Идниот премиер, Христијан Мицкоски, ќе го почитува правниот поредок на Република Македонија и нејзиниот Устав. Но, исто така, ќе пружа несебична поддршка на националниот идентитет и гордоста на македонскиот народ. Ова е заклучокот од вчерашното интервју за Сител, во кое Мицкоски рече дека заклетвата ќе ја даде во согласност со уставното име на Република Македонија. За него е особено важно носителите на извршната власт да им служат како пример на граѓаните во почитувањето на Уставот и законите.

Тој додаде дека во секојдневната употреба ќе го користи името „Македонија“, потврдувајќи го својот став за заштита на националниот идентитет.

„Не можеме да бараме од граѓаните да ги почитуваат законите, а ние самите да ги кршиме,“ изјави Мицкоски, нагласувајќи ја важноста на правната држава и примената на законите од страна на сите граѓани, вклучувајќи ги и политичарите.

Мицкоски дополнително објасни дека е исклучително важно граѓаните да не се доведуваат во заблуда за уставното име на државата.

Се знае кое е уставното име, тоа е со придавката, рече Мицкоски.

На новата влада најмалку што и треба е да влезе во конфликт со меѓународната заедница, со ситуација кога власта во заминување остава еден отворен спор со Бугарија и еден полуотворен со Грција. Фокусот на новата влада на ВМРО-ДПМНЕ треба да бидат реформите.

Државата, како и да ја нарекуваме е девастирана речиси во сите области и нема да го имаат комфорот од сто дена. Со работа треба да се почне веднаш, а не да си создаваме проблем за проблем кој друг го создаде.

The post Не можеме да бараме од граѓаните да ги почитуваат законите, а ние самите да ги кршиме: Почитување на правниот поредок приоритет за владата на Мицкоски appeared first on Република.

Македонец кој патува од Берлин за Скопје, ги споделува своите искуства од аеродромот и бара пратениците да го продолжат рокот на важење на пасошите со „Република Македонија“ , како што тоа го сторија и со возачките дозволи.

Моментално сум на аеродромот во Берлин и патувам кон Македонија, за да мобилизирам за веднашното враќање на слободата и мобилноста. По разговор со полицајците на граничната контрола во врска со пасошите со назив „Република Македонија" ми објаснија дека лицата со 'Патен лист' можат само да ја напуштат земјата, додека тие без таков лист можат исто така да ја напуштат Германија но добиваат кривична пријава. Влезот со валиден пасош со натпис 'Република Македонија' не е дозволен. Време е пратениците во Македонија да ја повлечат оваа одлука или да го продолжат рокот, како што беше со возачките дозволи! Доста го малтретирате народот!, пишува за своито искуство на Фејсбук Роберт Кленкоски.

The post Македонец кој патува од Берлин: Како што се продолжија личните карти и возачките може и пасошите? Доста го малтретирате народот! appeared first on Република.