Во интервју за албанската редакција на „Гласот на Америка“, координаторот на антикорупција во Стејт департментот на САД, Ричард Нефју изјави дека не можеле да споделат повеќе детали за тоа зошто струшкиот градоначалник вчера завршил на црната американска листа.

Одлуката е донесена затоа што државниот секретар имал веродостојни информации кои сугерираат дека Мерко бил вмешан во голема корупција. И така според законите, кога секретарот ќе дојде до тој заклучок, нечија определба е правно обврзувачка, како што се случи денес, изјавил Нефју за Гласот на Америка.

Одговарајќи на новинарско прашање за тоа врз база на кои конкретни докази е донесена оваа одлука, координаторот за антикорупција на СД на САД вели дека станува збор за злоупотреба на средства и мешање во судските постапки.

И знаете, со оглед на природата на одлуките и нивната правна основа, тоа се информациите што можеме да ги објавиме во јавноста за овој случај, додаде Нефју.

The post Нефју: Државниот секретар има веродостојни информации дека Мерко бил вмешан во голема корупција appeared first on Република.

Актуелната состојба поврзана со борбата против корупција и мерките и активностите кои Владата ги презема во насока на системски решенија за справување со корупцијата на секое ниво, вклучувајќи ја и високата корупција, биле тема на разговор на денешната средба во Скопје меѓу премиерот Димитар Ковачевски и глобалниот координатор за антикорупција на американскиот Стејт департмент, Ричард Нефју.

Како што информираат од владината прес-служба, говорниците на средбата заеднички констатирале дека напорите кои се вложуваат во борбата со корупција се основната алатка за градење на довербата на граѓаните во институциите.

Ковачевски и Нефју порачале дека во таа насока, од клучно значење е градењето на капацитетите во областа на владеењето на правото и правната држава.

Премиерот Ковачевски се заблагодари на целокупната поддршка и соработка која благодарение на блиското стратешко партнерство со САД, се реализира во Македонија. Поддршката е круцијална во воспоставувањето на ефикасен систем за елиминирање на конфликтот на интереси, како и за превенција на корупција, велат од Владата.

The post Нефју на средба со Ковачевски: Напорите кои се вложуваат во борбата со корупција се основната алатка за градење на довербата на граѓаните во институциите appeared first on Република.

Претседателот Стево Пендаровски го прими Ричард Нефју, глобален координатор за антикорупција на американскиот Стејт департмент.

На средбата се разговараше за актуелни теми врзани со борбата против корупцијата и напорите на државата за воспоставување на ефикасен систем за превенција на корупцијата и судирот на интереси.

На средбата, Пендаровски истакна дека борбата против криминалот и корупцијата, на секое ниво, вклучувајќи ја високата корупција, е од исклучително значење во напорите за градење на правната држава и за стекнување на доверба на граѓаните во институциите.

Пендаровски посочи на подготвеноста на државата, во согласност со националните приоритети, да ја продолжи соработката со САД во напорите за сузбивање на корупцијата, а во функција на унапредување на демократските процеси во државата преку овозможување на добро управување и владеење на правото.

На средбата, Пендаровски истакна дека Република Македонија високо ја цени поддршката и помошта што ја добива од САД во нејзините напори за подобрување во областа на владеењето на правото и борбата против корупцијата и изрази очекување таа да продолжи преку поддршка во градењето на капацитети.

The post Средба на Пендаровски со глобалниот координатор за антикорупција на Стејт департментот appeared first on Република.