Македонскиот претставник во Европскиот куп, тимот на Алкалоид го очекува двомеч со Вест Виена. Тренерот на Алкалоид, Кирил Лазаров, верува во успех и пласман во осминафиналето од третото по квалитет европско ракометно натпреварување.

- Ни доаѓа противник кој во тимот има многу младински репрезентативци на Австрија. Се работи за добра екипа, технички доста поткована, во секој момент знаат што сакаат. Многу трчаат, играат сличен ракомет со нас, па се надевам дека гледачите ќе имаат можност да проследат два динамични, квалитетни натпревари во рок од 48 часа. Ние ќе се обидеме да одиграме квалитетно. Како и за секој противник, така и за овој, се подготвуваме максимално сериозно и очекувам две победи. Апел до публиката во што поголем број да дојде во Автокоманда и да даде поддршка на нашите ракометари кои ја заслужуваат, особено на европски натпревар, изјави Лазаров.

Во победа верува и десниот бек на тимот од Автокоманда, Мартин Серафимов кој сезонава игра во извонредна форма.

-Подготвени ги дочекуваме средбите со Вест Виена. Ќе ги исполниме обврските кои ни се дадени од тренерот, го прифаќаме предизвикот и верувам дека ќе победиме и ќе се пласираме во следната рунда, нагласи Серафимов.

Двата натпревара ќе се играат во салата во „Автокоманда“, првиот утревечер со почеток во 19 часот на кој официјален домаќин е Алкалоид. Вториот е в сабота, исто така од 19 часот, како домаќин ќе се води австрискиот тим.

The post РК Алкалоид пред влез во осминалето на европскиот куп appeared first on Република.

По денешната победа Алкалоид има одлична шанса за пласман во следната фаза на ЕХФ Купот. Македонскиот тим во Автокоманда славеше убедливо над Драгунас Клаипеда (42-31) во првиот дуел од 2. коло во натпреварувањето.

Со високата победа тимот на Кирил Лазаров обезбеди добра залиха пред реваншот кој ќе се игра во Литванија. На полувреме резултатот беше 18-12.

Во вториот дел македонскиот тим кој важеше за фаворит ја контролираше играта. Високиот плус стоеше константно на семафорот и на контото на Алкалоид, а на нешто помалку од десетина минути пред крајот се поведе и двоцифрено за првпат на овој дуел (36-25).

Најдобар стрелец кај победникот беше Никола Костески со десет гола, пред Арно Бинго со девет гола, додека кај Драгунас, Бенас Буткус имаше шест реализации.

The post Алкалоид со предност од 11 гола патува за Литванија appeared first on Република.

„Горд сум, покажавме зрелост, работевме доста. Можеби сме во подобра форма од двете екипи и победивме. Мислам дека пелистерци одиграа премногу натпревари во подготовките, а Вардар одигра доволно ама имаше една луфта од две недели во кои не играше и немаше ритам. Мислам дека тука е нашата предност која ја искористивме. Имавме залет од освојувањето на Суперкупот, а и денес се покажавме во одлично светло“.

Вака изјави тренерот на Алкалоид, Кире Лазаров, откако „Сините“ го победија Вардар 1961 со 33-30 на празничното градско дерби. Алкалоид поведе со четири разлика во второто коло, што му ја донесе победата. Оваа прва рунда ветува супер-интересна сезона на македонскиот шампионат.

Успехот за Алкалоид доаѓа по освоениот трофеј во Купот на Македонија и во Суперкупот.

Во следното коло од македонската Суперлига која оваа година се игра во нов систем и брои 12 екипи, Вардар 1961 на домашен терен ќе се соочи со новиот суперлигаш Борец Фруитленд, додека Алкалоид повторно во домашен дуел игра со Радовиш. Мечевите од втората рунда се играат следниот викенд.

The post Лазаров: Горд сум, покажавме зрелост appeared first on Република.

Дербито на првото коло во ракометната Супер-лига му припадна на Алкалоид кој го совлада Вардар со 33-30.

По Супер-Купот и триумфот над Пелистер, момците на Кирил Лазаров го му зедоа скалпот на вториот фаворит за титулата РК Вардар.

Серафимов и Митев постигнаа по осум гола кај победникот, Галевски имаше седум одбрани, една од нив од седум метри. На другата страна Лазаревски постигна шест погодоци.

Во следното коло од македонската Супер Лига која оваа година се игра во нов систем и брои 12 екипи, Вардар 1961 на домашен терен ќе се соочи со новиот суперлигаш Борец Фруитленд, додека Алкалоид повторно во домашен дуел игра со Радовиш.

Мечевите од втората рунда се играат следниот викенд.

The post РК Алкалоид го совлада и РК Вардар appeared first on Република.

Со натпреварот во Суперкупот меѓу актуелниот шампион Еурофарм Пелистер и освојувачот на Купот на Македонија Алкалоид, вечерва официјално ќе биде отворена новата сезона во домашниот ракомет.

Ракометниот Суперкуп меѓу Еурофарм Пелистер и Алкалоид е закажан со почеток во 19.00 часот во спортска сала „26-ти април“ во Гевгелија.

Ова е седмо издание на македонскиот ракометен Суперкуп во кој, со четири титули, најуспешен е Вардар 1961, а Еурофарм Пелистер триумфираше два пати.
Во ланското издание, Вардар 1961 го совлада Еурофарм Пелистер во Струмица со 30-26. ег

The post Ракометната сезона почнува со супер дерби Пелистер-Алкалоид appeared first on Република.

Во дербито на првото коло од македонската ракометна Супер лига сезона 2024/25 ќе се соочат Алкалоид и Вардар.

Бранителот на шампионскиот трофеј Еурофарм Пелистер во првото коло ќе гостува во Кавадарци кај Тиквеш.

Двојки за 1.коло:

Алкалоид – Вардар

Радовиш – Охрид

Бутел Скопје – Куманово

Прилеп – Пролет

Тиквеш – Еурофарм Пелистер

Струга – Бисинов

Натпреварите ќе се играат 7/8 август

The post Ракометната сезона ја отвора дербито Алкалоид-Вардар appeared first on Република.

Ракометниот клуб Алкалоид ги почна подготовките за новата сезона, а на стартот промовираше и четири нови засилувања.

Марко Кизиќ (23 г. голман), долгогодишен репрезентативец на Македонија во сите категории кој ни доаѓа од редовите на РК Е. Пелистер, а зад себе има настапи и во РК Вардар 1961.

Никола Костески (31 г., десно крило), искусен ракометар и репрезентативец на Македонија кој последната сезона ја мина во чешки Плзен каде редовно беше меѓу најдобрите стрелци. Низ својата кариера, Костески играше за Холабрун и Линц (Австрија), Татран Прешов (Словачка), Ешкишехир (Турција), како и македонските Металург и Борец.

Михаил Иваноски (21 г., десен бек), млад македонски ракометар кој во редовите на РК Алкалоид доаѓа од нашата база РК Мулти Есенс, во чии редови имаше забележителни настапи и оствари играчки напредок во кариерата.

Франциско Оливеира Да Силва (25 г., лев/среден бек), португалски интернационалец кој ни доаѓа од редовите на унгарски Егер, а претходно настапуваше за Гвадалахара во шпанската АСОБАЛ-лига, како и за Виторија и Брага во Португалија.

Алкалоид денеска со првиот тренинг означи старт на подготовките за новата сезона во која клубот покрај на домашната сцена ќе игра и во европскиот ЕХФ Куп.

Според планот, клубот ќе биде во Скопје до 3 август, а потоа заминува на десетдневни подготовки во Маврово.

The post Kизиќ нов голман на Алкалоид appeared first on Република.

Ракометарите на Еурофарм Пелистер го совладаа Алкалоид на домашен терен (32:28) и на тој начин втора сезона по ред стигнаа до титулата во македонската машка ракометна Супер лига.

Битолчани бодрени од домашните фанови уште на полувреме најавија дека одат на сигурна победа и стигнаа до предност од 18:13, а не дозволија многу грешки и во продолжението.

Алкалоид до крајот одржуваше резултатска неизвесност и не се откажуваше од позитивен резултат, но немаше сили да му се приближи целосно на старо-новиот шампион.

Во Скопје, Вардар го доби дуелот со Бутел на гостински терен (25:31), но таа победа немаше посебен ефект бидејќи Еурофарм Пелистер ја задржа предноста на врвот на табелата.

Вардар денеска го одбележа заминувањето на четворица досегашни ракометари (Мишевски, Томовски, Ѓукиќ и Карапалевски) и официјално им се заблагодари за досегашната соработка.

Извор: Дерби

The post Еурофарм Пелистер ја одбрани титулата во македонската ракометна лига appeared first on Република.

Ракометарите на Алкалоид синоќа испишаа историја со победата во финалето на Купот на Македонија. Тие го совладаа фаворитот Еурофарм Пелистер откако претходно совладаа уште еден фаворит-Вардар.

Со тоа Алкалоид серизно се наметнува како најсериозен кандидат во идинина да атакува и на шампионската титула. Честитки и за првиот трофеј за Кире Лазаров како тренер.

Погледнете како беше вчера во „Борис Трајковски“.

The post Фото галерија од првиот трофеј на РК Алкалоид appeared first on Република.

Македонскиот ракометен вицепрвак Алкалоид, вечер со дуелот со шпанскиот тим Логроњо Ла Риоха ќе ја заокружи својата прва сезона на европската сцена.

Дуелот со шпанскиот тим ќе биде шестиот меч за Алкалоид во групната фаза на ЕХФ Европската лига.сезонава.

- Освоивме еден бод, на гостински терен и тоа токму против противникот со кој во вторник одново ќе ги одмериме силите. БМ Логроњо Ла Риоха е сериозна екипа која со години по ред ја претставува Шпанија на европската сцена. Земја која е една од најсилните во Европа и редовен освојувач на медали на големата сцена. Оваа екипа ја подигна својата форма од нашата последна пресметка и од тој момент има запишано пет победи од кои четири се во шпанскиот шампионат и еден гостински над РК Војводина во Нови Сад. Двата пораза им се на домашен терен од РК Војводина и во последното коло, минимален пораз од Бјерингбро Силкеборг. Овие резултати покажуваат не само дека ја подобриле својата форма, туку и дека подобро играат на гостински терен што ги прави дополнително опасни за следниот натпревар, објави РК Алкалоид на клупскиот сајт.

Токму против Ла Риоха, Алкалоид го одигра својот најдобар натпревар и го освои првиот европски бод, но екипата е мотивирана и посакува и прва победа на европската сцена за крај на дебитантската сезона во ЕХФ Европската лига.

Натпреварот ќе се игра во вторник во салата „Јане Сандански“ во Скопје со почеток од 18:45 часот. Билети за натпреварот, по цена од 100 и 150 денари можат да се набават преку продажната мрежа на „МК Тикетс“

The post РК Алкалоид вечерва ја завршува неуспешната евро сезона appeared first on Република.

ренерот на македонскиот ракометен вицепрвак Алкалоид, Кирил Лазаров, очекува многу тежок натпревар утре со Силкеборг во 3. коло од Европската лига.

- Самото тоа што се од Данска кажува за нивниот квалитет. Данската лига е во Топ 3 лиги. Ние треба да бидеме на високо ниво за да бидеме конкурентни. Почетната трема ја надминавме. Нема што да изгубиме на овој натпревар. Очекувам квалитетно да одговориме на предизвиците. Ќе биде тврд меч. Им ја препуштам фаворитската улога. Ние ќе пробаме да дојдеме до позитивен резултат доколку ни се укаже шанса, изјави Лазаров.

Слично размислува и бекот Иван Џонов.

- Силкеборг игра брз и динамичен ракомет. Ќе пробаме да ја спречиме нивната транзиција. Тактички сме добро подготвени. Ќе се обидеме со максимална борбеност да дојдеме до позитивен резултат. Апел до нашите навивачи во голем број да дојдат и да ни ја дадат потребната поддршка, рече Џонов.

Натпреварот ќе се игра утревечер во СЦ „Јане Сандански“ во Скопје со почеток во 18 :45 часот.

По првите две кола во Ф-групата, лидер е Војводина со 4 бода, Силкеборг има два, Алкалоид е трет со еден бод, колку што има и последнопласираната Ла Риоха

The post РК Алкалоид утре има со Силкеборг во Лигата на Европа, да им дадеме поддршка appeared first on Република.

Македонскиот ракометен вицешампион Алкалоид со пораз дебитира на европската сцена. Избраниците на тренерот Кирил Лазаров, вечерва во СЦ „Јане Сандански“ во Скопје во 1. коло од групната фаза во Лигата на Европа, загубија од српскиот првак Војводина со 31:26.

Гостите во текот на целиот натпревар ја имаа контролата на резултатот, на полувреме водеа со 15:13. Алкалоид во неколку наврати се доближи, но не успеа да направи резултатски пресврт.

Иван Џонов со осум гола беше најефикасен во македонскиот тим, Марко Митев и Бинго постигнаа по пет погодоци.

Кај Војводина се истакна Вукашин Воркапиќ со осум гола.

На првиот натпревар од Ф-групата, дански Силкеборг на домашен терен забележа убедлив триумф над шпанска Ла Риоха со 34:25.

Во следното коло, Алкалоид гостува во Шпанија кај Ла Риоха.

Извор: МИА

The post Алкалоид загуби од Војводина на дебито во Лигата на Европа appeared first on Република.

Македонскиот ракометен вицешампион Алкалоид денеска со жрепка во седиштето на Европската ракометна федерација (ЕХФ) ги дозна противниците во својата дебитантска сезона во групната фаза во Лига Европа.

Предводени на клупата од македонскиот селектор Кирил Лазаров, ракометарите на Алкалоид ќе играат во групата Ц во која за противници ги добија дански Силкеборг, шпанска Ла Рига и српска Војводина.

Натпреварите по групи во второто по ранг европско клупско натпреварување ќе почнат на 17 октомври.

Пласман во групната фаза ќе се обиде да обезбеди и Вардар 1961 за што ќе биде потребно успешно да го мине квалификациите против гермaнски Рајн Некар Ловен.

Вкупно 32 екипи се поделени во осум групи од кои по двете првопласирани ќе продолжат во втората групна фаза

The post РК Алкалоид во Лигата на Европа ќе игра против Војводина, Ла Рига и Силкеборг appeared first on Република.

Алкалоид приреди сензација во ракометниот плејоф на Македонија откако славеше со 22-21 над шампионот Вардар, нанесувајќи му го на актуелниот првак првиот овосезонски пораз на домашната сезона. Амбициозниот спортски проект предводен од селекторот Кире Лазаров блесна против најсилниот можен ривал, на моменти водеше и со „плус седум“, а младите ракометари покажаа потенцијал за да се вратат дури и кога се најдоа во негатива, на крајот стигнувајќи до заслужена победа над „црвено-црните“, пишува „Екипа“.

Повеќе на „Екипа.мк“.

The post Вардар загуби во Автокоманда од Алкалоид appeared first on Република.

„Македонската легенда и ваљевци“ е коментарот на некогашниот ракометар на битолски Пелистер на фотографијата што ја објави од средбата со некогашниот клупски колега Кире Лазаров.

Лазаров и Новокмет се сретнале за време на подготовките на РК Алкалоид во Србија.

Лазаров не крие дека токму Новокмет е неговиот ракометен идол од кого многу учел. Тие играа заедно во Пелистер во сезоната 1997/1998, Кире како почетник, а Душан на заминување од клубот.

Јас сум за квалитетни странци од кои децата ќе можат да учат. Мој идол како дете беше Душан Новокмет од кого учев, кој подоцна доби и македонско државјанство. Не сум за неквалитетни странци кои ги има кај нас во изобилие, изјави своевремено Лазаров.

Српскиот ракометар Душан Новокмет остави длабока трага во македонскиот ракомет и во ракометниот клуб Пелистер. Роден во Ваљево во 1970 година, а за ракометниот клуб Пелистер играше од 1992 до 1998 година. За македонската репрезентација настапи на ЕП 1998.

The post Лазаров и Новокмет во прегратка appeared first on Република.

Ракометниот клуб Алкалоид од неодамна има свој дом – салата „Автрокоманда“ која благодарение на компанија „Алкалоид“ е темелно реновирана. Ракометарите од сите возрасни категории имаат идеални услови за тренизи и натпревари, почнувајќи од соблекувалните, теретана, теренот…

Претседателот на Алкалоид, Живко Мукаетов, во придружба на тренерот Кире Лазаров, денеска беа дел церемонијата на свеченото отворање на салата.

– Пред година дена започнавме проект на визија, значаен за мак-ракометот. Основна цел е да се регрутираат млади таленти. Нашата мисија ќе биде исполнета кога ќе го добиеме новиот Кире, Столе, Жути, Манасков. Градиме нешто добро за македонскиот спорт, за нашата држава. Мора прво да веруваме во себеси, во тимот, во сите околу нас, ако сакаме да направиме нешто како што треба. Овозможуваме на голем број млади ракометари квалитетни услови за работа. Благодарност до сите наши ракометари, тренери, сите кои даваат логистичка поддршка и секако до сите вработени во компанијата Алкалоид, рече Мукаетов.

Тренерот Кире Лазаров кој зад себе има богата интернационална кариера, изрази големо задоволство од условите кои ги имаат неговите играчи.

– Чест и привилегија е за клуб како нашиот да има дом. Мислам дека тоа е предуслов, основа и база за понатамошна добра и квалитетна иднина. Во изминатите години од спортски аспект сакам да кажам дека сум презадоволен. Алкалоид почна од Првата лига и за само една година влезе во најквалитетната лига, истакна Лазаров.

The post РК Алкалоид има свој дом – салата „Автрокоманда“ која е целосно реновирана appeared first on Република.

Македонскиот шампион потешко од очекувањата го совлада Алкалоид во 4.коло од ракометната Суперлига.

Вардар славеше против градскиот ривал со резултат 28:25, по што „црвено-црните“ се лидери во табелата со максимален број бодови.

Алкалоид на 10 минути пред крајот поведе со 22:21, но потоа следуваше серија на „црвено-црните“ од 5:0 која се покажа како клучна.

Дејан Манасков со 8 голови е најефикасен во тимот на Вардар и на натпреварот, а Филип Талески постигна 6 гола. Мартин Томовски имаше три одбранети седмерци и плус осум топки.

The post Вардар подобар од Алкалоид appeared first on Република.

Со минута молк за последен поздрав до ракометниот тренер Андон Бошковски започна дуелот меѓу Вардар и Алкалоид.

Животот на младиот стратег згасна во неговата 47 година од животот. Пријателите од ракометот и надвор од него, со неверување се збогуваат популарниот Доне.

Вардаровите ракометари на средбата излегоа со црни маици: „Почивај во мир Доне”.

The post Вардар и Алкалоид со последен поздрав: Почивај во мир, Доне! appeared first on Република.

Новиот суперлигаш, Алкалоид, денес ги промовира осумте нови ракометари, како и новиот тренер Кирил Лазаров.

РК Алкалоид минатата сезона избори настап во најсилната лига – Суперлигата, а оваа година амбициите на клубот се пласман во плејофот.

Во новата сезона предводник на Алкалоид ќе биде најдобриот играч во историјата на македонскиот ракомет и актуелен селектор Кирил Лазаров.

-Чест и задоволство ми е да останам да работам во Македонија и моето знаење и искуство да го пренесам овде. Не се двоумев воопшто дали да ја прифатам поканата да влезам во ваков проект. Ова го правам за добро на РК Алкалоид, на ракометот во Македонија и на македонскиот спорт воопшто. Само со вакви концепти можеме да одиме напред и да бидеме конкурентни. Алкалоид е македонски производ, јас имам големи амбиции, но не отфрлам во иднина да ангажираме странец, само доколку е екстра квалитетен.

Нови играчи на Алкалоид за сезоната 2022/23 се: голманите Јане Цветковски и Благојче Трајковски, како и Никола Маркоски (капитен), Михајло Младеновиќ, Марко Митев, Едвин Омерагиќ, Давид Димевски, Александар Петковски.

Алаклоид викендов учествуваше на Меѓународниот турнир во Струга, а веќе утре патува во Белград на уште еден подготвителен турнир во пресрет на новата сезона.

The post РК Алкалолид го претстави Кире и новите засилувања appeared first on Република.

The post Лазаров ќе биде тренер на РК Алкалоид appeared first on Република.