Во земјава има вкупно 538 348 семејства, од кои 62 проценти живеат во урбана, а 38 проценти во рурална средина. Според семејниот состав најмногу – 43 проценти од нив се брачните парови со најмалку едно дете под 25 години што живее со нив, додека 31 процент се брачни парови без деца, покажува четвртиот сет на податоци од Пописот на населението, домаќинствата и становите 2021, објавен денеска од Државниот завод за статистика.

Над 26 илјади семејства или 4.9 проценти од семејствата се сама мајка со најмалку едно дете под 25 години, а над девет илјади семејства или 1,7 проценти се сам татко со најмалку едно дете под 25 години

Над десет проценти или околу 58 илјади семејства се брачни парови со најмладо дете на 25 години или постаро што живеe со нив.

Вкупниот бројот на индивидуалните домаќинства изнесува 598 632, а просечниот број на членови во домаќинствата изнесува 3.1.

Според бројот на членови во индивидуалните домаќинства, 468 336 лица или 25,5 проценти живеат во четиричлени домаќинства, додека бројот на лица во самечки домаќинства изнесува 103 237 или 5,6 проценти.

Бројот на населените станови во земјава, според податоците од Пописот 2021 изнесува 531 987 или 63,4 проценти од вкупниот број на станови.

The post Над 30 проценти од семејствата во Македонија се брачни парови без деца appeared first on Република.

Според податоците на Државниот завод за статистика, во 2021 година, деловните субјекти кои се занимаваат со градежна дејност извршиле градежни работи во вредност од 32 470 968 илјади денари. Од нив, 13 004 936 илјади денари се за објекти во индивидуална сопственост.

Во текот на 2021 година се градени вкупно 2 665 објекти, а завршени се 3 235 станови со вкупна површина од 211 252 м2, од кои 3 099 се во индивидуална сопственост.

Просечната корисна површина на завршените станови е 65.3 м2.

По региони, најмногу се градело во Скопскиот регион, потоа во Југозападниот, Пелагонискиот, итн.

The post Најбарани се становите до 65м2 appeared first on Република.

Во земјава има вкупно 109 249 невработени лица на возраст од 15 години и повеќе. Од нив речиси 80 проценти се со основно или средно образование.

Поголемиот дел од невработените со основно и средно се мажи – над 60 проценти, додека од 1 545 невработени со магистратура 60 проценти се жени.

Во земјава има и 100 невработени доктори на науки.

Над половината од невработените или 56 701 лице се со средно образование, од кои над 60 проценти се мажи. Над 30 илјади или 28 проценти имаат основно образование.

Околу 14 проценти од невработените имаат високо образование, од нив речиси 60 проценти се жени.

Нешто под пет проценти од невработените се без образование или незавршено основно образование.

Ова го покажува третиот сет на податоци од Пописот на населението, домаќинствата и становите, 2021, објавен од Државниот завод за статистика.

Над половина од невработените со основно се постари од 40 години

Над половина од невработените со основно образование се на возраст меѓу 40 и 60 години, додека најмногу се на возраст од 45 до 49 години – над четири и пол илјади.

Околу една третина од невработените со средно образование се на возраст меѓу 20 и 29 години, што значи дека можеби се уште не го завршиле своето образование. Околу 11 проценти или над 6 илјади се на возраст меѓу 30 и 34 години. Над пет илјади или по десет проценти се на возраст меѓу 35 и 39 години и меѓу 55 и 59 години.

Гледано по статистички региони најголем дел од невработените со основно – 27 проценти живеат во Полошкиот регион.

По градови речиси пет илјади или 16 проценти живеат во Скопје, од кои најголемиот дел или над 1 500 во Чаир. Над две илјади невработени со основно образование има и во Гостивар, Тетово и Куманово.

Најголем дел од невработените со средно – над 14 илјади или 26 процени живеат во Скопскиот регион, потоа над девет илјади или 17 проценти во Полошкиот регион и над седум илјади или 14 проценти во Североисточниот регион.

По градови речиси 13 илјади или 23 проценти живеат во Скопје, од кои над две и пол илјади во Чаир. На второ место е Куманово, каде живеат речиси пет илјади невработени со средно или девет проценти. На трето место е Тетово со 3 744 или седум проценти.

Над две и пол илјади невработени со средно образование има и во Битола и Прилеп, додека над две илјади невработени со средно живеат во Гостивар.

Над една третина од невработените доктори на науки се на возраст од 30 до 39 години

Во земјава има 100 невработени доктори на науки. Над една третина или 36 од нив се на возраст од 30 до 39, по една четвртина се на возраст од 40 до 49 години (26) и од 50 до 59 години (25).

Шестмина се постари од 60 години, додека седум се на возраст од 25 до 29 години.

Од вкупно 100 невработени доктори на науки во земјава, над половината или 52 се во главниот град Скопје.

Во Куманово има 5, Охрид и Штип по 4, Гостивар – 4, Кочани и Тетово по 3, а по двајца невработени доктори на науки има и во Битола, Дебар, Кичево, Крива Паланка, Радовиш и Струга.

Еден процент од невработените се магистри, третината од нив се во Скопје

Од вкупно 109 249 невработени во земјава 1 541 се магистри. Речиси две третини се млади на возраст од 25 до 34 години, додека над една третина се во Скопје.

Седум проценти или 112 невработени магистри се во Тетово, а по шест проценти во Битола, Куманово и Прилеп.

По околу педесетина невработени магистри има и во Кичево, Гостивар, Охрид и Струга.

Една третина од невработените магистри во земјава се млади на возраст од 25 до 29 години, а 31 процент се на возраст од 30 до 34 години.

Една петтина се на возраст од 35 до 44 години, а околу стотина се меѓу 45 и 54 години.

The post Попис 2021: Во Македонија има невработени 100 доктори на науки и 1.541 магистри appeared first on Република.

Околу три проценти од вкупното резидентно население во земјава имаат двојно државјанство. Најголем дел од нив, околу 37 проценти освен македонско имаат и бугарско државјанство, додека половина од лицата со двојно државјанство се млади од 20 до 34 години и активно население од 35 до 49 години, покажуваат податоците од Пописот 2021, објавени денеска од Државниот завод за статистика.

Од вкупното резидентно население 1 778 725 лица се државјани на Република Македонија, 53 201 се државјани на Република Македонија и друга држава, 4203 се државјани само на друга држава, а 584 лица немале државјанство.

Интересно е тоа што, додека двојно државјанство повеќе имаат мажите – 30 003, отколку жени – 23 198, државјани на друга држава кои живеат во нашата земја се повеќе жени – 2824, од мажи – 1 379.

По старосни групи, најголем дел од резидентното население со двојно државјанство се на возраст од 35 до 39 години – 5 190 лица. Половина од лицата со двојно државјанство се млади од 20 до 34 години – 11 768 или 22 отсто и активно население од 35 до 49 години – 15 171 или 28,5 проценти.

Од вкупно 53 201 граѓанин со двојно државјанство, најголем дел 19 645 освен македонското, имаат и бугарско, по што следат 10 909 и со српско, 3819 и со хрватско, 2393 и со косовско и 2164 и со албанско државјанство.

Според етничката припадност, најголем дел од граѓаните со двојно државјанство се Македоцни – 58,8 проценти, постоа Албанци 16,04 отсто и Срби – 10,7 проценти.

The post Само помалку од 20.000 Македонци имаат и бугарски пасош appeared first on Република.

Петар Поп-Арсов

Пописот мораше да се спроведе! Сега му беше „моментот“. Мислам, не баш во буквална смисла „сега“, туку тогаш кога беше создадена најдобрата клима за негово спроведување со цел да се добијат „посакуваните и проектирани резултати“. Во времето кога Заев беше премиер, Груби вицепремиер, Оливер МВР, Симовски директор на Статистика, а сите заедно надополнети со изобилството од лево-десни бојкотирачи, незинтересирани граѓани „отепани“ од Ковид пандемијата, репресивните мерки, задоцнетата вакцинација и отсуството на лидерсто во сите етнички заедници (со исклучок на една). Сето тоа заедно создаде идеални услови за спроведување на попис кој ќе даде резултати токму какви што зацртал креаторот на овој проект. Сè беше совршено подредено за спроведувањето на оваа статистичка, политичка и стратешка операција, која за жал, најмалку беше статистичка.

Деновиве сме сведоци на бура од реакции, незадоволство, гнев и бројни аргументи кои се споделуваат во јавноста од заинтересирани интелектуалци кои подлабоко навлегоа во анализа на презентираните пописни податоци. Тоа е сосема логична реакција на добиениот финален производ за кој уште од самиот почеток се гледаше дека е со вградена фабричка грешка.

Пред да кажеме било што за резултатите и ефектите од пописот, задолжително треба да се потсетиме на тоа како беше во времето на неговата подготовка и спроведување за да можеме да го разбереме однапред проектираниот резултат од неговите инспиратори, креатори и реализатори. Краткото паметење на македонските граѓани е одлична алатка во рацете на македонската власт која успешно манипулира со сите нас веќе долги години.

Првичниот план беше пописот да се спроведе во април 2021, во време кога македонскиот правен, политички и здравствен систем беа целосно нефункционални. Тоа беше период кога поради Ковид пандемијата на сила беше кризната состојба, воведена во декември 2020 година. Парламентот беше вон функција, а демократијата и волјата на граѓаните суспендирани до јуни 2021 година. Пописот официјално започна уште во месец март со електронското самопопишување на македонските иселеници, со кое што почнаа првите правно-политички контаверзии.

Имаше постојани меѓупартиски несогласувања и отсуство на политички консензус. Консензусот беше исклучително потребен и важен елемент за да се релаксира сè уште постоечиот меѓуетнички набој. Консензусот беше потребен да ги неутрализира агресивните акробации на Груби и Османи кои неодговорно провоцираа реакција кај македонскиот народ злоупотребувајќи ги сопствените владини позиции. Консензусот, меѓудругото, беше потребен и за да се оправда владината стратегијата „Едно општество за сите“, која без таквиот консензус ќе се претвореше во обична фикција и лага зад која се реализираат конкретно зацртани цели на штета на македонскиот народ во сопствената држава.

Во тој период изби аферата „Мафија“. Афера со издадени над двеста македонски пасоши на разни наркобосови и белосветски криминалци кои добија лажен идентитет, украден од вистински македонски граѓани. Епилог за овој случај сè уште нема! Одговорност нема! Напротив! Покрај сите скандали, па и политичкиот бродолом што му се случи во Куманово, Оливер денес е дури и посилен од тогаш! А, дали се заведени овие „македонски граѓани“ во пописот на Симовски, е прашање кое посебно заслужува одговор?!

Заев и Симовски беа најревносните поддржувачи на идејата „попис, веднаш и сега“! Симовски беше единствениот кој говореше дека не постои никаков ризик по здравјето на граѓаните и дека ќе бидат запазени сите медицински протоколи, при што ниту еден лекар во државата не смогна храброст во тие моменти да го потврди неговото „експертско тврдење“. Во тој период колони македонски граѓани се упатуваа кон Србија на „вакцинален туризам“. Ненавремената и нецелоса имунизација на попишувачите, оние кои што требаше подготвени да го посетат домот на секој македонски граѓанин, беше игнорирана до последен момент од страна на директорот Симовски.

Имавме целосно неподготвен попис, кој за среќа во последен момент беше прекинат и одложен за септември по примерот на земји како Германија, Србија, Хрватска, Романија, Бугарија и Ирска кои веќе претходно и без потреси ги одложија сопствените пописи за втората половина на 2021 и за 2022 година!

Во септември ништо ново! Истите протагонисти, истите намери, истите цели и проектирани резултати. Единствената разлика беше тоа што овој пат постоеше меѓупартиска согласност за реализација на пописот од најрелевантните македонски политички партии. Но, како што секоја фамилија има своја, така и македонскиот народ и држава имаше своја, сопствена црна овца, која упорно повикуваше на бојкот. Се случи и тој, ограничен бојкот, таман толку колку да им заврши работа на Заев, Симовски и останатите кои го посакуваа исходот што сега го имаме.

Сите анализи што деновиве се прават во однос на резултатите од пописот откриваат и укажуваат на бројни нелогичности, неправилности, грешки, нестандардна методологија и промислени манипулации. Како илустраија ќе го посочиме примерот со религиската пипадност.

Хаос во табелата која ја покажува религиската припадност. Свесно смислена измама која има за цел да даде непотполни и неточни резултати во однос на изјаснувањето на православното население во Македонија. Објаснувањата на Симовски дека се работи за професионален пристап во начинот на спроведување на пописот е врвен цинизам. Начинот на кој е спроведен пописот во овој сегмент создава аморфна маса од 242.579 македонски граѓани (христијани) со непрецизирана религиска припадност. Овој податок ниту е точен, ниту е професионален. Факт е дека огромното мнозинство од граѓаните кои се изјасниле како христијани се православни христијани од едноставна причина што не секој во Македонија прави разлика меѓу христијанството и православието. За добар дел од популацијата постои знак на еднаквост помеѓу термините христијанин и православен и никому ни на крај памет не би му паднало дека Заводот за статистика подготвил манипулативно трик прашање. Безобразлукот на атеистот Апостол, криејќи се зад некаква професионалност и стандарди и отфрлајќи секаква одговорност, го достигна својот максимум кога изјави дека тој не е виновен што населението е „неписмено и не знае на која религија припаѓа“. Тоа говори за неговата фанатична решеност овој процес да го турка до крај.

Како е можно само кај оваа религиска заедница се јавува толкав број на „неуки“ граѓани, додека останатите се со ниво на писменост која што владее во скандинавските земји?!

Без разлика што Симовски бега од одговорност, тој дефинитивно е одговорен за ваквиот исход. Особено е одговорен во професионалниот сегмент од неговото работење на кој постојано се повикува и за кој слепо се држи. Државата Македонија нема точен податок за тоа колкав дел од популацијата се православни христијани! Тоа е повеќе од доволно да се оспори пописниот резултат! Овој аргумент фрла сенка и над останатите податоци за кои треба да се спроведе сериозна стручна анализа и истрага. Нелогичните и неточни резултати во делот на религиската припадност се доволен показател дека Симовски има непрофесионален и манипулативен пристап и за тоа мора да сноси одговорност.

Непрофесионално и надвор од сите стандарди на статистиката е попишувањето на нерезидентното население. Само Македонија на Заев, Симовски и сега Ковачевски има такви стандарди. Оваа нивна измислица и креација го сведе пописот на една обична политичка кампања по етничка основа со цел да му даде статистичка подлога на веќе постоечкиот принцип на „тиранија на малцинството“ која е присутна во Македонија, до целосно воспоставувањето на апартхејд како систем на управување.

До сега беа залудни сите реакции на претставниците на мнозинскиот, македонски народ и помалите етнички заедници. Залудни се и реакциите и зачуденоста за разните нелогичности кои секојдневно ги обзнануваат истакнати поединци кои длабоко навлегуваат во математичките закономерности на бројките на Симовски. Џабе реагираат Ромите, Србите, Турците од Македонија вклучително и Турција како држава. Ароганцијата со која говори Симовски, отфрлајќи ги сите аргументи, укажува на тоа дека човекот има грб и дека е подготвен да го вози овој филм до самиот крај.

Ефектите на пописот дефинитивно ќе имаатсериозен импакт врз македонската држава. Како резултат на манипулативниот инженеринг на СДСМ, ДУИ и придружните сателити, веќе е создадено е чувство на победници и поразени. Стратегијата „Едно општество за сите“ ецелосно депласирана, а меѓуетничката доверба која се создаваше години наназад повторно е ставена на испит. Дополнително е уништена и онака малата доверба во македонските институции.

Режираните резултати од пописот отвораат простор за нови политички маневри, пред се по етничка линија. Тоа прашање одамна требаше да биде ад акта, особено со усвојувањето на низата законски решенија кои ги зајакнаа јазичните и останати права на малцинските етнички заедници, пред сè на албанската. Веќе слушаме и читаме дека се заговара повторното отворање на Уставот со цел редефинирање на државата по „стоти пат“. Тоа дефинитивно ќе нè дефокусира од потребата за вистински реформи и зајакнување на правосудството кое моментално „ужива“ на сопственото дно со 8% доверба. Дополнително ќе нè оддалечи од борбата против корупцијата и криминалот, зајакнување на здравството, социјалата и образованието, како и од севкупниот економски развој на државата, од кои и така сме сериозно оддалечени.

Пописот ја вади од рамнотежа македонската држава и во геополитички контекст. Како на регионален, така и на глобален план. Сведоци сме на војна која што беснее и сериозно го загрозува континентот. Сведоци сме на забрзана трка во вооружување, вклучително и во нашето соседство. Загрозени се процесите кои што требаше да овозможат регионална стабилизација, пред се решавање на македонско-бугарскиот спор, прашањето меѓу Србија и Косово, нестабилноста во Босна.

Ова се исклучително сериозни компоненти кои во себе ги соддржи набрзина и непрофесионално спроведениот попис. Затоа е потребна сериозна истрага од надлежните институции (доколку останаа такви) за мотивите, интересите и бенефитите кои што ги имаат најистурените протагонисти во оваа операција.

Оставањето на ова сериозно прашање во сивата зона на шпекулации и недоречености ќе има сосема спротивен ефект од оној за кој што беше организирана оваа статистичка операција. Македонските институции треба да ја заштитат државата од ваквиот хибриден упад на организаторите на овој попис, кои со манипулативни математички пермутации ја релативизираат и менуваат вистинската и фактичка состојбаво македонската држава.

The post Манипулативните пермутации на македонскиот попис appeared first on Република.

Власта мора да даде објаснување за резултатите од пописот, а штом нема објаснување тоа отвора сомнеж дека се работи за некаков вид на инженеринг, бидејќи бројките не содејствуваат со реалноста, вели Иван Стоиlковиќ пратеник и претседател на Демократската партија на Србите во Македонија за „Што не е јасно“ во Алфа.

Тој вели дека она што сериозно загрижува и нема објаснување е како бројката на припадниците на српската заедница е за третина и повеќе намалена односно од 36.000 на минатиот попис на 23.000 сега.

Кај нас во партијата има 7.000 поединечни пристапници, секоја кампања како политичка партија посетуваме од 6 до 8.000 српски семејства, а што е со припадниците на српската заедница кои членуваат во другите српски партии, со тие во ВМРО-ДПМНЕ, СДСМ и другите партии? Само по себе се наметнува дека бројките не содејствуваат со реалноста, рече тој.

Стоиlковиќ истакна дека исчезнување на една третина од некоја национална заедница е невозможен, а државата треба сериозно да се запраша каде е таа една третина.

Ние сме граѓани на Македонија и државата е должна да ни го даде тој одговор. Од пописот зависи степенот на остварување на правата. Така е наметнато со Охридскиот рамковен договор кој е составен дел од Уставот. Затоа е потребна контрола, нагласи Стоиlковиќ.

The post Стоилковиќ: Власта да каже каде исчезна една третина од српската заедница во Македонија appeared first on Република.

Слободан Томиќ

Дрвото без корен (минато) и крошна (иднина) е трупец. Едновремено, народ кој нема свое минато, или историја, тој посегнува или краде туѓа историја, ќе изјави поглаварот на Македонската православна црква - Охридска Архиепископија Господин Господин Стефан, Архиепископ Охридски и Македонски и на Јустинијана Прва во едно од посланијата упатени за празниците кои ги прославува Македонскиот православен народ и Македонската православна црква.

Отсекогаш се памтело и ќе се памети, дека само црквата е единствената синергија која ги зближува Македонците и останатите православни верници кои живееле и живеат во апостолска Македонија. Имено, факт е, евидентен во единствената книга на светот Светото Писмо, која го поврзува народот на планетата земја и во која нема омраза, нема корупција, нема страв, нема братоубиствена војна, нема предавство освен она на Јуда,и кој денес претставува пример на најразвратното и најголемото злодело на човекот врз човештвото. Да, токму во таа света книга во 16 глава 9 стих според апостол Лука, ќе прочитате за Македонија и за Македонците.

Познато е од минатото дека религијата или Црквата претставуваше "ноќна мора"-опасност за комунизмот и комунистите, сегашни атеисти според Пописот наречен: “Пиши, бриши“!

Библијата е потврда за важноста на Македонија, но и за постоењето на Македонците како народ и тоа клучен кога се зборува за еднобожјето и за раното христијанство. Но, токму тука се прекршиле многу копја, па во стотици преводи на Библијата, Македонија не исчезнала, туку се погрчува, а таму каде што можело Македонците се бришени.

Највидлив пример е со мисијата на Светиот апостол Павле (еврејското име му е Шаул), кој во своите 14 писма точно и многу прецизно зборува не само за Македонија, туку и за Македонците, но во библиите, како, на пример, Kралот Џејмс, односно Kинг Џејмс, Македонецот станува “некој од Македонија“. Не е исто, ќе се согласиме. Во Новиот завет на Kинг Џејмс во Библијата, Македонија се споменува 26 пати, а професор Ратомир Грозданоски вели дека во Библијата Македонија е спомната 30 пати!

Да се навратам на поимот православие. Поимот ортодоксија (православие) означува правилно верување или славење на Бога, кое е невозможно без целосно усвојување на православната вера, онака како што нè научи Господ преку апостолите и нивните наследници. Не можеме да бидеме православни христијани, да му припаѓаме на новиот избран народ, на новиот Израил, ако не ја усвоиме целосно верата на Светата Православна Црква. Не можеме да бидеме полухристијани а полумуслимани. Или полухристијани а полубудисти.

Или сме стопроцентно православни, или не сме воопшто христијани. Но, што се случува во Македонија и октроираниот Попис “пиши-бриши“ кој дефинитивно има јасна цел: Како да се избрише или поништи во целост православието во Македонија и Макдонската православна црква.

Скандал или намерно сторено, носење на октроиран “проект“ кој има јасна цел или полека по полека но сигурно, а тоа е да ја снема Македонија, македонскиот идентитет, историја, јазик и Црква!

Не може да се изостават и заборават фактите и настаните, веднаш по ослободувањето или од 1944 година, кога комунистичкиот режим на поранешна Југославија јасно упати декрет или забрана - стоп на религијата, оти таа ќе се претворела во “опиум“ за народот!

Строго му беше забрането на Македонскиот православен народ и останатиот православен народ кој живеел на територијата на поранешна СФРЈ  да ги посетув црковните храмови или да биде дел на црковниот живот, како и да се преименуваат црковните обреди во семејни услови, крштение, и слично. Од друга страна пак, не дај Боже да си вработен во институциите и да си верник, тоа е лична пропаст!

Значи, Пописот и неговата “свесно сторена грешка“ православните христијани да се редуцираат или со еден збор избришат е своевиден криминален чин.

Кому му пречи православна Македонија и православен народ македонски?

За потсетување, шведскиот министер за надворешни работи и бивш висок функционер на ЕУ и ООН, ЕУ Карл Билд ги откри дел од “картите” на неодамна изјави: “Православието е поопасно од исламскиот фундаментализам и претставува најголема опасност за западната цивилизација!“ Ова претставува неукост од страна на еден шведски политичар, зборува за историски и национални сфаќања, без основни познавања на историјата на народите во Европа. Такви како него, произведуваат лични, неточни и навредливи информации и напади, кои слични на него во ЕУ и САД, му веруваат и ги користат истите за национално-етнички и политички напади, недоверба и загрозување на економски и политичка соработка и меѓусебна почит на народите во Европа.

Со еден збор, во актуелната криза во Украина, со такви неосновани напади против славјанските и православни народи, кои ги има скоро половина милијарда, поттикнуваат Третата светска војна!? Тоа го прават со нас славјаните. А, што станува со муслиманските народи кои не ја сакаат нивната доминација врз нив, кои се сметани за вечни непријатели на Америка, Израел и на Европа? Со една забелешка, дека поопасни и поекстремни исламски држави во блиското минато и поедини сегашни, кои го загрозуваат човештвото, а се покорени пред нив, ги толерираат на штета на своите сојузници и пријателски народи на САД и ЕУ.

Но, да можеме целосно и неизменливо да ја усвоиме православната вера, потребно е најпрво да го очистиме нашиот ум и срце, со пост, молитва, исповед и причест. Токму во ова се состои и православниот духовен живот, односно вториот критериум во православието, наречен од отците ортопраксија, што значи, православно дејствување, православно делување или православен начин на живеење. Не можат да се изостават и суспендираат многуте пораки на нашите владици, Петар и Агатангел, кои во континуитет упатуваат пораки со совет и насока до верниците каде води одалечувањето од Црквата и православната вера во православна Македонија!

Да, патот е кон понорот и амбисот на нашето опстојување како Македонци и како православни христијани.

Академик Катица Ќулафкова која важи за искрена Македонка, несебично и сесрдечно, заедно со претедателот на МАНУ академик Коцарев, алармираа за нескршнување од курсот на одбраната на националното богаство на Македонија, што подразбира идентитет, јазикот и се’ македонско.

Ќулафкова вели: “Оваа фарса од попис на населението во режија на парадржавата ‘Македонија’ е политички, национален, законски и морален криминал без преседан во европската историја! Овој Попис е уште еден показател, дека се наоѓаме во завршна терминална фаза од изумирањето на Македонската национална држава и делегитимацијата на Македонската нација. Ова е хаотичен, трагикомичен, противзаконски чин! Онеправдани се Македонците како народ, но и македонските Турци, Срби, Бошњаци, Власи, Роми... Ако се следи “патот на парите“ (т.е. патот на моќта и надмоќта), лесно е да се утврдат мотивите и креаторите на оваа фарса. Оние кои располагаат со резултатите од пописот од 2011 нека ги обелоденат јавно, па ќе се види, низ споредба, како е режиран овој варварски Попис. Фактите од непризнатиот и осуетен попис од пред 10 години ќе го демистифицираат и овој криминал, ќе покажат зошто се дава легитимитет на нелегитимните политики, зошто се навестува меѓународна поддршка на нешто што треба да биде предмет на жестока критика и осуда. Под преттекст на европски вредности, во Македонија се спроведуваат неевропски политики. НЕ ГО ПРИЗНАВАМ ОВОЈ ЛАЖИРАН ПОПИС! Тој е само уште еден доказ, дека во Македонија се води уникатна и немилосрдна хибридна војна“, - завршува академик Ќулафкова.

За потсетување, дека за најпарадоксалниот попис или октроираниот попис, нарачан од центрите кои одлучуваат и креираат сценарија за македонската небиднина, го отфрли и Македонската правосалвна црква - Охридска Архиепископија веднаш по објавувањетона пописните резултати. МПЦ-ОА јасно и гласно за пописот вели: Податоците за религиозната припадност се нерелевантни! Јасно и гласно!

Според МПЦ-ОА, во пописот постои сериозна статистичка грешка за 13,4 отсто од населението во однос на религиозната припадност, и додава, методологијата која се применувала во пописот не правела разлика помеѓу припадност на религија, припадност на вероисповед и припадност на црква или верска заедница. Како што посочува во соопштението, МПЦ-ОА смета дека методологијата која се применувала во пописот не правела разлика помеѓу припадност на религија (христијанство, ислам, јудаизам итн.), припадност на вероисповед (православно христијанство, сунитски ислам, хасидски јудаизам итн.) и припадност на Црква или верски заедници (Македонска православна црква, Исламска верска заедница, Еврејска заедница итн.).

“Ова ги прави презентираните резултати конфузни, а со тоа и неточни, затоа што очигледно не ја одразуваат реалната состојба на верска припадност во земјата. Во оваа насока, пак, останува неодговорено прашањето зошто вероисповедта како опција не е дадена само кај една од религиите присутни во македонското општество, а очигледно е дека и таму постои варијантност?! Следствено, САС на МПЦ-ОА смета дека постои проблем не само во методологијата, туку можеби и некои од попишувачите недоволно ги упатувале граѓаните во можностите за изјаснување, а очигледно е дека опциите постоеле“, - велат од МПЦ-ОА.

Меѓу другото, за МПЦ-ОА повод за сомнеж во прецизноста на пописот е и непопишувањето на православните Македонци во дијаспората, што, веројатно, како што наведува МПЦ-ОА, било резултат на отсуството на комуникација со нив од надлежните институции од татковината, за разлика од посетите на некои министри меѓу иселените припадници од малцинствата.

Оттаму потсетуваат оти неколку дена откако започна попишувањето на населението, на 13 септември, а по претходна реакција од верници, САС на на МПЦ-ОА упати апел до јавноста, православните христијани да се попишуваат како ‘православни’, а не како ‘христијани’.

„Земајќи го предвид погоре кажаното, САС на МПЦ-ОА ги вреднува како нерелевантни податоците од пописот на населението, особено во делот за религиозната припадност, со заклучок за постоење на сериозна статистичка грешка, која во случајот опфаќа 13, 4 отсто од населението“, - додаваат од МПЦ-ОА.

Според податоците од пописот кои на 30 март годинава ги објави Државниот завод за статистика, во однос на религиската припадност, 46,14 отсто од попишаните резиденти земјава се изјасниле како православни. Како муслимани се изјасниле 32,17 отсто од попишаното резидентно население, а 0,37 проценти од попишаните резиденти се декларирале како католици. Во пописот од 2021 година, како посебна категорија се издвојува категоријата “христијани“ во која рекле дека припаѓаат 13,21 проценти од попишаните резиденти. Оваа категорија не се појавува во статистиката од пописот во 2002 година.

За горекажаното дека атеизмот вклучен во менталиот чип на режимот на комунизмот, секако и на оној кој јасно ја порача оваа пописна методологија со единствена цел да се спроведе сценариото да се избрише се’ македонско: името, јазикот, културата, историјата, вероисповеста. Ова се демантира и во самата Библиија, а таа е јасна!  Библијата е потврда за важноста на Македонија, но и за постоењето на Македонците како народ и тоа клучен, кога се зборува за еднобожјето и за раното христијанство. Но, токму тука се прекршиле многу копја, па во стотици преводи на Библијата, Македонија не исчезнала, туку се погрчува, а таму каде што можело се бришени Македонците. Највидлив пример е со мисијата на светиот апостол Павле, кој во своите 14 писма точно и многу прецизно зборува не само за Македонија, туку и за Македонците.

The post Кој се плаши и кому пречи православна Македонија? appeared first on Република.

Уште грешки има пописот за да биде комплетен, прашуваат од ВМРО-ДПМНЕ откако директорот на Државниот завод за статистика Апостол Симовски призна дека имало грешка во графите за вероисповед.

Симовски призна дека првично објавиле погрешен број на атеисти, кој број подоцна е корегиран.

Претходно во пописот се заведени над 200.000 христијани, кои не спаѓаат ниту во групата православни, ниту во католици.

Над 132.000 граѓани се непопишани, односно за нив нема етничка припадност. Доколку Симовски сака може дополнително да се помине кај тие граѓани, кои се евидентирани како непопишани, но тоа не се прави, велат од ВМРО-ДПМНЕ.

Токму затоа, додаваат од партијата, ВМРО-ДПМНЕ по доаѓањето на власт ќе спроведе дополнителен електронски попис, кој ќе даде јасна слика, и ќе ги разреши сите дилеми и недоследности кои се појавувале.

The post Уште колку „грешки“ има во пописот? appeared first on Република.

Законот за попис на населението предвидува граѓаните да се попишат според местото каде што живеат, а не според адресата во матичните книги, додека вкрстувањето на податоците се прави само за лицата коишто се попишале на терен и не може да се евидентираат лица коишто не се сретнати на терен, велат од Алијанса за Албанците.

Апелираме, под итно да се отстранат импутираните 132 илјади лица, бидејќи тие не биле попишани на терен, им недостигаат етничката припадност, куќите или становите каде што живеат, професијата, нивото на образование, работното место и многу други податоци.

Бараме од Заводот за статистика под итно за нерезидентните лица да ги објави општините кадешто живеат во земјата, каде тие поседуваат куќа или стан и секоја година се враќаат и придонесуваат за економијата на државата, велат од партијата.

Според нив, опфаќањето на импутираните лица без етничка припадност од една страна и необјавувањето на живеалиштето на лицата од дијаспората имаат негативно влијание во прикажувањето на реалниот процент на етничките заедници во земјата и со тоа се ставаат во опасност колективните права коишто ги уживавме до сега.

Конкретно, процентот на Албанците во Кичево опадна под 50 отсто и со тоа се загрозува правото на употребата на националното знаме. Резултатите на пописот се изманипулирани и ова го потврдува еден неспорен факт за којшто надлежните ќе треба да дадат објаснување. Од објавените резултати имаме околу 400 илјади лица до 18 годишна возраст, додека на гласачките листи од истата година, 2021, имаме 1.8 милиони гласачи. Ако направиме збир на гласачите и лицата под 18 години ќе добиеме резултат најмалку 2 милиони и 200 илјади жители, додека од пописот се објави дека резидентното население и нерезидентното вкупно се 2 милиони и 90 илјади. Само според официјалните податоци недостигаат најмалку 100 илјади жители.

Ако Државниот завод за статистика не ги коригира овие нерегуларности, ние ги потсетуваме дека кривично ќе одговараат според член 49 на Законот за попис со којшто за вакви манипулации се предвидува најмалку 5 години затвор, реагираат од Алијансата.

The post АА: Да се остранат „импутираните” 132.000 непопишани, вака Албанците во Кичево паднаа под 50% appeared first on Република.

Директорот на Државниот завод за статистика Апостол Симовски не е запознаен со промените во пописните резултати во делот за религиската припадност.

Ќе провериме за што станува збор и ќе бидете известени во понеделник, најверојатно се работи за техничка грешка, но мора да провериме, вели тој за „Слободен печат“.

Според новата табела која од вчера е достапна на официјалната страница на ДЗЦ, има промена на бројот на атеисти каде првичната бројка беше дека само 355 лица во земјата се изјасниле како атеисти, додека сега бројката е 8.764.

https://republika.mk/vesti/makedonija/od-355-ateistite-stanaa-8-764-ima-li-pogolem-dokaz-od-ova-za-kakov-falsifikat-se-raboti/

Во оваа табела „исчезна“ и графата Евангелско-протестантски христијани каде претходно беа впишани 8.764 лица. Од табелата мистериозно исчезнаа и попишаните лица чија по верска определба чија бројка беше помала од 500, па така ги „снема“ и попишаните лица кои се изјасниле како Евреи.

The post Симовски не знаел зошто се изменети резултатите од пописот appeared first on Република.

Криминалците од власта ги корегираат резултатите од пописот во од и си измислуваат бројки!, реагира пратеникот Борислав Крмов од Левица, споделувајќи нови резултати од пописот каде наместо првичните 355 граѓани кои се изјаснале како атеисти, сега станаа 8.764.

https://republika.mk/vesti/makedonija/popis-budisti-i-jehovini-svedoci-ima-povekje-od-ateisti/

Има ли поголем доказ од ова за каков фалсификат се работи!? Каков е овој попис, по нарачка ли? Ова е невиден скандал!
Оваа лакрдија веднаш да се поништи!
Сите ќе одговарате!, потенцираше Крмов.

The post Од 355 атеистите станаа 8.764: Има ли поголем доказ од ова за каков фалсификат се работи!? appeared first on Република.

Оваа фарса од попис на населението во режија на парадржавата Cеверна Македонија е политички, национален, законски и морален криминал без преседан во европската историја, вели академик Катица Ќулавкова.

Овој попис е уште еден показател дека се наоѓаме во завршна, терминална фаза од одумирањето на македонската национална држава и делегитимацијата на македонската нација. Ова е хаотичен, трагикомичен, противзаконски чин. Онеправдани се Македонците како народ, но и македонските Турци, Срби, Бошњаци, Власи, Роми... Ако се следи „патот на парите“ (т.е. патот на моќта и надмоќта), лесно е да се утврдат мотивите и креаторите на оваа фарса. Оние кои располагаат со резултатите од пописот од 2011 нека ги обелоденат јавно, па ќе се види, низ споредба, како е режиран овој варварски попис. Фактите од непризнатиот и осуетен попис од пред 10 години ќе го демистифицираат овој криминал, ќе покажат зошто се дава легитимитет на нелегитимните политики, зошто се навестува меѓународна поддршка на нешто кое треба да биде предмет на жестока критика и осуда. Под претекст на европски вредности во Македонија се спроведуваат неевропски политики. 
НЕ ГО ПРИЗНАВАМ ОВОЈ ЛАЖИРАН ПОПИС.
Тој е само уште еден доказ дека во Македонија се води уникатна и немилосрдна хибридна војна, порача академик Ќулавкова.

The post Ќулавкова: Нека ги обелоденат јавно резултатите од пописот од 2011, па ќе се види како е режиран овој варварски попис appeared first on Република.

Академикот Божин Павловски, кој живее и работи и во Австралија, во изјава за МКД.мк вели дека никогаш порано дијаспората не била вклучувана во пописите на Република Македонија.

Сега тоа беше спроведено со големо залагање на Али Ахмети, кој прво си обезбеди законска рамка. И кога дојде време за теренска активност, во кампањата покрај него учествуваа претседателот на Албанија, премиерот на Косово, главно со телевизиски пораки. Тие снимки и денес можете да ги најдете на Јутјуб. Сепак, главни во кампањата беа потпретседателот на владата Артан Груби, и министерот за надворешни Бујар Османи, кои лично посетија некои земји со поголема албанска дијаспора. Веројатно тие не престојуваа таму на личен трошок, туку на сметка на даночните обврзници. Според неколку соработници на Австралиско-македонскиот неделник на терен престојувале и бројни емисари со лаптопи во своите чанти. Целава оваа активност им вроди со голем успех. Али Ахмети не го крие своето задоволство, вели тој.

Повеќе на МКД.мк

The post Академик Павловски: Емисари со лаптопи одеа по земјите со голема албанска дијаспора, Ахмети не го крие своето задоволство appeared first on Република.

Седум проценти да не попишете, а да тврдите како влада и институции дека е успех, не е успех, порача денеска во „Утрински брифинг“ професорот и аналитичар Петар Атанасов.

Не може да не попишете 130.000 луѓе. Кои се тие 132.000 луѓе? Ако му веруваме на Павле Трајанов, дека најголем дел се Македонци, тогаш не се точни и вкупните податоци за етничката припадност на населението, Македонци тогаш има многу повеќе од официјално наведните 58,44 проценти. Има големи прашања околу пописот, некои се технички, но може да зборуваме и за политика, рече Атанасов.

Според него проблематично е попишувањето на дијаспората, процес кој е сосема непотребен да се направи во моментот со пописот на населението, становите и домаќинствата во Македонија.

Зошто се попишуваше дијаспората? Кој ѓавол ги тераше во овие 30 дена да ја попишуваат дијаспората, кога не можат 100.000 луѓе да пронајдат во оваа држава. Па во 2011 беше прекинат пописот во 10 ден, а битката беше дали ќе се попишува дијаспората, потсети Атанасов и додава дека тоа е круцијално прашање и има простор цела година да се попишува дијаспората. Се појавија суштински прашања, не може директорот да дава политички одговори, вели Атанасов.

Тој се осврна и на прашањата поставувани во пописните листи кои оставија простор граѓаните да се декларираат по етничка припадност, религиска припадност и културни карактеристики, што во суштина не го бара ЕУ од државата.

Не се наивни овие бројки зошто на Балканот носат до историски пресврти, резимираше Атанасов и посочи дека внимателно треба да се податоците и да се направи суштинска анализа.

The post Атанасов: Кој ѓавол ги тераше да ја попишуваат дијаспората, кога не можат 100.000 луѓе да пронајдат дома appeared first on Република.

Попишувачот не смееше да влијае врз одговорите што ги даваа граѓаните, па ако луѓето кажале дека се христијани по религиска припадност, тогаш попишувачот е должен да ги внесе во графата „христијани“. А ако луѓето потенцирале дека се православни христијани или дека се католици христијани, тогаш нивниот одговор ќе отишол во графата „православни“ или „католици“.

Ова за „Плусинфо“ го објаснува директорот на Државниот завод за статистика (ДЗС), Апостол Симовски, откако во јавноста се крена прашина поради тоа што во табелата за религиска припадност постои посебна графа „христијани“, иако постојат и графите „православни“, „католици“, „протестанти“, „адвентисти“…

https://republika.mk/vesti/makedonija/zoshto-pomalku-od-50-od-naselenieto-se-izjasnile-kako-pravoslavni-hristijani/

Симовски инсистира дека вината не е во попишувачите или во ДЗС, а топката ја префрла кон граѓаните за кои вели дека самите тие, случајно или намерно, не потенцирале во која група припаѓаат.

Многу луѓе не размислувале дека треба точно да ја потенцираат религиската припадност. Па така, ако некој е православен христијанин, тој на попишувачот му кажува дека е христијанин, без да потенцира дека е православен. А попишувачот е должен да го внесе одговорот онака како што му бил кажан. Попишувачот не смее да влегува во дебата со граѓаните и да им објаснува, односно да ги наведува каков одговор да дадат на одредено прашање. Оти, ако попишувачите се вмешале во одговорите, тоа значи дека тие влијаеле врз одговорите. А влијаењето подлежи на кривична одговорност, објаснува Симовски.

Повеќе на Плусинфо

The post Ние не сме криви што луѓето не знаат која вера се, вели Симовски за графата „христијани“ appeared first on Република.

Самиот факт што имаме попис после цели 20 години е успех сам по себе. Направивме попис со сите нишани, кој не отстапува од традицијата на направени пописи што ја имавме и ние и регионот и континентална Европа, во изминатите неколку децении. Не станува збор за попис најдобар во историјата на Европа, туку станува збор за попис кој ги запазува највисоките стандарди за попишување што ги има ЕУ, изјави денеска во Прилеп претседателот на државата Стево Пендаровски.

Оваа оценка, Пендаровски ја базира не само од она што го слушнал на вчерашната презентација на резултатите, туку и од коментарите дадени од експертот ангажиран од страна на ЕУ.

По барање на новинарите за коментар околу „оние седум проценти, кои предизвикаа најмногу контроверзи“, Пендаровски посочи дека секогаш има контроверзи, особено кај нас на балканскиот регион, каде сме измешани и во религиозна и од политичка смисла. Тој наведе дека она што го знае од разговорите со неколку експерти, не постои попис воопшто во Европа и пошироко, кој нема одредена бројка на лица кои не се опфатени со пописот.

Кај нас значаен дел, тие седум и колку проценти кои не се опфатени, за жал се резултат на бојкотот на политички субјекти. Очигледно е дека тоа имаше ефект во одредени делови од државата. Се разбира дека не треба да се исклучи како дополнителен фактор за тој процент и пандемијата, изјави шефот на државата Пендаровски, по обраќањето на конференција на тема „Дигитализација“, во организација на Амбасадата на Франција и Францускиот институт во Скопје.

Пендаровски се осврна и на тоа дека постоеја и попишувачи кои беа со специфична опрема, со сите протоколи, а дел од нив работеа и подоцна во тој временски период и надвор и не влегуваа во куќите и становите на граѓаните.

Но, претпоставувам дека и првиот момент повикот на бојкот кој беше експлицитен од страна на некои парламентарни партии и целата ситуација околу Ковидот, придонесе дел од граѓаните да не ги отворат вратите од своите домови, изјави шефот на државата.

На новинарско прашање за предлозите за амбасадори објавени во некои медиуми, претседателот Пендаровски одговори дека станува збор за предлози од Владата, а тие предлози споменати од медиумите во текот на вчерашниот ден, како што рече, се уште не се пристигнати до него за да може да ги коментира.

The post Пендаровски: Направивме попис со сите нишани, со највисоките стандарди на ЕУ appeared first on Република.

Лидерот на Левица Димитар Апасиев и денеска реагира за резултатите од пописот, овојпат за општата категорија „христијани“ во која се попишани 242.579 граѓани или 13,21% процент од резидентното население.

https://republika.mk/vesti/makedonija/zoshto-pomalku-od-50-od-naselenieto-se-izjasnile-kako-pravoslavni-hristijani/

А МПЦ ќе бекне ли за 20-те подвидови „христијани“, со цел православните да ги спуштат вештачки под еден милион!? Или, со зградуријата кај „Холидеј Ин" им го затнаа устичето. Дедо Стефане, се слушаме?, реагира Апасиев.

The post Апасиев: А МПЦ ќе бекне ли за 20-те подвидови „христијани“ со цел православните да ги спуштат вештачки под еден милион!? appeared first on Република.

Пописот е некомплетен, статистички погрешен и неточен, реагираше вчера поранешниот пратеник Илија Димовски, потенцирајќи дека 21,49% од граѓаните на Република Македонија не се попишани. Денеска преку примерите од бројот на население во Гостивар и во Тетово со податоците од пописот во 2002 година, повторно потенцира дека спроведениот попис и резутатите се неточни.

🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻
Гостивар во 2002 година имал 81.042 жители
Гостивар во 2022 година има 59.770 жители
Гостивар се намалил за 21.272 жители
Гостивар се намалил за 21,8 %
🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️
🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻
Тетово во 2002 година имал 86.580 жители
Тетово во 2022 година има 84.770 жители
Тетово се намалил за 1.810 жители
Тетово се намалил за само 2 %
🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️🔺️
🟥 Гостивар и Тетово се градови со слична или иста економска, социјална, етничка, религиска и јазична структура...
🟥 Гостивар се намалил за 26,2 %
🟥 Тетово се намалил за само 2 %

The post Со Гостивар и Тетотво како примери, Димовски покажува колку се неточни резултатите од пописот appeared first on Република.

Најголемиот и најзначниот политички субјект на бошњачката заедница во Македонија, Бошњачки демократски сојуз (БДС), изрази сомнеж за регуларноста на резултатите од пописот.

Бошњачки демократски сојуз како политичка партија и на почетокот на процесот на попишување изрази сомнеж во исправноста на самиот процес и одредени неправилности. За жал нашите претпоставки се испоставија точни. Податоците од пописот за нас се неприфатливи затоа што постојано работиме на терен и ја знаеме реалната фактичка состојба. Нашата примедба е во пристапот на попишување. Имено, имаме лични сведоштва на граѓани кои биле попишувани според претпоставки за нивната етничка и верска припадност. Притоа, граѓаните, немаа можност во исто време да направат увид во внесените податоци. Ништо помалку важна не е ниту забелешката за отежнатиот процес на попишување на дијаспората. Добивме забелешки за бројни технички проблеми со апликацијата при попишување, поради што уверени сме и тврдиме дека бројот на Бошњаци кои живеат надвор од територијата на Македонија е далеку поголем, се вели во соопштението од БДС.

Оттаму додаваат и дека јавно укажувале на пропустите и се заканувале со излегување од владеачката коалиција, но биле уверувани дека пописот ќе се спроведе коректно и во согласност со сите правила.

За жал резултатите не го покажуваат тоа и не ја одразуваат реалноста. Затоа, укажуваме дека податоците од пописот фрлаат сенка врз работењето на државните институции и ја доведуваат во прашање функционалноста и довербата во истите. Бараме да се преиспитаат резултатите и да се утврдат неправилностите за да резултатите од пописот спроведен по две децении бидат реални и да одговараат на потребите на граѓаните, а не да служат на поткусурување на партиските интереси, велат од БДС.

Претходно и други две партии од владината коалиција ги отфрлија резултатите и ги категоризираа како недостојни.

https://republika.mk/vesti/makedonija/vtora-partija-od-koalicija-na-vlast-gi-osporuva-rezultatite-od-popisot-po-ds-na-trajanov-i-turcite-od-tdk/

The post И за Бошњаците пописот неприфатлив, се заканувале и со излегување од владината коалиција appeared first on Република.

Демократска партија на Турците на Македонија, коалициска партија на власта, со писмо до јавноста ги оспори резултатите од пописот објавени денеска од страна на Државниот завод за статистика.

Нивната реакција ви ја пренесуваме во целост:

Почитувана јавност…

Официјалните резултати од Пописот на населението, што се одржа во периодот од 5 до 30 септември 2021 година, од денес се објавени од страна Државниот завод за статистика.

Многу јасно и недвосмислено ве известуваме дека резултатите што се објавени од страна на Државниот завод за статистика „НЕ ГИ ПРИФАЌАМЕ“.

Како Демократска Партија на Турците (ТДП), предложивме повеќе амандмани околу подобрувањето на законот за попис на населението и вложивме големи напори на терен за да ја објасниме важноста на пописот и ефектите кои ќе произлезат од ова сложена статистичка операција врз нас како општество, користејќи ги сите демократски механизми што ни беа на располагање.

Денес објавените резултати се плод на целосна недоследност и политичка операција.

Иако има зголемување на Tурското население во 31 општина, фактот што стапката на Турците е над 20% во 6 општини и постоењето на пораст од 7% на последниот попис според Пописот од 2002 година, не значи дека преку објавените податоци ова политичка операција е прифатлива за нас .

Овие резултати, кои се далеку од реалноста, не можат да бидат прифатени и од нашата партија и од нашиот народ.

Зголемувањето на вкупното Турско население за само 5.484 лица во периодот од 19 години, значи дека сите статистички податоци се отфрлени од наша страна.

Имајќи го во предвид наталитетот и морталитетот во периодот од 2010-2020 година, зголемувањето во овој период е вкупно 4.307 лица (Родени: 9.564, починати: 5.257). Врз основа на овој резултат, разликата меѓу бројот на родени и умрени во периодот помеѓу 2002 и 2009 година е само 1.177 лица. Според ова, во податоците на Државниот завод за статистика, во периодот од 2002 до 2009 година имало зголемување за 1.177 лица.

Би сакале да изразиме дека „ОВА Е ДАЛЕКУ ОД ВИСТИНА И НЕ СЕ СОВПАЃА СО РЕАЛНОСТА„.

Дополнително, податокот за етничкото потекло на 132.260 лица кои не се обелоденети фрла сенка врз целокупниот процес. Државниот завод за статистика мора веднаш и што поскоро да ги открие податоците за овие лица. Дополнително, потребно е да се објават информации околу бројот на попишани лица кои во периодот на попишување беа стекнати (нерезидентни) надвор од државата а кои се во број вкупно 12.482 истотака наши сонародници Турци.

Доколку со јасни и официјални податоци не се расчистат сомнежите за пописниот процес, оваа сложена статистичка активност нема да биде ништо повеќе од една проста политичка операција.

Со почит, Демократска Партија на Турците на Македонија

Претходно, и од Демократскиот сојуз на Павле Трајанов потенцираа дека резултатите не се одраз на фактичката состојба.

https://republika.mk/vesti/makedonija/ds-rezultatite-od-popisot-ne-se-realni/

The post Втора партија од коалиција на власт ги оспорува резултатите од пописот, по ДС на Трајанов и Турците од ТДК appeared first on Република.