Денес на Анкетна комисија за скандалот на УК за Онкологија првиот сведок екс министерот за здравство Беким Сали со скандалозно признание: Откако чепнав во криминалот на Онкологија и сменив директор почна политичкиот притисок кон мене!, пишува на Фејсбук Петар Ристески, пратеник во Собранието на Република Македонија.

-Одговорност за Онкологија ќе има.
Монструмите на кои парите им се поважни од човечките животи, ќе одговараат‼️

The post Ристески: На Анкетната комисија за Онкологија, Сали со скандалозно признание- Откако чепкав на Онкологија почна политички притисок против мене appeared first on Република.

Пратеникот Ристески во гостување на вечерашната Топ тема, укажа дека критики кон Македонија за корупција имало и од претходната американска амбасадорка.

Резултатите се поразителни во борбата против корупцијата и криминалот, јасно е истакната анкетата дека само 8 проценти имаат доверба во правосудниот систем и во таква ситуација нормално е САД да испратат тимови, бидејќи е очигледно дека оваа власт не само што не се справува, туку и генерира криминал и корупција“, рече Ристески.

Ристески укажа дека надлежните кај нас само декларативно се залагаат за борба против корупција и криминал, бидејќи за први лица на Судскиот совет, обвинителство се бираат луѓе од партиски штабови, а не со искуство.

Власта не ни признаваше дека има корупција се додека не рекоа претставниците од САД. Тие не признаваа дека има скандал и со случајот Онишченко, премиерот и министерот за внатрешни работи велеа нема ништо, но потоа го поништија државјанство. Сега треба да видат американските експерти и кој отвора фирма за фотоволтаици и тоа токму е сопругата на премиерот и формата не и е со било кој граѓанин“, укажа Ристески.

The post Власта само декларативно се залага за борба против корупција и криминал, вели Ристески appeared first on Република.

Гостите во вечерашната Топ Тема, Снежана Калеска-Ванчева, пратеничка од СДСМ и Петар Ристески, пратеник од ВМРО–ДПМНЕ ја коментираа посетата на американскиот тим за санкции, кој веќе ја заврши посетата на земјава.

„Имајќи во предвид дека САД се наш стратешки партнер и сите овие години наназад во континуитет се одвојуваа сретства од даночните обврзници во Америка за јакнење пред се на судството овде секако дека може да го гледаме од два аспекта не би рекла дека е пораз туку дека е помош и јасен сингнал дека не може да се толерира корупцијата да зазема широки размери и да се нема јасен одговор во борбата против корупцијата. Како корупцискиот скандал во ЕП, дали кај нас нема доволно капацитети, тоа е предмет на поширока анализа, но факт е дека бавно се движат работите и немаме вистинска разрешница. Вакавата поддршка помош од вистинските пријатели не секогаш треба да биде во пари, таа е поефикасна ако е изразена во вистинска критика“, рече Калеска-Ванчева.

 

Ристески праша: Каде одат овие тимови, кои држави ги посетуваат и зошто.

Ваков тим на санкции влегува само во Авганистан и во Македонија. Навистина е поразително што нашата држава ја посетуваат вакви експерти. Американскиот тим за борба против трговија со дрога дојдоа во Колумбија и во Македонија. Во Колумбија за случајот со Пабло Ескобар, во Македонија за случајот со командирот на полицијата во Прилеп. Ние како политичка партија во континуитете зборуваме за криминал и корупција веќе пет години: од РЕК Битола, набавка на вакцини издавање на 215 пасоши на „белосветски“ криминалци… Не најдовме дебата заеднички за влезиме во борба против корупцијата. Дојдовме до ситуација да ни доаѓа од надвор „камшикар“ за борба против криминалот и корупцијата. Тие не доаѓаат да се справуваат со шалтерски рабтници, тие тимови корупцијата ќе ја бараат во највисоките ешалони на власта“, истакна Петар Ристески, пратеник од ВМРО–ДПМНЕ.

The post Петар Ристески: Тим за санкции влегува само во Авганистан и во Македонија, навистина е поразително appeared first on Република.

Секогаш ние како пратеничка група сме застанувале во интерес на граѓаните на Република Македонија. Така ќе биде и денес по основ на ова законско решение. Но, јас сакам да поставам неколку прашања по однос на оваа проблематика бидејќи во изминатиов период од страна на министерот за земјоделие Николовски беа манипулирани граѓаните дека не се исплатени субвенциите и им праќаше лично пораки кои ги имам читано од земјоделците дека се касни со исплатата на субвенции поради тоа што ВМРО-ДПМНЕ го очи во Собранието законот за земјоделство и рурален развој. Веднаш ќе кажам дека ова не е вистина, бидејќи исплатата на субвенциите воопшто не е поврзана и условена со никакво законско решение“, истакна Петар Ристески, пратеник од редовите на ВМРО-ДПМНЕ на денешната собраниска седница.

Ристески додаде дека со предлог на закон за изменување и дополнување на Законот за земјоделство и рурален развој покрај претходно предвидените услови со кои земјоделските стопанства да не треба да имаат парични обврски кон МЗШВ за користење на поддршка по програмите за финансиска поддршка во земјоделството и руралниот развој воспоставен е услов земјоделските стопанства да немаат обврски ниту по основ на неплатени даноци и придонеси, за кои е надлежна УЈП, со што се предизвикаа проблеми во имплементација на изминатите годишни програми. Од тие причини редовно се одложува примената на овој услов со интервенции на Законот секоја година посебно. Овие проблеми не се отстранети ниту од 2017-тата година откако егзистираат па до ден денешен. Иако Владата на Социјалдемократскиот сојуз и ДУИ имаше можност за корекција, но тоа до ден денешен не го направи.

„Оттаму прашуваме зошто и оваа година се пристапува со повторно пролонгирање? Прашуваме зошто не се донесе конечно решение со кое овој услов ќе се изземе односно укине и е се врати старото законско решение од 2015-тата година кога тоа не постоеше и кога обврските се помируваа со прибирање на одобрените субвенции. Зошто е потребно секоја година да се врши притисок врз земјоделците, тие да се чувствуваат несигурни во законски стекнатото право да ги добијат предвидените субвенции односно земјоделската финансиска поддршка? Истовремено прашувам зошто на земјоделците кои веќе имаат доставено уредна документација за подмирени обврски кон МЗШВ и кон УЈП не им се исплатени до денес, 30-ти мај 2022 година субвенциите на нивните трансакциски сметки“, запраша Ристески.

Ристески запраша дали помеѓу МЗШВ и Агенцијата за финансиска поддршка во земјоделството и руралниот развој постои меѓусебна координација со податоците за земјоделските долгувања. Но, и дали функционира системот на контрола на долгувањата по сите основи.

„Дали зад обвинувањата кон опозицијата за наводно кочење на предложените законски измени всушност се сокрива лошата состојба во Буџетот, кој не е во состојба да изврши тековна исплата на законски предвидените субвенции? Луѓето чекаат да им ги исплатите нивните пари, бидејќи им се повеќе од потребни“, рече Ристески.

The post Ристески до власта: Дали зад обвинувањата кон опозицијата за наводно кочење на предложените законски измени всушност се сокрива лошата состојба во Буџетот appeared first on Република.