Претседателот на Република Српска, Милорад Додик, навестува дека се разгледува можноста младите момчиња од српскиит ентитте во Босна и Херцеговина, да служат војска во Србија

Додик истакна дека му е драго што Србија донела одлука за воен рок и дека се бара начин момчињата од Република Српска да отслужат редовен воен рок во Србија.

Преку одредени решенија ќе ги стимулираме нашите момчиња да заминат во Србија, да го отслужат воениот рок и да се вратат во Србија. Ќе видиме како да им обезбедиме побрзо вработување или друг вид на привилегии и поддршка на младите кои ќе го прифатат ова“, рече Додик.

Тој посочува дека единствената можна позиција за Србија е да биде воено неутрална земја.

Не може да влезе во НАТО, бидејќи какви луѓе би биле ние ако по два бомбардирања сега влеземе во тој сојуз. Од друга страна, ние Србите сме опкружени со Алијансата. Затоа и е важно Србија да ја зајакне својата армија“, смета Додик.

The post Додик: Младите момчиња од Република Српска ќе служат војска во Србија appeared first on Република.

Претседателот на Република Српска, Милорад Додик, изјави дека официјална Бања Лука ќе се обиде да обезбеди финансирање за некои проекти преку инструментите на БРИКС, а не преку европските институции.

Додик порача дека соработката со Новата развојна банка на БРИКС, која покажа интерес за инвестирање во региони надвор од асоцијацијата, може да стане алтернатива на постоечките финансиски инструменти.

Со помош на финансиските алатки, Западот, а особено Соединетите Американски Држави, се обидуваат да влијаат на другите земји. Затоа голем број земји бараат, како алтернатива, наместо укинување на доларот, да се воведе друг механизам за плаќање и порамнување меѓу земјите кои имаат своја валута“, рече Додик.

Тој истакна дека во светски рамки, довербата во доларот е значително намалена, што доведува до развој на процесот на дедоларизација.

The post Република Српска сака да финасира свои проекти преку БРИКС, а не преку ЕУ appeared first on Република.

По средбата со унгарскиот министер за надворешни работи, Петер Сијарто, во Бања Лука, претседателот на Република Српска, Милорад Додик, истакна дека неговиот гостин е голем пријател на Република Српска.

Денес, Унгарија е препознаена како наш навистина стабилен партнер и во тој поглед сакаме да го одржиме највисокото можно ниво на нашите односи, рече Додик.

Тој додаде дека низ времето е покажано високо ниво на разбирање, соработка и поддршка меѓу Република Српска и Унгарија.

Соработката меѓу Унгарија и Република Српска се заснова на меѓусебно почитување и горди сме на проектите што се реализирани досега. Унгарија, исто така, никогаш нема да се согласи еден функционер на Република Српска да биде на црната листа, бидејќи е неправедно кон гласачите кои ги избрале тие функционери, изјави Сијарто на заедничка прес-конференцијата.

Министерот за надворешни работи на Унгарија изјави дека неговата земја е пријател на Република Српска, со која има многу заедничко и му се заблагодари на Додик за развојот на пријателството и соработката.

Во ова време на закани и притисоци, потребни ни се силни и патриотски лидери како Додик, кој секогаш храбро ги застапува интересите на својата земја, рече Сијарто на завршната конвенција на Алијансата на независни социјалдемократи (СНСД), пред изборите одржани во Република Српска во недела.

The post Додик го прими Сијарто: Пристигна голем пријател, Унгарија е наш стабилен партнер appeared first on Република.

Република Српска никогаш немала план за сецесија, изјави денеска претседателот на Српска, Милорад Додик, и посочи дека веќе 10 години вели дека РС нема планови за отцепување, ниту некогаш имала.

Ние го поддржуваме територијалниот интегритет на Босна и Херцеговина во согласност со Дејтон. Имаме право на политичка борба. РС е решена да ја брани својата политичка автономија. Ако Босна и Херцеговина не е одржлива врз основите на Дејтон, тогаш не е никако. Подобро е да се разделиме мирно и да нема никаков судир. Немам намера да им објаснам на оние што не сакаат да го разберат тоа, дека нема план за сецесија, рече Додик на прес-конференција.

Тој напомена дека Република Српска останува на темелите на напишаното во Дејтон и ќе продолжи да се бори за него.

Додик посочи дека знае што се зборувало на средбата за време на посетата на директорот на ЦИА Вилијам Барнс на Сараево и дека на седницата на Претседателството на Босна и Херцеговина било кажано дека не се гордее со тоа како работат некои негови соборци на теренот.

-Тоа беше доволно за да препознаеме дека тој не поддржува некои активности, рече Додик.

Тој смета дека погрешно било претставено дека во БиХ дошла „бабарога“, посочувајќи дека Бернс е еден од разумните луѓе.

-Зборуваме за мудар човек, кој има животно и професионално, но и значајно политичко искуство. Јас ја поддржувам комуникацијата што ја имаа, рече Додик.

Тој рече дека на сите им е доста од приказната на Денис Беќировиќ за сецесијата и Додик.

Исто така, додаде, дека на средбата било кажано дека не се согласуваат со неговата политика, но разбираат дека некои позиции треба да се усогласат и да се разјаснат.

-Да бараа политичка пензија немаше да има, јас не сум човек што се повлекува, рече Додик и посочи дека за политичката пензија ќе одлучува самиот.

Кога станува збор за американските санкции, Додик изјави дека се бликирани сите финансиски операции на владата на домашен и на меѓународниот пазар и дека спроведува ригидна и насилна политика на елиминација кон поединци и компании, додека од друга страна во БиХ поради тоа има радувањер.

The post Додик: Република Српска никогаш немала план за сецесија appeared first on Република.

Министерството за внатрешни работи на Република Српска ги зголеми безбедносните мерки на подрачјето на овој дел од Босна и Херцеговина, особено на јавните места, по денешниот терористички напад на амбасадата на Израел во Белград, при што беше тешко повреден припадник на жандармеријата на МВР Србија.

Од МВР истакнаа дека состојбата на безбедност на подрачјето на ентитетот е задоволителна и дека граѓаните немаат причина за загриженост, но апелираат да пријават секое сомнително однесување во нивната околина. Министерот за внатрешни работи на Република Српска, Синиша Кара и директорот на полицијата, Синиша Кострешевиќ, се во постојана комуникација со министерот за внатрешни работи и потпретседател на Владата на Србија, Ивица Дачиќ, и со првите луѓе на полицијата на Србија.

Иако нема непосредна закана од сличен напад во Република Српска, наложен е сет на превентивни мерки и интензивирана соработка со другите полициски агенции во смисла на размена на оперативни информации, се вели во соопштението на МВР, пренесе Н1.

The post Подигнат степенот на безбедност во Република Српска appeared first on Република.

Претседателот на Република Српска Милорад Додик изјави дека Српска има право на одлука за мирно разединување, бидејќи во државната заедница на Босна и Херцеговина ја внесе својата територија, надлежност и самостојност.

Тој рече дека до крајот на јуни Република Српска ќе и понуди на Федерацијата БиХ (ФБиХ) договор за мирно разединување, кој ќе содржи и аналитички дел за загрозувањето на Дејтонскиот мировен договор.

Тој потсети дека Владата на Република Српска денеска донесе одлука да назначи Работна група за изработка на договор за мирно разединување со ФБиХ. Според Додик, Република Српска има право на оваа иницијатива, која се заснова на Уставот и Дејтонскиот мировен договор.

The post Додик: РС има право на одлука за мирно разединување, договор до крајот на јуни appeared first on Република.

Без оглед на многубројните предупредувања од САД до Милорад Додик, претседателот на Република Српска, дека „раздружувањето“ значи крај на овој ентитет, тој не запира и продолжува со оваа најава.

Имено, Додик најави дека до крајот на мај, што значи или денеска или утре, на партнерите од Федерацијата Босна и Херцеговина ќе им понуди, како што го нарече „договор за раздружување“.

Ќе бидеме во органите на Босна и Херцеговина, но ќе носиме одлуки само во наш интерес. А бидејќи таму нема одлуки во наш интерес, тешко дека ќе носиме одлуки, рече Додик, потсетувајќи дека РС ќе испрати договор за раздружување, пишува РТРС.

Тој продолжи со својата реторика и, како и обично, ги навреди колегите од Сараево, нарекувајќи ги фаворити на Америка.

Но, тие не знаат дека односот на силите е променет во светот. Фактот што Американците воведуваат санкции кон РС покажува дека ние сме фактор, додаде Додик, кој со години е на црната листа на САД, заедно со неговите деца и некои блиски соработници.

Една од последиците на црните списоци е проблемот со исплатата на платите. Со оглед на тоа што голем дел од нив се без тековни сметки поради санкции, Владата на РС реши да реагира и да ги легализира платите во пликови.

Но, набрзо стигна одговор од Америка, па се заканија со нови црни листи поради објавувањето на овој закон. Додик не ги сфаќа сериозно предупредувањата и по предупредувањето од американската амбасада дека РС не може да постои без БиХ, односно дека разединувањето значи нејзин крај, како и тоа што со својата реторика само му наштетува на овој ентитет.

И покрај тоа, Додик уште еднаш ја искористи можноста да ја навреди државата Босна и Херцеговина.

Односите во БиХ никогаш не биле полоши. Според сите проценки, би било нормално да не постоела таа земја, тоа е карикатура, изјави Додик.

The post Додик и покрај предупредувањата од САД најави дека РС утре ќе испрати договор за раздружување appeared first on Република.

Здружението на новинари на Република Српска (УНРС), по повод Меѓународниот ден на слободата на медиумите, го прогласи Џулијан Асанж за почесен член на тоа здружение.

Во соопштението на УНРС се наведува дека не е неопходно да се објаснува овој потег, особено не на оние кои се занимаваат со прашањето за слободата на говорот и мислата, бидејќи Асанж е вистински маченик за овој идеал во светот.

Здружението истакна дека сака да го сврти вниманието на домашната јавност на тоа дека Џулијан Асанж е пред екстрадиција во САД, од која го дели уште едно рочиште.

Она што е неприфатливо од гледна точка на светската медиумска сцена и меѓународното право е тоа што сакаат да го затворат во Соединетите Американски Држави, чиј државјанин не е, како ниту државјанин на Велика Британија, која го уапси откако го извлече од Амбасадата на Еквадор. Уште полошо, тоа го прават поради сите оние работи кои се загарантирани со вториот амандман на Уставот на САД, а кои се однесуваат на слободата на говорот и печатот“, се наведува меѓу другото во соопштението.

The post Џулијан Асанж прогласен за почесен член на Здружението на новинари на Република Српска appeared first on Република.

Претседателот на Република Српска, Милорад Додик денеска повика на, како што рече, „разговори на институционално ниво за одвојување“.

Отпадничките структури на босанските муслимани одамна ја напуштија уставната рамка и отстапуваат од се што претставува Дејтонската Босна и Херцеговина. Можеби Комшиќ мисли дека успеал да направи нешто затоа што останал воздржан, но тоа суштински не менува ништо, освен што ни е јасна пораката на нас во Република Српска дека јавно покажаа дека сè што правиме за да ја зачуваме нашата уставна позиција е правилно и единствено можно во услови на постојано подметнување и обиди за уривање на Република Српска и заобиколување на процесот на одлучување со еднострано дејствување, рече Додик.

Тој додаде дека тоа „отвора нови перспективи за РС“.

Па, веќе не е толку невообичаено да се каже и да се очекува Република Српска да го стори истото. Има механизми за тоа. Потребно е да го официјализираме нашето мирно одвојување кое босанските муслимани го иницираа со своите еднострани потези и уривање на уставниот поредок. Би било најдобро за сите кои живеат во Босна и Херцеговина да започнеме дискусии за одвојување на институционално ниво, бидејќи мирното раздвојување е факт и треба да се направи се за да се обезбеди стабилност и соработка на начин кој е можен, додаде Додик.

The post Додик побара да почнат разговорите за „институционално ниво за одвојување“ на Република Српска appeared first on Република.

Европската Унија го повика раководството на Република Српска да ги запре иницијативите за усвојување закони кои ќе го нарушат уставниот поредок на Босна и Херцеговина и ќе го загрозат нејзиниот европски пат.

Во денешното соопштение, ЕУ предупреди дека Собранието на Република Српска расправа за усвојување на законодавни иницијативи кои ќе го нарушат уставниот поредок на БиХ, функционалноста на нејзините институции и основните слободи и ќе бидат во спротивност со обврските на БиХ на нејзиниот пат кон ЕУ.

„Очекуваме раководството на ентитетот да ги запре овие законски иницијативи, вклучително, пред сè, нацрт-законите за избори, референдум, имунитет и „странски агенти“, се додава во соопштението на Европската служба за надворешни работи (ЕЕАС).

ЕУ нагласува дека мора да се почитуваат суверенитетот, територијалниот интегритет, уставниот поредок, вклучително и одлуките на Уставниот суд и меѓународниот идентитет на БиХ и додаваат дека секое дејство против овие принципи ќе предизвика сериозни последици

The post ЕУ пак тргна против Република Српска appeared first on Република.

Претседателот на Република Српска, Милорад Додик, денеска најавил дека ќе се кандидира за уште еден мандат на чело на ентитетот, пренесува „N1.rs“.

Додик ја објавил својата кандидатура на состанокот на Главниот одбор на Партијата на независни социјалдемократи (СНСД) и рече дека партијата „ја носи силата во себе“ и е „најголемата сила“ на Република Српска, пренесува РТРС.

– Нашите победи мора да започнат денеска и од нас се бара истрајност, а за неуспехот нема оправдување. Мораме да му служиме на народот, рекол Додик.

Тој додал дека Република Српска мора да се грижи Србија секогаш да биде на нејзина страна.

-Одлучноста на Српска и нејзината внатрешна структура никој не треба да ги доведува во прашање и затоа е важно и денес да ги избираме нашите тела за да ги носиме најдобрите одлуки, посочил Додик.

Тој, исто така, навел дека Република Српска не сака да биде нарушувачки фактор во БиХ, која е изградена од два ентитета и три конститутивни нации.

-Тоа е основа за каков било договор во иднина, кажал Додик по состанокот на Главниот одбор на СНСД, пренесе РТРС.

The post Додик најави нова кандидатура appeared first on Република.

Република Српска сака пријателски односи со сите, изјави денеска претседателот на СНСД, Милорад Додик и најави кандидатура за следниот мандат за претседател на Српска.

Додик на седницата на Главниот одбор на партијата во Српач рече дека СНСД има историска одговорност и дека нема да се крие од разни закани.

-Целиот мој живот го посветив на борбата за Република Српска. Завршив на суд затоа што бев непослушен. Нема да заминам од овде, ќе останам овде и подготвен сум да се жртвувам за Република Српска како човек и политичар, изјави Додик.

Тој посочи дека на овие простори никогаш повеќе нема да се појави партија толку силна како СНСД и дека оваа партија треба да се прилагоди на луѓето на терен.

Според него, раководството на Република Српска донело одлука за формирање државна банка преку која ќе се реализираат одредени интереси на Република Српска.

На седницата на ГО на СНСД беа избрани потпретседателите и генералниот секретар, како и претседателството на партијата.
Беа избрани и пет потпретседатели на партијата и тоа: заменик-претседател задолжен за меѓународни односи Жељка Цвијановиќ, потпретседател задолжен за соработка со институциите на Република Српска Радован Вишковиќ, потпретседател задолжен за соработка со институциите на заедничко ниво Сања Вулиќ, потпретседател задолжен за соработка со локалните заедници и невладини организации, Мирослав Бојиќ и потпретседател задолжен за соработка со јавните претпријатија, Лука Петровиќ.

The post Додик ќе се кандидира за претседател на Република Српска appeared first on Република.

Претседателот на Република Српска (РС), Милорад Додик, порача дека САД треба да прифатат дека РС и нејзините граѓани никогаш нема да дозволат за нивната судбина да одлучуваат други.

Откако американскиот помошник државен секретар за европски и евроазиски прашања, Џејмс О’Брајан, изјави дека оригиналниот Дејтон потекнува од негово перо и дека сакаат да се фокусираат на тоа институциите на власта да функционираат како што се дизајнирани да функционираат, Додик за агенцијата Срна изјавил дека е добро да се знае дека О’Брајан смета оти сите треба и на тоа да се фокусираат.

Додик истакна дека тоа значи дека сите мора да го почитуваат Уставот на БиХ и напишаното во него, како и Дејтонскиот мировен договор.

The post Додик: САД треба да прифатат дека Република Српска нема да дозволи други да одлучуваат за нејзината судбина appeared first on Република.

Денеска е Денот на Република Српска која е основана пред точно 32 години. Република Српска е основана на 9 јануари 1992 година во Сараево како Република на српскиот народ во Босна и Херцеговина, со одлука на тогашното Собрание на српскиот народ во Босна и Херцеговина.

Република Српска го доби својот прв Устав на 28 февруари 1992 година под името Устав на Српската Република Босна и Херцеговина. Република Српска беше потврдена со Дејтонскиот мировен договор.

На барање на бошњачкиот лидер Бакир Изетбеговиќ, Уставниот суд на БиХ одлучи дека мора да се избере друг датум за Ден на Република Српска, но граѓаните со повеќе од 99 отсто гласаа дека 9 јануари останува Ден на Република Српска.

Деновиве пред обележувањето на празникот имаше тензии во БИХ. Притисокот беше насочен кон претседателот Милорад Додик, а за таа цел и американски ловци Ф-16 ја наделтуваа територијата на Република Српска.

The post Додик не се исплаши од американските Ф-16: Прослава на Денот на Република Српска appeared first on Република.

Податоци на клиентите на Даночната управа на Република Српска и е-маил адресите на вработените во оваа институција се продаваат на форуми за криминално хакирање на црниот пазар, објави Бањалучкиот бизнис портал Капитал (Capital.ba).

Тие наведоа дека протекувањето на податоците на даночните обврзници се случило поради користење на официјална е-пошта на вработени во ПУ за пристап до забавни веб-страници, доверливи реклами и социјалната мрежа Линкедин.

„На неколку форуми на „dark web“ веќе се објавени информации и понудена е продажба на податоци од околу 410 корисници на Даночната управа. Понудени се и профили во базата на податоци на Даночната управа“, се вели во текстот, пренесе Бета.

Според ИТ експертите, ова е поврзано со лошата заштита на исклучително чувствителните податоци и потенцијално со пробивањето на Интегрираниот здравствен информативен систем на РС (ИЗИС), што се случи на 31 декември, кога сите досиеја на пациентите беа заклучени и базата на податоци беше понудена на продажба.

Од Даночната управа на РС изјавија дека веднаш откако дознале за хакерскиот напад ги прекинале сите врски со Фондот за здравствено осигурување на РС и го блокирале пристапот до сите корисници на системот до дополнително известување.

The post Хакери упаднаа во Даночната управа на РС, продаваат податоци на црниот пазар appeared first on Република.

Полицијата на Република Српска забрани собири и одбележување на 25 ноември – Ден на државноста на Босна и Херцеговина.

Според полицијата во Бања Лука и Мркониќ одбележувањето е забрането поради закана по безбедноста и јавниот ред и мир.

На 25 ноември 1943 година во Мркониќ се одржа првата седница на Националниот антифашистички совет на БиХ, на која беше објавено формирањето на БиХ како рамноправна федерална единица во рамките на новата Југославија. Затоа 25 ноември во 1992 година е прогласен за државен празник во БиХ.

Лидерот на босанските Срби, Милорад Додик, постојано повикува на отцепување на Република Српска од БиХ.

The post Забрането славење Денот на БиХ во Република Српска appeared first on Република.

Европската унија (ЕУ) изрази сериозна загриженост поради усвојувањето на нацрт-законот за посебен регистар и јавност на работата на непрофитните организации во Народното собрание на Република Српска, со кој невладините организации се означени како „странски агенти“, оценувајќи дека овој закон е во спротивност со европскиот пат на Босна и Херцеговина.

- Конечното усвојување на Законот би било во директна спротивност со заложбите на раководството на РС за напредокот на БиХ кон европската интеграција, особено во однос на клучниот приоритет 11, што е за граѓанското општество, и клучниот приоритет 12, за слободата на изразување и медиумите, изјави портпаролот на ЕУ Петер Стано.

ЕУ ги повикува претставниците на Народното собрание на РС уште еднаш да размислат за предлог-законот.

- Почитувањето на човековите права, слободата на изразување, слободата на медиумите и плурализмот, како и опкружувањето кое им овозможува на граѓанските организации слободно да работат, се клучните столбови на едно демократско општество, нагласи Стано.

Тој додаде дека ЕУ, исто така, го осудува неодамнешното стапување во сила на измените на Кривичниот законик на РС, со кои повторно се воведени кривични санкции за клевета, со што се наметнуваат непотребни и непропорционални ограничувања за независните медиуми и граѓанското општество.

Според него, тоа претставува „разочарувачки и неоспорен голем чекор наназад кога станува збор за заштитата на основните права“.

https://republika.mk/vesti/balkan/vo-republika-srpska-nevladinite-organizatsii-so-zakon-ke-bidat-stranski-agenti/

Народното собрание на Република Српска денеска го усвои нацрт-законот за посебен регистар и јавност на работата на непрофитните организации, така наречениот закон за „странски агенти“.

За предлог-законот гласаа 48 пратеници од партиите на владејачката коалиција предводена од Алијансата на независни социјалдемократи (СНСД), против беа 11 пратеници, а воздржани беа шест пратеници

The post ЕУ загрижена што Република Српска ќе лови странски агенти appeared first on Република.

Народното собрание на Република Српска денеска го одобри Предлог-законот за посебен регистар и јавност на работењето на непрофитните организации, односно таканаречениот „Закон за странски агенти“, кој ќе биде доставен на едномесечна јавна расправа.

Таа идна регулатива ја одобрија 48 пратеници од владејачката коалиција, на чело на Сојузот на независни социјалдемократи (СНСД), против беа 11 пратеници, додека шестмина беа воздржани.

Усвојувањето на таканаречениот „закон за странски агенти“ претходно го најави претседателот на РС, Милорад Додик, а против него беа претставници на невладиниот сектор и меѓународната заедница во БиХ.

Објаснувајќи ја потребата од усвојувањето на тој закон, министерот за правда на РС Милош Букејловиќ изјави дека отсуството на таа регулатива создава услови за „колапс на правниот систем и уставното уредување на РС и штетни последици за работата на органите и организациите. на РС“.

Повлекувањето на тој предлог закон од собраниска процедура претходно беше побарано од Делегацијата на Европската Унија во БиХ и Советот за спроведување на мир во БиХ (PIC).

The post Во Република Српска невладините организации со закон ќе бидат странски агенти appeared first on Република.

Специјалниот пратеник на САД за Западен Балкан, Габриел Ескобар синоќа во Вашингтон изјави дека САД ќе ги употребат „сите можни средства“ за да го спречат претседателот на Република Српска Милорад Додик, да ја отцепи РС од Босна и Херцеговина.

- Сакаме да ги искористиме сите можни средства за да спречиме такво нешто. Ова значи зајакнување на силите на ЕУФОР, целосна поддршка за високиот претставник Кристијан Шмит и работиме со Европската банка за обнова и развој (ЕБРД), Меѓународниот монетарен фонд (ММФ) и Европската унија за да ги запреме парите, за да не им се дава пари на оние што ѝ штетат на државата, рече Ескобар во сведочењето пред Поткомитетот за Европа на Комитетот за надворешни работи на Претставничкиот дом на американскиот Конгрес.

Според сараевските медиуми, Ескобар им рекол на конгресмените дека треба да сметаат на американска реакција во Босна и Херцеговина, и дека САД, покрај Додик, треба да санкционираат и други политичари.

Тој додаде дека „поединечни функционери во приватни разговори бараат суспензија на санкциите“.

На прашањето зошто ЕУ не воведува санкции против Додик, Ескобар одговори дека тоа е „добро прашање“, потсетувајќи дека за тоа е потребен консензус од сите 27 земји-членки на ЕУ и посочи дека е неопходно да се изврши притисок врз Унгарија.

Претходно, републиканската конгресменка Ен Вагнер му рече на Ескобар дека е неопходно да се санкционираат оние кои го загрозуваат територијалниот интегритет и суверенитет на Босна и Херцеговина.

Наведувајќи дека САД се гарант за Дејтонскиот договор, таа посочи дека „мирот во Босна е скап, а оние кои се закануваат мора да одговараат“.

Наведувајќи дека повлекувањето на РС од Уставниот суд на БиХ е сериозен показател за ескалацијата на политичката криза и дека Додик најави одржување референдум за статусот на РС, Вагнер го праша Ескобар како САД планираат да го спречат

The post САД со сите сили ќе се обидат да го спречат отцепувањето на Република Српска од БИХ appeared first on Република.

Министерот за надворешни работи на Босна и Херцеговина, Елмедин Конаковиќ, побара од унгарскиот министер за надворешни работи Петер Сијарто да лобира кај политичарите од Република Српска за ставање крај на политичката криза во Босна и Херцеговина.

Разбирањето на сите политичари во Босна и Херцеговина е многу важно и го замолив Сијарто да ги искористи добрите врски со политичарите во РС и да лобира да се вратиме на позициите кои значат политичка стабилност и од кои можеме да создадеме некои нови економски можности, изјави Конаковиќ по средбата со Сијарто во Унгарија.

Како што пренесе Бета, Конаковиќ побарал од унгарскиот министер за надворешни работи „да им објасни на политичарите во РС какви придобивки носи приказната за ЕУ“.

The post Босанскиот шеф на дипломатијата бара од Унгарија да ургира кај Република Српска за решавање на кризата во БиХ appeared first on Република.