Меѓународната награда „Гоцева мисла“ годинава им се доделува на Ристо Лазаров (Македонија), Ненад Шапоња (Србија) и на Родољуб Ќориќ (Црна Гора). Наградата ја доделува фондацијата за културна и научна афирмација и презентација „Македонија презент“.

Како што информира ДПМ, годинашните лауреати наградата ја добиваат за нивниот придонес во културолошката мисија, развојот и негувањето на културата, уметноста, науката и етиката, како и соработката и поврзувањето меѓу народите.

Наградата се доделува во чест на роденденот на Гоце Делчев, 4 февруари, и неговата знаменита мисла: „Јас го разбирам светот како поле за културен натпревар меѓу народите“.

Доделувањето е во рамки на Фестивалот на чајот и читањето. Досегашни добитници на наградата „Гоцева мисла“ се: Златко Крамариќ (Хрватска), Олга Панкина (Русија-Македонија), Даниела Костадиновиќ (Србија), Тања Попова (Бугарија), Звонко Танески (Македонија-Словачка), Волф Ошлис (Германија), Горан Калоѓера (Хрватска), Сабахудин Хаџиалиќ (Босна и Херцеговина), Лилјана Јанаќковиќ (Србија), Ресул Шабани (Македонија), Суат Енѓулу (Турција), Елка Наголова (Бугарија), Ристо Василевски (Македонија-Србија), Кирил Темков (Македонија), Жан-Патрик Конрад (Англија-Франција), Зафир Хаџиманов (Македонија-Србија), Вања Ангелова (Бугарија), Миле Топуз (Македонија), Васил Тоциновски (Македонија), Бајрузин Хајро Плањац (Босна и Херцеговина), Олга Лалиќ-Кровицка (Полска), Јордан Плевнеш (Македонија), Виктор Радун (Србија) и Ана Багрјана (Украина).

The post Наградата „Гоцева мисла“ за Ристо Лазаров, Ненад Шапоња и Родољуб Ќориќ appeared first on Република.

Стихозбирката „Чинук“ на Ристо Лазаров ја објави издаваштвото „Дијалог“. „Чинук“ е 35-та стихозбирка на Лазаров.

Книгата ја одбележува 50-годишнината од објавувањето на неговата прва стихозбирка „Ноќна птица во паркот“.

Поетесата Лидија Димковска во поговорот кон ,Чинук“ оценува дека во оваа книга јасно се оцртува поетолошката струѕктура на поезијата од „Чинук“: дека сѐ е во сѐ, дека секој е современик со секого, дека чинукот не дува само во Северна Америка, туку и насекаде, во секое суво поле, во секоја геополитичка сува фурна со сув леб, но и во нас, суви од сите колективни и лични премрежиња, од лулка до гроб.

The post Објавена стихозбирката „Чинук“ на Ристо Лазаров appeared first on Република.