Газдата на Шахтјор Доњецк Ринат Ахметов повторно се најде во центарот на вниманието откако објави дека го продал својот играч Михајло Мудрик на Челзи да ја финансира украинската војска.

https://republika.mk/sport/fudbal/fudbal-i-politika-gazdata-na-shahtjor-prodal-igrach-na-chelzi-za-da-ja-voorozhuva-ukrainskata-vojska/

Тој е еден од најбогатите луѓе во Украина и меѓу оние кои први ја напуштија земјата по избивањето на војната.

Ахметов  го искористи профитот од челикот и јагленот за да направи силен фудбалски клуб со здрава основа и нов најмодерен стадион.

Потекнува од сиромашно семејство. Брат му и татко му работеле како рудари, професија од која малиот Ринат сакал да побегне по секоја цена. Богатството му се проценува на 6,93 милијарди долари.

The post Прв избега од земјата: Кој е најбогатиот Украинец кој продаде играч за да ја вооружува украинската војска appeared first on Република.

Најбогатиот Украинец Ринат Ахметов синоќа изјави дека ја предава целата своја медиумска империја на државата, како дел од законот кој има за цел да го намали влијанието на олигарсите врз економијата.

– Оваа недела Медиа Груп Украина (Media Group Ukraine) ќе и ги предаде на државата сите украински лиценци за нашите телевизиски канали и печатени медиуми. Исто така, ќе ги прекинеме нашите онлајн медиумски активности, рече Ахметов.

Бизнисменот (55) додаде дека одлуката ја донел поради стапувањето во сила на законот кој има за цел „да се спречи ризикот од прекумерно влијание на олигарсите врз националната безбедност на земјата“. Законот беше усвоен во септември 2021 година. Ахметов изрази жалење што шестмесечниот законски рок за продажба на имотот на компанијата, кој доаѓа во екот на руската инвазија на Украина, ја спречува неговата група да ги „продаде своите медиумски активности по пазарни услови“.

Неговата медиумска група поседува 10 телевизиски канали, неколку информативни програми, видео-платформа и веб-страница за вести. Според проценките на магазинот Форбс, Ахметов има богатство од 4,2 милијарди долари и е претседател на фудбалскиот клуб Шахтјор Доњецк.

The post Газдата на Шахтјор го предаде бизнисот со медиуми на државата appeared first on Република.

Најбогатиот човек во Украина, Ринат Ахметов, има намера да ја тужи Русија за загуба од 17 до 20 милијарди долари, откако неговата фабрика за челик „Азовстал“ во Мариупол беше сериозно оштетена.

Дефинитивно ќе ја тужиме Русија и ќе бараме соодветна компензација за сите загуби и изгубени работни места, изјави Ахметов за украинскиот портал mrpl.city.

Како последна градска тврдина во која украинските војници пружаа отпор на руските сили, фабриката за челик „Азовстал“ со недели беше под жесток напад, за на крај борците да се предадат, а цивилите да бидат евакуирани.

Железарницата „Илич“, од холдингот SCM на Ахметов, исто така претрпе штета поради руската агресија, изјави тој за mrpl.city.

Богатството на Ахмет се проценува на 6,93 милијарди долари, според индексот на милијардери на Блумберг, но оваа година тоа е намалено за 40 отсто поради војната во Украина.

Кога започнаа борбите на 24 февруари, неговата компанија „Метинвест“, најголемиот производител на челик во земјата, објави дека нема да може да ги исполни своите договорни обврски.

Во април „Метинвест“ објави дека планира да продолжи со производство по завршувањето на војната, но дека „никогаш нема да работи под руска окупација“.

Русија минатиот петок соопшти дека имаат целосна контрола над Мариупол.

The post Милијардерот Ахметов, сопственик на „Азовстал“, ќе ја тужи Русија и ќе бара оштета од 20 милијарди долари appeared first on Република.

Ринат Ахметов, најбогатиот украинец е сопственик на фудбалскиот клуб Шахтјот Доњецк. Тој има голема поврзаност со Србија. Неговиот син Дамир е во брак со Дајана Костиќ. Дајана е ќерка на еден од најбогатите Срби Миле Костиќ и Маријана. Мајката Маријна пак беше во брак со прославениот фудбалер Лотар Матеус.

Дамир и Дајана се запознале на студии во Лондов и лудо се вљубиле.Пред неколку години има свадба во Лондон која родителите ги чинеше еден милион евра.

Тоа и можат да си го дозволат бидејќи свекорот Ринат поседува неколку челичарници низ Европа.

Неговата фирма вработува над 130.000 луѓе и има приход од десетици милијарди долари. Тој е сопственик на повеќе од сто компании од областа на финансиите, металургијата, рударството, земјоделството и телекомуникациите, како и украинскиот фудбалски клуб Шахтјор.

The post Газдата на Шахтјор има презгодна српска сваќа appeared first on Република.

Шахтјор од Доњецк е клубот ко редовно игра во завршицатаод Лигата на шампионите, има богат шеф. Ринат Ахметов е на прво место меѓу најбогатите инвеститори во светскиот фудбал.

Успехот на Шахтјор во Лигата на шампионите се чини дека е тесно поврзан со зголемувањето на богатството на Ринат Ахметов, бизнисменот во последно време успеа да го умножи своето богатство повеќе од девет пати во последните две години.

Тој е меѓу оние кои први ја напуштија Украина по избивањето на немирите. Тој е инајбогатиот (според листата на Форбс) Украинец, тежок нешто помалку од осум милијарди долари. Неговиот авион со околу 30 седишта е забележан како лета кон Цирих.

Во Киев го обвинуваат дека ги финансира бунтовниците, во Москва дека ја издал каузата

Во последните две децении, Ринат Ахметов, најсилната фигура во Украина го искористи профитот од челикот и јагленот за да направи силен фудбалски клуб со здрава основа и нов најмодерен стадион. Во последно време, кога Шахтјор игра на домашен терен, никој не знае дали Ахметов е на стадионот. Има добра причина за тоа.Донетцк е мултинационален град. Во него живеат Украинци, Руси, Ерменци, Грузијци

По избивањето на војната, Ахметов изјавил дека нема да го гледа својот тим на стадион сè додека клубот игра во градот Лавов

Ринат Ахметов, потекнува од мошне сиромашно семејство. Брат му и татко му работеле како рудари, професија од која малиот Ринат сакал да побегне по секоја цена. Бил вешт картаџија и човек на кој мозокот му работи брзо. Веќе на 25-годишна возраст влегува во индустријата, а пријателството од младоста со Виктор Јанукович (подоцна претседател на Украина) ќе му овозможи брз развој и голем капитал.

The post Газдата на Шахтјор од Доњецк прв избега: Украина го отпишува, Русија не го запишува appeared first on Република.