот селектор Роберто Манчини не сакаше да зборува за својата иднина по поразот од Македонија во баражот на Светското првенство, велејќи дека ова му е најголемото разочарување во неговата кариера.

„Како што ЕУРО беше најпрекрасното искуство во мојот живот, ова беше најголемото разочарување. Не можеме да кажеме ништо, тоа е фудбалот, понекогаш неверојатните работи се случуваат, како сега. Не требаше да бидеме во ваква позиција, но дадовме максимум за победа. Победата на ЕУРО беше целосно заслужена бидејќи игравме добар фудбал. Потоа дел од среќата која ја имавме на тој турнир се претвори во тотална лоша среќа и од септември ни се случија некои неверојатни работи. Доминираве како група, ни беше потребна само една топка да влезе со среќа, но не беше така. Вечерва, како да беше прикладно да примиме гол во 92. минута. Сега сме премногу разочарани да зборуваме за иднината“, вели Манчини.

🗣 Roberto Mancini: “Tonight is the biggest disappointment of my career. An amazing thing happened tonight, there are no words to describe it. Some games are like that. From the European Championship onwards, the luck that accompanied us has turned into total misfortune.” [RAI] pic.twitter.com/wLzf42HbZm

— Italian Football News 🇮🇹 (@footitalia1) March 24, 2022

The post Манчини по поразот од Македонија: Сега сме премногу разочарани да зборуваме за иднинатa appeared first on Република.

Селекторот на Италија, Роберто Манчини на прес-конференција пред мечот со македонската фудбалска репрезентација во бараж за Светското првенство во Катар рече дека е оптимист, но потенцира дека победата треба да се потврди на теренот.

– Нема да бидат лесни натпревари, два лесни натпревари, се разбира, не требаше да влеземе во таква ситуација и ќе го поминеме тешкиот пат. Составот е ваков, не можам да повикам 40 играчи. Натпреварот со Македонија нема да го сметаме за добиен однапред. Оптимист сум, но не ја отпишуваме македонската репрезентација. Но, нашата цел не е само да се пласираме на Светското првенство, туку и да го освоиме, изјави Манчини.

Натпреварот ќе се игра во Палермо на 24 март. Победникот од овој дуел, во финалето на 29 март ќе игра со поуспешниот од средбата Португалија – Турција.

Светското првенство ќе се игра во Катар од 21 ноември до 18 декември

The post Манчини пред мечот задутре: Не ја отпишуваме македонската репрезентација appeared first on Република.

Финалисти за признанието најдобар тренер на ФИФА за 2021 година се Пеп Гвардиола (Манчестер сити), Роберто Манчини (Италија) и Томас Тухел (Челзи).

Манчини го освои Евро 2020 со Италија, Тухел ја освои Лигата на шампионите со Челзи, а Гвардиола ја освои Премиер лигата со Манчестер сити и стигна до финалето на Лигата на шампионите.

Свечената церемонија на доделувањето на наградите ќе се одржи на 17 јануари во Цирих.

The post Манчини, Тухел и Гвардиола кандидати за Тренер на годината на ФИФА appeared first on Република.