„ДЗР во Ревизија за 2023 година, на министерството за финансии и буџетските трошења констатира низа нерегуларности. Власта на СДС и ДУИ крајно нетранспарентно ги трошела народните пари. Милиони евра народни пари се трошени на сомнителен начин“, рече Бране Петрушевски, пратеник на ВМРО-ДПМНЕ.

„Ревизорот констатира дека власта на СДС и ДУИ не ги објавувала одлуките за одобрување на средства од раздел МФ – функции на државата во службено гласило.

Што криеле СДС и ДУИ? Со СДС и ДУИ јавните финансии се управувани недомаќински и неодговорно. Граѓаните не знаеле каде одат нивните пари. 7 години се трошени цели буџети, а ништо не е мрднато од мртва точка.

Неспособноста заврши со СДС и ДУИ. Следува економска трансформација на Македонија“, изјави Бране Петрушевски, пратеник на ВМРО-ДПМНЕ.

https://www.youtube.com/watch?v=_R0CS3x85F8&embeds_referring_euri=https%3A%2F%2Fmakfax.com.mk%2Fmakedonija%2F%25D0%25B2%25D0%25B8%25D0%25B4%25D0%25B5%25D0%25BE-%25D0%25BC%25D0%25B8%25D0%25BB%25D0%25B8%25D0%25BE%25D0%25BD%25D0%25B8-%25D0%25B5%25D0%25B2%25D1%2580%25D0&source_ve_path=MjM4NTE

The post Милиони евра народни пари се трошени на сомнителен начин, што криеле СДС и ДУИ, праша Петрушевски appeared first on Република.

Прекинување на договорот со досегашниот економски изведувач на работите на затворениот базен во Охрид, ревија на целокупниот проект и избор на нов економски оператор, најави при денешната посета министерот за спорт Борко Ристовски.

Ќе го прекинеме договорот со економскиот изведувач кој требаше да го гради затворениот базен во Охрид Веќе е се ова договорено. Мора да направиме и нов проект, затоа што знаете дека договоорт за изградба е направен пред 7-8 години и ситуациите кои беа тогаш и денес не се исти и затоа мора да се направи нов проект, да се направи нова процена на тоа колку ќе чини завршувањето на базеност во Охрид. Она што јас може да го кажам е дека министерството и јас лично ќе се залагаме за што побрзо да почне со довршување на базенот, затоа што Охрид заслужува базен, заслужува да не се оставаат спортските објекти на пола повеќе од 4/5 години ништо да не се прави. Затоа во најбрз можен рок ќе направиме нова процена нов проект и верувам дека кон крајот на летото ќе избереме нов економски опеаратор кој ќе ја продолжи изградбата на базенот, истакна Ристовски.

The post Ристовски: Ќе има ревизија на проектот и избор на нов економски оператор за доизградба на затворениот базен appeared first on Република.

Ја разбираме потребата на СДС да го брани сопствениот поранешен претседател на градска организација и осомничен за сурово двојно убиство Љупчо Палевски Палчо, но тоа што утврдила ревизијата е отсуство на процедури кои се начин низ кој се провлекува Оливер Спасовски и неговата одговорност за ненавремената реакција на службите за двојното убиство, ова преку реакција на прес-конференцијата на Даниела Колева до јавноста го истакнуваат од ВМРО-ДПМНЕ.

После 8 години министерување прашањето е зошто Оливер Спасовски не донел процедури за задолжително постапување во вакви случаеви? Сака СДС од чии структури се изроди Палевски да не убеди дека е нормално што се возел среде Скопје со возилото на прво убиениот и се движел непречено? На крајот СДС да го праша министерот за правда до кај е екстрадицијата на Палчо? Дали е на повидок негово ослободување?“, прашуваат од партијата.

The post Ревизијата констатирала отсуство на процедури во случајот на Палчо, токму тоа го спасува Спасовски од одговорност, реагира ВМРО-ДПМНЕ appeared first on Република.

Пет отсто од Буџетот да се одвојуваат за образованието и да се ревидира работењето на сите високообразовни институции во државата, е едно од клучните барања на бизнисот што ќе им биде испорачано на политичките партии.

Како што рече денеска претседателот на Стопанската комора Бранко Азески, мора да се спречи натамошната ерозија на квалитетот на високото образование, но и да се продуцира неопходниот стручен кадар.

Засукани ракави, храброст и преземање ризик се неопходни за да се воведат одредени процеси кои мора да доведат до подобрување на кадровскиот потенцијал. Оваа порака ќе биде силно пренесена и до лидерите на партиите. Ќе бараме за образованието да се одвојуваат пет отсто од Буџетот, но не веднаш, туку во мандатни периоди и ќе бараме ревизија на работењето на сите високообразовни институции во државата за да се спречи натамошната ерозија на квалитетот на високото образование, истакна Азески на прес-конференција.

Според него, земјава е мала и има потреба за специјализирани кадри.

Ние не сме Америка, ние сме мала земја, немаме огромни потреби, туку имаме специјализирана потреба за кадри и треба да се свртиме кон тоа. Оваа порака значи дека во тие дејности ќе одвојуваме средства кои би ги зголемиле активностите. Така ќе дојдеме и до реформиран Буџет кој ќе стане развоен и ќе и овозможи на државата да финансира продуктивни дејности, во нејзин интерес, подвлече Азески.

Тој е оптимист дека земјава може да конкурира и да испорача нешто вредно и значајно во ЕУ со интелигенција, образование и култура.

The post Бизнисот секторот бара пет отсто од Буџетот за образованието и ревизија на работењето на сите факултети во државата appeared first on Република.

Од Буџетот на општина Тетово за исплата на разни комисии формирани од страна на Градоначалникот, незаконски се исплатени средства во износ од 2.170 000 илјади денари или околу 35.000 евра, а членови на комисиите биле вработени лица од администрацијата кои добивале високи надоместоци спротивно на законот, утврдија ревизорите.

Државниот завод за ревизија изврши ревизија на финансиските извештаи заедно со ревизија на усогласеност на Општина Тетово, на сметката на основен буџет (630), за 2021 година и изрази неповолно мислење за нив. Градоначалник до ноември 2021 година е Теута Арифи од ДУИ, а потоа функцијата ја презема Билал Касами од Движењето БЕСА.

Членови на комисиите се лица вработени во администрацијата на Општина Тетово, кои покрај работните задачи кои произлегуваат од работните места на кои се распоредени, се задолжени да вршат и дополнителни работи и работни задачи. За дополнителната работа на членовите на комисијата им е утврден надоместок во износ од 5 илјади – 20 илјади денари месечно што не е во согласност со одредбите од Законот за административни службеници со кои се регулирани надоместоците и висината на истите.

Согласно член 95 од Законот за административни службеници административниот службеник има право на додаток на плата подолго од полното работно време и тоа во висина од 35% по час од износот на основната плата и додатокот на плата за звање, доколку работел по налог на непосредно претпоставениот службеник. Ваквата состојба има влијание на зголемување на трошоците на општината како и на навременото извршување на работните задачи на административните службеници за кои се распоредени, како и на работните задачи кои им се доделени со решение и начинот на користење на средствата, утврдија ревизорите.

Во текот на 2021 година ангажирани се од 227 до 406 лица по договор на дело. Вкупниот број на вработени лица и бројот на ангажирани лица по договор за дело го надминува бројот на систематизирани работни места.

Утврдената потреба од човечки ресурси општината ја реализира преку ангажирање на лица по договори за извршување на повремени и привремени работи без докази за исполнетост на условите и квалификациите предвидени за редовно вработените, што може да влијае на нивото на квалитет и одговорност за извршените работни задачи. По овој основ во текот на 2021 година исплатени се 37.942 илјади денари за надоместок и данок на личен доход или 617.000 евра. Оваа состојба не е во согласност со член 619 од Закон за облигациони односи во кој е предвидено дека може да се ангажира лице по договор на дело само за вршење на определена работа еднократно, член 22 од Закон за работни односи каде е пропишан начинот на обезбедување на потребата од работници. Утврдените состојби, укажуваат на нетранспарентност и субјективно постапување при ангажирање на наведените човечки ресурси, во изборот на истите и нивна повластена положба во постапката за нивното ангажирање, стои во извештајот.

Со извршената ревизија на финансиските извештаи за 2021 година, утврдено е исто така дека Одлука за прогласување на финансиска нестабилност на општината не е донесена, иако општината подолг временски период ги исполнува условите за прогласување на финансиска нестабилност; Општина Тетово не остварува приходи по основ на надоместок за јавна чистота; не е воспоставена евиденција за побарувањата по основ на надоместок за утврдување на правен статус на бесправно изградени објекти и надоместок за уредување на градежно земјиште и покрај блокираната сметка општината користи плаќања со пресметка.

The post Вработените во општина Тетово незаконски заработиле 35.000 евра од хонорари кои ги потпишувал градоначалникот, откри ревизијата appeared first on Република.

Владата на седница во вторник ќе ги ревидира цените на 11-те видови овошје и зеленчук за кои претходно донесе одлука да бидат замрзнат до крајот на месецов, најави денеска министерот за економија Крешник Бектеши.

Повикувајќи се на новите цени кои се пријавуваат од увозниците во Царинската управа, како што кажа, наредниот вторник Владата ќе ги ревидира замрзнатите цени, а тие ќе почнат да важат откако ќе бидат објавени во „Службен весник“.

Увозниците, прецизира министерот, генерално пријавуваат малку зголемени увозни цени кај доматите и краставиците.

- Денешните податоци покажуваат мало зголемување на увозните декларации на некои производи и би требало следствено на тоа да се коригираат и цените кои се наведени во одлуката. Корекцијата ќе биде процентуална во зависност од зголемените трошоци за увоз прикажани во Царината од 28 март, па до денеска. Процентуално колку се зголемени цените на увозот на одредени производи, толку процентуално ќе се зголеми и цената која е замрзната. Ако има намалување на цените кои се прикажани во Царинската управа ,процентуално ќе се намали цената на тој производ, а ако е истата ќе остане иста цената, изјави Бектеши по средбата со увозниците на овошје и зеленчук во Министерството за економија.

Тој потемцира дека со увозниците на овошје и зеленчук имале конструктивен состанок на кој учествувала и Стопанската комора.

Се договоривме да направиме минимална корекција на цените, имајќи предвид дека веќе почнаа да пријавуваат увозни цени кои кореспондираат со тоа што се дава како фактури во другите држави. Но, никако нема да има цени како пред 10-ина дена кога во малопродажба се движеа околу 130-140 денари, па отидоа и до 150 денари и погоре, рече Бектеши.

Тој прецизира дека ниту еден од производите кои беа наведени во одлуката за замрзнување на цените нема да има повисока цена од 100 денари за килограм.

Ќе има мала корекција само во делот на доматите и краставиците заради тоа што нема веќе увоз од Турција и од Грција каде што има поголемо производство на овие производи. Генерално до крајот на месецов увоз се врши од Албанија и еден мал дел од Србија, заради тоа што во Албанија еден месец однапред излегуваат овие производи, рече Бектеши.

Како што посочи тој, во првите четири месеци од годината кај нас генерално се увезува зеленчук и овошје од Турција, Грција, Албанија и од Србија. Со Србија и Албанија кои се во ЦЕФТА немаме царини, а со Грција и Турција има, плус се плаќа и 5 отсто ДДВ за увезеното овошје или зеленчук.

Согласно податоците што ги имаме од нашите домашни производители, нашите производи ќе излезат кон крајот на овој месец и почетокот на наредниот месец по што ќе има нагло намалување на цените. Сепак, како Министерство за економија и како Влада нема да отстапиме и ќе продолжат да се прават контролите за тоа како е направен увозот во нашата држава за сите увозници на овошје и зеленчук за последните месеци. Затоа Царинската управа, УЈП, ДПИ, финансиската полиција се веќе на терен и во континуитет ќе вршат контроли со цел да не се направи штета на Буџетот, а со тоа да се направи штета на потрошувачите во нашата држава, рече Бектеши.

Министерот најави дека ќе се праават контроли на направениот увоз во последните месеци и додаде дека ќе следат санкции за сите увозници кои направиле увоз, а при тоа до Царинската служба поднеле лажни пониски фактури од реалните.

Затајување на данок над 10 илјади евра е кривично дело и јас очекувам од Царинската управа до крај да постапи согласно нивните надлежности, рече Бектеши и потенцира дека е убеден оти целосно ќе се почитува одлуката за замрзнување на цените до крајот на април.

The post Бектеши: Во вторник ќе се ревидираат замрзнатите цени на 11-те видови овошје и зеленчук appeared first on Република.

Бројни неправилности во работењето на Фондот за пензиско и инвалидско осигурување утврдила извршената ревизија на финансиските извештаи и ревизија на усогласеност за 2021 година. Симптоматично е тоа што извршители неосновано повлекуваат пари од Фондот врз основа на извршување врз пензионери поради различни долгови.

Фондот констатира дека одредени извршители, откако биле известени од стручната служба на Фондот, дека не се во состојба да го реализираат налогот за извршување од повеќе причини (починат корисник на пензија, корисник со најнизок износ на пензија, корисник за кој веќе се задржува 1/3 од пензијата по друг налог за извршување) пристапиле кон извршување директно од сметката на Фондот. Од Фондот во 2021 година месечно се регистрирани од 2500 до 3000 трансакции од пензии на должници кон сметки на извршителите, а на годишно ниво оваа бројка достигнува околу 30.000 трансакции. Притоа бројката на вработени лица во Фондот кои се ангажирани на ова прашање во зависност од обемот на работа достигнува и 8-9 лица, а за вршењето на оваа услуга Фондот не добива никаков надоместок од страна на извршителите, стои во ревизорскиот извештај за работењето на Фондот.

The post Починале или имале ниска пензија: Извршители наплаќале долгови на пензионери од сметката на Фондот за пензиско и инвалидско осигурување appeared first on Република.

Демократскиот сојуз бара Државниот завод за ревизија да направи ревизија на досегашните активности и трошењето на милионски суми (над 20 милиони евра) на државните институции во врска со подготовките за изградба на коридорите 8 и 10-д, од Конзорциумот БЕХТЕЛ И ЕНКА, во вредност од 1 милијарда и 300 милиони евра, како и предвидените над 300 милиони евра за експропријација на земјата каде ќе поминуваат трасите на коридорите (патиштата).

Во јавноста се презентирани многу контроверзни и коруптивни информации во врска со консултанти, надзор итн., кои отворија многу прашања, посебно дека се работи за тежок криминал, со што се загрозува целокупниот проект и може да се случи да останеме и без милионски суми евра и без патишта, со големи обврски кон фирмите кои треба да ги градат патиштата.

Воедно, предлагаме Владата да достави информација до Парламентот за досегашните активности, а Парламентот да отвори расправа.

На испит се и државните институции (МВР, АНБ, УЈП итн), како и Јавното обвинителство, бидејќи имаат законски надлежности и обврски да ги проверат и истражат можните криминални активности на високи функционери инволвирани во овие сомнителни активности, бараат од ДС.

The post ДС бара расправа во Собранието за коридорите 8 и 10д и ревизија на досегашните трошоци appeared first on Република.

Независниот ревизор се воздржува од давање мислење за финансиското работење на АД Водостопанство- Скопје, заради бројни недостатоци, нејаснотии и пропусти во работењето во 2021 година и тоа за годината во која оваа државна фирма, од централниот буџет добила над 2 милиони евра поддршка. Извештајот на независната ревизија во државното „Водостопанство“ објавен е страната на Македонската берза за хартии од вредност.

Во образложението на независната ревизија на А&БА Гроуп Дооел Скопје,  која требало да го анализира работењето на „Водостопанство“ пишува дека тие не можеле да дојдат до финансиските извештаи на компанијата, поради што и не можат да судат, како било работено таму. Највознемирувачки од се е што независните ревизори се воздржуваат од давање независно мислење. А во основите за воздржување од давање мислење има и повеќе скандалозни работи. Една од нив, на пример, е таа што на крај на 2021 година „Водостопанство“ евидентирало дека на сметките во банките депоненти има на располагање пари и еквиваленти вредни 922.000 евра. Ревизорите, согласно нивните протоколи за работа, се зафатиле со проверка и утврдување на фактичката состојба. Побарале, но не добиле потврди од сите банки дека „Водостопанство“ располага со таа сума на пари. Тоа значи дека тие како независен надлежен мониторинг не можат да потврдат дека парите се на сметки или можеби само фиктивно се на сметка, а всушност не постојат.

Ревизорите се нашле затекнати и во делот кој требало да ги анализира побарувања на компанијата, пријавени од страна на менаџментот на „Водостопанство“. Имено вкупниот износ пријавени побарувања изнесува 8 милиони евра. Кога ревизорите почнале да прават проверки, не им биле дадени соодветни податоци за старосната структура на побарувањата. Кога малку поаналитички почнале да истражуваат, утврдиле дека само правни лица на „Водостопанство“ му должат 3,34 милиони евра повеќе од три години, што пак според сметководствените стандарди се побарувања чија наплата е тешка и помалку веројатна. Тоа повлекува резервации на средства кои никогаш не се направени. А токму тоа може во значајна мерка негативно да влијае врз финансиската состојба на оваа државна компанија која е целосно зависна од државното финансирање.

Згора на се „Водостопанство“ одбило да им даде документација на независните ревизори кога барале податоци за судски спорови кои се водат против фирмата, со цел да утврдат дали има потреба од резервации на дополнителни средства кои може да треба друштвото да ги плаќа како резултат на идни изгубени судски спорови.

Она што најмногу ги кочело ревизорите во извршување на нивната работа е што тие ангажирани откако завршил пописот на средства и обврски, при што не биле во состојба да се уверат во состојбата и количините за залиха. Сето тоа овозможило да не може да се утврди дали се потребни корекции на извештаите за сеопфатна добивка, за состојба, за парични текови како и за промени во главнината.

The post Ревизорите вџашени од непрофесионалното работење на „Водостопанство“: Каде ли истекоа 922.000 евра? appeared first on Република.

Програмскиот колегиум на Младински културен центар (МКЦ) бара од градоначалничката на Скопје Данела Арсовска да бидат по закон спроведени постаките за ревизија и именување на директор на институцијата.  Денеска на прес-конференција тие побараа да биде отворен регуларен и фер конкурс за директор на МКЦ.

Како програмски уредници со драго срце и полн ентузијазам повторно ќе дадеме сѐ за културата на европско Скопје, велат од Програмскиот совет на МКЦ.

Тие сметаат дека информациите кои вчера ги пласираше Арсовска на прес-конфренција се паушални и незаконски, бидејќи ревизијата во МКЦ е во тек и се уште трае.

Охрабрете се и завршете ја својата работа по закон до крај. Одважете се, и по закон спроведете ги постапките и за ревизија, и за именувања. Веќе четврта година сме мета на јавни обвинувања и подметнувања, разни финансиски полиции, ревизии, контроли и судови. Ни го убивте кејфот и љубовта кон работењето. Истрајавме, и ќе истраеме сѐ додека веруваме во правна и правична држава, и само во тоа. Престанете да ни праќате неидентификувани и неовластени лица да ни вршат распити, да ни се врши мобинг и притосок на нашето работно место. Не дозволувајте повеќе секој да ги дискредитира и оцрнува нашите имиња и професионални интегритети, велат од Програмскиот совет на МКЦ.

Арсовска вчера го обвини поранешниот директор Ванчо Богоев дека ангажирал противзаконски 250 лица како хоноррарци, од кои повеќето биле блиски до неговата партија ВМРО-ДПМНЕ. На 90 пати биле ангажирани шанкери на испомош, од кои највисокиот хонорар бил 750 евра.

Богоев беше назначен за в.д. директор на МКЦ во јануари 2022 година, поточно тој го добива мандатот веднаш откако таа стапува на функцијата, а договорот му заврши изминатата недела, по што во медиумите објави дека трпел огромни притисоци од Град Скопје.

https://republika.mk/vesti/kultura/arsovska-tvrdi-deka-e-iznesena-gotovina-od-100-000-evra-bez-osnova-od-mkts-shokirani-i-zgrozeni-od-nejzinata-izjava/

Во МКЦ нема конкурс за избор на директор веќе четврта година по ред. Ние сакаме да веруваме во правна држава и почитување на законите, за конечно да истапи долгонајавуваната професионализација и избор на функциониери и раководители според искуство, меродавност и кредибилитет, кажа во интервју за „Република“ Богоев, кој беше разрешен по одлуката на Арсовска која на негово место да го назначи дипломираниот детектив Никола Алексов, кој нема работно искуство во културниот сектор.

https://republika.mk/vesti/skopje/vo-mkts-nema-konkurs-za-direktor-veke-chetvrta-godina-po-red-sakame-konechno-da-istapi-dolgonajavuvanata-profesionalizatsija/

Програмскиот колегиум на МКЦ има забелешки и на тоа кој ја врши ревизјата. Според нивните кажувања, лицето кое е во моментов во МКЦ и ги прегледува документите не е ревизор, туку врработен во службите на град Скопје.

Од главната благајна на МКЦ подигнати се нешто над 100.000 евра во готовина, кои биле извлекувани од сметката на институцијата без соодветна основа (6.2 милиони денари). Од каде е оваа информација? Кој ја потврдил или негирал? Дали ова е информација од тековната ревизија во МКЦ? Пред да одговориме на ова сакаме да укажеме на грубо кршење на законите и правилата на ревизорски надзор и извештај. Имено, ревизијата е нормална постапка и пракса за секоја институција. И ние истата максимално ја поддржуваме, а од нивните забелешки учиме и се корегираме. Но, досега правилата беа јасни: ревизијата по своето работење издава записник, на кој институцијата преку нејзините надлежните органи имаат законски рок да се произнесат и евентуално да појаснат и да дополнат пред таа да стане официјална. Ревизијата во МКЦ сѐ уште е во тек, и овие информации пласирани во јавноста се во најмала рака незаконски и во моментов паушални. Но, во интерес на јавноста и насловите во овој момент, сепак ќе појасниме дека: како благајна за 2022 година се водат 6.232.388 денари, од кои 5.914.888 се уплати од дневен промет од работата на угостителската дејност на МКЦ (бифе/шанкови) кои преку благајна потоа се уплаќаат на сметката на ЈУ МКЦ, а само 317.500 денари се директни готовински материјални трошоци, кои преку цела 2022 година се користени готовински и се однесуваат за ситни набавки, поправки, патарини, сервисирања и сл, поткрепени со соодветна документација и сметки. Тврдењата за недостаток на некакво покритие и документација за ова, беше токму нашиот сомнеж и страв по промените на бравите на пример, во простории каде таа документација се чува, рече Русе Арсов.

Програмскиот колегиум на МКЦ објасни и за обвинувањата за платите кои беа спомнати вчера од страна на Арсовска.

Што се однесува до сега веќе бомбастичните наслови дека „шанкер зема 750 евра плата во МКЦ“, би сакале да појасниме дека: во недостаток на редовен вработен персонал, секако за да оствариме сопствени приходи ќе се потпираме на сѐ уште расположливи надворешни млади луѓе, кои се останати во градот и сакаат да работат. Најчесто тоа се студенти, кои чесно работат за дневница, често и двојни смени, која на крај на месецетот врз основа на сработеното им се исплаќа како хонорар, со платен данок. И секако 90 договори не се 90 лица - паушален одговор за 12 месеци во годината се 7 извршители месечно, секое со свој посебен месечен договор. Како и да е, на секој од нив посебно сме им благодарни, велат од Програмскиот колегиум.

Од Комегиумиот додаваат дека МКЦ се труди да оствари и сопствени приходи, и да изнајде други начини на финансирање, но истакнуваат дека сите овие дополнителни средства кои ги обезбедува МКЦ се реинвестираат повторно во други настани и проекти.

Но исто така од овие средства се доплаќа и за струја и парно, се кречи, се плаќаат дополнителни работници, се поправаат компјутери, се купува опрема… Сето она кое Град Скопје, како една од нивните канцеларии за култура, не може да ни го обезбеди. Свесни сме за тоа „колку е долга чергата на градот и државата“ и затоа свесно се обидуваме да сработиме и повеќе од она кое се бара од нас. Како мала илустрација во 2019 година имавме засебни 1370 настани во 365 дена. Како е сето тоа можно?, велат од Програмскиот колегиум.

Од МКЦ денес рекоа дека Богоев од оправдани причини денес не беше на јавното обраќање и веруваат дека тој секако дополнително ќе се обрати и ќе ги искористи сите правни законски механизми да ја објави вистината.

Воедно ги охрабруваме и сите други вработени во администрацијата на Град Скопје, на кои веќе подолго време слушаме дака им се вршат исти или слични притисоци, кои тивко кажуваат и дека го слушале гласниот „состанок“ меѓу поранешниот вд директор и генералниот секретар на Град Скопје, доколу е тоа така и спрема нив, да истапат и го обзнанат тоа пред надлежните институции и јавноста. Политичките и партиски етикетирања во оваа точка нема да ги коментираме. Нашата партија се вика МКЦ“, рекоа од Програмскиот колегиум.

The post Престанете да ни праќате неовластени лица да ни вршат распити, спроведете законска ревизија и нов конкурс за директор, бара Програмскиот колегиум на МКЦ од Арсовска appeared first on Република.

Доброволното враќање на неосновано стекнатите надоместоци на име дежурства не ја ослободува ексдиректорката на Клиниката за детски болести проф. д-р Аспазија Софијанова од одговорноста пред законот и надлежните институции“, велат од Универзитатската клиника за детски болести.

Министерот за здравство Беким Сали вчера информираше дека сега веќе поранешната директорка на Детската клиника д-р Софијанова ги вратила на Клиниката сите исплатени средства.

Таа го сторила истото пред да си даде оставка, истакна министерот.

По барање на министерот пред 15 дена оставка од директорските позиции дадоа Софијанова и првиот човек на Онколошката клиника, Нино Васев.

Во врска со објавените информации за работењето на ексдиректорите на Универзитетската клиника за детски болести, медицински директор, проф. д-р Софијанова, и в.д. организацискиот директор Мемеди Аљадин, ја известуваме јавноста дека во тек е вонредна ревизија на досегашното работењето во разни домени, меѓу кои и исплата на плати и надоместоци на плата, дежурства и надоместоци за прекувремена работа, соопштија од Клиниката за детски болести.

Оттаму додаваат дека по завршување на предметните ревизии и соодветните постапки, Универзитетската клиника за детски болести во целост ќе ги побара неосновано исплатените средства утврдени од страна на надлежните институции.

Од Клиниката за детски болести порачуваат дека „поради необезбедената согласност за организација на работа во дежурства за 2021 и 2022 година од страна на претходното раководство, сегашниот менаџмент не беше во можност да им изврши исплата за октомври 2022 година на вработените. Исплата на дежурства за вработените за октомври ќе се изврши веднаш по добивање на потребната согласност“.

Исто така, сакаме да посочиме дека платите на вработените не се намалени, велат од Детската клиника.

The post Враќањето на неосновано исплатените дежурства не ја ослободува д-р Софијанова од одговорност, велат од Клиниката за детски болести appeared first on Република.

Во насока на зајакнување на интегритетот на институциите и зголемување на нивната транспарентноста, радува фактот што Државниот завод за ревизија во Годинашната програма за работа на ДЗР за 2022 година по 13 години е планирана ревизија на регуларност на финансиските извештаи на Владата, соопшти денеска Државната комисија за спречување на корупцијата (ДКСК).

Борбата против корупцијата и судирот на интересите е можна само преку заедничка соработка на сите институции. Од друга страна ревизијата на работењето на сите институции само ќе ја зголеми нивната транспарентност и интегритет во општеството, стои во соопштението.

Комисијата за спречување на корупција и судир на интереси, како што се наведува, ќе ја интензивира и понатаму соработката со сите релевантни институции, бидејќи само со заеднички залагања можеме да очекуваме поголеми резултати.

The post Првпат по 13 години ќе има ревизија на финансиските извештаи на Владата appeared first on Република.

Државниот завод за ревизија на својата интернет страница го објави Конечниот ревизорски извештај од извршената ревизија на финансиски извештаи и ревизија на усогласеност за 2020 година на Фондот за здравствено осигурување (ФЗОМ).

Сметано по најниската наплатена цена од 1.400 денари по тест и направени 819.240 тестови за две години, од граѓаните во приватното здравство се прелеани повеќе од 18,6 милиони евра Државниот завод за ревизија изврши ревизија на финансиските извештаи заедно со ревизија на усогласеност на Фондот за здравствено осигурување за 2020 година.

Изразено е мислење со резерва во однос на вистинитоста и објективноста на финансиските извештаи и за усогласеноста на финансиските трансакции со релевантната законска регулатива за 2020 година.

Во услови на пандемија, поради необезбедување на повеќе термини во Јавните здравствени установи (ЈЗУ) и несклучени договори со Приватните здравствени установи (ПЗУ) за дијагностицирање на COVID-19, не се обезбедени доволно здравствени услуги за осигурениците на товар на Фондот.

Според објавените податоци од Институтот за јавно здравје, од почетокот на пандемијата на ниво на Македонија се извршени вкупно 1.962.489 тестови во 33 лаборатории ПЗУ и ЈЗУ, од кои 1.337.238 се PCR тестови, а остатокот се брзи антигенски тестови.

Структурата и трендот на движење на извршените ПЦР тестови и бројот на лаборатории во ЈЗУ и ПЗУ од почетокот на пандемијата во март 2020 година заклучно со март 2022 година се прикажани на следните инфо-графици:

Бројот на направените тестови и висината на цената на овие услуги во приватните лаборатории во различни периоди укажува на одлив на финансиски средства на граѓаните во приватното здравство. Сметано по најниската наплатена цена, според јавно достапни информации, од 1.400 денари и 819.240 тестови1 направени во ПЗУ за две години, станува збор за износ не помал од 18,6 милиони евра, не земајќи ги предвид и брзите антигенски тестови и повисоко наплатените цени кои се движеа и до 5.500 денари по тест.

Постои нерамномерен сооднос при вршењето на кардиоваскуларно - хируршки здравствени услуги во 2019 и 2020 година меѓу ЈЗУ и ПЗУ. Имено, Фондот има склучено договори со три ЈЗУ и две ПЗУ за што се исплатени 1.254.330 илјади денари од кои 95% од услугите се вршат во ПЗУ. Најголем дел од услугите во ЈЗУ се извршени од ЈЗУ УК за државна кардиохирургија која иако располага со квалификуван кадар, ги нема потребните просторни услови, што неповолно влијае на обемот на вршењето на здравствената дејност.

Ревизорите нагласуваат дека е неопходно Министерството за здравство да преземе активности за обезбедување на потребните услови во ЈЗУ, како би се постигнала поголема конкурентност на јавното здравство во областа на вршење на кардиоваскуларно-хируршки здравствени услуги. Особено што обемот на извршени услуги во ЈЗУ е значително помал од договорениот надоместок што им го исплатува Фондот, па зголемувањето на обемот на здравствени услуги нема да предизвика дополнително одлевање на значајни финансиски средства кон ЈЗУ, а ќе влијае на намалување на одливот на финансиски средства кон ПЗУ.

Со извршената ревизија, констатирани се слабости во спроведувањето на интерните и теренските контроли при потврдувањето на објективноста на фактурираните медицински интервенции реализирани од ПЗУ.

Поради здравствената криза во 2020 година бројот на теренски контроли кај здравствените установи е намален за 74% со што се зголемува ризикот од признавање и плаќање на здравствени услуги во вид и обем различен од реално извршениот. Според презентираните информации, во 2020 година извршени се вкупно 83 контроли кај здравствени установи, наспроти 472 во 2019 година.

Соодносот на извршени контроли и утврдени неправилности по нивоа на здравствена заштита во 2019 и 2020 година се прикажани на следниот графикон:

Најмал број контроли се извршени кај здравствените установи од болничка здравствена заштита, чии договорни надоместоци се највисоки, а кај истите се утврдени неправилности во 85% случаи.
Исто така, во ревизорскиот извештај се наведени состојби на утврдени неправилности и непочитување на роковите при вршењето на контролите и изрекувањето на договорните казни, што пак влијаело да не се санкционираат здравствените установи кои не постапуваат согласно склучените договори со Фондот.

Во постапките за упатување за лекување во странство на осигурените лица не е обезбедена соодветна правна заштита и контрола, ниту пак систем на следење и анализи на успешноста на лекувањето. Фондот има евидентирано аванси за лекување во странство дадени на странски здравствени установи во износ од 209.772 илјади денари, за кои нема точни информации за статусот на лекувањата поради необезбедена документација.

Во делот на Нагласување на прашања за неизвесност и континуитет ревизијата обелоденува за начинот на плаќање на извршените услуги на здравствените установи, укажувајќи дека не е обезбедено вистинско купување на услуги предвидено со Законот за здравствено осигурување. Истовремено во овој дел се потенцираат и состојбите настанати кај ЈЗУ како резултат на здравствената криза предизвикана од пандемијата на COVID-19 во 2020 година. Имено, во 2021 година 106 од вкупно 116 ЈЗУ имаат добиено статус на неодржливи поради реализиран значајно
помал обем на услуги во однос на договорениот надоместок.

Отпочнати се активности за воведување електронски рецепт преку ИТ системот на Фондот, без координација со Министерството, кои не се целосно реализирани.

Постои потреба Министерството за здравство и Управата за електронско здравство во координација со Фондот, имајќи ги предвид одредбите од Законот за евиденции во областа на здравството, да ги преиспитаат економичноста, ефективноста и ефикасноста на примената на член 28-а од Законот за здравствено осигурување со кој се воведува електронски рецепт преку ИТ системот на Фондот и да се разгледа можноста за искористување на капацитетите на постојниот систем за препишување и издавање лекови на рецепт со истовремено воспоставување контролни точки кои ќе обезбедат плаќање на подигнати лекови единствено врз основа на реално и законски пропишани рецепти од овластени лекари.

The post Државниот завод за ревизија: Фондот обесбедува недоволно здравствени услуги за осигурениците appeared first on Република.

Градоначалничката на Град Скопје, Данела Арсовска, во гостување во емисијата „Трилинг“ на ТВ 24, најави дека е во тек ревизија на работењето на претходното раководство на градот.

Арсовска посочи дека од досегашните наводи кои произлегле се оформени повеќе финални предмети и истите се доставуваат до надлежните институции.

Ревизијата е веќе отпочната. Се што ќе биде детектирано, а е во насока на злоупотреба на службената должност ќе биде соодветно доставено до надлежните институции. Останува на институциите да одлучат во која насока и како ќе постапуваат по истите - изјави Арсовска.

За ребалансот на буџетот, Арсовска истакна дека е почната постапка која трае до 45 дена за подготовки и анализа на тоа кои средства треба да се одвојат и пренаменат онаму каде што има потреба. Во овој момент се следи процесот на работа на јавните претпријатија и кои од нив генерираат поголеми долгувања, со оглед на тоа што цените на енергенсите драстично се зголемени.

Автомобилите во сопственост на градот веќе не се користат надвор од работното време, исклучително само во службени цели. Воедно ги кратиме и сите непродуктивни трошоци и овие средства ги пренаменивме да се вратат кај граѓаните. Помагаме на ранливите категории граѓани, овозможуваме оброци на бездомните лица - изјави Арсовска.

The post Арсовска: Во тек е ревизија на работењето на претходното раководство, институциите ќе одлучат по сите злоупотреби appeared first on Република.