Косовската полиција соопшти дека во соработка со косовската царина запленила значително количество стока за која постои сомневање дека е шверцувана од Македонија, јави дописникот на МИА од Приштина.

Според денешното соопштение на полицијата, вредноста на шверцуваната стока, без царинско затајување, се проценува на околу 120.000 евра.

Во спроведување на мерките за спречување и сузбивање на незаконитоста и шверцот, засилени се тактичко-оперативните контроли на граничниот појас Република Македонија–Република Косово, при што се идентификувани три сомнителни возила, за кои постоел сомнеж дека превезуваат криумчарена стока. Пријавените биле во 3 возила, од кои две возила за придружба со локални регистерски таблички и комбе без регистарски таблички, за кое постоело сомневање дека е натоварено со шверцувана стока. Полициските службеници успеале да го лоцираат сомнителното возило управувано од осомничениот Косовец, каде при пребројување на шверцуваната стока, за која пријавениот не поседувал никаков документ за потеклото на стоката, е откриена и запленета шверцуваната стока, се наведува во соопштението.

Полицијата ја објави и содржината на запленетатата стока.

Пронајдена и одземена е следната стока: 1.750 кутии „Чесгтерфилд“ со 350.000 цигари, 250 кутии електрични цигари „Тереа“ - 50.000 цигари, 3.200 машини за полнење цигари (филетари), 2.000 запалки, 50 парчиња стаклени шишиња за наргиле и 3.000 парови (6.000 парчиња) влошки за чевли, се наведува во соопштението.

На осомничениот во овој случај му е одредена мерка притвор во траење од 48 часа, додека по налог на надлежен обвинител стоката и возилото се одземени и испратени на царинскиот терминал.

The post Косовската полиција заплени шверцувана стока од Македонија вредна 120.000 евра appeared first on Република.

На автопатот Куманово – Скопје, во близина на селото Романовце утринава во 04:30 часот полициски службеници од Мобилната единица за компензаторни мерки во Одделот за гранични работи и миграции при Бирото за јавна безбедност го лишиле од слобода Ф.Т.(56) од Турција, со живеалиште во Скопје.

Како што соопшти МВР, при контрола во автобус „мерцедес“ со турски национални ознаки, кој го управувал, биле пронајдени и одземени 81 кутија таблети „ксарелто“, повеќе штеки цигари, медицинско помагало, повеќе комплети брендирана спортска облека и 10.000 казино картички за кои не поседувал документација.

Лицето е задржано во полициска станица и по целосно документирање на случајот ќе биде поднесена соодветна пријава.

The post Фатен Турчин кој сакал да шверцува лекови, цигари, казино картички и брендирана спортска облека appeared first on Република.